¨° مِحبرةُ كتاباتك °¨ خاص بنتاج الأعضاء من خواطر وقصص ومقالات |
|
أدوات الموضوع | انواع عرض الموضوع |
09-07-2011, 10:25 PM | #16 | |||||||||
مشرف سابق
|
رد: فضفض بالعامي
جدتي الله يرحمها وأموات المسلمين
عاااد قولوا آمييين تحب السويليفات والحكييات وسعة الصدر دايم أبتسامتها على وجهها وأنا صغيّر أكثر ما ألاحظه في حكيّاتها التصغيير وكانت كلماتها لآصقتن في مخّي الرز تسميه رزيزة .. والما .. أموييهه واللحمه .. لحيمه والقدر ..قدير والقطعة الصغيرة من أي شيء تسميه .. قنيمه والى اجتمعنا على القهوة تقول تبي وانا أميمتك فنيجيل قهيوة. خذ من ها التميرة خلها تحلّي رييقك واذا خلصنا القهوة تقول لخالتي الله يطوّل بعمرها لقطي وانا أمك هاالعبيسات وكبيهم في الحويّط اللي جمبنا علشان دور ها السنة نشوفهن انخيلات وش أحليلهن. واذا شافت على أحد من الصغارأو الكبارقل صح تقول : سلامتك ياقليبي جعل اعييناتي ماتبكيك رحمها الله وأسكنها فسيح جنّاته وأموات المسلمين |
|||||||||
09-07-2011, 10:41 PM | #17 | |||||||||
قلم مميز
|
رد: فضفض بالعامي
الله يرحم و الديّ و الديك و جديدتك وجميع المسلمين |
|||||||||
13-07-2011, 10:59 PM | #18 | |||||||||
عضو متميز
|
رد: فضفض بالعامي
ياهلا ومسهلا فيكم الله يحيكم زارتنا البركه ... أمي ترحب بكم هنا |
|||||||||
14-07-2011, 07:46 PM | #19 | |||||||||
قلم مميز
|
رد: فضفض بالعامي
سالفة فيها من الكلمات العامية اللذيذة و الوصف للقديم كما كان , الشئ الكثير , حفظ الله والدتك و متعها بالصحة و السلامة و تعطينا أكثر من هالسوالف , و حنا بنتظار سعة الصدر من والدتكم الكريمة , سلمها الله . |
|||||||||
15-07-2011, 10:53 AM | #20 | |||||||||
عضو متميز
|
رد: فضفض بالعامي
بعض الأحيان يستبد بي الحنين لحارتنا يومني صغيره واللي قضيت فيها أيام عمري بحلوها ومرها ..! |
|||||||||
15-07-2011, 10:59 AM | #21 | |||||||||
قلم مميز
|
رد: فضفض بالعامي
أوه , بيتنا مابعناه , و لا نفرط فيه , و نرمم فيه دايم , و مسكنين فيه ناس بس يحافظون عليه من الهجران , أيام لايمكن الواحد يفرّط فيها , ذكرتيني بأحلى أيام العمر , عطاك ربي ,أنتي من يقرا و من ماقرا , , الصحة و السلامة . |
|||||||||
15-07-2011, 11:11 AM | #22 | |||||||||
مشرفة سابقة
|
رد: فضفض بالعامي
ابقولكم السالفه اللي هكاليوم واعدتكم به مدري تجوز لكم والالا....... السالفه طبعا يوم كنت بالابتدائي كان العصر وكنت رايحه لتحفيظ القران... وكانت معنا مصريه بالتحفيظ <<<< طبعا مكان المركز اللي حنا به هو نفس مدرستي اللي ادرس به الصبح ونفس الفصل بعد عاد انا وش ملحي محافظه على طاولتي << نظيفهه ومابه شخابيط <<و الله صدز ولاجا العصر سنترت عنده ماابي احد يااخذه ....... واكاليوم جيت وجلست << ومدري وش اللي سلط علي هكالمصريه اللي ابحلتن > هع المهم وبدت تعيط <<<<<<<<<<<< الطرابيزه بتعتي << اي ياما الطربيزه الطربيزه بتعتي بتعتي<< تقصد الطاوله.. >>> لاحول ولاقوة الابالله والله كنت هاديه انا وماافك عشاي من البس وانا قصيره عنده>> من جبارته ماشاء الله المهم ام دميعه اللي هي انا مامسكت نفسي وصياح والظاهر معطت لي قروني وقناصيعي الى جت معلمتنا حقت التحفيظ وفكت بينناااا خخ حلوه ذي >> ودخلت مديره المركز بالسالفه وصادفت جيت امي جايه بتطلعن بنروح لخوالي >>> وتفشلت عند امي وابوي <<< وابوي يقول وراك ياابوي وش سويتي وراهم << ......... الخ لاني كنت هاديه مره مستغربين المهم حطو ادارة المركز كل الغلط علي وياشين اللي ماياخذ حقه .......... ابد اللي ماياخذ حقه يلهم له تراااااب ..................
|
|||||||||
18-07-2011, 12:37 PM | #23 | |||||||||
قلم مميز
|
في سواليف العصر
زمان يازمان في سواليف العصر قبل المغرب , |
|||||||||
18-07-2011, 12:58 PM | #24 | ||||||||||||||
مشرفة سابقة
|
رد: فضفض بالعامي
مسكينه والله على نيآأإتهآأإ ضعيفة الله أذكـر أن خآلآتي قآلولنآ قصص عن ألأولين يوم كآأنَ في سدير بقـول أمي تقولي وأنقله لكم ^^ |
||||||||||||||
18-07-2011, 01:00 PM | #25 | ||||||||||||||
قلم مميز
|
رد: فضفض بالعامي
نحتري سواليف الاميمه و لا ننطق حياك الله على كل حال و شرفتينا اختنا الطيبه |
||||||||||||||
18-07-2011, 01:24 PM | #26 | ||||||||||||||
مشرفة سابقة
|
رد: فضفض بالعامي
حياكم الله
لسنا كاملين نُداري عيوبنا ليس استكبارًا و لكن خجلاً و نَرجو من الله أن يسترنا و ينر دربنا بالإيمان. قصتك جميلة جدًا . |
||||||||||||||
18-07-2011, 02:36 PM | #27 | |||||||||
مشرف سابق
|
رد: فضفض بالعامي
عدت لكم
بالجزء الثاني من حكيّات جديدتي الراوي أميمتي جعلهم في جنات النعيم واموات المسلمين ومن المشتركين في الروايه محاكيكم بسم الله نبدأ في بداية الإجازات الصيفية كنا نغادر والعائلة الرياض الى الحبيبة سدير ماعدا الوالد رحمه الله تعالي كان يومان ثم يعوّد للرياض لانشغاله وكنت ساعتها طفلا مشاكسا [ ماهوب دايم] في صباح يوم ربيعي استيقظت على صوت الغنيمات بالحوش وكنا نايمين بالطاية[ السطح] لقيت الجد والجدة والوالدة والخالة يتقهوون قهوت الصباح جيت عند الوالدة وحبيت راسها وقرّبت من أذنها علشان ابدي لها رغبتي في الفطور بعد ما صبّحت على الجميع تدرون وش قلت لها مشتهي صبيبات على ها الصبح ردت علي أها بس اعقل ماهنا صبيبات اليوم رحت لخالتي وقبل ما أكلمها وانا خلتك الصبيبات يبيلها تجهيز ان شاء الله باكر بعد هذا الرد بدأت الدموع تسقط وعلا الصياح مني [يحق لي مدلّع] وكان الرد من جديدتي وراكم عليه .. وش فيكم ضيقتوا صدر الضعيف مامهنتكم الا الهواش والطق ردت أمي الله يرحمهم جميع والله انه ياميمتي مالمس ولا طقّه أحد بس تعرفين الدلع يبي صبيبات قلنا له باكر ردت جديدتي :بس صبيبات غالي والطلب رخيص ردت خالتي : بس يبيلها تجهيز ان شاء الله باكر. ردت جديدتي : وراه باكر إلا اليوم وشوله اليوم إلا هالحين. تبين وليدي يجيه ضيقة صدر؟ صدز مانتوب كفو للعيلان. تعال ياوليدي أخذتني واحضنتني وقبلتني وبيديها مسحت الدموع من عيني وهي تبكي ابشر وأنا أمك بالصبيبات اللي مرقولة على طماط وبصل ومسكت يدي واتجهت بي للمطبخ البسيط وقامت بإعداد الوجبة والعرق يتصبب منها يوم خلّصت قدمت لي الوجبة في صحن غضار أحمر وهي تقول خذ وأنا أمك هالصحين وكل بالعافية الين تشبع وان اشتهيت شي .. علمني وانا أصلحه لك كم عندي من محمد؟ 8 8 وانتهت القصة طبعا تفاصيلها من الوالدة الله يرحمها وأموات المسلمين لاني لا أتذكر منها الا القليل أرجوا أن لا أكون قد أطلت عليكم ولكنها ذكريات حلوه في القلب أحببت أن تشاركوني فيها أخوكم نور الأصايل |
|||||||||
18-07-2011, 02:44 PM | #28 | |||||||||
قلم مميز
|
رد: فضفض بالعامي
ياويلي منك انت و هالسواليف اللي تقطع القلب يامحمد , شئ و لا في الخيال الحين , الله يرحم والدي و الديك و جميع المسلمين |
|||||||||
19-07-2011, 10:34 AM | #29 | |||||||||
عضو متميز
|
رد: فضفض بالعامي
تعجبني أحيانا أساليب الأطفال يوم يعبرون عن حبهم للشخص |
|||||||||
19-07-2011, 11:00 AM | #30 | |||||||||
قلم مميز
|
رد: فضفض بالعامي
اللعب مع الأطفال و الإنسجام معهم ينسيك واقعك الموجع و يخليك تحس إن الدعوى بسيطه , تشوف همه انه يستمر باللعب و لا يبيك توقف و تنحرج من أنك مليت و هو مامل , تجيبك أفكارك و تنكد عليك , ليش ؟ لأننا كبار و فاهمين الحياة صح ! |
|||||||||
مواقع النشر (المفضلة) |
|
|