تعلم اللهجه العاميه ..

[حنوني]

السلام عليكم
كنت بس اشأر على المنتدى ماسجلت دخول بسبب الاختبارات يوم شفت الموضوع قلت لازم ارد
هذي بعض الكلمات نقولها احيانا في حياتنا < احلفي
كلاكين : نصابين
مسط:سقط
هاو : للتعجب
صايل او صايله: بمعني معصب
شرهه : زعلانه
انود : اشعر باالنعاس
يبربس : يلعب باالماء
تشعمط : تعلق
امطخي مير مازروبه : للاستحاله
جعل عدوك للساحق الماحق والمرض المتلاحق اللي يسحقة ويمحقة وين مايطس يلحقه؟ <<< خخخخ هذي دعوه


يله مع السلامه
تحياتي لكم

[شـمـ إمرأة ــوخ]

حنوني ...
والله اني ... انود ... شفتس تشعمطي بالموضوع تشعمط مثلتس
وبعدين بيرست عية تجي عديهااااااااااااا

صراحه امطخيهاااااااا


الله يعطيك العافيه .... وين محاولة الترجمه للجمله الي أتحدتكم
فيهاااااااااااااااا جربي حاولي والي يعرفها اعلمه لهجه خطيره
تقدرين انت وصديقتك تتكلمون بشئ خاص بدون ماأحد يعرف شئ ..


ولك شكري

[حنوني]

مشمخشي محببشي مسدرشي ... معضشي مروعشي ...

مشم خشيم حب بشيم سد رشيم .... تمام كذا اكمل ولا غلط خخخخخخخخخخ

[شـمـ إمرأة ــوخ]

حنوني العسوله ....
يؤسفني .. ومحزنشي ... ...
مجوبشي غير صحيح ...


إليك ترجمة النص ...


شموخ تحب منتدى سدير .... اعضائه رائعين ...

الف شكر على محاولتكم ..
هذي لهجه خاصه الي يبي يتعلمها يرسلي على الخاص وانا اعلمه طريقتهاااا
انت او البنت الدلوعه للي حاول بس ...

وياااااااهلا بكم ..

[حنوني]

طيب سؤال يتبادر الى ذهني !!
في الترجمه فيه حرف الألف وهنا (مشمخشي محببشي مسدرشي ... معضشي مروعشي ...) مافيه حرف الألف وش السر
!!

[هرمنا]

كل اللي شفته كوم

وسالفة الباب المسلوق كوم


الباب المسلوق ...اترك لكم الحرية لمعرفته بأي طريقة ترونها..ويمكنكم الاتصال بالملتمس

شموخ القفي تحيتي

[شـمـ إمرأة ــوخ]

السبعين ... ياهلابك هناااااااااا ..

اكيد كنت جوعان وانت تكتب ... وأحولت عيونك وطلعت هذا الطبق الغريب ..
مره وحده باب ومسلوق ... هههههههههههههه
ايه ياخوي ماتلام انت السبعيـــــــــــــــــــــــن ...

الباب المسلوق مع الشيف / السبعين ...


على فكره ... كلمة القف طلعت من قاموس العائله الكريمه ...
صح النوم ياشموخ ... بس نادر نسمعهااااااا
يعني موجوده عندنااااااا أصلا شكل اليونانين مرونا بعدكم ..

بس انت تقولها بصوت غريب غير الصوت الي تعودت عليه ..
انت تقول القف تحياتي ..

عندنا ... الله يالقفك ... لقفك جني ( بسم علينا)..
تحياتي ممنوعه من الصرف عندناااااا

الف شكر على مرورك ... ونتظر تعلمنا كيف طعم الباب المسلوق ...

[شـمـ إمرأة ــوخ]

أعتذار خاص لـــــــــــ حنونتي ..

والله اسفه اني مارديت على رسالتك الثانيه ... لاتتوقعين جفى مني
لا والله بس من جد مالقيت وقت ... وابشري بالخير
وانا اختك ... شموخ أستحاله تجفى زوارهااااااااااااااا

امهيليني بعض الوقت ...


أختكـــــــــــ //// شمـــــــــــــــوخ ...

[$ سديراويه بحت $]

موضوع حلو وهذا انا جايبه معي كومة كلمات :
صعرور: ورم يخرج في الرأس بعد ضربة قوية
شلوطي: يعني رفسه بالرجل
رفسه: يعني شوته
زبيريه: نوع من أنواع النعال تشبه الزنوبات وهي مخصصه غالبا للضرب بها
وهذي إضافة عامة :
معروف بأن السديراويين (والنعم ) مايحسون بالساف (يعني الكاف) لا في وسط الكلمة ولا في آخرها وأيضا ينطقون حرف القاف ز

وفمان الله : طبعا هذي الجملة غالبا ماتقال في نهاية مقال أو نهاية زيارة أو في نهاية مكالمة