تقرير رحلتي لجنوب افريقيا

[سعود الخليل]

miss sudeer

ماشاءالله عليك .. رحلة موفقة .. وتغطية أكثر من رائعة ..

ننتظر المزيد من المعلومات عن جنوب افريقيا ..

[miss sudeer]

نكمل الجزء الثالث والاخير .. كيب تاون..


حبيت اضيف هالصوره لانها مهمه .. طبعا هذي المنطقه اللي حول الفندق(نسيت اقولكم اسمها وتر فرونتwater front) وهي اهم منطقه في كيب تاون .. لو تلاحظون الجبل اللي ورى .. كبير وصاير مسطح سبحان الله هذا يسمونه
table monten <---- لاتعتمدون على السبلنق حقي تراني االف .. المهم انه جبــــل الطاولـــــــه
ونروح له رحله خاصه للوصول الى قمه (رأس الرجاء الصالح) ..يسمونها كيب بوينت cape point

اول شئ بالسياره تلف فينا على طريق صغير ويخوف على جانب الجبل لين نوصل منطقه نركب فيها تلفريك .. التلفريك يوصلك للقمه .. خلاص وصلنا ........



هنا القمه وفيها اللوحه هذي ان اسهم .. طبعا كلنا نعرف وين راس الرجاء الصالح فيه (دارسينه بالابتدائي) اللوحه هذي للاسف يوم ضغطتها ماوضح الكلام بس ابينها لكم ..
اللي على اليمن (القطب الجنوبي)
اللي على اليسار الاولى باريس
الثالثه مو واضحه
الرابعه برلين (المانيا)
بعدين (جورسليم ) اللي هي القدس
بعدين نيو دلهي

والعمود كله مكتب عليه تواقيع وذكريات الناس

منظر من تحتنا




البطاريق مليانه بالمنطه لكن بينا اسوار.. وهي بطاريق تختلف عن البطاريق اللي تعيش بالقطب المتجمد ..

رجعنا من الرحله .. رحنا متحف الاسماك وهو بنفس منطقتنا water front





اخيرا احلى تجربه بحياتي .. واسوا تجربه عند بعض الناس

الهلكوبتر .......


هذا الهلكوبتر .. بعض الناس من شافوه وهم يقولون ذبانه ذي مهيب هيلكوبتر ..
وهو فعلا صغير وخفيف .. والا زاد الطين بله اللي تسوقه بنت شقراء .. ورجالنا مايثقون في سواقه الحريم فما بالكم هيلكبتر .. خخخخخخخ


اذا ركبت يلبسونك سماعات لانك ماراح تقدر تكلم الي معك الا بها لانه ازعاج مررررررررررررره
بس بعض الناس من الخوف
وهذا المنظر من تحتنا ..


في منطقه الوتر فرونت فيه عروض كثيره للهلكوبتر .. مثل هذا الشخصي وفيه نوع كبير تركب مع ناس وفيه حربى الي بدون ابواب

ايضا في رحلات بحريه لرؤية الحيتان عن قرب ورحله مشاهده الغروب ورحله الدلافين ..

وسلامتكم ..

شكرا لمتابعتكم ..

[miss sudeer]

نسيت اضيف..

واحنا راجعين كل المطار واللي معنا بالطياره

حجااااااااااااج وهم من الاسيويين وليس الافارقه ..
وملامحهم هنديه ..

وكلنا نعرف الشيخ احمد ديدات الله يرحمه وهو هندي جنوب افريقي ..

ياحليلهم كانوا كلهم لابسين ثياب (يحسبونه لازم) اللي صغير عليه الثوب واللي لابس جلابيه والا ثوب اماراتي ..

على فكره الحجاب والنقاب هناك عادي شفت من اهل البلد متنقبه .. (هنديه) والمطاعم كثير يكتبون على لوحتهم (حلال) ولافيه مناظر خليعه في الشوارع واللوحات .
قريبه جدا من ماليزيا ..

واي اسئله انا حاضره..

[طالب علم]

ماشاء الله تبارك الله

روعه التقرير

الحمدلله على السلامة

متابعين ....... بانتظار الجزء الثالث

اشكرك اختي


سلام

[فهد المنيع]

الله يعطيك العافيه على الاضافات .... جداً رائعة ..


شكلك ماشفتي ردودنا ..

نبي فكره عن الاسعار .. كل شي

طيران - فنادق - مطاعم - منتزهات ومراكز ...

هل البلد غالي مثل اوروبا والا مقارب لاسعار دول الخليج ؟


وشكراً مره ثانيه على التقرير الجميل ..

[miss sudeer]

اخوي شيخ شمر .. شكرا عالتثبيت ..وحياك الله

غالي الاثمان .. فعلا كيب تاون اهم مدينه ويبيلها اسبوع..!

حياك الله ام فيصل نورتي الموضوع.

اخوي يزيد شكرا لك الاسعار .. اوروبا .. يمكن اكثر!

مثل النخيل خلقت .. شكرا لمرورك ..

اخوي السبعين .. كباب الفواكه فوكه منوعه مقطعه صغيره ومغروسه باسياخ وتقدم مع عسل وقشطه وشوكولاته سايحه

حمد .. حياك الله .. فعلا مع التذاكر درجه اولى واحسن الفنادق 45 الف لشخصين ..

اخوي x -ray انا ذكرت ان الصور الاولى مش تصويري ولكن من موقع ..

اخوي مسافر شكرا لك..

اخوي حالم ليل .. فعلا ماتحمست بالبدايه اروح لها لكن كانت انسب دوله لفصل الشتاء .. لان اوروبا بارده وماليزيا شايفينها .. بس يوم بحثت عنها وخصوصا بمنتدى العرب المسافرون اعجبتني كثير .. واستراليا تشبها كثير لكن رحلتها 14 ساعه والتنقل بين مدنها كله بالطياره!
الفنادق عموما غاليه باسعار اوروبا .. لكن حسب موقعها وخدمتها وكذا
المواصلات غاليه .. المطاعم ايضا لكن حسب المطعم .. يعني يفرق مطاعم الفنادق عن الفاست فود وهكذا..


البنت الدلوعه.. وانتي ماعندك اسئله؟ حياك الله


لهفه الخاطر .. شكرا لمرورك..

الساعد حياك الله اخوي

الحازم .. شكرا لك ولمرورك..

راعي الاوله حياك الله اسعدني مرورك ..

[miss sudeer]

اخوي حمد .. بصراحه مااعرف بكم التذاكر ..
ونعم تحتاج فيزا.. وتطول بعد ماطلعت !

بس السعر اللي انا ذكرته كان بدرجه اولى واحسن الفنادق مع التنقل والمطاعم والتمشي.. باختصار كان شهر عسل يعني لازم الواحد يدلع شوي ..
لكن كان بالامكان ايجاد فنادق مناسبه باسعار افضل ..


اخوي طالب علم حياك الله


حالم ليل اسعار اوربا ويمكن ازود

[طالب علم]

اوه

اسف ما انتبهت للجزء الثالث

باين انه روعه مثل الجزئين الي قبله

جزاك الله خيرا


سلام

[عبدالعزيز]

الله يعطيك العافية مرة اخرى

تغطية رائعة

[شعيب سدير]

اختي الكريمة .. miss sudeer

مااا شاااء الله تقرير اكثر من رااائع .. وجديد صراااحة ..

يعطيك العافية .. اختي الكريمة ..

تحياااتي لك ..

[miss sudeer]

طالب علم

شيخ شمر

شعيب سدير

مشكورين وحياكم الله

[miss sudeer]

الخطر في جوهانسبرق فقط .. وعموما هي مهيب سياحيه يعني بس الوصول والمغادره منها..

فيه خطر ثاني انا ماتكلمت عنها .. وهي الايدز اللي منتشر جدا.. لكن طبعا طريقه انتقاله معروفه.. ولا ينتقل بالطعام او الهواء او اللمس ابداااااا..بس مثلا تجنبنا المساج والبديكور والمنكير احتياطا ..

التنقلات بس من جوهانسبرق الى كيب تاون عن طريق طيران داخلي وعندهم شركات كثير ومنها اشياء مو غاليه ..

لا لا ماعندهم شواطئ ولا جزر .. انا ماشفت ولا بحثت .. يمكن فيه بس مو سياحي..
بس كيب تاون عباره عن ميناء تجارى وسياحي..

الروحه ثانيه ما اعتقد الا اذا كملت اوروبا كلها او اذا جاني اطفال ممكن اروح لها لان فيه مسابح وملاهي اطفال رائعه..

بينها وبين اوروبا شبه كثير لكن حلاتها جامعه لك اوربا ووجيههم الشهب مع افريقيا وثقافتها وطبيعتها وحيواناتها ..

واي اسئله انااااااااا حاضره!

[فهد المنيع]

شكراً اختي


الحين اتضحت الصورة عن هالبلد ..

تحياتي

[مشــاعر]

[align=center]
.
.
الحمد لله على السلامه ميس سدير,,

والله مررره خطيره ,, وأحسها وناااسه ,,

طيب ,, كيف جوها؟؟ حلو؟؟

وبعدين تصلح تقضية شهر عسل؟؟


.
.
.

[/align]

[سهم 20]

ماشاء الله تبارك الله