في نظرك..موظفة أم ربة بيت

[بنت عشيرة]

أخي لواء العز...
أول شيء أحب أهنيك على حرصك واهتمامك في التفكير بحياتك المستقبلية...


وعجبتني هالنقطة كثييير
.
.

المشاركة الأصلية كتبت بواسطة   وإذا تبي تتعرف على بنات وناس جدد .. أسجلها في أقرب نادي أو ملتقى نسائي .

وإن دلت فهي تدل على سعة إدراكك ورقي تفكيرك..
لأن في مجتمعنا الحالي الكثير يرررفض وبشددة التحاق بناتهن وزوجاتهن إلى النوادي الرياضية!

المشاركة الأصلية كتبت بواسطة   فكرة أن وراي حرمة في البيت تنتظرني بعد عملي وتريحني أنا وأولادي .. بالتخفيف علينا بسواليفها وضحكتها .. (مو مثل الموظفة تجي زهقانة ومالها خلق تتكلم ولا تاكل ولا حتى تبتسم و الغداء يامطعم ولا تسوية الشغالة وأحياناً ما تتغداء معك - أيش القرف هذا . أنا متزوجها علشان عملها ولا علشان تسعدني وتربي عيالي على الصلاح وتساعدني في قراراتي لمستقبل العائلة)

اممم
وجهة نظر..
لكن لما نتكلم عن غياب الزوج في العمل إلى ساعة متأخرة من العصر أو إلى المغرب..والمرأة ينتهي دوامها الساعة2الظهر..يمديها تريّح وتطبخ الغداء وتستقبل زوجها أحلى استقبال

أخوي لواء العز..
أنرت الموضوع بمداخلتك اللطيفة
شاكرة لك

[بنت عشيرة]

المشاركة الأصلية كتبت بواسطة حلاوة فوشية   غالتي بنت عشيره من جد موضوع رائع يعطيك االعافيه عليه .. بالنسبه لي انا اشوف ان الوظيفه حلوه للمراءه لأن مثل ما قلتي يكون فيه شي يشغلها وتستفيد منه طبعاً ويكون لها مجتمع اخر وطبعاً على حسب تفرغ الزوجه وطبيعة عمل زوجها وساعات عمله برا البيت .. لكن بالنسبه لي انا اشوف اني افضل ان اكون ربة منزل واتفرغ اتربية اطفالي لأن مستحيل راح اوفق بين العمل والبيت وتربية الأطفال وابو الشباب ما يقصر ان شاءالله ..

غاليتي حلاوة فوشية..
رأيك العام رأي سديد..
خصوصا إن المرأة لما تكمل تعليمها وتتوظف تتسع ثقافتها وتكثر اهتماماتها ولايقتصر اهتمامها على البيت والزوج!

وبالنسبة لرغبتك فالكل يدور راحته وين تكون ويمشي عليها

حياك يالغالية
نورتي الموضوع

[بنت عشيرة]

المشاركة الأصلية كتبت بواسطة قمر الزامل   بصراحه انا مع راي اخوي لواء العز^_^ بس الوظيفه حلوووه للي تقدر توفق بين وظيفتها وزوجها واطفالها.. مشكورة اختي بنت عشيرة على هالمواضيع الحلوة

غاليتي قمر الزامل
بارك الله فيك على هالمرور
منورة

[بنت عشيرة]

المشاركة الأصلية كتبت بواسطة The BeST   خليها بالأول تلقى وظيفه ’’

لا إن شاءالله
تفائلوا بالخير تجدوه

بس يبي لك صبر..
والأفضل الوحدة تكمل دراسات عليا بالأول ثم تبحث عن وظيفة

مشكورة يالغاليه ع المرور

[Dam'3ze]

وأنتي غاليتي:
هل تفضلين الخروج للعمل أم البقاء في المنزل؟؟

والله ياريت فيه وظيفه على حسب مزاجك اذا لك خلق طلعتي واذا مالك جلستي بالبيت


لكن افضل تكوون ربة منزل وتتفرغ للبيت احسن ..

[بنت عشيرة]

المشاركة الأصلية كتبت بواسطة عاشقة القمر   هلا وغلا بنت عشيرة موضوع قيم ورائع بما إني موظفه فأنا أفظل الوظيفه على قعدة المنزل لأن فيها لقيت نفسي والحمدلله قدرت أوفق بين المنزل والدوام والعيال ومشاغل الحياة مشكوره على الطرح القيم

عجبتني عبارة "فيها لقيت نفسي"
وهذي نقطة مهمة غفلنا عنها...
فالمرأة تحب أن تبدع وتلقى حوافز وتشجيع ممن حولها..والوظيفة مكان مناسب لها لأن تبدع

غاليتي عاشقة القمر
وفقك الله وبارك الله فيك

[بنت عشيرة]

المشاركة الأصلية كتبت بواسطة حمد   بارك الله فيك اختي أرى ان الموضوع كله مرتبط بـ عمل الرجل فيه رجال اعمالهم تنتهي الساعة 12 بعد الظهر مثل المعلمين مثلاً !! وفيه رجال ما يطلعون من اعمالهم إلا بعد الساعه 5 العصر وفيه رجال في المجال العسكري اعمالهم التزامات بأي وقت و ارتباط صباحي و مسائي يختلف بين فتره و أخرى. انا بالنسبة لي أفضل الموظفة إذا كان عملها ما يسبب زيادة ضغط على الرجل مثل انها تسافر كل يوم بالساعات لتصل لمدرسة في آخر الدنيا !! او ان مقر عملها غير مناسب. جميل جداً ان تكون المرأه متوازنه في هالأمور، يعني تكون موظفة بس بدون الإخلال بـ أهم أمور الحياة الزوجية، او تكون الأمور المادية هي الهدف الأساسي و عليها تكون هي سبب مشاكل مع الزوج. قضية كبيره صراحه، و الحل مرتبط بـ كل قضية على حده، على حسب ما ذكرت أعلاه .. عمل الرجل و امكانيه ان يكون عمل المرأه مناسب و لا يؤثر على حياتها الزوجية. لك الشكر

صحيح..
المسألة يبي لها موازنة وعدم إخلال بأي منهما..
والمرأة الهاوية للعمل عليها في المقابل تحمّل العواقب في حالة تقصيرها في المنزل..


أخوي حمد..
كعادتك مميز في طرح رأيك
بارك الله فيك

[بنت عشيرة]

المشاركة الأصلية كتبت بواسطة Dam'3ze   وأنتي غاليتي: هل تفضلين الخروج للعمل أم البقاء في المنزل؟؟ والله ياريت فيه وظيفه على حسب مزاجك اذا لك خلق طلعتي واذا مالك جلستي بالبيت لكن افضل تكوون ربة منزل وتتفرغ للبيت احسن ..

مشكلتنا...شعب يحب الكسل والنوم

أمزح معك

مشكورة غاليتي ع هيك تعليق

[حلآهآ هلآلي]

آذآ كنت متخرجه من الجآمعه ليه مااشتغل .!!
اعلق الشهآآده عالفاضي يعني

[بنت عشيرة]

المشاركة الأصلية كتبت بواسطة طبعي كذآآ   آذآ كنت متخرجه من الجآمعه ليه مااشتغل .!! اعلق الشهآآده عالفاضي يعني

كون أن المرأة تكون متعلمة ومثقفة يؤهلها أن تكون أمّ تربوية ناجحة بإذن الله..

شاكرة لك غاليتي ..طبعي كذا

[هيله]

:: بس الصراحه انا دايم اقول لزوجي ابي اتوظف وهو راااااافض بلمره يعني الصراحه ودي البس واكشخ واروح المطاعم والفنادق زي هالناس واجلس اصور واعلم الناس اني رايحه للمطعم والسوق علشان يدرون اني كشخه ومثقفه وعايشه حياتي ونا زوجي يدلعني لكن مااااااافي فايده ونا حصلتلي وظيفه راتبها الف لكن ابو العيال رااااافض بلمره ::

مشكوره يابنت عشيره ونا اؤيد وظيفه المراءه .

[حلآهآ هلآلي]

المشاركة الأصلية كتبت بواسطة بنت عشيرة   كون أن المرأة تكون متعلمة ومثقفة يؤهلها أن تكون أمّ تربوية ناجحة بإذن الله.. شاكرة لك غاليتي ..طبعي كذا

لو كأأن تخصصي كيميآ ولآفيزيآ ماراح يفيدني بالتربيه !!
والوظيفه لك وللزمن الدنيآ مافيهآآ آمآن
يسلمو مره ثانيه

[اتعبني الحلم]

حبيت اكتب رايي لكم بس لاتزعلون من ردي هذي وجهة نظر
صراحه المدرسه اذا كان زوجها ميسور حاله وهي مو بحاجة للوظيفه
تقعد في بيتها احسن لها احسن من انها تجينا معصبه نفسها في خشمها
زوجها يعصب عليها منا وهي تحط حرتها فيــــنا عقدة نفسها وعقدتنا معها
ونقول احنا يالطالبات تنـــام في بيتها اريحلهــا وبعدين تقولون المدرسه واعية ومثقفه من قال هالكلام اللـهـ من وحدة مامعها شهادة الا الابتدائي ومع ذلك
عندها ثقافه ووعي احسن من الف مدرسه يكفينا مثــال جداتنا ماتعلمو ولادرسو
ومع ذلك امهاتنا من احسن النساء في التربية والاخلاق والحين الامهات شهادات
عاليه وتدريس ومع ذلك شوفو اولادهم وبناتهم فارجو اننا نحترم كلا الطرفين الي معها شهاده والي مامعها فكل منهن لها فضل وتقدير
اعذروني على الاطــاله وامابي احد يزعل هذي من وجهة نظري يعني

[بنت عشيرة]

المشاركة الأصلية كتبت بواسطة طبعي كذآآ   لو كأأن تخصصي كيميآ ولآفيزيآ ماراح يفيدني بالتربيه !! والوظيفه لك وللزمن الدنيآ مافيهآآ آمآن يسلمو مره ثانيه

لا احنا مانقيس بهالمقياس يالغلا
ارجعي للردود وراح تفهمين قصدنا

غاليتي طبعي كذا..
أشكر لك تفاعلك ومتابعتك للموضوع

[بنت عشيرة]

المشاركة الأصلية كتبت بواسطة اتعبني الحلم   حبيت اكتب رايي لكم بس لاتزعلون من ردي هذي وجهة نظر صراحه المدرسه اذا كان زوجها ميسور حاله وهي مو بحاجة للوظيفه تقعد في بيتها احسن لها احسن من انها تجينا معصبه نفسها في خشمها زوجها يعصب عليها منا وهي تحط حرتها فيــــنا عقدة نفسها وعقدتنا معها ونقول احنا يالطالبات تنـــام في بيتها اريحلهــا

حياك غاليتي أتعبني الحلم
وجهة نظرك ونحترمها

المشاركة الأصلية كتبت بواسطة   وبعدين تقولون المدرسه واعية ومثقفه من قال هالكلام اللـهـ من وحدة مامعها شهادة الا الابتدائي ومع ذلك عندها ثقافه ووعي احسن من الف مدرسه يكفينا مثــال جداتنا ماتعلمو ولادرسو ومع ذلك امهاتنا من احسن النساء في التربية والاخلاق والحين الامهات شهادات عاليه وتدريس ومع ذلك شوفو اولادهم وبناتهم

غاليتي مافيه مجال للمقارنة بين وقت أجدادنا ووقتنا الحاضر
الآن نحن نعيش في زمن الانفتاح..صعب التعامل والتربية في هالوقت

المشاركة الأصلية كتبت بواسطة   فارجو اننا نحترم كلا الطرفين الي معها شهاده والي مامعها فكل منهن لها فضل وتقدير

عزيزتي نأسف إذا كنا جرحنا مشاعر من لم تكمل دراستها!
لكن في نظري لاأعتقد أن هذا نقص فيمن لم تكمل دراستها..لأن الاختيار بيدها وهي من حكمت على نفسها..

أكرر شكري لك
ولاتحرمينا تواجدك يالغالية