... بعض القصص والروايات والمواقف في الرحلات ...

[أبو عوض]

والمواقف كثيرة جدا جدا


لكن كل كل يوم ابدخل واذكرلكم موقف



منشان << تراي لبناني بس مظلل >> حبيبنا حيدره



الف شكر ياغالي غلى الموضوع

[ابو هاجر]

ههههههههههه

فتى حائل

كفشهم بريهيم

عزالله انه فطين

شكراً يالغالي

[ابو هاجر]

المشاركة الأصلية كتبت بواسطة عبدالله الحصيّن   تسلم يا حيدره على الموضوع الجميل ..

الله يسلمك يابوعبدالعزيز

وعطنا موقف او سالفة من سوالفك اللي ما تنمل يالغالي

[ابو هاجر]

المشاركة الأصلية كتبت بواسطة يـــزيـــد   السلام عليكم ماشاء الله عليك ( حيدرة ) موضوع رائع ويعجبني الموضوع الي يحمل فكرة جديدة تسلم والله ==== تبون اعطيكم سالفة تخوف >> ترى عندي سوالف ماتخلي شيخ شمر ينام الليل يجيك العوعو === قبل ست سنوات تقريباُ كنا كاشتين في ( الشوكي ) ياطويل العمر وكان عددنا تقريباًُ 10 ــ 13 بعضهم يروح ويجي إلا اصبحنا المهم الحمد لله حنا موسعين الصدر كل الفترة يمكن أربعة أو خمسة أيام في اليوم الي ماقبل الأخير كثر هبالنا وصرقعتنا ،، تخبر هبال شباب وطالعين وكشتة ،، شرع بعضنا للنوم بعد العشاء والبعض الأخر للسمر والسواليف عند الضوء ،، وانا واثنين من الربع قلنا نبي نصلح العشاء ،، وحنا نصلح العشاء طاحت اللمبة ( قلاويز ) هع >> يعني ماتطيح من حالها ،، المهم مسكها واحد وركبها واشتغلت شوي ما أوفينا خمس دقايق إلا ونفقد السكين الي كنا نقطع بها وبرضة ما أوفينا خمس دقايق الا والسكينة في نفس مكانها .... ؟؟؟؟ فائدة نخرج بها من هذه السالفة : ( كثر الهبال والطهبلة في البر مالها سنع ، وخاصة في تالي الليول >> أسالوا مجرب ، وخصوصاُ في في أمــاكن غير عامة )

اذيتوهم يا يزيد

الحمد لله على السلامة يالغالي

[ابو هاجر]

ابو عوض

ههههههههههههههههههههههه

ذكرتنا ذيك الايام يالغالي

ذكرت يوم تصلي بجنبي ويم قام الامام للركعة الثانية وطيت ثوبك وطحت على ظهرك هههههههههه تذكرها أكيد


........................


القصة القادمة صارت مع عائلة كريمة في روضة الخفس قبل 5سنوات تقريباً

[أبو عوض]

حيدره


الله يقطه ابليسك





كبيت العشا


كنت ناوي اذكرهالموقف




لكن تبي الصدق والله ماأنسى هالطيحه اللي بالصلاة طووووول عمري






يلا ابذكر لكم موقف بعد شوي

تبي تذكره ياحيدره ةتبي تتمزع تمزيع من الضحك << لان ليس من رأى كمن سمع >>

[أبو عوض]

[align=center]الموقف اللي قلت ابذكره لكم


مرة من المرت رحنا نسبح في استراحة في احد ليالي الصيف الحارة

وبرضو مع نفس المجموعة السابقة << والله ياهم ماتة ضحك على هالموقف << انا وش الله قاردني معهم مدري ؟؟ مانهبل الا عندهم




الزبدة




انا لو تشوفوني مسوي قلق وجايب السراويل والفوطه ونظارات السباحه تقولون الولد غطااااااااس

وانا اصلا ماعرف اسبح ماغير اطافش بالصغير << هذا سابقا طبعا الحين تعلمنا

المهم ياجماعة بعد ماقضينا طلعنا نتنشف

راحو الجماعة يجلسون بالدكة والدكة على يسار المسبح والملعب قدامهن

انا قلت عاد ابتنشف اسرع منهم اباخذ كم لفه على الملعب << اتعب انا ياماجد عبدالله



ومالكم بالطويلة



يوم قضيت وحسيت اني خلاص مابقى لي شئ واجد قلت خلني اروح للشباب نسولف وننهبل

الملعب نازل شوي يعني اذا جيت تبي تطلع للدكة في كم عتبة ترقاهن

وانا لعلي مع الحماس جاي اركض ورجولي باقي مربصة شوي

يوم وطيت اول عتبة ياناس عقبها عيوني ماشفت الا النور

طحت على صدري على البلاط وانا مادن ايديني بجنبي << والله شكلي ولا طيارة جامبو تبي نهبط على المدرج >>

ماوقفني غير باب الاستراحه << صيغة مبالغة >>

يوم رفعت راسي ابشوف الجماعه الا وشكلهم تقل طايح عليهم صاروخ سكود
متنااااااااااااااثرين من الضحك

اللي خامله زمزمية ويضحك
واللي طايح بجنب عمود الكبس ويشاااااااااااهق
واللي منقلب على ظهرة وروحه تبي تطلع من الضحك

عاد اللي زاد الطين بلة اني يوم استجمعت قواي وقمت قعدت اصفر ولا كأن صار شئ




[/align]

[ابو هاجر]

هههههههههههههههههههههههه
ههههههههههههههههههههههههههههههههه
هههههههههههههههههههههههههههههههههههههههه

يابو عوض دمعت عيوني من الضحك

الله يقطع بليسك وأنت ما فيه طلعة اللا تمسط فيها

على العموم فك الله درج الدكه ما صار طحين هع هع

[ابو هاجر]

قبل 5 سنوات تقريباُ

طلعنا لم روضة الخفس وعددنا 6 ومعنا ذبيحتنا جلسنا حول الغدير الكبير اللي بالخفس وذبحنا ذبيحتنا وكان حولنا عائلة

جا واحد من عيالهم وطلب مننا سكين قام واحد من الربع وقطعله من جنب الذبيحة وعطاها الولد وعطاه السكين المهم

بعد ما يقارب الساعة رجع الولد بالمفاجئة ..

قطعو اللحمة وشووها وحطو عليها سلطة وارسلوها مع السكين اللي استعاروها اللحقيقة انحرجنا من الموقف الله يجزاهم خير ..

سرعة بديهة في رد الجميل ..

[عبدالعزيز]

خخخخخخخخخخخخخخخخ

والله ياضحكت على مواقف ابو عوض ويزيد

حيدره

تتوقع العائلة موجودين لين الحين << يبروح يخليهم يشوون له

ان شاء الله نسدح لكم مغامرة بس خل نزبطها

[أبو عوض]

حيدره ياغالي


اهم شئ الوناسة


وترى نسيت اقولك انه لكل جواد كبوة

وانا عاد كبواتي ماتصير الا معكم مدري وش السر

[يـــزيـــد]

السلام عليكم

ماشاء الله تميز الموضوع بتميز القصص الي شفناها

يالله عطونا الكفشات وغيرها ،،، وان شاء الله بتذكر واعطيكم الي عندي َ

[مقبل المقبل]

آآآآآآآآآآآآخ يابو عوض عز الله ان مواقفك راسخة بالمخيخ خصوصا شندق الفيرتون

وش نعد ووش نخلي من بلاويك

<< وضعه سلييييييييييم

اذكر في آخر كشتة طلعناها سوى يابو عوض قبل سفرتك اخترعنا لعبة جديدة

لكن مهيب هي السالفة .. السالفة أن البرد كان جااااااااامد وآخر العصر وورانا صلاة مغرب وكان واحد من الشباب

لابس شراب ويضحك علينا عشان الوضوء وهو مرتاح بيمسح بس

قمنا تودسنا ببطه وفصخنا شرابه وجدعناهن

تذكر هاك الموقف ؟

[ابو هاجر]

المشاركة الأصلية كتبت بواسطة مقبل المقبل   آآآآآآآآآآآآخ يابو عوض عز الله ان مواقفك راسخة بالمخيخ خصوصا شندق الفيرتون وش نعد ووش نخلي من بلاويك << وضعه سلييييييييييم اذكر في آخر كشتة طلعناها سوى يابو عوض قبل سفرتك اخترعنا لعبة جديدة لكن مهيب هي السالفة .. السالفة أن البرد كان جااااااااامد وآخر العصر وورانا صلاة مغرب وكان واحد من الشباب لابس شراب ويضحك علينا عشان الوضوء وهو مرتاح بيمسح بس قمنا تودسنا ببطه وفصخنا شرابه وجدعناهن تذكر هاك الموقف ؟

الله من الشر يا مقبل

شكل خويكم ما صلى هاك اليوم

[X-Ray]

يعطيك ألف عافية مشرفنا حيدرة على فكرة الموضوع

مواقف طريفة ..خاصة ابو عوض و ( قلباته)

أذكر مرة من المرات طلعنا لم نفود احدى القرى غرب حايل ب 40 كم ... ودخلنا وسط النفد ما يقارب 20 كم ..
قعدنا كم يوم استمتعنا فيها برحلتنا.. طبعاً كان معنا قارمن ( GPS جهاز تحديد المواقع) وواحد من الشباب الله يهديه قعد يتعبث به الى ان حذف احداثية القرية اللي دخلنا من عندها ..ولا قال لنا شي ...اسكت...!
يوم جاء وقت الرجعة وحملنا العفش والخيام ... وركبنا مواترنا وشغلنا القارمن ...ولا والاحداثية ..(باااااح) سألنا الشباب ..وكل واحد يقول ما جيته ...وخوينا (ملبد) ..!

من حسن حظنا كانت موجودة احداثية مدينة حايل ..طقينا عليها ..ولاها تبعد عنا ما يقارب 50 كم ( قطوع) والطريق ما ندري عنه ...
توكلنا على الله ومشينا لمدة تسع ساعات وحنا ما بين سيوف ونقر وجبال ..الى ان يسر الله ووصلنا لم حايل..