[align=center]بسم الله الرحمن الرحيم
السلام عليكم ورحمة الله وبركاته
أخواني اخواتي أعضاء هذا الصرح الرائع أقدم لكم إحدى قصائدي المتواضعه
وهي قصيدة بعنوان فتــنــة البــسوس وهي قصيدة ناجمه عن موقف
أتمنى ان تنال شيئاً من إعجابكم
للإستماع
[rams]http://www.5ymah.org/up1/upload/upload/wh_39320455.rm[/rams]
للحفظ
اضغط هنا
كلمات وإلقاء : خالد بن محمد المحفوظ.
الهندسه الصوتيه الأستاد : ناصر بن عبدالرحمن الدحوم .
القصيدة كتابياً
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ضاقت الدنيا وضقت وضاق فكري والهجوس = وغابت الشمس بصباح ولا أظني مشرقه
خذت ادور واتلفت واثري في حالي احـــوس = وما وعيت إلا أجر القاف وارجع واطرقه
يازماني شفت فيك الغدر من أردى النفوس = ايه شفته يا زماني لكن اني بحرقه
هل يصدق إن يوجد في زماني كالبسوس =تنقل الفتنه بحكمه دون خط ٍ وورقه
والبلا الرجال معها كنه أنثى به عنوس= غربت به شرقت به لين قطر بعرقه
والبلا انه ما كسبها وما قدر حتى يبوس= وكل ما حاول يقرب طقته بالمطرقه
عيب نستغفل رجال بطيبهم ننوي ندوس=طقها بالوجه واحذر لا تحاول تسرقه
الوجع بالضرس كايد إن وجد بالضرس سوس= ايه يا سوس الحياة ويا فتن متفرقه
وانتبه اليا تزايد بالوجع باقي الضروس = القلع هو خير حل ٍ للوجوع المقرقه
وانا قالع من حياتي راعي الوجه العبوس= واحتميت بذكر ربي من نفوس ٍ غارقه
حاولوا فيني وعجزوا اني اسقط بالدروس= وكل ما جوني بحال ٍ صابهم مني حرقه
علموهم وانصحوهم يلبسون أحلى الدسوس= وغتروهم بالنقاب ِ دامهم صاروا ذرقه
وخبروهم إن كثر الهرج ما هوب مأنوس= وخلهم يدرون إني ما أهاب المطرقه
حمد لله واثق وباذكار ربي امحروس = وما يضر القافله نبح الوجيه المذرقه
وانا شاعر ينشهد لي والوفا فيني امغروس= وارثه من جد جدي بالفعول المورقه
وان وصلهم مقصدي من نظم قاف ٍ به حسوس= خلهم يدروون وش هو مقصدي يوم اطرقه
ما استعرت اسم ٍ وانطل بالحكي كني امحبوس= ثابته تهمته واصبح مغـربه في مشـرقه
جاك علمي يلي تهت بوسط قوع ٍ ومحـيوس = انتبه من بحر وافر كل جاهل يغرقه
افهميني يالبسوس وفهمي ذاك العنوس = ما تفيدك هالنميمه جملة ٍ ومفـرقه
وان لقيت انا بزماني ما يسمى بالبسوس= فابحثوا عن جحدر اللي يقدر انه يحرقه
يعني اني ما التفت له واردى واحد له يدوس= واللي معها يتركونه والمواجه يذرقه
والزمان اللي غدا ضيّـق مثل ضيق النفوس= بنتظر يوم ٍ يجي والشمس تصبح بارقه[/poem]
الشاعر: خالد بن محمد المحفوظ.
وتقبلوا خالص التحايا[/align]