عياااااااارتي وعياااااااااااارتك ... !!

[شيختهم تميميه]

______________________________________________

السلام عليكم ..

بسم الله وبدخل بالموضوع بدون مقدمات >>تحسوني قويه

الصراحه انا بنت سديراويه من اخوال وعمان >>طيب وبعدين


يعني عايشه بمجتمع سديراوي بحــــــــــــت >>بشري امك

الزبده من هالكلام اني عانيت معانااااه شديده من طبع مستحيل يتغير واتوقع كلن معاني
معي سواء بنت او ولد ..



الموهم ما اطول عليكم .. والسالفه بكل بساااااطه هو كل عضو يكتب معااااناته من ...

(( التعليق والتطنز والمسكات القويه الي مرت عليه بحياته ))

واقصد مثلآ العيااااااارات >> وياكثرها ولحد يقول ما عندي عيااااره ((مستحيل نصدقه))

وطبعآ نبي سبب العياره >>لان كل عيااااره لها قصه خخخخ

او مثلآ سالفه مرت عليه فيها مسكه قويه ونااااااشبه فيه للحين ..

او حركات ما تتغير مع تغير الزمن من اللكــــــــــاعه والإستعباط ..


او او او او .......

يعني الدعوه كلها سوالف وطنازه وما يخفيكم شي .. انتم سديراويه وادرى ...

واخيرآ اقول كل اهل سدير فوق راسي وهذا ان دل على شي

فيدل على خفة دمهم ومزحهم الشرباااااات>>تـــــــــــــــــرقع




ولا تقولون شيختهم كتبت الموضوع بتتهرب منه ..

بالعكس انا اول وحده بقولكم عيااااارتي >>فيني حررررره خخخخ


عيارتي هي ..........>> عاد اشوف احد ماسكها علي هااااه ياويلكم >>خافت تقول


ما سبب التسميه ؟؟





سبب التسميه الله يسلمكم انه في يوم من الايام عندما

كنت طفله >>يعني بزر ((اخاف ماتفهمونها خخ))

وقاعده مع بنات اخوي وبنات اختي نلعب بســـــج ابوي >>مدري وشلون مكفينا هالسج خخخ

وكان ابوي من باب المزح مع احفاده وابناءه قعد يدغدغ ويفغص فينا

وإنا ضعيفين ما غير كاااااااارينها ضحك >>من الوجع بس على بالنا اقوياء خخخخ

عاد انا يومني صغيره دلوعه ونعومه >>امحق شوشتك دايمآ طايره >>سوري شوشه منغوشه ما اقصدك



الموووووهم من كثر هالتفغيص اختكم في الله ما استحملت وكنه اغمى علي وصار وجهي

تقل ليموووونه من الصفار ..

عاد لايفوتكم اهلي انواع الصجه ((يوووه شيختهم اصفرت .. وراها مصفره .. بنيتي صفراء ))

وهكــــــــــــــــذا حتى لصقت ........ علي ..

>>انا ما قهرني الا ابوي ما كأنه مسوي شي تحسونه بريء ويتبوسم بعد خخخخخ

(( ياحبي لأبيي ))
















واتمنى السالفه عجبتكم>>الدعوه عيياير ليش ما تعجبهم >>الا غصب تعجبكم
((كم كلمة تعجبكم بهالسطر خخخ))


واتمنـــــــــــــــــــــــى بعد القى تفاعل حلوووو ويبرد القلب ..


وترى عندي عياره ثانيه بس اذا لقيت عندكم

سوالف وردود سنعه قلتها>>مخفه علطول تقول عياراتها خخخ





ملاااااحظه // تراي كنت كاتبه عيارتي .. بس شفرتها

يعني اذا شفت عيايركم كتبت عيارتي >>اخاف اكتبها .. وتسحبون علي محد

يكتب عيارته ..


يعني وحده بوحده ..


قولي ( او ) قل عيارتك .. ويصير خيييييير ..



وسلاأأإإأأإإأأإإأأإإمتكم ..