| من مذكرآت صبآي |

[قلم صريح]

المطمئنه مشرفتنا الكريمه :
جميل أنك تذكرين و تتذكرين كيف كنتي مع الوالد و بعد مانضجتي وعرفتي حق الوالدين ندمتي , و هذا شيء طيب و يوري إن مابعد تزعيل الوالدين الا ندم و يود الواحد ان ذاك اليوم يمحي من التاريخ.
بالنسبة لي و أني كنت شقي , لو كنت كذلك كان ماخلينا أم صعرور تجول و تدور في حسبتنا , و لا نيب حاقد عليها لكني كنت افرح اذا شفتها في حالة حوسه

[قلم صريح]

اي زينه و اي شينه , هذي كانت جمع مذكر غير سالم
منيب متكلم عن حالها الحين الا إذا كنتوا مستعجلين بكيفكم , نسوي تصويت و حتى يحصل التصويت نكمل :
تعلقت في الونيت و صارت شيلتها مثل البيرق و شوشتها التطريز حول البيرق
و متمسكه بباب الونيت الجمس الا وينفتح الباب و يجي الطماط عليها و على الارض و تتكرفس إعادة للمرة الأولى تذكرونها , و يوقف راعي الونيت و يوم شاف هالحرمه تطلع من بين الطماط تُوِن " يحسبها حرمة " و حنا نركض تبي نشوف وش صار , الا الضعيف ينحاش ماسكن غترته بفمه و ماتشوف الا مواطي رجليه و هي تتبادل الظهور بسرعه رهيبه , " قالت إنحاش ماعطاني حق الطيحاااااه (تمط اخر كلمه ) أوريك فيه المجرَااااااااام" ,
مانتهت ام صعرور و حمدت ربها على السلامه لا , ركبت الونيت تبي تسوقه , هو تركه شغال , الا و تعشقه و ينطلق و يدخل في ذاك الدكان حق سياكل و يعفس السياكل كلها و الحمدلله ان راعي المحل مهوب منداخل كان مرسته , جا يركض منهبل يصارخ , سياكلي سياكلي , ....

[بنت الاصول]

والله وانااختك الواجب انك ترسل هذه القصه لطاش ما طاش

[قلم صريح]

نزلت من الونيت و إنحاشت و طاحت غطوتها و هي تركض , راعي الونيت وقف نشوفه يطل من بعيد عند الملف أكيد مهو مصدق اللي حصل , و يوم شافها تركض بعيد عن الونيت جا للونيت و ركبه يبي يطلعه من المحل الا ويمسكه الحضرمي راعي المحل ,
مايطلع الونيت حتى تجي الشرطه , قال مهوب انا اللي دخلت الونيت في محلك ماتشوف خسايري في الارض راح الطماط كله
قال بنتك الخبلاء هي اللي كانت تسوق , كيف تخلي بنتك تسوق و تعدم الناس , قال ماهي بنتي , قال لما تجي الشرطه اضحك عليهم مو علي,
في هذه الأثناء , تطل أم صعرور تبي غطوتها , و حنا ماتحركنا من محلنا , سبحان الله مسرحية على الهواء قدامنا , ربي راحمنا أن ماعندنا تلفزيون . جدتي الله يرحمها تتغطى عن الرجال اللي يقرأ الأخبار , نقولها تراه مايشوفك, تقول وشلون مايشوفني و عيونه تلاحقني في كل مكان , صكوه و أقلعوه .

[وَدْقْ ,]

هههههههههههههههههههههههههههههههههههههههههههههههههه لاجت الشرطة العب علينا من جد وين طاش ماطاش عنها مثل ماقالت المطمئنة
من جد ضحكت هههههههههههههههههههه الين حسيت اني اقرى شئ مو على الدنيا وينهي ذي بالله ولازورو ياشيخ ههههههههههههه
موهبتها ذكرتني بذوليك الي يتزحلقون على الطريق السريع متمسكين فالسياره ومعاهم جزمات الي فيها كفرات الله يكرمكم .
طيب ماتقول اخاف اضيع او احد يسرقني ؟؟!!
ادري بتقول اهي الي تسرق واهي تضيع الناس ههههههههههه لابس ولو لازم يكون فيه خوف لو قطرة .
.

[وَدْقْ ,]

بقولكم سالفة وان شاء الله المقطع الجديد قادم عما قريب .
مره من المرات وانا كذا عجوز في رمضان كنا جالسين فالحوش وانا ادور فالحوش وامي تقطع ملوخية كذا جاء بالي ادخن ايه ادخن من ابسط حقوقي الاجرامية ترى
المهم رحت لامي كذا وانا جاده واقفة وقفة عسكري < للاسف امثل دور الشرطة بطريقة العقل الباطن < ازهليها
قلت شوفي انا جيت احط عندك خبر مااشاورك وانا عازمة على شئ اني بدخن
قالت امي وشوووو قلت بدخخخن قالت لااعرفك ولاتعرفيني قلت كعادتك ياأماه تكبرين المواضيع وتجعلين من الحبة قبة
قالت جاك العلم قلت جاك علمي انا مو اشاورك انا احط عندك خبر بس ؛هنا ازداد غصب امي وطارت بوهتها ازود
قلت مجرد زيقارة الى ثنتين لااكثر وساتركه بطيح شئ في راسي
قالت أي هين قواك ماقويتيه مايجوز تؤدين نفسك الى التهلكة
قلت : قلت صدقيني انا لاقلت كلمة قدها
انا قلت مرتين لااكثر مو كل عمري وانا افهم واعرف صدقيني
وخلاص اعتقد كل واحد مسئول عن نفسه وانا فقط احترام مني لك احط عندك خبر لااكثر
قالت : انهبلتي اشوف قلت رأيك واحترمه على عيني وراسي بدخن
ليه ليه ماندخن صدق جاوبوني ليه لاعاد بجد ليه ماندخن خلونا ندخن ونسوي حملة ندخن مره مرتين ونطفيها < الله من زين اسم الحملة
الاستفادة من هذا الحوار البسيط :
دخن كما تشاء ستتركه كما يشاء هو < لاتتفلسفين النوبة الثانية
الدخان ليس مضر بالصحة بل عقلك هو الضار
تادب مع والدتك واعلم ان لك رأي وبعدها افعل ماتشاء فيما لايغضب الله < كنك ماقلتي مانيب مدخنه
مجرد اسوي تمثيلية على والدتي وان لااصدمها فالمستقبل < مهيب عاقلة ابد
دخن دخني دخنوا جميعا <لايقولها الا افواه الاشرار
انا الان في اي مرحلة من العمر (شيخوخة - عانس -نطفة ) .
.

[قلم صريح]

سبحان الله على طريقة سردك و الكلمات و المواقف , الله يزيدك .
**
الصراحة مقطع ممتع ريحنا شوي من أم صعرور , لكنها تقرقع في رأسي تقول لي كمل قصتي أوريك بها اللي مسوين عمان بلطجيه و شبيحة
***

[قلم صريح]

المفاجأة ( طبعاً بالنسبة لنا عاديه جداً) تنطلق أم صعرور و تقطع الشارع و تلقط غطوتها و هي تنوي الرجوع بنفس السرعة إلاَّ تزلق بذيك الطماطة و تتزحلق الين وصلت الدكان و تصقع ركبتها بقطعة ذاك السيكل اللي متكسر عند بابه , و تصرخ ذيك الصرخة , أول أمره أسمعها تصرخ , بس عليها صرخه من وحشيتها طلعت زغروطه ,
الحضرمي من الفاجعة انطلق و أنحاش و لحقة راعي الونيت و حنا وقفنا على راسها نقول لها " وش فيك " حنا عارفين وش فيها بس نبي نحرها و تتوجع أكثر .

[وَدْقْ ,]

سبحان الله على طريقة سردك و الكلماتو المواقف , الله يزيدك .
ويزيدك علم ونور يارب وانت سردك ماشي لحد الان تمام دام فيه زورو انثى هههههههه
الصراحة مقطع ممتع ريحنا شوي من أم صعرور
لا بالله يازينها من جد احسها شئ خيالي ماني مستوعبه لحد الان انها حقيقية الله يوفقها يارب عاشت طفولتها بالطول والعرض ماشاءالله ,

, لكنها تقرقع في رأسي تقول لي كمل قصتيأوريك بها اللي مسوين عمان بلطجيه و شبيحة
هههههههههههههههههه أي يصيرون بلطجيه وشبيحه بالراحه بدوا يكرهون لها حياتها وفي( بطوله) تقرب تموت ؟!!!!

المفاجأة ( طبعاً بالنسبة لنا عاديهجداً) تنطلق أم صعرور و تقطع الشارع و تلقط غطوتها و هي تنوي الرجوع بنفس السرعة
ههههههههههههههههههههههههههههههههههههه اما تلقط غطوتها شئ ثاني

جعلي ماطيح في عبرتكم وش هذا ياعمري يالها من حالة قشراااء ,
مادري ليه عجزت ارحمكم ودائما ارحمها الامره يوم حالتها مع العنز تقطع ركبها مادري وش اسمه هذاك الشئ ,

[قلم صريح]

المشاركة الأصلية كتبت بواسطة   مادري ليه عجزت ارحمكم ودائما ارحمها الامره يوم حالتها مع العنز تقطع ركبها مادري وش اسمه هذاك الشئ ,

الكعب , مفصل ركبة البهيم , العنز ولا الخروف .
هذي هي التسعابه




لعبة التسعابة


و هذا محل اللعبة




يضرب الكعب اللي في يده بالكعب اللي في الدائرة و إذا طلعه برا الدائره يكسبه و ياخذه له

[وَدْقْ ,]

قلت الحصيان لجل تاخذون ذي الكعابه !!!!
انتم وين عايشين فيه ؟؟؟!!
انا طايرتن بوهتي لحد الان الله يصلحكم بس .

[قلم صريح]

حسب سرد التاريخ
لعبه صناعه وطنيه وش حصاه , و بعدين الحصى كثير لكن الكعابه صعب الحصول عليها علشان يكون الحماس و التحدي و منهو الحرِّيـْف اللي يلعبها صح , لها طقوس شيء عجيب , كان الواحد يشوف أكبر كعب و يخرقه من الوسط و يصب فيه رصاص و يسميها " صوله " هي الكعب اللي مايفرط فيها لأنه اذا ضرب طلع الكعب اللي في الدائره برا بعيد من ثقله و قوة الضربه و ينباع بعشره إلى عشرين كعب .
غير الفرح في الولايم و العزايم في كسب الكعابه .

[طيف الأمل]

يالله أول ماشفت الصوره حسبتها صورة سن طايح قبل ماأقرأ التعليق عليها ‏

قلت ماشاء الله مصورين الحدث وبعد سنونها أم صعرور ‏

بس ‏ يوم ميزت الصوره وقريت التعليق قعدت أضحك على نفسي ههههههههههه

بصراحه شطح تفكيري لبعيد كمل ياراوينا قصه ولا ألف ليله وليله ‏

وأهم شئ نبغى نعرف وين أراضيها عندي إحساس إنه الآن شئ كبير ولا في منصب ‏

عالي وإلا وش رأيك يازخات ‏...‏!!‏

[وَدْقْ ,]

ناقد صريح : لاتعليق بجد ؛ مالومها لو استاذت منها البهايم علشان كعابه صعب الحصول عليها ياانها اعجبتني تبحث عن التميز بشتى انواعه لله درها


طيف الامل هههههههههه اكتشفت انك مطفوقه شوي اركدي مثلي <بسم الله عليك
الا كانك تقرين الي اتخيله واحس أني متاكده بقوه انسانه انسانة وكشخه وبرستيج وش منصب عالي وبس واحس انها قاصة شعرها فكتوريا يعني باختصار قبل وبعد باختصار (سيدة) ]
ماعليك بس انتي اهم غايرين منها مهجدتهم ياشيخه < بتنجلد
.

[قلم صريح]

تخلوني ماصبر و أكمل القصه :
بسم الله الرحمن الرحيم , تنقز , مو مثل الجنيه لا الجنيه مثلها " و تلقط واحد من السياكل اللي ماجاها شيء و تتغطى و تطير بالسيكل , الحضرمي جا يصرخ كالعادة
بس غير كلمة " سياكلي سياكلي " ب " سيكلي سيكلي " . وش سيكلك , سيكلك راح ,
جو ثنينهم ,وراعي الونيت مسوي نفسه متعاطف مع الحضرمي علشان لايبلشه مع الشرطه , و يقول أوريك فيها نبي نعرف منهي بنته
الحضرمي حضرمي قال " أول أدفع قيمة اللي تكسر في المحل و بعدين جب بنتك بلا ضحك علي أنا ماتضحك علي , جب الخبلا بنتك و لا يمكن زوجتك "
و يقوم حويلان , هذا واحد من العيال اللي معنا , ماشفنا القف منه , وقال أنا اعرف بيتهم , قالوا يالله ورناه
راحوا للبيت وحنا نمشي ورا المسرحيه , مسرحيه متحركه , و صلنا لبيتهم و طق راعي الونيت على البيت الا هي فوق السطح و تكب عليهم غسال تقول تسبحوا ...