للبيع >> أرض في التويم بسدير

[المغترب]

السلام عليكم
ومبارك عليكم الشهر جميعا

ابو سلافه اشوف ما احد زاد على سومتي!!!

وانا صامل
26000 ريال
+ 500 ريال عشاء للي يحضرون البيعة

ارجو الرد
وشكرا للجميع

[أبو سلافة]

المشاركة الأصلية كتبت بواسطة المغترب   السلام عليكم ومبارك عليكم الشهر جميعا ابو سلافه اشوف ما احد زاد على سومتي!!! وانا صامل 26000 ريال + 500 ريال عشاء للي يحضرون البيعة ارجو الرد وشكرا للجميع

عليكم السلام ورحمة الله وبركاته

بيض الله وجهك يالمغترب وجعل أيامك كلها مباركة

سومة طيبة من وجه أطيب

لكن المعذرة يالغالي أبي فيها الـ 35 ألف وقابله للتفاوض

إذا لك خاطر عطني خبر عشان ما أتعنى وأسوي لوحه أحطها فيها

ارسل رقم جوالك وأتصل فيك

وإذا مالك خاطر الله يرزقك أخير منها بألف مرة

بالتوفيق لك

[المعنّى]

السلام عليكم ورحمة الله وبركاته

اخواني مسيكم الله بالخير جميعا وارجوا عدم الانزعاج ممن الحقائق

......
ثانيا اخي ابو سلافه اذا تبي مكاتب العقار في التويم فترا ما فيه الا لوحات وهمية اما الصدق فلن تلاقي شي

ثالثا اقول للجميع فعلا كما ذكر ان اراضي التويم حدها 18000 الف ريال ان ارتفعت وانا هنا لا ابخس الرجل ولست اكسر ارضه ولكنها الحقيقة فأراضي التويم الجديد تفتقر الى اشياء كثيرة منها

1- الخدمات غير موجودة والى ان تتوفر يبي لها سنين اذا كان المخطط الي تحت له اكثر من 18سنه ينقصه الإنارة الكاملة
يعني لا يوجد بالمخطط الجديد لا كهرب ولا ماء ولا تلفون ولا زفلتت شوارع ومتى بتجي الله اعلم

2- جميع اراضي المخطط الجديد فوق جبل يعني ارضها جبليه واغلب الاراضي اما شاطفة تله او في اسفل مجرى سيل يعني مهيب متواسيه

3- والاهم اخي الكريم الي سام ب_26000 الف لو صارت ارضك فيه اثر ميلان فصدقني راح يكسرها لك كسرة طيبة ولن تتعدى في بيعتها الـ12000 الف ريال حسب موقع الارض

4- الي يقول ان الاراضي تسوى عشان المدينة الصناعية اقول له استريح المدينة الصناعية يبي لها سنين عشان تشتغل

5- نصيحة مني لك ب26000 الف ريال نصب الرجال بسومته وجعلها في راس ظلع


الله يرزق الجميع ولكن لا ضرر ولا ضرار وحسبي الله في كل من تسبب في غلاء الاراضي الغلا الفاحش الغير مستحق

[أبو سلافة]

أخوي المعنّى

أولاً أشكرك على مداخلتك المحترمة واللي تدل على انك رجل محترم

بيض الله وجهك يوم تبيض وجوه وتسود وجوه

قل آمين

واحب اقولك الأرض وقفت عليها وشفتها واعرفها زين

أرض ماشاء الله مستويه وعلى شارع 28

الله يجعلها أرض مباركة ويبارك لي فيها ويكفينا شر من في نفسه شر

ومن كل قلبي أقول الله يرزق أخونا المغترب أخير منها بألف مرة

[المعنّى]

الله يجزاك كل خير

ويوفقك بما يحبه ويرضاه

[شواي جرادة]

تبيع ب 9000

[كلي وفى]

بـ 27 الف تبيع

[المغترب]

الله يرزقكم من واسع فضله يارب

[أبو سلافة]

المشاركة الأصلية كتبت بواسطة حمد   لجميع الأخوه المشاركين في الموضوع الرجاء عدم الخروج عن الموضوع السالفه عرض و طلب والأخ حد الأرض اللي له رغبة في الشراء .. يرد واللي ماله رغبه فـ يتكرم بعدم الخروج عن الموضوع وشكرا للجميع

شكراً لتدخلك أخوي حمد

وأعتذر مجدداً لكل من أخطأت في حقه من الإدارة إلى آخر عضو سجل في المنتدى

[أبو سلافة]

المشاركة الأصلية كتبت بواسطة كلي وفى   بـ 27 الف تبيع

سومة طيبة من وجه أطيب

وراك شوي أخوي

[أبو سلافة]

المشاركة الأصلية كتبت بواسطة المغترب   الله يرزقكم من واسع فضله يارب

وياك يارب


اللهم آمين

[على نياته]

السلام عليكم

الله يرزقك ويوفقك
ما تبايع بغنم اوسيارة

بالتوفيق

[أبو سلافة]

المشاركة الأصلية كتبت بواسطة على نياته   السلام عليكم الله يرزقك ويوفقك ما تبايع بغنم اوسيارة بالتوفيق

للأسف لا يالغالي

بالتوفيق لحضرتك

[لهيب الجليد]

الله يوفقك اخوي ويرزقك البيعة الطيبة اللي تسركّ ~

[أبو سلافة]

المشاركة الأصلية كتبت بواسطة لهيب الجليد   الله يوفقك اخوي ويرزقك البيعة الطيبة اللي تسركّ ~

آمين يارب

اسأل الله لك رزقاً حلال مبارك فيه

وتسلم يالغالي