بيت القصيد للتعمير

[عبدالرحمن الفهد]

أرجع يكفي غياب وجروح
ياروح روحي لاتزود جنوني

أظلم على الدار ياأغلى من الروح
يانور لارديت تسمع شجوني

تسمع إلى ونيت من قلب مجروح
العاطفه دمي وقلبي حنوني

مجروح أنا بالحيل والحب مفضوح
حتى ولو خفيت ترفض عيوني

دمعي تراه يبان لو كان ممسوح
وعيني ترى جرح بكاها جفوني

تظلم ترى دنياي لاقلت باروح
إرجع دخيلك لاتخيب ظنوني

دمك خفيف وصرت بالحيل مملوح
ليتك تكون أول بشر يقبروني

يومي قبل يومك إلا مت مسموح
وأنا السبب قلها لمن يدفنوني

[صافي الود]

اغليـك واتغـلا وازيـد بتغلـيـك
واتحمل همـوم الحيـاة المريعـه
من لي بعد زولك وضحكة اشافيك
ترى الحياه ابدون وصلـك فضيعه
ياليتنـي قلبـك وياليتنـي فـيـك
انبض غلا مانبض فراق وقطيعـه

[فقيدة امها]

سألني عن غلاك الشوق و جاوبه الوله اهواه
و اكد خافقي يا شوق انا بالحيل مجنونه

كثر ما مرني طيفه و صاح الشوق بي اواه
كثر ما تسهر عيوني تناجي الليل لعيونه

احبه تشهد حروفي و شعرٍ و اضحٍ معناه
احبه كيف ؟ ما أدري ! وروحي فيه مفتونه

الا يا شوق لو تدري بحبٍ خافقي أخفاه
عن عيون العرب خايف يوصل سمع مضنونه

تصدق لو ابحكيلك عن أحساس الهوى و معناه
تهزك دمعة عيوني و جرح القلب و طعونه

انا يا شوق يذبحني حنيني و الوله وياه
و لو غاب الغلا يا شوق اشوف الموت من دونه

احس النار تحرقني الامن جاب احد طرياه
بصمت اتنهد بسري عن العذال يوحونه

اخاف اليادرى عاذل عن اللي بالحشى ارعاه
يبعد بيتي و بيته و اموت بنار مغبونه

اضم السر في قلبي و لامن جاء يبوح انهاره
و خوفي لا يثور الشوق و يفضي القلب مكنونه

[عبدالرحمن الفهد]

وين اودي وجهي منه لو سألني عن غلاه

وين اودي وجهي مدام قلبي يبيه

لو سألني عن شعوري عن احساسي معاه

لو سألني عن فؤادي من يحب ومنهو فيه

كيف ردي والله ما أدري يابلادي ويا بلاه

اعترف له بالحقيقه ولا اتحايل عليه

حسبي الله يالعواطف وهمتي من هواه

والمصيبه نبهتي بعد قيدي في ايديه

واقعي صعب ومحير بين هم وبين اه

لو يطاوعني فؤادي بعت غيره واشتريه

كل ماروضت قلبي كتب فيه الحب ونفاه

قال هذا غصب عنه حب غيره مبتليه

من يبدلني بقلب ابتدي فبه الحياه

اعشقه فيه واحبه كل عمري يفتديه

مشكله والحل ضايع مبتداه ومنتهاه

كل ماهديت بالي انتهيه وابتديه

قال ودي بالسعاده للحبيب اللي اباه

بس قلبي له حبيب فيه متمسك يبيه

[فقيدة امها]

تبي الصراحه ما أقدر أبعد وأخليك


كـل القصايـد تنحني عنـد رجليــك
وأجيبهـا لـك يـابعــد كــل غـالــي


أحيا على قربك وصوتـك وطـاريـك
ودي بشـوفـك كـل لـحظــه قبالــي

والله أحــبك حـب ياقـلب مغـليــك
ويـزود حبــك مـع مـرور الليالـــي

أحلـف بـرب البيـت مـانيـب ناسيــك
وشلون أبنسى دنيتي وراس مالي

ودي أحطك في عـيونـي وأغطـيــك
وودي أنا اللي بس أشوفك لحالي

وماودي عيون الخـلايـق تـراعيـك
أخـاف تــلقى لـك حبيبــا ً بدالــــي

حتى الهوى لامر من بيـن أيـاديــك
أقـول هـذا وش يبــي فـي حلالـــي

أنا بمنامي ياهـوى القـلب أنـاديــك
صــورتك دايـم مـاتفــارق خيالــي

أن غبت عن عيـني بقـلبي ألاقيــك
وأن رحت عن قلبي فيا عزتالـــي

تبي الصراحه ما أقدر أبعد وأخليك
ينسانــي الله لا نسيتـك يا غـالـــي

[فقيدة امها]

لا ماعطيـتك حـب لجـل إني أنساك

ولا ماكتبتك شعـر لجل إني أمحيك

آمـر تدلل كـل روحـــى فدايـــــاك

وعيـون تذرف كـل ماحــل طاريــك

أنـا حياتــي رهيــنــه بكـف يمنـــاك

خـذها هديـه جعـل تسلم أياديــــــك

خـذها مدام العمــر فانـــي بليــــاك

وشهي حياتـي دام وقتـي مجافيـك

خذنــي مشاوير تسافـر بدنيـــــــاك

مـاتنـتـهـي إلا بتحقـق أمانيـــــــــك

خذنـي عيون تحلـم ثوانـي بلقيـــاك

خذنـي محبه صــــــــادقـــــــــــــــــــه تفتخــر فـيـــك

[فقيدة امها]

يا الله نـقـول إن ألـحـكـي حـان وقـتـه
احـكـي وقـولـي وكـتـبـي كـل مـا كـان

قـولـي عـشقـتـه قــولـي الـيـوم شفـتـه
إنسان مـن طـيـبـه مـلك قـلب إنسـان

لا قـلـت عمـري قـال قـلبـي وجـدتـه
في وسط قلبك شايل الشوق ولهان

قـال الـغـلا مـن حـر شـوقـي كـتـبـتــه
أحـر مـن نـار(ن) عـلـى رأس بـركـان

سـاح ونــثـرنـي بالـغـــلا ثـم نـثــرتـــه
مـع كـل مآبـي مـن وريـد(ن) وشـريـان

لـيـن بحياتـي وسـط قـلبـي عـرفـتـه
يـأمـر وينهـى يـطـلـب القـلب لا هـان

لــه كـل مآبـي لــه غـلاي إن وصـفــتـه
إلـي بـعـمــري هـو تــرى تـو مـا بـان

لـه كـل شعـري لــه قصـيـدي كـتـبـتـه
اســم(ن) عرفـــتـه واكـتـــبـه دوم عنوان

[صافي الود]

ما كل من يضحك بدنيـاه مسـرور
لو ضحـكته دايـم تحــــرك حـجاجـه
وما كل من يبكي من الناس مقهـور
بعض الدموع رخاص من شان حـاجه
وما كل صادق لو حكا لك من شعور
يا كثر من زيف المشــاعـر خراجـه
وما كل ما يخفا من السـر مستـور
بعض الوجـيه ابين من ارهــف زجاجه

[عبدالرحمن الفهد]

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي

ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي

الخوف -يا من نبشت القلب وادميته-
لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي

صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!

[فقيدة امها]

لاتعتذر مال الهجر منك تبرير
صدك بليا ذنب والله ظليمه

ماصارلي بعدك يفوق اي تصوير
تجددت كل الجروح القديمه

بعدك لعبي هاجسي والتفاكير
وقلب (ن)جريح وروح صب(ن)مهيمه

ماغير اسلي خاطري بالمشاوير
اروح وارجع والهواجس مقيمه

ياحبي اللي بين بيض الغنادير
لك في عروش القلب قدر وقيمه

ان كان صدك ماخذك عني لغير
روّح ولو ان الخساير وخيمه

وان كانها عني خذتك المقادير
فالعفو عند المقدره فيه شيمه

يامرحبا والحب كله معاذير
تشفع لك ايام الغرام القديمه

يوم الهوى لازارني منك أعصير
أضم في صدري من اجلك نسيمه

واليوم اصبر خاطر الوجد تصبير
واقول صدك عقب وصلك جريمه

ولاجاك مني ياهوى البال تقصير
مواقفي وياك والله عظيمه

صخرت لك مشاعر الشوق تصخير
وامطرتك بحبن تقفاه ديمه

وظللتك بجفني وصارت مسافير
يوم الغلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محد لنفسه يرتضي بالهزيمه

اما تخاويني على الشر والخير
والا السلامه منك راس الغنيمه

[فقيدة امها]

لا تزيدالجرح ماقصـر زمانـي
شايلٍ بالقلب أحـزان السنيـن


لاتزيد الجـرح مافينـي كفانـي
لا تصير اليوم مع وقتي معيـن

ياحياة الروح ربي بـك بلانـي
بالحشاء لك جرح يالغالي مكيـن

في زمانٍ فات يالغالـي ترانـي
أخفي الأحزان والعبـرة تبيـن

مندفع لك جيت شوقي لك حداني
جيت أبي نظرات عطفك والحنين

عمري اللي ضاع باحلام وأماني
شوفتي لك يوم والفرقا سنيـن

[عبدالعزيز العمران]

نوى القلب نيه ما نواها لاحد غيرك
نوى القلب يمشي لك على السمع والطاعه

مع الشك والغيرة وهجرك وتقصيرك
أحبك وأقول أمرك له الروح خضاعه

جمعنا طريق الحب وانور بتنويرك
على صدفة لقلوب الأحباب جماعه

ملكني هواك وقادني بامر تدبيرك
أمانه معك روحي من البعد ملتاعه

تغزلت بك والشعر من بعض تعبيرك
كلامك سحر يخلف موازين سماعه

تقول الغزل مني شغل كل تفكيرك
عسى واعسى والنفس بالزود طماعه

[صافي الود]

مثل المطر ياصافي الروح ذكراك
يغسل هموم النفس ويروري ضماهه
جعل ربي يابيض القلب يرعاك
وعسا السعادة دايم الدوم وياك
وعسى الفرح ياتيك من عالي سماها

[عبدالرحمن الفهد]

وش عاد همك لو يقولون زعلان
لــو فيــك ذره من غلا ما جفيتيي

ياللي تقولين ان الخطا زلة لسان
فى زحمة اﻻ‌يام ليه اختفيتي

خطاي وان جا مدرى الذنب وش كان
ليه انتهى ذاك الغلا وانتهيتي

وقفت فى وجهه الزمن قدر اﻻ‌مكان
وانتي جـَـنـَح فيك الخيال وغفيتي

غلطان انا في كل اﻻ‌حوال غلطان
أسرجت لك خيل القصيد وسريتي

جيتي وقلت الجرح يوم اقبلت هان
وانتي على الجرح القديم ارتكيتي

قلتيلي ان الحب ﻻ‌بد ينصان
واليوم ما كنك دقايق هويتي

شافوك حساد الهوى شوف اﻻ‌عيان
يومك على رجم القصايد رقيتي

ما بان شي وﻻ‌ بقى شي مابان
بس انتي اللي غافله ما دريتي

العام لك طاري بقلبي ولك شان
واليوم احس .. بغلطتي ﻻ‌ طريتي

وأن قدر المولى وعشتي بحرمان
من حر لوعات التجافي بكيتي

تذكري قلب ٍ له سنين شفقـــــان
شوفي بحقه ياكثر ما خطيتي

كل القصيد اللي أقوله على شان
تهزك الذكرى ...عقب ما نسيتي

[عنود الجزيره]

ساانام لــ / ارسمك ,
حلما , وارتوي منك
فــ /عندما استلقي للنوم
لاشي يدوور في ذهنني سواك
اانت فققطط ,