صورة لسد السبعين التاريخي بطريقة(HDR)

[مثل النخيل خلقت]

الله يعطيك العافية اخوي ذيب سدير ..


صورة رااائعة ..

[ذيب سدير]

شكرااا لكم جميعااا على المشاركه والله يعطيكم الف الف عافيه ...

[محسحس]

وش عندك مدهر على السبعين


بعدين وش تقنية الدي اس ال الي تقول عليها


سلام

[ذيب سدير]

محسحس ..
هلابك ..
اي تقنيه؟؟؟... انا خابر هذي الدي اس ال..هذي شبكة الاتصال السريعه ...
ولا تقصد .HDR...؟؟
الهدر ..هذي تقنية دمج اكثر من تعريض في صوره واحده ...

اما بالنسبه للسبعين ..
ويقول المثل (الي مايعرف السبعين يقول عرصه )..
والسبعين هي معلم من معالم روضة سدير ..ولابد من ابرازهااا ..
وشكرااا

[محسحس]

شكلك صامل علي

عاد انا متمقل في الصوره اكثر من مره بس ما حسيت فيه شي غريب


يعني وش الي صار عقب هالتقنيه ذي


وتسلم يبه

[ذيب سدير]

محسحس ..
الصوره الطبيعيه ... ما تجي بطريقه هذي لابد يتغير الغيم او الارض تختلف معالمهاا .. لان التصوير الفوتوغرافي يعتمد على التعريض المعطى للكميره سواء زائد او ناقص ..فاذا صار زائد ظهرت الارض واضحه والسماء اصبحت بيضاء ..واذا نقصنا التعريض صار الغيم واضح والارض مظلمه ... وهذه التقنيه تساعد على دمج اكثر من تعريض يعني تعطيك السماء بتعريض ناقص والارض بتعريض زائد..وكذاا تكون الصوره موزونه الاضائه .. ....
وان شاءالله انزل لك الصوره الاصليه ..
وشكراا على مرورك ..

[سليل المجد]

مشكووووووووووووووووووووووووووووووووووووووووووووووو ووووووووووور

[ذيب سدير]

سليل المجد ..
هلابك ..
وشكراا على مرورك والله يعطيك العافيه ..

[سلطان العضيدان]

تصدق يا محمد اني كل ما دخلت الموضوع ما تفتح معي الصورة ..

وانا واثق ان الصورة جميلة .. لانك ما تقدم الا ما هو جميل ورااائع ..

ولي عودة ان شاء الله بعد ما تظهر عندي الصورة ..

ولاهنت

[ذيب سدير]

راعي الغاط ...
غريبه والله الصوره ماتفتح عندك ..
يمكن السيفر مضغوط..
الله يحييك