همتكم واسعار عدد البر

[ابو دحيم]

تحيه طيبه

هلا اخوي من التويم واشكرك على المشاركه .


الحقيقه ما قصر اخوي مفتون صيد وفا وكفا بس عندي اظافه هي اكانك تبي الفاس الطيب تلقاه في الحسا
بس من يجيبه .


اما من ناحية اخوي مفتون صيد فكلامك صحيح عن النصاب الحديد بس مشكلته يا كل اليدين .




لك تحياتي

[سعود الخليل]

مشكور أخوي مفتون صيد على توضيحك والحقيقه أنا من زمان ودي بفاس بس فيه واحد يقولي أصبر أبجيب لك ولا ساعتك والظاهر أبروح لحقين مواد البناء اليوم وأدور لي فاس صاحي ...



ابو دحيم شد حيلك ورح للحسى وجب لنا من عندهم كم فاس .. وأنا أسوق لك ..


تحياتي .

[ابو دحيم]

تحيه طيبه

اخوي من التويم ابشر بعزك بس انتبه تروح لحقين مواد البنا ء جايك الفاس بس مدري والله مته .





لك تحياتي

[تأبط شرًا]

الله يعطيك العافيه يابودحيم على هالمواضيع المفيده .. ومثل هذا الموضوع فعلاً الناس بحاجة إليه .... لأن الشخص إذا سار ومعه عزبته كامله وقد جمعها بأسعار رخيصه ومعقوله ونوعيتها جيده أو ممتازه فإنه يكون في غنى عن محلات لوازم الرحلات التي تكون في محطات الوقود وأسعارها مرتفعة للغايه .. وبالنسبة لطلب أخي من التويم ( الفاس ) فأنا على أتم إستعداد لإحضاره بعد العيد ولكن أريد معرفة شكله ونوعه حتى لا أحضر فأس مختلف ..
وتقبلوا جميعًا خالص محبتي وتقديري ..

[ابو دحيم]

تحيه طيبه


اخوي تأبط شراً اشكرك على المشاركه .



والله المحطات ماعنها غنات بسبب العقول والله الي معد تذكر شيء لانه لازم اذا بغيت تكشت انك تكون ناسي شيء .




لك تحياتي

[سعود الخليل]

أبو دحيم تسلم وما قصرت على الفزعه ... والمعلومات المفيده .

تحياتي .


تأبط شراً والله يا خوك تحرجني بكلامك لكن ما أنت بمقصر ولا ودنا نكلف عليك وأبشوف ابو دحيم كانه يبي يروح للحسى على قوله إن عندهم فيسان طيبه ونخليه يجيب لنا ..


تحياتي .

[بـحـ الشمال ـر]

هلا وغلا ........بودحيم

مشكور اخوي على ها الاسعار الحلوه

بس وانا اخوك انا بسدير مو الرياض

يعني لازم نطق مشوار للرياض عشان تخفيض خمسه او عشره ريال

بس انا انصح بمحل اسعاره نفس اسعار الرياض واقل شوي

وموجود بتمير وهو غني عن التعريف

**********

واشياء مو موجوده بالرياض واسعاره حلوه مره

مثلاً 1 =الرواق 8*1.25=120ريال

يعني المتر 15ريال يمكن يرتفع بالعيد الي 16

وعلى فكره الرواقات شغل السنيدي وهو بعد غني عن التعريف لازم تلتفت للحديد وهو اهم شي.

الكشاف سعره اقل من الغرابي بواجد

على العموم اسف على الاطاله

**********

تحياتي

اخوكم/ بـحـ الشمال ـر

[ابو دحيم]

تحيه طيبه

هلابك اخوي بحرالشمال واشكرك على المشاركه .

كلامك سليم اخوي ان حقين سدير صعبه يروحون لرياض عشان عشرة ريالات او اكثر قليلاً .

بس بعض الاحيان يكون الغلا اكثر من كذا والناس ما لهم غنات عن الرياض اذا راح لشغل يشتري شغله .

كذلك اخوي بحر الشمال فيه محل في حوطة سدير للوازم الرحلات **********

وسعره رخيص وعنده اكثر ما تريد ويجيب من السنيدي الي تمدحه .
وعن نفسي اشتريت منه ذرا باقل من هذا السعر .





لك تحياتي

[مفتون صيد]

مشكور ابودحيم وبحر الشمال على المشاركات الفعاله وجميع من شارك في هذا المنتدى الحلو

----
وبعدين المحلات تختلف بحسب التاجر التي تتعامل معه وايضاً اجار المحل وعوامل كثيره تدخل في قضية الاسعار.... ولكن الواحد يحاول يدور الرخيص والقريب منه.... وبعدين الله من بعد المسافه بين تمير والحوطة كلها قمزتين وانت واصل .... اجل حنا حقين الرياض وش نقول
----
وودنا اننا نستمر في هذا الموضوع ومحاولة جمع اكبر ما يمكن من عدة البر او اختراع بسيط في عدة البر وادواتها

[سعود الخليل]

موضوع جميل وبصراحه أنا متابع له بشده أتمنى كغيري أن يستمر كما بدأ وأن لا يتأثر بأي إختلاف في وجهات النظر ..


تحياتي للجميع وأرجو من المبدع أبو دحيم أن لا يحرمنا من المعلومات الجديده إذا عنده ..

تحياتي.

[تأبط شرًا]

أشكر جميع من شارك في إثراء هذا الموضوع ومحاولة إفادة الزوار والأعضاء بقائمة الأسعار لأغلب العدد التي يستفاد منها في الرحلات .... وعلى رأسهم العضو المميز والنشيط جدًا في هذا المجال (( أبودحيم )) .. جزاه الله خير الجزاء ... وبالنسبة للموضوع فهو سيستمر على نفس المنوال الذي بدأ به ولن يخرج عن مساره بإذن الله ...
والله يحفظ الجميع ويرعاهم ..

[مفتون صيد]

اشكر المشرف تأبط شراً على التدخل في الوقت المناسب
وهذا يدل على متابعته للمنتديات وحرصه عليها

[سعود الخليل]

تسلم أخوي تأبط شراُ على حرصك الواضح وبصراحه أنا متابع للموضوع والحمد لله على عودته كما كان والآن الدور على ابو دحيم وبقية الأخوة للمشاركة لتفعيل الموضوع وغيره من المواضيع بالشكل المطلوب بعيداً عن الإختلافات ...


تحياتي .

[ابو دحيم]

تحيه طيبه


لكم الشكر جميعاً :

تأبط شراً .
مفتون صيد.
من التويم.

واشكر اخوي تابط شراً على فتحه للموضوع وكذلك اخي مفتون صيد مشرفنا الحكيم .


ولكم تقدير واحترامي جميعاً .

لنا رجعه الى الاسعار قريباً .

[مفتون صيد]

الله يخليك يابو دحيم واحنا ما سوينا الا الواجب علينا تجاه موضوعك المميز لهذا المنتادى

ونبغى همتك في الموضوع واحنا معك ان شاء الله بنشارك;)