¨° بيت الشوارد °¨ خاص بكل ما هو منقول شعراً كان أو نثراً .. |
|
أدوات الموضوع | انواع عرض الموضوع |
|
05-01-2013, 01:47 PM | #1 | |||||||||
المشرف العام
|
رد: من روااائع قصائد الأمير بدر بن عبد المحسن
يـــسـعد صبـاحــــــــــك
يسعد صباحك .. ليلنا تو ماجا الشمس غابت واشرقت عندكم شمس هى شمسنا اللي في جبينك تلاجا والا قمرنا اللي فقدناه من امس ليل السما برد وسحاب وعجاجا يامن يشب النور في الخاطر العمس انتى وانا لو كان منا نتناجــا لاماطفت في خاطري شمعه الهمس ياللى جرحتك مالجرحي علاجا ادري الجروح النازفه تكره .. اللمس بقول احبك وان عقدتى الحجاجا لا قولها ثنتين واربع مع خمس ويسعد صباحك يابعد كل ماجا |
|||||||||
05-01-2013, 01:53 PM | #2 | |||||||||
المشرف العام
|
رد: من روااائع قصائد الأمير بدر بن عبد المحسن
وباقي فرح
اللحظه اللّي مقبله بدري على اللحظه اللّي مقبلة بالهون يا مستعجلة باقي فرح لو ما تسرعتي على شمس المغيب وقفت ثواني ما اغربت وساعة وداعك ما اقربت لو ما اختصرتي من السما شبر إنتظار طال النهار ابسألك حنا نعيش اللحظه والا نعدها نركض على سطور الزمن ونقرا من كتاب الزمن صفحه عشان الصفحة اللي بعدها أجمل من نجوم السما إني أنا وانتي انتساءل يا ترى يا ترى وش بعدها |
|||||||||
05-01-2013, 03:07 PM | #3 | |||||||||
المشرف العام
|
رد: من روااائع قصائد الأمير بدر بن عبد المحسن
الله اقوى
الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـن العمَا |
|||||||||
05-01-2013, 09:10 PM | #4 | |||||||||
المشرف العام
|
رد: من روااائع قصائد الأمير بدر بن عبد المحسن
لو تغيبي
لو تغيبـي ولو رحـل وجهك حبيبـي في غيابـي عنك أشوفك .. وفي عذابـي منك أشوفك صـدقينـي مـا نـقـص هالليـل بعدك إلا قمـرا وما فـقـدت من النهـار إلا شعاع الشمس بكـرا واجمل الناس حبيبـي لو تغيبـي لو رحـل وجهك حبيبـي تصغر الدنيا وتضيـق كلّ مافي الدنيا أعرفه إلا بيتـي والطريق أنا أحبك ذا نصيبـي إبعدي عني وغيبـي صـدقينـي مـانـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا لك ليـالي ما سألتـي ولي ليـالي ما سـألت ولو دريت إنك زعلتـي كان أفرح مـازعـلت بس داري مافي قلبـك إلا قلبـك واختياري إني أحبـك والا أحبـك ومن عذاب الحب يكفـي لو تجرّح قلب واحد وإنتي يا حبـي وضعفـي لا يهمك كله واحد لجل تتغير فصول ويبكي الغيـم في عيونـي وتزهر جبال وسهول اضحكي بيـّا وبدونـي وصدقينـي مـا نـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا |
|||||||||
05-01-2013, 09:19 PM | #5 | |||||||||
المشرف العام
|
رد: من روااائع قصائد الأمير بدر بن عبد المحسن
جرحي بخير
ومرت سنه .. على فراقك على صوتك .. واشواقك غريب كيف االزمن يرحل واحلام العمر .. تذبل سنه مرت .. وانا أول حبيبٍ يوقد الشمعه لجرحه في يوم ميلاده هلا .. بالحب .. واعياده وكل عامٍ .. وجرحي بخير مشيت دروبنا خطاوي قلوبنا ومريت الوعد وعدنا العام ماكان الوعد .. ولا الأيام .. هي الايام وما ادري ليه هالشارع .. نسوه الناس ومتى هالمقعد الخالي .. يجوه الناس حبيبي .. ليه فـ غيابك .. يغيبوا الناس نساني العمر.. لو انساه نساني الفرح .. لو انساه احبه .. ما ظهر نجم .. ونبت عشب .. وسرى براق أحبه .. لا زمن يشقي جروحي .. لا جفا .. وفراق أنا هذا الهوى كله .. وقلبي آخر العشاق |
|||||||||
06-01-2013, 05:17 PM | #6 | |||||||||
المشرف العام
|
رد: من روااائع قصائد الأمير بدر بن عبد المحسن
تخيــــــل!!! |
|||||||||
08-01-2013, 09:04 PM | #7 | |||||||||
المشرف العام
|
رد: من روااائع قصائد الأمير بدر بن عبد المحسن
ضيعت الدليل
كـل مااقــفـــــيـت نــــــادني تعـــــــــــــال وكل مااقــبـــــلت عــــــــزم بالـرحـــــــيل وكل مااجــــنـبت واعــــــدني شـمــــــــال يااهــــل الحــــــب ضـــيعـت الـــــــــدلـيل الحــــقـيقة غـــــــــدت مـــثـل الخـــــــيال هـو عـــــــدوي وهـــــو اغــــلى خــــــليل شفـــت انا الظـــــلم من بعـــض الـــــدلال يجـــــــرح القــــــلب لو كـانه جـــــــــميل اشهـــــــد ان الهــــــــوى مـابـه عــــــدال هـــــو خـــــلى وانـا قــــــلـبي عـــــــــليل وكل ماقـــــلـت له يـابــــــــن الحــــــــلال المحــــــــبة عـــــــــطا وانـت بخـــــــــيل الـتـفـت لـي وهــــــو عـجـــــــل وقــــــال لـــــــــذة الحــــــــب في الشىً القـــــــليل |
|||||||||
14-01-2013, 02:45 PM | #8 | |||||||||
المشرف العام
|
رد: من روااائع قصائد الأمير بدر بن عبد المحسن
القاع..والمسافة
أنا احبك ..مابها زيف وخداع رغم الذي نخفيه ..واللي نخافه اودعك..لو الألم لحظه وداع الى مضت..ننسي الألم والحسافه وافارقك..لو السفر ..يم وشراع وبعد الفراق .. اللي نوده نعافه لاصار مافي البعد راحه لملتاع با الله وش نفع العتب والكلافه من الجفا والصد .. يكفيني اذراع لاجف نهر الحب ماتت اضفافه أملي يدك رمل وترى هاذي القاع ومدي النظر .. تدرين وش هي المسافة |
|||||||||
27-01-2013, 02:33 PM | #9 | |||||||||
المشرف العام
|
رد: من روااائع قصائد الأمير بدر بن عبد المحسن
العمر أحبك
لليل أحبك مابقى في السما نور والى ضواني الليل للصبح أحبك واللحظة اللي كلها صد وغرور اشوف قبري بين عينك وقلبك في صدري اسراجٍ حزين ومكسور رغم المطر والريح شلته افدربك والله مابه غير لوعاتي قصور وخوفي عليك الله ربي وربك إلى متى ببني على صمتك جسور لاحيرتني اسباب سلمك وحربك العمر احبك مابقي فينى شعور ومتى جفاني العمر وشلون أحبك |
|||||||||
27-01-2013, 03:33 PM | #10 | |||||||||
إداري سابق
|
رد: من روااائع قصائد الأمير بدر بن عبد المحسن
رائع ما اراه هنا |
|||||||||
27-01-2013, 08:30 PM | #11 | |||||||||
المشرف العام
|
رد: من روااائع قصائد الأمير بدر بن عبد المحسن
تشريفا وترحيبا هي تراتيل اقدمها لكِ يالغلآ |
|||||||||
27-01-2013, 08:35 PM | #12 | |||||||||
المشرف العام
|
رد: من روااائع قصائد الأمير بدر بن عبد المحسن
يسعد صباحك
يسعد صباحك ليلنا تو ماجا الشمس غابت واشرقت عندكم شمس هى شمسنا اللي في جبينك تلاجا والا قمرنا اللي فقدناه من امس لليل السما برد وسحاب وعجاجا يامن يشب النور في الخاطر العمس انتى وانا لو كنا نتناجــا لاماطفت في خاطري شمعه الهمس يالى جرحتك مالجرحي علاجا ادري الجروح النازفه تكره اللمس بقول احبك وان عقدتى الحجاجا اقولها ثنتين واربع مع خمس ويسعد صباحك يابعد كل ماجا ماراح من عمري وانا في رجا الشمس |
|||||||||
29-01-2013, 08:31 PM | #13 | |||||||||
المشرف العام
|
رد: من روااائع قصائد الأمير بدر بن عبد المحسن
تناظرين بعيد
تعبت اناظر فوق واتعلق بشوفي تحتي الثرى مشقوق وهمك على كتوفي ولاتناظرين بعيد وبلادي في عيونك توي قطعت البيد لرضاك وبدونك ماعاد فيني اعروق ودمي على سيوفي لاتمطريني ورد مشقوقه كفوفي مثل الثرى والقلب قمح ونخل محروق وجدراني حروفي تعبت اناظر فوق تحتي الثرى مشقوق قمح ونخل محروق ماعاد فيني عروق ماتنزلي لخوفي |
|||||||||
29-01-2013, 08:34 PM | #14 | |||||||||
المشرف العام
|
رد: من روااائع قصائد الأمير بدر بن عبد المحسن
وسيم الناس
قال مجروح ... جاوبته نعم قال ماشوف بك ... اثار ...دم قلت وان كان في ذاتي النزيف قال ما به نزيف ... من عدم قلت وان خان بي اغلا حبيب قال وهم ... بنيته وانهدم قلت ماعذبك يوم الفراق قال درب وتمشيه القدم قلت ما به سوى جلدك شعور قال غيره فلا احس ... بالم ياوسيم الناس لو قلبك وسيم واكرم الناس في غير الكرم عندك الظلم عدل ٍ في الهوى واعدل العاشقين ... اللي ظلم انت لو كان في حبك حياة كان خلى حياتك له طعم اتعس الخلق من يرجي ... هواك ما اضيع النبض في ... قلب الصنم |
|||||||||
29-01-2013, 08:43 PM | #15 | |||||||||
عضو متميز
|
رد: من روااائع قصائد الأمير بدر بن عبد المحسن
ليس بالغريب منك هذا الإبداع يامشرفتنا
فقيدت امها فما تقدميه دائماً مميز ومثير للإهتمام كل شكري مع باقات وردي أقدمها لهذا المتصفح الرائع ولك تحياتي وفالك طيييييييييب |
|||||||||
مواقع النشر (المفضلة) |
|
|