|
04-03-2019, 10:42 PM | #1 | ||||||||
قلم مميز
|
رد: &^ بــــــوح القصــــــيد ^&
يارفيقي كل ماشفتك امل تنتشي روحي اذا مر السحاب كني ارض مدهره عقب المحل مابها غير المضامي والشهاب احتري غيمك على قلبي يهل وارتوي من ماطرك حلو الشراب بس اخايل برقك واركض عجل ماحسبت لحامي الرمضا حساب كم ركضتك ضامي وقلبي وجل خايف لمع المطر يصبح سراب بوحي |
||||||||
11-03-2019, 01:05 PM | #2 | ||||||||
قلم مميز
|
رد: &^ بــــــوح القصــــــيد ^&
مشكلة في شخص مايعرف مقامك وانت في عين البشر عالي مقام فارض بالطيب حبك واحترامك ماتبي من طيبتك غير احترام المحبة والرضا غاية مرامك لكن ارضاء البشر صعب المرام بوحي |
||||||||
11-03-2019, 10:23 PM | #3 | ||||||||
قلم مميز
|
رد: &^ بــــــوح القصــــــيد ^&
ياذا الخفوق اللي فتح باب الاعماق احذر يدش لداخلك اي مخلوق انا اخبرك مرهف الحس ورقاق وخابرك عندك مع ذكى العاطفة ذوق خلك على خبري مع الحق تنساق تقدر تميز بالعقل كل منطوق بوحي |
||||||||
13-03-2019, 08:07 PM | #4 | ||||||||
قلم مميز
|
رد: &^ بــــــوح القصــــــيد ^&
انت ياراع العتب منهجي هومنهجي
والكريم الحر ماظنه يغير منهجه كان لك حق العتب منهجي مايسهجي راعي الشرهة اذا هي صادقة مانسهجه كان له حق علينا يبشر بمايبهجي والله اني لاكرمه بالحق لينه يبهجه وان شره من غير حق قل تراه بيحرجي لان قلبي واثق ومافيه شي يحرجه بوحي |
||||||||
17-03-2019, 11:03 PM | #5 | ||||||||
قلم مميز
|
رد: &^ بــــــوح القصــــــيد ^&
الله ياكثر الطعون اللي تجي ظهري
واقوى طعون الوقت جتني من احبابي واتجلد لطعناتهم واستنجد بصبري واضحك بوجه اصحابها لوكنت منصابي لويكبر بقلبي الم ماهنت به قدري ماودي افتح بالألم للعاذله بابي بوحي |
||||||||
19-03-2019, 10:02 PM | #6 | ||||||||
قلم مميز
|
رد: &^ بــــــوح القصــــــيد ^&
قلبي اللي كل ماضاقت عليه مالقى له كل ماضاقت سعه وان شكى بالليل من هم يجيه مالقى من هو لصوته يسمعه ماحصل له من هواه اللي يبيه كن قل الحظ دايم يتبعه بوحي |
||||||||
25-03-2019, 12:51 PM | #7 | ||||||||
قلم مميز
|
رد: &^ بــــــوح القصــــــيد ^&
احذر تعود قلبك الكره لوكان بعض البشر ياصاح مايعجبونك خلك نظيف القلب مع كل انسان حتى ولو بعض البشر مايبونك اللي يبيك افتح له القلب بيبان واكرم مجيه واسكنه في عيونك ومن لايريدك حر والكل له شأن اترك شؤونه وانت ناظر شؤونك ترتاح ماتتعب مع فلان وفلان ولاينشغل بالك بكثرة ظنونك بوحي |
||||||||
29-03-2019, 04:11 PM | #8 | ||||||||
قلم مميز
|
رد: &^ بــــــوح القصــــــيد ^&
يوم الجمعة ساعة استجابة ارفع الكفين واسأل ماتريد الله اللي قال للناس اسألوا دامه اقرب منك من حبل الوريد كل ماتبغون منه اطلبوا اطلبوه وكل مايعطي يزيد وان تأخر بالعطا لاتيأسوا كل شي في يدينه ياعبيد وعن دعاؤه يابشر لاتبخلوا بوحي |
||||||||
03-04-2019, 10:18 PM | #9 | ||||||||
قلم مميز
|
رد: &^ بــــــوح القصــــــيد ^&
|
||||||||
03-04-2019, 10:26 PM | #10 | ||||||||
قلم مميز
|
رد: &^ بــــــوح القصــــــيد ^&
يوم انها صغيرة وتلعب معانا كانت تواعدنا على شان تلعب واليوم كبرت عن مواعد لقانا وصار اللقاء فيها مع الوقت يصعب ولاعاد صار طموحها مستوانا كبر الطموح وامنيتها تشعب خلاص ماصارت تحس بهوانا ولاهمها منهو من الحب يتعب بوحي |
||||||||
06-04-2019, 08:31 PM | #11 | ||||||||
قلم مميز
|
رد: &^ بــــــوح القصــــــيد ^&
اول شعبان اللهم أهله علينا بالأمن والإيمان والسلامه والإسلام والتوفيق لماتحب وترضى اللهم بلغنا رمضان ونحن في احسن حال واعنا يالله على صيامه وقيامه واجعل لنا ولذرياتنا وأحبابنا والمسلمين فيه أعظم واكثر الحظ والنصيب من كل خير آمين يارب العالمين والحمد لله والصلاة والسلام على رسول الله |
||||||||
24-04-2019, 08:55 PM | #12 | ||||||||
قلم مميز
|
رد: &^ بــــــوح القصــــــيد ^&
ماعاد لك حق فيني يامجافيني مادام باب الوصل بيديك سكرته مديت لك للمواصل راحة يديني جسر المحبة بكل غرور كسرته لاتعاتب القلب ولاتشره على عيني ان حس قلبي أمل والعين ابصرته قل اهتمامك على المهتم يغريني وتصير بأمرك على الخفاق امرته بوحي |
||||||||
28-04-2019, 11:32 PM | #13 | ||||||||
قلم مميز
|
رد: &^ بــــــوح القصــــــيد ^&
كم واحد يعطي مواثيق وعهود
انه على عهده ولو طال باقي وانه معك في حزة الضيق موجود تلقاه لامن الصدر منك ضاقي لكنهم ماعاد يوفون بوعود ولا يجودهم قوي الوثاقي تغيروا حسب الزيادات والزود ناس على وعد العطايا تساقي مثل اللذي يعطي على الشوق موعود ويغيب لامن حان وقت التلاقي بوحي |
||||||||
30-04-2019, 01:50 AM | #14 | ||||||||
قلم مميز
|
رد: &^ بــــــوح القصــــــيد ^&
انا عرفت اريح القلب وارتاح
من يوم صار الصمت يحكي وجودي صرت اتجاهل من يجي هرجه صياح واشيل من راسي سفيه الردودي اساير الجلاس في جد ومزاح والقلب مابيح عليهم سدودي وان شفت من همه على الخاطر جراح انساه بالصده وطبع البرودي بوحي |
||||||||
03-05-2019, 02:54 PM | #15 | ||||||||
قلم مميز
|
رد: &^ بــــــوح القصــــــيد ^&
يالله حقق مانبيه ونريده ياواحد كل الخلايق ترجاه يامصرف بامره قضايا عبيده تكتب لنا عفو ورحمة ومرضاه بوحي |
||||||||
مواقع النشر (المفضلة) |
|
|