| من مذكرآت صبآي |

[وَدْقْ ,]

فلقت ابوها تبي تطلعه من التهمة اقصد نفسها ههه (كل شئ يحتاج لضريبة )
كل الغلآ : صدقتي مايحتاجون تلفزيون
اغبطهم عليها ماشاء الله
الله يوفق الجميع يارب
.

[كـل ـآلغلـآ]

حبيبتي زخات المطر ..

شرايك نسرق قصة ام صعرور من قلم صريح

ونسويها انا وانتي مسلسل "كوميدي" وانتقاضى عليه

شيييي و شوييييييات .. تراني خبره في كتابة القصه

لا أحد يدري الله يوسع صدرك بالعافيه ..

[لواء العز]

في يوم من الأيام في عمر الخمسة سنوات أو ستة, عشت قصة حب مع بنت خالتي نجلاء اللي في سني, كانوا الخالات مستأنسين علينا وما قدروا ينسون مغامرتنا والظاهر حطوا فيما بعد قصة مضحكة عنا في منتدى لبنات سدير بما انهن كانوا إدارته.
.

في يوم من الأيام كان عمري بين الخمسة سنوات أو ستة, صرت أروح مع جدي للغنم, وأحسن شيء لما يسمح لي أروح أراكض ورآها وأقول هش هششش هششش وأغني لها... ومرات يأخذني معه لراعي اباعر قريب مننا.
.

في يوم من الآيام كانت أشاكس أبوي في العمر ما بين الستة سنوات أو السبعة, خذيت كل فلوسه اللي في محفظته وحطيت بدالها قراطيس كونها كانت لعبتي مع أخوي سلطان لما نلعب الدكان والشراي وأختنا المدللة, صحي من النوم وقبل لا يطلع, ناديت عليه يبه يبه.. هاه أبوي.. أفتح بوكك.. ليش ومع كلمة ليش يطلعه,,, قال هذا ويييش. ههه قلت خذ فلوسك وأبي شماغ وطاقية وعقال. كان عندنا مناسبة وفعلاً في عصرية ذاك اليوم شراء لي أنا وسلطان وأخواني شماغات وطاقيات وعقلات هع هع أقصد عقل.
.

في يوم من الأيام قلت لمدرس مادة القواعد وأنا في صف خامس.. يا يّمه يمه. السبب أنو وقتها كانت الوالدة مسوية لنا فصل في البيت وتمثل علينا عشان نتسلى.
.

في يوم من الأيام ركضت ورى سيارة العسكريم وأنا في أول سنة أعدادي عشان بنت عمتي تبي منه. فارس زماني على غفلة خخخ. بس ابن الهندية عييا يوقف وتعلقت بالسيارة ودز الله يرج العدو وطحت على خشتي وأنفلق راسي, راجع لبيتنا ما أشوف الدرب وكله بسبب بنت هالعمه الزلابة. وما أذكر من وداني للمستشفى لكن كنت أشوف أبوي زعلان علي بالحيل ومعه أمي.

.

[وَدْقْ ,]

لواء حدد بنت خالتك ولا بنت عمتك ههههههههه
اللحين متعتك تروح للغنم والبعارين عشان بس تقول هشش قلها وانت في بيتكم طيب ههههه ليه هالمشاوير ليه بس
بيني وبينك من جد ودي اجرب ارعى غنم واقول هش وتسمع كلامي علشان احس اني اميره < بالله برا طيب .

الا عسى الغنمه تسمع الكلام بس ؟؟

الا الحمدلله على السلامة عساها سليمة بس




كل الغلا :
ههههههههههههههههههه تم قدام ونعطي قلم صريح الرواية هدية مادري ليه احس بتجيه روعة يقول اكثرها في صباي وشيبتي ملاحقتني

مادري مازال يراودني احساس بيغلق تأديب بعض الشئ


.

.

[كـل ـآلغلـآ]

اخي لواء العز .. ومن الحب ما فلق وبالسياره تعلق

وشذا يا قيس ابن الملوح يازين هالغزل "هش"

هههههههه حلوه شماغات وطاقيات

نبي سوالف الشقاوه قواكم الله شكراً لك اخي ..

[وَدْقْ ,]

اهلا وسهلا ومرحبا
اهلا بكم جميعا ومستجمعاً
يقول الشاعر :
ليت الوقت مايهمني
كان اعيشه بشكل ثاني
وليت التلفزيون مايشغلني
كان اشوف شغلي بلحالي
ولكن احمد ربي وخالقي
ان الرزق بيده مو بيد عبيده
وهذه الابيات انطلقت متعوجه بسبب نفسية الشاعر
ماعلينا
لن انسى هذاك اليوم والعصر بالتحديد يوم تجينا وجدتي وخوالي واحنا منسدحين بكل حماس نترقب حظور مغامرات الكابتن رابح صديقي ؛ ولن انسى ياسين صديق الكابتن ماجد لانه وسيم جدا اكحل ناظري به ويحمل شئ من الرقة والهدوء المنسكب بسبب حظورة القليل على الكاميرا واعتقد كان فالاحتياط كثير لااطيق الكابتن ماجد لاانه لايحمل من الجمال قطمة ,
الي حولي مادلاهم الملح زي الي اشوفه فالتلفاز لدرجة مره سرحتُ بخيالي عندما جن جنوني يوم رأيت (انا واخي ) سامي واخوه وسيم ؛سامي شعره وعيونه تغدي زرق لالبس ازرق واخضر تغدي برضوا عيونه وشعره اخضر اتسائل في داخلي هل هم حقيقة ام مجرد رسومات ؟ لالا اعتقد انهم من كوكب اخر , لكن لماذا ملامحهم كذا كانها لعبة فقلت مستحيل انا لااريد انهم خياليين ودي انهم حقيقة كنت احب سامي وارحمه واتسائل وين امهم ؟ فيني ميزه اركز على الصور اكثر من الكلام مو معجبه فيهم لابس اهوجس
وعندما تبدا لقطة رابح فاللعب ويسدد ويطمر فوق الين باكر وتوه ينزل طال عمره مع بداية الحلقة الجديدة ينزل لجل يسدد الكوره واقول ركزي ركزي هالمره ونتقن مثل سواتهم عاد مايجي باكر وانا فالسماء لا ودي بس ثواني وانزل مانيب طماعه ؛ وفجأة الا اخوي يتحمس ويسكرالتلفزيون لاخلصت ولاادري الا الجو تغير علي راح الازعاج يقول يالله وعيال عمي معنا نروح للحوش نقلدهم احاول اطمر هنا هناك قلت ماركزتي زين < مطولة
واروح لامي يمه وتقوم امي بالرد بكل نعومة ورقة اقول ليه رابح يطير واحنا لا تقول هذا لعبه قلت شلون لعبه على كيفهم ابي اطير ابي اطير ؛ ثمين اقول يمه ليه اهم حلوين واحنا لا قلت يمه اشباههم غير مو مثلنا تبتسم امي قليلا ثم تقول يابنتي رسومات قلت لا اهم غير من كوكب اخر ؛ بعدين ماتجوزلي اجوبة امي وانطلق الى الحوش العب كوره وابحث عن هؤلاء الي لاشفتهم حمصت عيني , يقولون جيتي يالله نلعب كوره ويخلوني حارس واهدد اذا لم اتصيد الكورة مره شاتها ولد عمي بقوه وجيتك كاني الدعيع جت على كفي بقوه وقامت تدور زي كورة رابح وماجد واخيرا صار جزء الي ابيه يصير < نسيت يدي ؛ يوم رجعت لواقعي قال ولد عمي ياقويه < يامصللك صدق .قلت أي عاد تشققت غديت قوية ؛ ولد عمي يقولها علشان مااصيح لانها توجع بيلطف الجو .

خيالي وسيع فالماضي وافكر كثيراً ومره يومني في اول ابتدائي احل واجبي وامي تصلي الظهر انتظرها تخلص رحت عندها قلت يمه كيف جينا على الحياة ؟ قالت ربي جابك قلت كيف جينا شلون قالت حملتك بطني ثم ولدتك قلت شلون جيت بطنك قالت ربي قلت ادري شلون بعد سنتين ولاثلاث يجي بطنك واحد ثاني يعني مو ورى بعض يجون قالت قومي اتسنن قلت يمه كل يوم تصلين انتي اهو صح من ربي متى مابغى يجي بطنك يجي قالت ايه .

لااحد يجيب على اسالتي فقط تعلمت من المدرسه ان الله وحده قادر على كل شئ ؛ لكن كيف تدبر الامور وتسير لاشئ يجئ عبثا مثل ماقالت لي مرت عمي شلون يجيك مريولك نظيف ومكوي جاهز الا لازم تتحركين قلت ايه ؛ مرت عمي كانت اقرب الي من افكاري .

وكالعادة يرجع لنا انطفاء الكهرب فجاة لنبحث عن الشمعة في الدولاب ونذهب الى الفرن نولعها ثم نجلس نستانس ليه ماادري اقول لجدتي شلون عايشين منول تقول نايمين هالحزه كان جوابها ماجازلي وذهبت عند اخوتي نراقب الشمعة واقول لامي ليه تصيح ترفعها امي عنا فوق لان جلسنا نتميلح اتحداك تلمسها ماتحرك وابوي يقول وين السراج طلعوه ليه يابي ماتطلعه انت لي تامرنا واجد ثم نذهب الى المستودع ومعنا شمعتنا وياويل الي يجي حولها اتحدى احد يحشم الشمعات حشمة اكثر مننا ونجلس فالصالة وكانه وقت غلدمة وقلق واجلس عند الوجار اعبث بالرمد يقول ابوي لاتجينه خليه يخرب قلت وين اروح علمني وين اروح يسفهني وطبيعي السفه اذا لم تسفه يوم فاعلم انك ضيف عندهم ؛ ولاننسى ان نقول لكل اخوتي انتم منتب ولدنا اخوي يقولي جبناتس من البر ضايعن اهلتس قلت ودوني للبر هههههه اروح ادور اهلي ( وش لون بتكون ملامح اهلي ) ؟؛ وقلت لاخوي لاقينك عند الزباله < الله من زين اختيار المكان انا قلته علشان احسسه انه ولاشئ < لاتشرهون علي عادي اتحدى احد ماقال هالكلام لاهله ؛ يقول الا ولدكم واخليه يعصب ويروح لامي تهاوشني تقول وش هالكلام غلط ؛ لاهاوشتني امي انقهر اقول لامي بعلم عليك ابوي مره عيت تودينا لاهلها عندهم حريم قالت اجلسوا عند ابوكم قلت لا بوريك بقول لامي يهاوشك يودينا < جعل بنتي ماتطلع علي ؛ واروح لابوي واحرضه اقول تخيل نجلس فالبيت مانبي نبي نبروح بيت خوالي وابوي الله يهديه شكله ماقد استمع كيف يتربى الابناء بناء على اتفاق الوالدين فالرأي وقال خليهم يروحون ؛ ورحنا قلت لامي قايله لك بنروح يعني بنروح < الله يجزى والدينا فالجنه بس .
وكلمتي لازم تمشي واقول لابوي كل ظهريه بتجي سيارة العسكريم ينسدح فالمحلق ولاجت اجيه طاريه اطب قلت قم قم جت جت السياره ادفع نبي قام ودفع وحامت كبده كل يوم قال مره مافيه وينجن جنوني قلت وش الي مافيه فيه غصب وانهبل انا واخواني ويقوم ( هل من المعقول نشوف سيارة العسكريم ماناكل ذا فعل موب طيب) مره قفل المحلق يقول خلوني انام قلت مافيه نضرب الباب الين يقوم < صدق الله يجزى والدينا فالجنة .
ماانساها مره اشترى لي ابوي قميص 2 واحد ليموني والثاني سماوي ههههههههههه وشوله مدري ماانساهم كانوا يسوون عندي الشئ الكثير الا ماتشكون ان ابوي نصراوي < برا
ابوي يقول الي افوز انا اشجعه ؛واحنا هلاليين بالفطره ههههههه < تسني ذبيت على انفسنا ,

وسلامتكم اللحين وراي اشغال كل شوي اطالع الساعة لااكون تاخرت
وليت الوقت مايهمني
كان اعيشه بشكل ثاني
وليت التلفزيون مايشغلني
< لايكثر برا

مايستفاد :
جزء من الطفولة تكثر الاسئلة فاجيبوا على اسألة اطفالكم ولاتتذمروا
رابح وياسين وسامي اعيش صراع بينهما من احب < هذا قبل لايجي زورو طال عمره
وطدوا العلاقة بين اطفالكم لان لاقدر الله من الطبيعي سوف يحس انه بلارجل < يعني يشك ان هذولي اهله ولالا
هل ملامح اهلي الي فالبر نفس الي بيتنا الان ام لا ؟
الكورة رياضة تولد الثقة وتريح النفس وتبهج القلب وتحبط الخيال
الوالدين لابد ان يتركوا الرأفة على جنب والتربية من جانب اخر وهذين لايجتمعا في توطيد السلوك .
من هو الشاعر المذكور انفا
احبك ايتها الشمعة تحترقين من اجل ان ينير بيتنا

دوكم فازلين ,

.

[لواء العز]

أنا وأخي شوقاً يدفعني لأراها أمي ذكرى لا أنساها طيفاًأنقى من زبد الأيام أبقى أمي ... أمي أمي همهمم لا تنسى أخااك لا تنسى أخاك ترعاه يداك.. وتقعد تهمهم في الباقي من الأنشودة,ههههه, ووسيم ذا دلوع أحياناً يطفشنا بس أخوه طيب ويرعاه ومهتم فيه. يا حلوها من حكاية ويا يحلوها من أيام.
ههه, حرب نفسية ضد بعضكم. بس حلوة هالتساؤلات تخلي الواحد يستكشف العالم من حوله وخاصة إذا كانت من الصغار خخخ. من جد يا صبر أمكم بس هع هع.
أسلوبك في السرد يجعلنا نصور تلك اللحضات, ما شاء الله.
الله يحفظ لكم والديكم ويحفظكم لهم.

[وَدْقْ ,]

صدقت ياكثر مايصيح وسيم يقهرني < اهم شئ متحمسه معهم
بالعكس وش حليلنا مؤدبين اتحدى تحصل احد مثل ادبنا وسواليفنا

[لواء العز]

المشاركة الأصلية كتبت بواسطة ||زخـآت المـطـر ||   لواء حدد بنت خالتك ولا بنت عمتك ههههههههه اللحين متعتك تروح للغنم والبعارين عشان بس تقول هشش قلها وانت في بيتكم طيب ههههه ليه هالمشاوير ليه بس بيني وبينك من جد ودي اجرب ارعى غنم واقول هش وتسمع كلامي علشان احس اني اميره < بالله برا طيب . الا عسى الغنمه تسمع الكلام بس ؟؟ الا الحمدلله على السلامة عساها سليمة بس .

.

المشاركة الأصلية كتبت بواسطة كـل ـآلغلـآ   اخي لواء العز .. ومن الحب ما فلق وبالسياره تعلق وشذا يا قيس ابن الملوح يازين هالغزل "هش" هههههههه حلوه شماغات وطاقيات نبي سوالف الشقاوه قواكم الله شكراً لك اخي ..

.
.

هههه حياكم الله زخات المطر وكل الغلا. يا كثر ما تنصح فيني جدتي منول, بس البزر ما يقنع إلا إذا أنجلد والبنات هالساعة أخواتي الله يحفظهن. الشعور بالمتعة ذيك الأيام كان مو دائم, وبالفعل حصلت ظروف كانت التجمعات فيها قليلة بالنسبة لطاقة الأولاد, وكنا أحنا الصغار ( اللي في محيطي) نبحث عن أشياء مختلفة عشان نغير الروتين اللي عايشينه. و بالنسبة لـ(هش) هاذي ورآها سالفة كل ما ذكرتها أخاف من نفسي هع. وكمان روحتي لراعي البعارين فيها مصلحة لي وراح أقولكم قصتها. والغنم بالنسبة لفتى كان يحكي له جده باستمرار عن نبي الله محمد حيث أنو كان راعي غنم وكونه أستطاع بقدرة الله أن يحول الجهل والظلام إلى العلم والنور بحد ذاته إنجاز وانطلاقة جيدة للحياة. و كما علمتني أمي وقتها أن أحب ما أفعل وأن لا أفعل كل ما أحب.وبصراحة كانت تجربة بالحيل حلوة وخاصة أنها كانت مع جدي إبراهيم رحمة الله عليه. أما أميرة الغنمات زخات , هايدي على غفلة خخخ,( على طاريها تذكرون رواية هايدي ). الحمد لله كانت الإصابة جات سليمة: دوخة وخدوش. أختي كل الغلا, ههه ليس حباً بل أنها كانت صديقتي تلك الليلة. وبرضو هي قوية شوي ومهجدة نص الشعب هع وكان ولابد من مصاحبتها ههه. وكانت نقزتي حمية عشان البزران كانوا يضاحكون عليها يوم مو وقفت لها سيارة العسكريم. ههه يا عيني على الوفاء. السوالف كثار, سأحاول أن أتذكر التفاصيل وأسأل عن تلك الأيام لكي لا يفوتني شيء.

[لواء العز]

المشاركة الأصلية كتبت بواسطة لواء العز   في يوم من الأيام في عمر الخمسة سنوات أو ستة, عشت قصة حب مع بنت خالتي نجلاء اللي في سني, كانوا الخالات مستأنسين علينا وما قدروا ينسون مغامرتنا والظاهر حطوا فيما بعد قصة مضحكة عنا في منتدى لبنات سدير بما انهن كانوا إدارته.

أنا لا أفهم لماذا ذاك التباعد في التواصل والتفاهم بين الأولاد والبنات. تارة تكون حرب بينهم وتارة تكون خييير الأولاد مع الأولاد والبنات مع البنات. هم صغار ويحق لهم التعرف على الجنس الآخر و إن لم يعو ذلك أقله لتكن الحالة أن يستكشفوا ذاك الإنسان الجاف أو الناعمة. لا تقول شوفي أخوك وتعرفي على كيفك ولا أختك, هذا خطأ أحمق وكبير فإنه فرق بين أن تنظر الأخت لآخوها والأخ لأخته و البنت لمن لا يقرب لها أو الولد لمن لا تقرب لهُ مع العلم أنهم بزراااااان. وأني أعتقد اعتقاداً شخصياً مبنياً على تجربتي مع الحياة ومن ما شاهدت في الجوار عند الآخرين. أن الشباب والفتيات أمتلئت قلوبهم شوقاً على قبليهم وشريكهم في المستقبل وأخص الفتاة أكثر من الشاب. وما يزيد قلبي حرقة على كثرة الدق على شباب وبنات المسلمين هذا التعنت عند أولياء الأمور والمجتمع بشكل عام حيث أن الماديات هي شيء أساسي في الموافقة والاستعداد لتزوجيهم وتخيلوا معي كل ذاك التباعد والغربة في المشاعر يجي زود عليها طلبات الغير عشان يرضون كبريائهم. الله المستعان ذا البنت أو الولد من هم صغار وهم غرباء عن الحياة. مثل المريخيين اللي يدرسون عن أهل الأرض و ما يعرفون إلا معلومات أخذوها تلقين أو أفكار تكون شبه منطقية بالنسبة لهم.... ههه أني أتأسف لكم, يدي لمست الكيبورد وترجمة الأفكار لكم>> بريء الولد , أوقف الحديث عن ما يدور في خلدي وأعود للقصة. عفواً زخات المطر.
.
.
بدأت القصة لما كنت في بيت جدي ساكنين لمدة شهر أو شهرين أعتقد, وكانت معنا ساكنه خالتي أم نجلاء, كنا صغار وفينا نشاط وطاقات كبيرة ونفرغها في اللعب أكثر وقت يمكن نملكه, طبعاً هي وأنا كنا ما نحب نجلس مع الكل ونروح عند النخل ونجلس تحته نلعب أكس أو, ونأخذ العيال والبنات اللي نحبهم معنا عشان نسوي منافسة والي يفوز له جائزة. (و إلى يومكم هذا محد أستلم الجائزة خخخ ), مع طول بقائنا مع بعض صار فيه ود بينا وكنت أهاوش من يهاوشها أو يسوي لها مقلب وعلمتها استراتيجيه حلوة في لعبة أكس أو, اللي تخليك تحجر لحرف أو> إنجاز , حتى لما أروح البقالة أباشر لها دائم وهي برضوا تجيب لي مويا أحياناً هع هع>> عايشين الجو. أستمرينا على هالحال فترة أيام حتى لاحظوا الكل وكان أكثر واحد يتابع خالي أبو مشاري لإنو كان شباب وقتها ويحب يتليكع علينا ومعه الخالات كمان, يناظرون فينا كل شوي ويضاحكون, وأحياناً يطبون علينا عند النخل فجأة ويضاحكون, ولما أجي ألعب اتاري وتكون جالسة معي برضوا يضاحكون. المهم بعد فترة اتفقت أنا وإياها نفهم ليش يضحكون, وسألنا جدتي قالت ما عليكم منهم وتعال بس همزني يا وليدي خخخ, وبعد شوية وقت وتحقيقات سمعنا بالصدفة يحبون بعض. ههه أنا أهتم لها فعلاً وكمان هي تهتم لي لكن يحبون بعض ما فهمتها وكنا نحسب أن الحب هو لما تجي تسلم على الناس وتحبهم, مشت علينا وبعد فترة طويلة فهمت وش معنى يحبون بعض. بس قسم مو كذا نفكر>> تعقد. وللبقية وقت آخر. تحياتي.

[يمامة الوادي]

المشاركة الأصلية كتبت بواسطة قلم صريح   أم صعرور بنت جيرنا , أسميها بنت مجازاً ولا هي إسمها أم صعرور , في جبهتا صعرور كبر الفنجال كنه قرن وحيد قرن , إذا تناشبت مع أحد صقعته بالصعرور , كلن يحط يده على وجهه إذا جت تحاكيه يخاف تعسه لو زعلت . حشى , عنز !

السلام عليكم ورحمة الله وبركاته

صراااااااااااااااااحة إبداع من زخات المطر وبقية الفريق الفكاهي

أسعدكم ربي كما أسعد تمونا

مغامرات جميلة ولطيفة سيقت بأسلوب فكاهي جميل ياحليلكم والله

رهيبيييييييييييييييييييين

عليكم وصف ههههههههه

كلشي كوم وأم صعرور كوم ياني فطست عليها من الضحك

وودي أجمع سواليفكم في كتاب

متابعين لسرد قصصكم وتستحقون جائزة كبييييييييييييرة

الله يحفظكم

[وَدْقْ ,]

المشاركة الأصلية كتبت بواسطة لواء العز   أنا لا أفهم لماذا ذاك التباعد في التواصل والتفاهم بين الأولاد والبنات. تارة تكون حرب بينهم وتارة تكون خييير الأولاد مع الأولاد والبنات مع البنات. هم صغار ويحق لهم التعرف على الجنس الآخر و إن لم يعو ذلك أقله لتكن الحالة أن يستكشفوا ذاك الإنسان الجاف أو الناعمة. لا تقول شوفي أخوك وتعرفي على كيفك ولا أختك, هذا خطأ أحمق وكبير فإنه فرق بين أن تنظر الأخت لآخوها والأخ لأخته و البنت لمن لا يقرب لها أو الولد لمن لا تقرب لهُ مع العلم أنهم بزراااااان. وأني أعتقد اعتقاداً شخصياً مبنياً على تجربتي مع الحياة ومن ما شاهدت في الجوار عند الآخرين. أن الشباب والفتيات أمتلئت قلوبهم شوقاً على قبليهم وشريكهم في المستقبل وأخص الفتاة أكثر من الشاب. وما يزيد قلبي حرقة على كثرة الدق على شباب وبنات المسلمين هذا التعنت عند أولياء الأمور والمجتمع بشكل عام حيث أن الماديات هي شيء أساسي في الموافقة والاستعداد لتزوجيهم وتخيلوا معي كل ذاك التباعد والغربة في المشاعر يجي زود عليها طلبات الغير عشان يرضون كبريائهم. الله المستعان ذا البنت أو الولد من هم صغار وهم غرباء عن الحياة. مثل المريخيين اللي يدرسون عن أهل الأرض و ما يعرفون إلا معلومات أخذوها تلقين أو أفكار تكون شبه منطقية بالنسبة لهم.... ههه أني أتأسف لكم, يدي لمست الكيبورد وترجمة الأفكار لكم>> بريء الولد , أوقف الحديث عن ما يدور في خلدي وأعود للقصة. عفواً زخات المطر. . ماش مأثر عليك النقاش الجاد . بدأت القصة لما كنت في بيت جدي ساكنين لمدة شهر أو شهرين أعتقد, وكانت معنا ساكنه خالتي أم نجلاء, كنا صغار وفينا نشاط وطاقات كبيرة ونفرغها في اللعب أكثر وقت يمكن نملكه, طبعاً هي وأنا كنا ما نحب نجلس مع الكل ونروح عند النخل ونجلس تحته نلعب أكس أو, ونأخذ العيال والبنات اللي نحبهم معنا عشان نسوي منافسة والي يفوز له جائزة. (و إلى يومكم هذا محد أستلم الجائزة خخخ ), مع طول بقائنا مع بعض صار فيه ود بينا وكنت أهاوش من يهاوشها أو يسوي لها مقلب وعلمتها استراتيجيه حلوة في لعبة أكس أو, اللي تخليك تحجر لحرف أو> إنجاز , حتى لما أروح البقالة أباشر لها دائم وهي برضوا تجيب لي مويا أحياناً هع هع>> عايشين الجو. أستمرينا على هالحال فترة أيام حتى لاحظوا الكل وكان أكثر واحد يتابع خالي أبو مشاري لإنو كان شباب وقتها ويحب يتليكع علينا ومعه الخالات كمان, يناظرون فينا كل شوي ويضاحكون, وأحياناً يطبون علينا عند النخل فجأة ويضاحكون, ولما أجي ألعب اتاري وتكون جالسة معي برضوا يضاحكون. المهم بعد فترة اتفقت أنا وإياها نفهم ليش يضحكون, وسألنا جدتي قالت ما عليكم منهم وتعال بس همزني يا وليدي خخخ, وبعد شوية وقت وتحقيقات سمعنا بالصدفة يحبون بعض. ههه أنا أهتم لها فعلاً وكمان هي تهتم لي لكن يحبون بعض ما فهمتها وكنا نحسب أن الحب هو لما تجي تسلم على الناس وتحبهم, مشت علينا وبعد فترة طويلة فهمت وش معنى يحبون بعض. بس قسم مو كذا نفكر>> تعقد. وللبقية وقت آخر. تحياتي.

الالواء اللحين عرفنا انك تحاول تكسب قولب الفتيات وتمثل دور البطل الشجاع عسى كل هالتعب تهاوشوا عليك ياعنترة ههههههههه
ليه ليه تختارون الي تحبون بس؟؟ كلكم سوا احسك مجمع البنات بس ههههههههههههههه
الا اجل تحب الناس لمن تجس تسلم عليهم خخخخخخ يازين البراءة
عساك همزت رجلين جدتك طال عمرها
اكمل اكمل لو سمحت
.

[وَدْقْ ,]

عليكم السلام والرحمة والاكرام

حياك ياحمامة الوادي سولفي وانثري
لالا تجمعينها في كتاب حقوقنا محفوظة
وين الجائزة

دوتس وردة صناعية
.

[قلم صريح]

ماشاء الله تبارك الرحمن , عامر بهله هالمُتصفح

[لواء العز]

حياكم الله

المشاركة الأصلية كتبت بواسطة ||زخـآت المـطـر ||   الالواء اللحين عرفنا انك تحاول تكسب قولب الفتيات وتمثل دور البطل الشجاع عسى كل هالتعب تهاوشوا عليك ياعنترة ههههههههه ليه ليه تختارون الي تحبون بس؟؟ كلكم سوا احسك مجمع البنات بس ههههههههههههههه الا اجل تحب الناس لمن تجس تسلم عليهم خخخخخخ يازين البراءة عساك همزت رجلين جدتك طال عمرها اكمل اكمل لو سمحت .

كلهم أخوي و ولد خالتي وبنت خالتي و أوخيتي الصغيرة وأن ماخنتني الذاكرة بنت خالي, البزر كان ما يجلس لازم يدور على الجميع. هههه أيه همزتها وإلى يومك هذا وأنا أهمزها.