Ii دكّـــــة .. بنــــآتـــ Ii

[عذبة الصفات]

هههههههههههههههههههه
قموره تراه يخلون الخزان يصب عليهم المويه متوفره عندهم
ماودك نروح نتروش عندهم للعيد عاد انا خلااص بتروش مرتن وحده لعيد الفطر وعليها لعيد الاضحى وش له الخساير الله مير لايبلانا

والله واضح مرره انه موب مطر
والله موب شينه خلاص ولايهمس نروح نطرفش معهم وش ورانا وجيبي بنتك معنا

[حنين الذكرى]

ياويل حالي اجيب بنتي معنا عز الله رحنا فيها
صدع راسي امس منها على سؤالها مدري وش يبي
ماانصحك تجي معنا اخاف افض الشراكه اللي بيننا

[عذبة الصفات]

ياويل حالي اجيب بنتي معنا عز الله رحنا فيها
صدع راسي امس منها على سؤالها مدري وش يبي
ماانصحك تجي معنا اخاف افض الشراكه اللي بيننا

ههههههههههههههه يالبى قلبها

ياحليلك عندنا وعندك خير

عندنا في البيت أخواني بنت وولد ثنائي مررح وعليهم اساله تفطس من الضحك

يعني عادي ولايهمس جيبها بس

[حنين الذكرى]

ياحلوك تكفين اي والله خليها تلهى مع الصغار تحب الصغار حيل لكن ترى تطفش على طول ......
قبل امس تقول طفشت من البيت ودي اطلع اغير جو
طلعت انا وايّاها للسوق مامدانا ندخل محلين إلا قايله طفشت بنرجع للبيت
لاعبه علي حيل وانا مطاوعتها شكلها هي اللي بتربيني

[عذبة الصفات]

هههههههههههههههههههههههه يالبى قلبها مسويه نفسها راعيه بيت هي الي تتحكم فديتها والله

يالله شدي حيلك وجيبي لها نونو صعينون عشان تنبسط وتلعب معه

[حنين الذكرى]

المشاركة الأصلية كتبت بواسطة قمر الزامل   هههههههههههههههههههههههه يالبى قلبها مسويه نفسها راعيه بيت هي الي تتحكم فديتها والله يالله شدي حيلك وجيبي لها نونو صعينون عشان تنبسط وتلعب معه

شويه هي الكل بالكل تمشينا على كيفها
لاتكفين مانبي نونو ولاشيء خلي الدلع لها لوحدها خليها تكمل التطبيق علينا ونشوف وش اخرتها معها

المشكله اذا جت تسولف معي ماتقول مامي تقول ياختي ياويل حالي منها ماودك ارسلها لك يوم

[عذبة الصفات]

هههههههههههههههه بعد ماتقول مامي

ياليت والله ترسلينها لي عاد انا أموووووووووووت في الاطفال ادخل جوو معهم

[حنين الذكرى]

قموووووووره نصيحه مني لاتشوفين بنتي قد اعذر من انذر
مع انها ماشاء الله تحب تدخل مع العالم عكسي حيل انا يالله ادخل مع اللي اشوفه بعد اربع خمس شوفات >> فاهيه

واذا انتي معزمه عطيني الوصف برسلها لك بسوي لك بروفه هههههههههه

[عذبة الصفات]

يؤيؤ ماتدخلين مع الي تشوفينه الا بعد اربع او خمس شوفات كثيررره

ياحليل بنتك شكلها اجتماعيه وراعيه سواليف يعني تنفع تجي عندنا

تعالوا كلكم

[حنين الذكرى]

إن شاء الله نلتقي يوم من الأيام
ودي اروح للفيصليه تروحين معي ...!!!

[عذبة الصفات]

والله موب شينه

بس خليها بعد العيد وش رايك ؟

[حنين الذكرى]

بعد العيد دواااااام
مومشكله نشوف لنا يوم في الويك اند والله ودي بشوفتكم
إلا وين اموره هجت معد شفناها

[عذبة الصفات]

وانا أكثر متحمسه أشوفكم ..

اي والله أموره مالها حس شكلها نامت

[حنين الذكرى]

يالله يابعدهم استأذنك وراي قومه بدري بطبخ مفطح هههههههه>> متعوب على هالكلمه
شكلي بقبصه لين يموت العالم الله انه مفطح نمل ..!!>> تخيلت نفسي وانا اطبخ استغفر الله

اشوفك على خير يابعدهم سعدت بتواجدك هنا يالغالية وسلامي على اموره اوكيه

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[عذبة الصفات]

الله يحفظك يالغاليه..

فمان الله..