اوراقي الشفافه!!!!!!!!!!!1

[عذبة الصفات]

روعة الحياة وجمالها في لجوء الفرد الى علام الغيوب في كل شؤونه
فاذا تاقت نفسك الى امرفليكن دعاؤك
(اللهم اكتب لي هذا الامر ان كان خيرا لي واصرفه عني ان كان غير ذلك )

[عذبة الصفات]

‏​‏​قبل رمضان ..
كشف حساب مع الاعتذار لكل الأحباب والأصدقاء :

() أعتذر عن ثلاثة :
1- لو زعلت أو جرحت مشاعر إنسان مع اني الحمدالله مو من عادتي أجرح أي احد من غير ماأقصد
2- لو كان لأحد حق نسيته أو أجهله
3- لو قصرت في صلة رحم
طبعا دون وجه حق مني في كل ما ذكرت.. فالغافل من يتناسى ومحاسب ما هو عليه وفيه

() وأشكر ثلاثة :
1- من كان لي عنده قدر واحترام
2- من حمل لي بقلبه شيء من معزة وتقدير
3- من دعا لي بظهر الغيب
فكم لنا من الأخوة والأحبة من يصدقك قوله وفعله معك ويدعو لك دائماً

(:) والله يسامح ويهدي ثلاثة
1- من اغتابني وأساء إليَّ
2- من ظن بي سوءاً وخطأً
3- من ظلمني في قول أو فعل
فالغضب مفتاح كل شر وحسن الظن حكمة والنفاق نقمة على صاحبه

اللهم بلغنا شهر رمضان
واغفر لي ولوالديَّ
ولجميع المؤمنين والمؤمنات
والمسلمين والمسلمات

[عذبة الصفات]

قَد تتظآهرِ آلآنثَى بِ آلقوه .
. . . لكنّهـآ تملكْ قَلبْ طِفله مَهمآ كَبرتّ
( بريئَه , صآدقه تَخدشهآ آلكَلمه وَ تجعلهآ تنزفْ بلآ صوتْ
...... و بلآ آنييينْ )

[عذبة الصفات]

دار هذا الحوار على متن طائرة
بين اثنين من غير المسلمين
لاحظا وجود رجل مسلم في الطائرة ، فأحبوا إغاضته ، فقال أحدهم للآخر وهو يغمزه
كنت أود قضاء إجازتي في أفريقيا
ولكنني اكتشفت أن نصف سكنها مسلمين .
وقد عرضت عليّ وظيفة في السعودية ،
فرفضتها لأن كل أهلها مسلمين .
فكرت في الذهاب إلى باكستان
ولكنني وجدته يعج بالمسلمين . .
قال له زميله
لماذا لا تفكر بالسفر إلى أوروبا ؟
قال :
حتى هذه تجد أن المسلمين قد انتشروا فيها ،
كلما سرت في الشارع ،
اصطدمت بواحد منهم . .
وظلا على هذا الموال ،
في محاولة منهم للنيل من الرجل وإغاضته ،
فما كان منه إلا أن أدار رأسه للرجلين
وقال لهم بمنتهى البرود
لماذا لا تفكر برحلة إلى جهـنم،
لقد سمعت أنه المكان الوحيد
الذي لا تجد فيه المسلمين

* هكذا ينطق المتعلّمون<3

[عذبة الصفات]

وأخيرا خلصت من أغراض العيد قبل رمضان

بس باقي اشتري فستان لزواج بنت خالي في رابع العيد

قدموا الزواج أول في عيد الأضحى

ومافيني حيل أفرفر في الأسواق وأدور خالتي تقول لي فصلي لاتشترين جاهز بس أنا ماأحب التفصيل أحب أشتري جاهز أريح

الي تعرف محلات أو مول عندهم فساتين راقيه وناعمه تساعدني

أهم شي غير ((حياه مول)) لان ثلاث أرباع جماعتنا يشترون منه وأخاف ألقى وحده مثل فستاني

يمدحون مارينا مول شكلي بروح له اليوم وان شاءالله احصل قبل رمضان لان ماودي ادخل السوق في رمضان

ايه ترى عمي عنده محل ملابس في مارينا مول اسمه ((هاني)) (Haneبسوي دعايه لمحله
وبضاعته راقيه لانه هو يسافر بنفسه ويجيب البضاعه عاد عمي حبوب ان درى انكم جايين من طرفي بيسويلكم خصم ويمكن يعطيكم ببلاش

[عذبة الصفات]

قبل امس رحت لـسوق !
أول مآطبيت اسوق والله تفأجأت بـ النآس مدري كيف اوصفهم
دخلنآ أول محل . . شفت بنت الله يستر عليهآ
لآ شعوراً صرت أتأمل فيهآ ليسَ لجمآلهآ وليسَ لزينتهآ لآ والله
صرت اتأمل فيهآ وانآ يعني وشلون اقولكم رحمتهآ في نفس الوقت منرفزتني يعني
يعني صدق والله هـذي كييف تطلع وهي كـذآ . . كيف أهلهآ أسمحولهآ أصلاً ؟
مآتستحي من نظرآت الشبآب . . حآطه مكيآج والله تقولين رآيحه عزيمه !
سلآمآت الله يحفظك؟؟
رآيحه سوق والله مآرحتي لعزيمه !
يعني فعلاً نآأإس غريبه عجيبه والله . . والله العظيم ألي لآبسين عبآة محتشمه ينعدون !!
أختي الكبيره كآنت تتسوق لحآلهآ مع أختي الصغيره
جت وحده قآمت تمسك يدهآ وتلمسهآ وتقول (( ماشاء الله وأخيراً لقينآ وحده لآبسه عبآة محتشمه ))
بصرآحه والله مآألومه هي صآأإدقه والله مآكـذبت في شي . . !
صرت ادور بعيوني عن نساء محتشمآت بصرآأإحه نآدراً الي لقيتهم محتشمآت والله !
عيييييب قسم بالله عييييب . .
للمعلوميه ترى أي وحده لآبسه هـ لآبس وهـ لعبآت وهـ زينه
أعرفو أنهآ مآفيهآ ثقه بنفسهآ تدرون ليشش ؟
تبي تلفت انظرر تبي لكل يشوفهآ . . لو أنهآ فعلاً وآثقه من نفسهآ
مآكنت لبسة هـ لبس وهـ لعبآة وهـ زيينه !!
لآ المشكله يَ ليت أقتصرت بس في العبآة أبغى حجآبهآ !!
غآطين وجيهم بطرحهه وجهم مرره وآأإضح الله يعآفيكم وشوله الغطاء أفتشي أحسن الله يثبك !
ولـ طآقه لثمه مغطيه بس فمهآ . . لآ الله يسلمك !! وش غطيتي الله يحفظك ؟
أخوي يقولنآ (( خويي كآن رآيح لسوق يقول شفت بنتين متلثمآت ويتهآوشون قدآمي وحده منهم طآحت لثمتهآ
يقول أنآ أنصدمت الي فوق شكل والي تحت شي ثآني ~> أقصد الي فوق عيونهآ ولي تحت فمهآ ومآ جآوره ))
حآطه مكيآج وماشاء الله طآلعه زينه يوم طآحت لثمه أنكشف كل شي ماشاء الله صآير شكلهآ اللهم لآشمآته بس
يعني بعض الشبآب يشوفهآ ينفتن فيهآ يحسبه تجنن خلي للثمه تطيح والله يَ مآ تحت السوآهي دوآهي
كلآمي ليسَ مقتصر على الفتيآت بس كلآمي أيضاً للشبآب . . !
حآطين طووق وسوآره . . !
لآبآالله يَ شيخ ؟؟ وش أحسآسك يوم أنك تحط هـ لأشيآء !!
أخبآر هـ الأشياء للبنيه موب لك . . !
يعني بصـرآأإحه لقيت نآأإس مخآلفين للفطره صرآحـه !
يعني أنآ مدري وش أقول وش اخلي مدرري
لكن والله متعجبه من لي شفته . . ~> لآ تلوموني ترآ لي فتره طويله جداً حوآلي 2 أو 3 سنوآت مآ رحت السوق
عشآأن كـذآ تعجبت من لي شفته . . انآ مآتعجبت مررره لأني رأيت هـذي المنآظر من قبل في المنتزهآت !
بسس يعني ترآ حلآت البنت بـ حيهآ والله . . وحلآلت رجآل برجولته مو طوق سوآره ومخآلفآت في الفطره !
ويسمحولي أصحآب الطوق السوآره اقولكم بصريح العبآره (( مآنتم قد شنبكم ولآ فيكم ذرة رجووله ))
لكن : أسأل الله أن يهديهم ألى طريق الحق . . ويرشدهم إلى طريق الصوآب . .

ياعمري عليك ياغلووو
والله انك صادقه

الحين السوق كله فتن الله يكافينا شرها

وهالحريم كل يوم يزيد تبرجهم وسفورهم الله لايبلانا

وعلى قولتك ياما تحت السواهي دواهي
ترى الحريم الي يتبرجون والي يلبسون لثام وهالخرابيط ادري انهم شينات

مره كنا في السوق وامي دخلت محلات الاطفال قلت لامي بروح انا وأختي سمسومه واذا خلصتي دقي علي

رحت انا واختي وشفنا حرمه لابسه هاالعبايه المخصره واللثام ولابسه جزمه كعب شووكه يالله مدري كيف تمشي فيها زين وحاطه هالكحل شافتها اختي قالت شكلها حلووه هالبنت لان كانت لابسه لثام وكانت عيونها طالعه تجذب المهم رحنا لدوره المياه وانتم بكرامه وشفناها دخلت وفتشت عشان تعدل مكياجها
والله انصدمنا لما شفنا وجهها مافيها ولاذره جمال وكان فمها كبير مره اللهم لاشماته
اغرتنا بشكلها الخارجي بس انصدمنا لماشفنا وجهها

ومره نفس الشي شفت بنتين وكانت عبايتهم تقولين جلابيه
وكان عطرهم قوي مررررره ولابسين عدسات ومناكير كانهم رايحين لعزيمه
المهم رحت لمهم قهروني قلت اتقوا الله وش هالعطر والتبرج المهم انهم عادي تقبلوا شوي
ولما اذن رحنا أنا وخواتي للمصلى وشفنا نفس هالحريم وهم عرفونا علطول
وجوا عندنا لان كنا فاتشين للصلاه وشافوا وجيهنا قالوا يالله ماتوقعنا اشكالكم كذا كنا متوقعين انكم شينات !!!
لان هم على هالتبرج والتكلف والمكياج الا ان مافيهم زين ابدا
وعشان عندهم عدم ثقه ونقص تعوض هالشي في تبرجهها حتى تكون محط انظار واعجاب الشباب!!

أما البنت الساتره والي عبايتها على الراس يكون تحت هالعباءه امرأه تخاف الله وتجمع بين جمال الشكل والرووح

والي بجد يضحك ويحوم الكبد في نفس الوقت اذا جت البنت دووووبا وكل شي يرج ولابسه عبايه مخصره
الحين من زين هالجسم ولابعد لابسه مخصرره استري على نفسك وعلى شحومك ابرك لك

الله يستر بس على بنات المسلمين

[عذبة الصفات]

إذا آردتَ آن تكون شخص رائع بَ معنى الكلمه وبقدرة الجميع !
فلآ تبوح لآي آحد بَ " إمرآن " . .
خصوصيآتك ونقآط ضعفك ،
لآنهآ تمثل لوجه حيآتك الخآصه !
فلآ تدع شخصاً يطبع فوقهآ بصمآته : ) !

[عذبة الصفات]

((غسق))

فديت قلبك يالطيبه وان شاءالله بروح للي ذكرتيهم لي

بس فساتين جورج أرماني غاليه يزياده أرخص فستان عندهم بعشره آلاف وماتسوى أحط عشره على فستان !! أنا ودي بفستان بالكثير مايتجاوز الأربعه آلاف
وبروح لصفه المحلات الي حول الفيصليه وعساني القى شي زين وأرتاح ..

مشكوووره ياغسوقتي الله لايحرمنا منك...

[عذبة الصفات]

:
http://www.hrdiscussion.com/mbti.html

اختبار نفسي: اختبار تحليل نمط الشخصية الي في مدونه اختي غلا الروح

وطلع لي هذا وسبحان الله ينطبق علي مرررررررررررررررره جلست أقراه على أمي وقالت فعلا ينطبق عليك

اختبار نفسي: اختبار تحليل نمط الشخصية





نتيجة الإختبار .. اقرأ بتمعن وبتركيز


أنت تشتهر بأنك:
مقدم العناية للآخرين
منفتح .. حسي .. شاعري .. حكم

صفاتك:
مشاعرك فياضة وقلبك رحيم .. تتفاعل مع الناس، وقربك من الناس يتيح لك الفرصة لكي تحس بمعاناتهم.
صاحب ضمير حي ولك نظرة صائبة .. تضع مساعدة الناس من أهم اهتماماتك.
تحتاج إلى الانسجام مع من حولك، وإذا وجدت نفسك في مجموعة لا تنسجم معها فأنك تتضايق وحينها فإنك تفقد القدرة على التعبير عن نفسك.
لا تحب أن تضايق أحداً أبداً.
قدرتك مذهلة على ربط الناس بعضهم ببعض وصنع الانسجام فيما بينهم.
دائماً مشغول بعمل الخير للناس وتعمل بشكل أفضل إذا قدرك الآخرون وشجعوك.
حازم صارم، تنظم الأمور وتساعد الناس لكي ينجزوا الأهداف في الوقت المحدد.
صاحب ولاء شديد ووفاء نادر حتى في أحلك الظروف.
تهتم بكل الأمور الصغيرة والكبيرة.
تتوقع من الآخرين أن يكونوا مثلك.
تحب الثبات وتكره التغيير .. تحب الأمان وثابت على مبادئك دائماً.
اجتماعي منطلق .. أصحابك كثر .. تألف الناس ويألفونك، موجود في المناسبات دائماً .. تهتم بأهلك القريبين جداً وأيضاً بجيرانك .. وتقدر ظروف الآخرين.
لا تطلب أكثر من كلمة ثناء أو شكر من الآخرين على ما قدمته لهم.
حسن المظهر .. أنيق ولبق.
تتأقلم مع النظام الإداري والروتين.
تحب التعامل مع الجانب الإنساني .. وتبتعد عن الأمور المادية.

[عذبة الصفات]

رووووووووووووعه الاستايل الجديد ^_^

احسب اني مضيعه


يارب لك الحمد والشكر انك بلغتنا رمضان
بجد هذي نعمه عظيمه من ربي ..
اللهم أعني على شكرك وذكرك وحسن عبادتك..

[عذبة الصفات]

.. دعاء دخول رمضآن ..

( اللهُمّ أهلــّــه علينا بالأمن و الإيمآن ، و السلامة و الإسلام ،
و العافية المجلله ودفع الأسقآم ، و العون على الصلاة و القيام و تلاوة القرآن ،
اللهُمّ سلــّمنآ لرمضان وسلــّمه لنا و تسلــّمه منّـا متقبّلاً حتى ينقضي
وقد غفرت لنا ورحمتنا و عفوت عنّـا و أعتقتَ رقآبــنـــآ )

هليت يا شهر ( الكرم والفضيله )
وأول مواعيدك يجي يوم الاثنين

يا جعلنا .. ( نقومك بكل ليله )
ويارب ترزقنا خشوع المصلين




وليكُن !! في رمضان وغيره _ بصرُك من النظر إلى الحرام

معدولا ، وسمعُك عن سماع القبيح من القول معزولا ، وبطنك من أكل الحرام محمولا ، وقلبُك بالخير والاحسان مشغولا ،

وذكرُ الله في لسانك مجعولا ، ومالُك في طاعة الجبّار مبذولا ، ( إن السمع والبصر والفؤاد كل أولئك كان عنه مسؤولا ) ،

[عذبة الصفات]

(وحين أتحدث عن والدتي فإني أتحدث عن جميع أمهاتكم
أهلي وأعزائي ، حيث جميع الأمهات لهن نفس المكانة
في قلوب الكل بدون استثناء ، أدعو الله أن يطيل عمر
الأحياء منهن على طاعته وحسن عبادته ، ويغفر
للأموات منهن ويسكنهن فسيح جناته)




***





يا شيخنا سعود .. لا تنتظر الوالدة










في كل عام كانت أمي نوره رحمها الله وأسكنها فسيح جناته تترقب دخول الشهر الكريم بفارغ


الصبر ، ثم تعلن حالة الطوارئ في المنزل لا ارتباطات مع أحد في أي مناسبة ، البيت مفتوح


لأي قادم وفي أي وقت ، بينما هي لا تخرج منه إلا إلى المسجد لتؤدي صلاة التراويح والقيام


خلف إمامه الشيخ سعود الشبانات الذي تقول عنه بأنه أحد أبنائها ، وهو كذلك جزاه الله عنا


خير الجزاء .


ولكن في هذا العام يا شيخنا سعود لن تصلي معك نوره التي أحببتها كأمك وأحبتك كأحد أبنائها


وأكثر .. نعم لن تصلي خلفك تلك الأم التي كنتَ في أيام عزائها في حالة من الحزن مثل أبنائها


وأكثر .. أذكر أنك وبعد أن أتممت أحد الصلوات التفت بوجهك الطيب نحو المصلين تتفقدهم


ولمحت حالة من الحزن تكسو وجه أخي إبراهيم فنهضت من مكانك لمواساته والتخفيف عنه


ولكنك لم تتماسك حين بدأت بالحديث عن الغالية فدخلت في نوبة من البكاء ليقوم أخي بتهدئتك


وتعزيتك أمام جماعة المسجد اللذين تأثروا كثيراً بهذا الموقف .


نوره ستكون حاضرة في قلوب أحبابها بدعواتهم حتى وإن توارى جسدها الطاهر هناك


واختلط رفاتها بأرض طالما مشت وسعت عليها فأحببناها من محبتنا لهذه الغالية ..


رحم الله والدتي وجميع موتى المسلمين وجمعنا بهم في مستقر رحمته.

نعم ياأخوي نوره ستكون حاضره مع الجميع بقلبها وروحها الطيبه الطاهره وماراح ننساها من دعواتنا في صلاتنا وقيامنا وعند الافطار ..

((اللهم أغفر لها وأرحمها واعف عنها وأكرم نزلها ووسع مدخلها وغسلها بالماء والثلج والبرد ونقها من الذنوب كما ينقى الثوب الأبيض من الدنس ، وارحمنا إذا صرنا إلى ما صار إليه وجازة بالحسنات إحسانـاً وبالسيئات عفوا وغفرانا وافتح أبواب السماء لروحها برحمتك يا أرحم الراحمين )). الــلــهــم آمــيــن.

((عيون عسليه))

شفت تصميمك الخاص بالغاليه نوره يالله وربي ماقدرت أمسك دموعي ..الله يجزاك خير..

نوره مشاءالله زرعت محبتها في قلوب الجميع ..

الله يرحمها ويغفر لها ..

[عذبة الصفات]

اخوي عبد العزيز

هل تصدق ويصدق اهلي هنا

اني كنت اليوم اسمع صوت الامام يدعو لموتى المسلمين

بكيت وتذكرت والدتنا نوره

وتذكرت انك ستكون في اشد حالاتك وانت تتناول طعام افطارك وهي ليست معك

اه من شعور يحرق الفؤاد ولكن سلوانا ان يكون من هي عنده ارحم منا بها

((بقايا الذكريات))

سبحان الله تصدقين الي صار معك والله صار معي بالضبط

تصدقين وانا في المسجد لما دعى الامام لموتى المسلمين ولما دعى لامهات المسلمين جاء علطول في بالي نوره أم أخونا عبدالعزيز
ماقدرت أمسك دموعي وماراح ننساها أبدا من دعواتنا

[عذبة الصفات]

ثقوا تماماً !
أن السماء كبيره جداً .. تتسع لكل رسائلكم المُتلهفه للإجابه ،
فقط أكثِروا مِن قول : يَ ررب

[عذبة الصفات]

اليوم جالسه اتابعِ طارق وهيونه
بالاولُ كنت ماأبلعَ هياء الشعيبيُ والحييين
يماه عليها تفطس ضحكِ مره