همتكم واسعار عدد البر - الصفحة 3

تأبط شرًا · 17-02-2003, 07:42 PM

إخواني :
العضو النشيط أبودحيم....
المشرف المميز من التويم ...
المشرف القناص مفتون صيد....
لاشكر على واجب وهذا هو واجبنا كمشرفين على هذه المنتديات لكي يجد فيها كل زائر لها ما يفيده في جميع المجالات ....
أما من ناحية إغلاق المواضيع وفتحها فهذا لايتم من قبلي إلا بعد التفاهم مع المشرف على القسم ... وهذا ما حصل عند تدخلي في هذه المشاركه ....
والشكر أولاً وآخرًا مني لكم على إثراء هذا الموضوع بالجديد والمفيد ...
وتقبلوا خالص إحترامي وتقديري .....

مفتون صيد · 18-02-2003, 01:29 AM

دائماً وابداًً حريص على تطور المنتدى وما هي غريبه عليك يا تأبط شراً

بـحـ الشمال ـر · 18-02-2003, 09:23 AM

السلام عليكم ورحمه الله وبركاته

اعضاء ومشرفين المنتدى

أحب ان اوجه بعض الكلمات وصغتها بطريقتي التي اعتد عليها .....

في هذه الحياه الكبيره الصغيره في هذه الحياه النبيله الحقيره ...

تختلط اوراق الاشياء تتبعثر خيوط وخطوط البشر يمشي القاتل في جنازه القتيل تقام الافراح للنبلاء والحقرا ء...

اتمنى أن تفهموها بالشكل المطلوب.....

وكلمتي لمفتون سوف يأخذني ابودحيم على قدر عقلي.....

ولا أحب ان اثقل بكلماتي لان ما كانت بالبدايه هي القاضيه .......

تحياتي لكم بكل سعه ورحب.....

اخوكم/ بـحـ الشمال ـر

**سعود الخليل** · 18-02-2003, 01:35 PM

بصراحه أنا ودي أشتري لي جهاز (قارمن ) ويمدحون الجديد منها بس ما أدري إذا فيه أحد مجربه أو عنده علم عن مواصفاته كامله يقدمها لنا مشكور ..

مفتون صيد · 19-02-2003, 06:46 PM

هلا اخوي من التويم ومشكور جداً على التواصل وبالنسبه للجهاز انت حدد اي مديل منها وحنا ان شاء الله بنفيدك ...... لان موديلاته كثيره لكن ابقولك معلومه بسيطه الناس ما تاخذ الا من جبي اس 3 هو النوع اللي فيه كل شيء تقريباً وقوي مره وبعدين وانت نازل على الموديلات الاخرى اللي اقل منه اما اللي اعلى منه ما ادري عنها بس اكيد اقوى ..... ولكن اهم شيء في الجهاز انه يحفظ الموقع ويستقبل صح وفيه خريطة لمسارك وهذا في كل الاجهزه ( القارمن ) اما الباقيات اللي فوق تلقاها شاشه ملونه وغيره من وسائل الترف اللي انت ما تحتاجلها ...... لكن فيه نقة وهي انه فيه بعض الاجهزه اللي من gps 3 وتحت .. فيها جرس ووظيفته مثلاً اذا بعدت عن مسارك او اذا وصلت او قربت من موقعك يرن .... ارجع واقلك ياحبيبي احرص بالدرجه الاولى على gps 3 وقيمته تقريباً الف وكسر . ما اتذكر وش القيمه بالضبط ..... ولا تتعدى في نزولك للجهاز اكثرمن gps12 العادي انجليزي هاذاهو معي زي العسل واحلى بس ما فيه جرس ..... وهاذي بالنسبه لي ما تهمني لاني كل شوي ابناظر فيه سواء رن او ما رن والمعاوني الله لا يهينه يعلمني ... وما اخذته الا انه مناسب سعره لي بس لا اقل ولا اكثر ولو معي اكثر شريتgps 3 واذكر انه كان سعره تقريباً 750 بدون القاعده لان القاعده يبيلها تخريق او تصمغها .. وهاذي كلهن مانيب مسويها .... اهم شيء لا تقرب ماجلان ... وياكثر خرباته ..... لاني اعرف واحد مبهذله ... اتمنى اني افدتك .... ولا تستحي اسئل قد ما تقدر وانا اخوك

**سعود الخليل** · 21-02-2003, 12:17 AM

تسلم أخوي مفتون صيد على هالمعلومات الرائعه وبصراحه ما قصرت انا ودي بمعلومات عن الجديد اللي يقولون سعره 2400 أبو شاشه ملونه .. على قولك الشاشه الملونه مو مهم المهم الأداء لان يقولون شاشته أكبر وفيه مواصفات مثل سيدي لتحميل المواقع ..

تحياتي .

مفتون صيد · 21-02-2003, 02:07 AM

على ما اظن اخوي من التويم ان اغلب الاجهزه تقدر تحمل عليها السيدي وعلى ما اظن ان النوع اللي انا ذكرته لك تقدر تحمل عليه السيدي ...... وبعدين يمكن انت ما تحتاج للسيدي لانه فيه مواقع انت ما تبغاها او ما تستخدمها ....... لكن عطني مهله اسئل واحد عنده النوع اللي كلمتك عنه .... بس اصبر علي لاني ذي الايام مضغوط مره ...... وشكراً

مفتون صيد · 21-02-2003, 03:15 AM

هذا اللي انا اقولك عليه

وعلى فكره له قرص بالمواقع ..... ولا يفوتك تراه روعه .. 3 GPS >> PLUS
واللي عندي

عادي جداً ومتى ما توفرت الماده ان شاء الله صقعنا لنا واحد ...... بس شف ترى اللي صورته فوق روعه الى درجه ما تتخيلها

تأبط شرًا · 21-02-2003, 03:22 PM

باقتباس من مشاركة مفتون صيد
لكن عطني مهله اسئل واحد عنده النوع اللي كلمتك عنه .... بس اصبر علي لاني ذي الايام مضغوط مره ...... وشكراً ..

أخوي مفتون صيد ماشاء الله عليك ... تقول أنك مضغوط وتبغى من التويم يصبر عليك ذالأيام ... وهو ما بعد أمداه يقرا ردك ... إلا وأنت منزل الصور ... الله يعطيك العافيه ..

**سعود الخليل** · 22-02-2003, 12:02 AM

والله ماشاء الله عليك أخوي مفتون .. أحرجتني .

ما قصرت وجزاك الله ألف وخمسميه وثلاث وعشرين خير ..
الظاهر اللي أنا أقصد هو اللي الجهاز الأول اللي صورته فوق وهو اللي عليه العين .

تحياتي .

مفتون صيد · 22-02-2003, 02:16 AM

الله يخليك لي يا تأبط شراً ..... احرجتني ;) وانا والله ودي ان المنتدى ما يهجد.. ناس تدخل وناس تشارك.... وبعدين والله ما يطاوعني قلبي ان اي احد يسئلني ولا اقدر افيده ..... لانه لو صار باحس انني وضعت في المكان الغير صحيح لي

-------
اخوي من التويم اقول الله يعافيك ويجزاك كل خير..... دبل عددك اللي انت حاطه وهذا اقل شيء اقدر اخدمك فيه وان شاء الله تشتري الجهاز والله يطعمك من خير ويكفيك شره ..... مقدماً

مفتون صيد · 22-02-2003, 02:05 PM

اخوي من التويم رحت اليوم للمحلات وسئلت عنه ولقيت ارخص واحد سعره 1250 واذا بغيت اسمه راسلني على الرسايل الخاصه واعلمك

تقبل تحيات ابو عبدالله

ابو دحيم · 22-02-2003, 08:50 PM

تحيه طيبه

اشكرك الخوي مفتون صيد على تقديم المعلومات القيمه .

وفيه يا اخوي من التويم جهاز جديد بس غويلي والله شوي رقمه 176 فيه منه ششاشه ملونه بـ2100 وشاشه عاديه بـ1800 ريال .

بس والله ما عندي اي خلفيه عنه الي عنده خلفيه تكفون لا يبخل علينا .

لكم تحياتي ودوام الافه والمحبه

**سعود الخليل** · 24-02-2003, 12:17 AM

الله يعطيك العافيه أخوي مفتون صيد والله أحرجتنا بطيبتك معنا ..

مشكور وما قصرت ..

أبو دحيم .. خلاص الدعوى وصلت لا تدوخنا بالأجهزة ونتورط ما ندري وش نشتري ..

تحياتي.

ابو دحيم · 01-03-2003, 03:42 PM

تحيه طيبه

هاه اخوي من التويم بشر اخبار الجهاز .

لك تحياتي