¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة . |
|
أدوات الموضوع | انواع عرض الموضوع |
14-07-2014, 03:45 AM | #91 | |||||||||
مراقب عام
|
رد: من سواليف الأولين>> لاتفوتكم ,,,
قصص جميلة جداً وموضوع أجمل
بارك الله فيك فقيدة امها وجميع من شارك هنا |
|||||||||
17-07-2014, 03:05 AM | #92 | |||||||||
المشرف العام
|
رد: من سواليف الأولين>> لاتفوتكم ,,,
|
|||||||||
24-07-2014, 08:24 PM | #93 | |||||||||
المشرف العام
|
رد: من سواليف الأولين>> لاتفوتكم ,,,
هالقصة احزنتني من جد وخصوصا ابياتها الحزينه في احد السنين تأخر الرجع عن نجد ... والشمال ربّع ... وأحالوا اهل نجد للشمال قريب من حايل ... يبون الحيا ... وربعوا وعينوا من الله خير ... وكان وحده من حريمهم اسمها هدابة ... أصابها حمى ... وماتت ... الله يرحمها ... قاموا وصلّوا عليها وقبروها في صاح هاك الضلع ... وراحوا وخلوها ... وجاء القيض ويبس العشب ... وكلٍ رجع لديرته. مرت السنين والسنين على هاك الربيع ... وفي يوم من الايام كان لجماعة هدابة غرض في حايل ... عند ابن مساعد ... راحوا له ويوم قضوا غرضهم نكسوا راجعين ... وهم سارين في اليل انهكهم التعب ... وقالوا خلونا نمرح ونريّح ركايبنا ... ويوم نوخوا وهم يبطّون النار ويسوون عشاهم ... ويوم تعشوا وهم يتسدحون ... ذابحهم التعب ... بس الرياجيل ما رقدوا ... لأنه ايقضهم صوت حرمة تغني بأعلى صوتها في راس الضلع في الليل ... والصوت بعد مهوب غريب عليهم ... قاموا يتوحون فيها لينها تقول: شيلوا على الاملح بقايـا زهابـه جملكم اللي فـالعشايـر تهـدّون ذيله على العرقوب غادٍ اخضابـه وَقْم الرباع او السديس او بعد دون قولوا هـذا قـولٍ تقولـه هدابـة والاجنبي بديار الاجناب مشحون ويوم اصبح الصبح اكتشفوا انهم جنب امراحهم هاك السنه اللي ربعوا فيها يم حايل ... وان الضلع اللي كانت تغني على راسه الحرمة هو الضلع اللي قبروا هدابة فيه. الله يرحمك يا هدابة ..
|
|||||||||
24-07-2014, 08:28 PM | #94 | |||||||||
المشرف العام
|
رد: من سواليف الأولين>> لاتفوتكم ,,,
ومن الامثال اللي جرت على ألسن الجن
( يا الله اقلعها عنا لو حذفت حصاة) هذا المثل مثل معروف عند العامة ... وقصته ان فيه رجال له ابن وبنت ... قدر الله وماتت البنت ... وقام الابو والابن يحفرون القبر ... ومن العصر لين المغرب عجزوا يحفرون شي ... لأن الارض صلبة ... ولا يدرون وش سبب صلابة الارض ... لأنهم يحفرون القبر في ارض هشه وكأنهم يحفرون على الصفى ... وامسى الليل وهم ما سوو شي ... صابهم الارهاق والتعب مع الحزن ... وجلس كل واحد لحاله ... حاطٍٍ يدينه على عيونه من التعب ... ولا افزعهم الا صوت رجل غليظ يقول ( يا الله اقلعها عنا لو حذفة حصاة) ... قام الابو واخذ له حصاة وحذفها .... ويوم وقعت في الارض قال لولده ... تعال نبا نحفر هناك عند مطيح الحصاة ... وفعلا حفروا القبر وتيسرت امورهم ... وهم قبل كانوا يحفرون فوق بيت جني .... بغوا يشقون السطح على الجني. : |
|||||||||
27-07-2014, 12:21 AM | #95 | |||||||||
مراقب عام
|
رد: من سواليف الأولين>> لاتفوتكم ,,,
الله يرحمها وجميع أموات المسلمين .. |
|||||||||
28-07-2014, 03:19 AM | #96 | |||||||||
المشرف العام
|
رد: من سواليف الأولين>> لاتفوتكم ,,,
|
|||||||||
30-07-2014, 02:16 AM | #97 | |||||||||
عضو نشيط
|
رد: من سواليف الأولين>> لاتفوتكم ,,,
قصص ممتعة |
|||||||||
05-08-2014, 01:59 PM | #98 | |||||||||
المشرف العام
|
رد: من سواليف الأولين>> لاتفوتكم ,,,
يسلمك ربي ويعافيك أخي الفاضل حمد |
|||||||||
06-08-2014, 01:21 AM | #99 | |||||||||
المشرف العام
|
رد: من سواليف الأولين>> لاتفوتكم ,,,
|
|||||||||
06-08-2014, 02:18 AM | #100 | |||||||||
كاتب مميز
|
رد: من سواليف الأولين>> لاتفوتكم ,,,
|
|||||||||
07-08-2014, 04:06 PM | #101 | |||||||||
المشرف العام
|
رد: من سواليف الأولين>> لاتفوتكم ,,,
اللهم آآمين : |
|||||||||
10-08-2014, 03:54 AM | #102 | |||||||||
المشرف العام
|
رد: من سواليف الأولين>> لاتفوتكم ,,,
.
القصه بطلتها دويده ام الذبان وهي من قصص الأولين . هذا الله يسلمكم فيه اخوان الله منعم عليهم ورازقهم من واسع رزقه وحلالهم واحد وموفقهم الله بمحبتهم لبعض واحدن منهم الله رزقه بولد والثاني رازقه الله ببنيه خبركم منول الناس نادر اللي يكثرون عياله من الامراض وقل العلاج والا لو الله موفر ذا العلاجات والعنايه الطبيه اللي الحين وعلى نشاطهم منول كان تعدادنا الحين كثر الهند المهم ذا الاخوين كان في بالهم انهم يزوجون البنيه ولد عمها عشان لا يطلع حلالهم برى ويتفرق ويكون بينهم ولكن الاقدار ما امهلت ابو البنيه وتوفاه الله وتيتمت البنيه وترملت اميمتها وهي توها صغيره عم البنيه ذل على بنية اخوه وشرط على ارملة اخوه ان كانها بتعرس بياخذ بنت اخوه عنده و وافقت الام وقالت ابي اربي بنيتي ولانيب معرسه . ومرت الايام وكثر الخطاطيب يبون ام البنت والام تمنع بحجة البنت ولكن اضناها طول الصبر وصارت بين هاجوس العرس وفرقى البنيه اللي بتغيب عن عينها ان اعرست ومع الايام انحنت قدام رغبتها بالعرس وزان في خاطرها ذا الرجال اللي خطبها وقامت ادور لنفسها الاعذار وشافت ان بنيتها كبرت وصارت تقدر تقوم بنفسها في بيت عمها والظاهر انها مابه الا ادور عذر للعرس يوم زان لها الخطيب اعرست الام وعطت عم البنت بنت اخوه البنيه في بيت عمها لقت الحشيمه ولكن مالقت الاهتمام من مرة عمها واللي ماخذ الاهتمام هو ولد عمها امه تديره من كل جهه ومهتمه فيه وتاركه البنيه اليتيمه والظاهر ان البنيه بعد مامن ذاك الضفر ولاهيب مهتمه بحالها ودايم ادودي على وجهها الذبان وكان ولد عمها المقرود دايم يعيرها يادويده يام الذبان وسارت الايام والولد ترسخ في ذهنه ان بنت عمه مهتوله ولاهيب نظيفه وارتبط في ذهنه انها ام الذبان وعلى كذا كان دايم حاقرها ولاهوب يلتفت عليها راحت والا جت والبنيه مسيكينه شكلها مغليتن ذا الجفس وقامت تهتم في نفسها وتحرص على نظافتها ولكن الولد ماخذه غرور في حاله ولاهوب يمها يوم شبت البنت وزان نبها وفزت وبدا يظهر فيها مباهي الجمال قام ابو الولد يبي يقنع الولد يبيه يعرس ببنت عمه ولكن الولد ينفر ولا على لسانه الا معاد بقى الا دويده ام الذبان يبونه من يمين من يسار مافيه فايده وهو بعد انغث وقام يتصدد وتصدده زاد الطين بله وفي يوم سمعت البنت حوار بين الولد وامه وهي تبي تقنعه بالعرس من بنت عمه واوجعها الحكي اللي سمعته من ذا العله وامرضها ولكن معاد في يدها حيله درت انها مفلسه من ذا العله وكبر في نفسها صده وهي كل غرضها انها تثبت له انها مهيب ام الذبان اللي هو خابر المهم البنت بلغت سن العرس وكثرو خطاطيبها وقرر عمها يزوجها يوم عجز في ذا العله وجاه رجال فيه خير من ديره ثانيه و وافق على خطبته وجوك يزينون في البنيه مشاط وحنى وشغلات التزين المهم العم قبل لاتروح مع رجالها طلع يمشي معها ويوريها حلالها ويتفقده معها وهي عاد بنت(ن) تهول عقب ماتزهبت للعرس وتزينت .. في هذي الاثناء اقبل ولد عمها وشافها مع ابوه من هول الصدمه ضيع ولا عرفها وراح ينشد امه قال من اللي مع ابوي قالت هذي دويده ام الذبان قال هاه وطارت بوهته وضيع الهرج له شوي ونطق وهو يقول بنت عمي وانا اولى بها قالت الام لا مهوب الحين البنت اعرست وبتروح مع رجلها ولاعاد هي في يدك المهم جاه ابوه قال رح ساير المعاريس الين ياصلون ديرتهم وهو وافق وهو رايح معهم حست البنت انه مختلف وضاعت علومه معها وقامت عاد تحاره وتلمع قدامه تبي تبرد غلها وهو انهبل وزادت حرته واقبلو على ذيك الروضه وفر منها قطيع غزلان وانشد ولد العم كم بيت وهو يهيجن ويبي يسمع المعرس يا طفيلات الريم يا شـرد المهـا سايلكم برب العرش وين تلفـون قالن طفيلايات المها بصوت واحد يسمعه من هو بالهـوى مفتـون نلفي على شهـم كريـم مجـرب لاطالبت الاشيـاء عليـه تهـون لو تطلبـه بأعـز شـيء عنـده يقـول تـم وماتبـي مضمـون يوم سمعه المعرس استشك ونشده انت وش تبي اطلب قال بنت عمي قال جتك انت اولى بها وطلقها ورجعت معه واعرس بها عقب ماتمت عدتها .. |
|||||||||
10-08-2014, 09:02 AM | #103 | |||||||||
قلم مميز
|
رد: من سواليف الأولين>> لاتفوتكم ,,,
الحقيقة متصفح رائع |
|||||||||
11-08-2014, 01:44 AM | #104 | |||||||||
المشرف العام
|
رد: من سواليف الأولين>> لاتفوتكم ,,,
يعافيك ربي أستاذ قلم صريح |
|||||||||
19-08-2014, 08:56 PM | #105 | |||||||||
المشرف العام
|
رد: من سواليف الأولين>> لاتفوتكم ,,,
تذكر الروايات أن شاعر الغزل الشهير محسن الهزاني قد حرص على إبعاد إبنه الصغير البالغ من العمر ست سنوات عن الشعر والغزل خوفاً عليه ، فكان يغلق عليه البيت ، وفي يوم من الأيام جاءت فتاةٌ جميلة لزيارة والدته من فتيات الجيران فسأل أمه : من هذه الفتاة ؟؟؟ فقالت الأم كي تبعده عن الإعجاب بــ /الفتاه : هذه رأس الذيب ! فقال الطفل ساخراً : الذيب مالــــــــــه قذله هلهليــــــــــــــه ولا له ثمـــــــــــــــــان مفلجــــــــــات معاذيب والذيب ماتمشطه با العنبريــــــــــه لا واهني من مرقده في حشــــــــــــــا الذيــــــــــــــب فذعرت الأم مما قال الطفل الذي لم يختلط بالنساء ولم يصل بعد مرحلة البلوغ حتى يتغزل بالفتيات وينضج ويقول الشعر! وشكت الأمر إلى والده الذي حرص بعد ذلك أن يذهب بطفله إلى ( المطوع ) عله يتعلم شيئاً ينفعه من القرآن ومبادئ الدين والكتابة والقراءة وعندما راجع المطوع حروف الهجاء مع الطفل فوجئ بإجاباته !!!! فعندما قال قل الف ) رد الطفل : الف وليــــــــــــف قبل أمس شفنــــــــــــــــــــــ اه غرو يسلي عن جميــــــــــــــــــــع المعانـــــــــــــي فقال قل باء) فأجاب الطفل : الباء بقلبي شيــــــــــــد القصر مبنـــــــــــــــــاه وادعى مباني غيرهــــــــــــــم مرهمانـــــــــــــــــــ ــــي فغضب المطوع وقال قل طاء ) يا ولد - فاجاب : الطاء طوى قلبـــــــــــــــي من البعد فرقـــــاه ويا جعل يطوي قلبــــــــــــــــــــــ ك اللي طوانـــــــــــــــــــي غضب المطوع ولما جاء أبوه كي يأخذه من عند المطوع أخبره بما جرى وقال له ولدك هذا مافيه طب وليس له دواء ) وأنه مولع بالغزل ومفتون من صغره بالحسناوات ولابد أن تبحث له عن حل .. أخذه والده وأنتبه له وحافظ عليه خوفاً من أن يجره الغزل والعشق إلى ما تحمد عقباه ، وبعد ما كبر زوجه من معشوقته التي أحبها . فعلاً من شابه أباه فما ظلم |
|||||||||
مواقع النشر (المفضلة) |
|
|