ليت التلاقي ما يجي عقبه فراق

[خالد بن محمد]

[align=center]السلام عليكم ورحمة الله وبركاته


من جديدي تقبلوها مني

إليكم كما هي

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
ليت التلاقي ما يجي عقبه فـراق= بالذات لا من صار خل وخليله
وليت الفراق اللي معه دمع ينساق=معدوم في دنيا الغبن والهزيله
وليت التمني والمحبه والاشواق=تنفع قلوب ٍ عايشه بالمخيـله
وليت الزمن يرجع على قلب مافاق=وابقى مع اللي (قذلته هلهليله)
غرو ٍ تفرد حبه بوسط الاعماق= نجم ٍ ولكنّ القمر ينحـني لــه
متميز بحسن المكارم والاخلاق=ما يخضع لحب الردى والرذيله
ودعت صافي الخد معسول الارياق=غصب ٍ عليه ودمع عينه دليله
والدمع يجري فوق الاوجان سراق=وتخالفت ذيك الرمـوش الطويله
أبتجننب وصف الاهداب والسـاق!!= مبروم والمبروم ما فيه حيله
يا ريف قلبي ريف حر ٍ إلى فاق=ولا لقى غير الفريسه ثقيـلــه
ما لي جدى غير التمني والاشواق= وترديد ليت وليت مع كل ميله
وليت التلاقي ما يجي عقبه فـراق= بالذات لامن صار خل وخـلـيـله[/poem]

خالد بن محمد المحفوظ.[/align]