عضو\ه في ورطه

[إحتيآج]

المشاركة الأصلية كتبت بواسطة ام القمر   حلى خطنطر ورااائع وشغل مرتب يفتح النفس الله يحرم ايدينك عن النااار مشكوووره على ايجابة الدعوه وبنتظااار الاخت احتياج

أفاآآ دخلت صدفة لقيتكم مختاريني وتنتظروني وأنا مادريت !!؟ ....يقولون فيه زر أسمه (الرسائل الخاصه ) للتنبيه

من جد آسفه مادريت والله .. لكن أبشروا بالأجابة عن الأسئله وعن الطبخه جايبته ..جايبته

بإذن الله .. الله لايعوق بشر ..بس يبيلي يومين كذا ثلاثه ومايكون خاطركم إلا طيب

إنتظرووني .. ومشكوره أم القمر ع الأختيار ...

دوك ذي للشم فقط

[ام القمر]

المشاركة الأصلية كتبت بواسطة إحتيآج   أفاآآ دخلت صدفة لقيتكم مختاريني وتنتظروني وأنا مادريت !!؟ ....يقولون فيه زر أسمه (الرسائل الخاصه ) للتنبيه من جد آسفه مادريت والله .. لكن أبشروا بالأجابة عن الأسئله وعن الطبخه جايبته ..جايبته بإذن الله .. الله لايعوق بشر ..بس يبيلي يومين كذا ثلاثه ومايكون خاطركم إلا طيب إنتظرووني .. ومشكوره أم القمر ع الأختيار ... دوك ذي للشم فقط

من جد حبيبتي ماوصلك رساله على الخاص انا راسلتلك معقوله مانرسلت
على العموم حياك الله في اي وقت يناسب لك
وحنا نحتريك بأحر من الجمر
ومشكوووره على الورده الله يسعدك

[نقــآء]

س1.. عرفينا عن نفسك وخاصه في الطبخ ؟وعلاقتك بالمطبخ؟


أمممم دلوعة أهلهآ أحب الطبخ بس ع حسب الروقآن,, علاقتي بالمطبخ جيده


س2.. طبقك المفضل على المائدة/وجبتك المفضله/؟

مآفي شي محدد يكون ع المآئده , مكرونآ بالبآشميل



س3..هل انت ذواقه ؟ ولا تاكلين وخلاااص؟

أممم لآذوآقه مآ أكل أي شي



س4..هل تلتزم بأوقات معينه بوضع الفطور والغداء والعشاء؟


والله أنآ نضآمي حوسه اللي التزم فيه العشآء فقط


س5..ماهي اول طبخة جربتيها في حياتك؟

أممم والله نسيت بالضبط أول طبخه بس اتوقع المنتو الكذآب او شآورمآ بالصينيه



س6.. صنف تحبين تطبخيه وتتقنينه ؟

المكرونآ بآنوعهآ <3 و الشآورمآ وجيب التآجر <3أنوآع من الحلآ



س7..شــــيء تعلمتيه وعمرك ماراح تنسيه ابدا في المطبخ؟

امممم مدري



س8..اذا كنتِ تعرفي تطبخي.. متى تعلمتِ الطبخ؟

بديت أتعلم يمكن بثآني اوبثآلث منوسط



س9..مـــوقف طريف حدث معــاك في المطبخ؟

اممم مره كنآ صآيمين وبتفطر معنآ خآلتي وكنت أبي الا أطبخ غصب يومهآ كنت بالمتوسط
وأمي تقول لامو لاززم تسوين شي وانا نآشششبه لهآ >>الله يهديني
وأجلس احوووس واحووس في الكتب لين لقيت حلا حلو المهم سويته وكل شي انتهيت منه بس بآقي أدخله الفرن
عشآن أحمرهآ من فوق بسسم الله مـآمدآني الا طلعت دآئره سودآء وأحترق >>فآهمه طريقة التحمير غلط
أستغفرالله هذآ اللي مآيسمع الكلام ههههههه في النهآيه رميتهآ الله يديم النعمه يآرب
اللي يشوفهآ يقول كفر سيآره مو حلآ
مسويه فيهآ سنعه هههههههههههه

س10.. يُعتمد عليك في الطبخ او لا !؟


يب الحمدالله بس مووو كل شي مره لازم مسآعدآت ..
بس ترى مآأطبخ الا اللي يعجبني


س 11.. ماهو الجهاز اللي ماتقدرِ تستغني عنه بالمطبخ؟

والله تقريبآ يمكن أعد لك كل اللي بالمطبخ



س 12.. ماهو الجهاز اللي تتمني يكون عندك بالمطبخ؟

والله أبي جهآز رجل ألي يغسسل لي الموآعين

س13.. تحب احد يساعدك بالطبخه ؟

لا ..



14... وماهي الاطباق الشعبيه المشهوره في بلدك

اممم جريشش + سليق +مرقوق +كثييير

س15.. ما رأيك بــ فـكرة ورطــه المطبخ؟

والله ورطه من جد
بس حلووه الفكره تعرفين مين السنعه
مشكوره أم القمر ع الدعووه

والطبخه ان شـآءالله أنزلهآ أذآ خلصت من أختبآرآتي

[ملآمح خجلى]

المشاركة الأصلية كتبت بواسطة ضاد   هههههههههههههههههههههههههههههههههههههه ههههههههههههههههههههههههههههههههههههه لحظة لحظة !! انا تو وصلني مسج .. يقول خش الموضوع هذا .. فتحته لقيت عضو في ورطة قلت لايكون اختاروني ثآنية !! فجأه الشكشوشكة الجميلة .. فجأه الموضوع هذا احيآء لذكرى ضآد .. قسم بغيت اصيييح .. ههههههههههههههههههههههههههههههههههه و ذكرتيني بالايام الخوآلي ... لكن خلي عنتس شكشوكتس و لا شيء جنب شكشوكة الخلاط حقتي هههههههههههههههههههههههههههههههههههههههههههههههههه هههههه اما المكرونة يآويل انا تسبدي اشهى شيء بالعآلم !! يعطيك ألف عآفية ملآمح خجلي على التذكير الجميل هذآ .. ألف ألف ألف شكر .. و حبيت أقول كلمة بالختآم .. شيء جميل انو لآزلت في ذكرآكم و انا و الله هذا اللي أبيه .. ^ ^ ^ شوي و تتسآقط دموع ضآد هههههههههههههههههههههههههههههههه

هههههههههههههههههههههههههه
لااااا عاد شكشوكتك مايمديني عليها
الله يعافييك ، عفوًا عفوًا
هههههههههههههه

المشاركة الأصلية كتبت بواسطة ام القمر   ملآمح خجلى وش هالمكرووونه الزينه الله يحرم ايدينك عن النااار وكان وهقتي الاخ ضاد وخليتنا نشوف طبخ الرجاله الله يسعدك ياارب على ايجابة الدعوه

عنوونتس الزينه ، وايدياتك
هههههههههههههههههه ميب شينه =p
أخذ نصيبه من ذيك الشكشوكه
ويسعدك .

[ام القمر]

دلوعة اهلها
مشكوووره على ايجاباتك الرااائعه المبهجه
وبنتظااار طبقك
اسعدك الله حيثما كنت

[إحتيآج]

س1.. عرفينا عن نفسك وخاصه في الطبخ ؟وعلاقتك بالمطبخ؟


أختكم إحتياج تحتاج الروقان إذا جت تطبخ ..بعد أن كانت درجة أولى في حب الطبخ والنفخ >حطوا خط تحت كانت )
الآن تحولت العلاقة إلى البروده والفتور بعد أن كانت حميمه.!!
وبعد أن كانت تعمل من الشاي ..إلى الذبيحه ولا تبالي ..>>>أيآم



س2.. طبقك المفضل على المائدة/وجبتك المفضله/؟


طبقي المفضل هو السلطات و الأيدامات لازم تكون موجوده / وجبتي المفضلة هي الغداء .


س3..هل انت ذواقه ؟ ولا تاكلين وخلاااص؟

أفآآ عليك أنا أم الذوووق تعرفين كبيرة السن ولها خبره .



س4..هل تلتزم بأوقات معينه بوضع الفطور والغداء والعشاء؟

مافيه أوقات معينه إلا الغداء توقيته لازم يكون بالساعه والدقيقة والثانيه مايتأخر



س5..ماهي اول طبخة جربتيها في حياتك؟

الكبسه والخبز


س6.. صنف تحبين تطبخيه وتتقنينه ؟

الآندومي وسلق البيض >>أمزح
صياني الخضار و المكرونه بجميع أشكالها



س7..شــــيء تعلمتيه وعمرك ماراح تنسيه ابدا في المطبخ؟

النظام والنظافه وترتيبه أول بأول ..هذا أهم من الطبخ نفسه



س8..اذا كنتِ تعرفي تطبخي.. متى تعلمتِ الطبخ؟

ايه أكيد أعرف طباخة ونص ... وتعلمته وعمري 10 تقريبا .>>يالبى أنا فديتني


س9..مـــوقف طريف حدث معــاك في المطبخ؟

أول ماتعلمت وانا صغيره قالوا أهلي الغداء عليك اليوم ..قلت أنا : ان شاء الله قدها
أختكم في الله ذاك اليوم لهت ونست الغداء وأهلي يحسبونن أدهر لأن مكان المطبخ بعيد عن البيت
المهم غدانا اذا جاء الوالد من الدوام ..,وأنا في قمة لهوي ولعبي سمعت سيارة الوالد جاي من شغله. وأتذكر الغداء وطيران ع المطبخ , دآم الوالد يغير ملابسه
وكذا ..لأني أصلا منقعة الرز ومذوبة الدجاجه وبحركه سريعه ماأستغرقت إلا ربع ساعه إلا وخلصت الكبسه
والعبرة أنه كل شيء صار نيء أو نص إستواء .!! المهم مافشلوني اللي قام قال شبعت واللي راح يدور خبز يآكله .!



س10.. يُعتمد عليك في الطبخ او لا !؟

طبعا وعندي شهادات من الجميع ومختومه بـ ( يعتمد )



س 11.. ماهو الجهاز اللي ماتقدرِ تستغني عنه بالمطبخ؟

كل الأجهزة ... خاصة الخلاطات



س 12.. ماهو الجهاز اللي تتمني يكون عندك بالمطبخ؟


أممممممممممممم ماأعتقد انه ناقصني شيء يارب لك الحمد والشكر



س13.. تحب احد يساعدك بالطبخه ؟

في الطبخ أبدا أحب اذا بديت بشيء أكمله. .إلا غسيل المواعين لا مانع ..



س14... وماهي الاطباق الشعبيه المشهوره في بلدك؟

جريش .. مطازيز .. مرقوق .. حنيني ..سليق ..كليجا >> عاد هذي علامة الجوده



س15.. ما رأيك بــ فـكرة ورطــه المطبخ؟

حلوة زي راعيتها ..ورأيي أنه حلو بيكون نشاط للقسم وتشوفين سناعة الأخوات .



تابعوني ... تجدوا مايسركم ولا تسكرون الصفحة ..

[إحتيآج]

يسعدّ صبآحكمّ / مسآكمّ بكلّ سعآدةّ ورضا من المولى .


طبقي هو حلو للحلوين وهو عبارة عن كوب كيك بالقرفه
الصراحه هذا الحلا خفيف ويواجه ويبيض الوجه وبنفس الوقت سهل
ومقاديره سهله .



هذي المقادير في لقطة جماعيه



طبعا يتكون من 3 طبقات ..

الطبقة الأولى .
2 كاس بسكوت شاي مجروش
نص كآس زيت
نص كآس ماء
نص كآس سكر
2 بيضه
فانيليآ
ملعقة صغيره بآكينج بودر

الطبقه الثانيه .

7 جبن كيري + نص حليب نستله المركز المحلى

الطبقه الثالثه .
حبه تفآح مبشوره أو مقطعه صغير.
م ك نشآ
م ك قرفه
2 ونص فنجآن قهوة سكر
بيالتين شاي ماء



الطريقة ..

تخلط المواد السائله التي في الطبقة الأولى ثم توضع المواد الجافه
تصب في قوالب الكوب كيك مبطنة بورق البليسيه طبعا ماتملين القالب .تقريبا نصف
لأنه يبي ينتفش... يدخل الفرن تقريبا من 10 - 15 دقيقة على حسب الفرن
بعد مايخلص يطلع من الفرن ويترك يبرد شوي ..دامك تخلطين الطبقة الثانيه الحليب المحلى & جبن الكيري بالخلاط
ثم يوضع منه على الكيك تقريبا ملعقة صغيره يرجع للفرن بحرارة متوسطه وما يطول دقيقة بس عشان يجمد الجبن .
ويكون مجهزة مقادير الطبقة الثالثه اللي هي التفاح وطقته بقدر على النار مع التحريك المستمر حتى يثقل شوي
يصير كأنه مربى ..وهو حار حطي ملعقة صغيره من خلطة التفاح فوق طبقة الجبن والحليب .
ثم دخليها الثلاجه من 10 أو 15 دقيقة حتى تبرد وتتماسك ,.
لايفوتكم خاصة اذا صار مع فنجان قهوه تنسين نفسك >> واللهم اني بريئه من إدمانكم له .
وهذا الطبق جاهز وبالعافيه عليكم

[غلآ الروح]

المشاركة الأصلية كتبت بواسطة   لكن خلي عنتس شكشوكتس و لا شيء جنب شكشوكةالخلاط حقتي

هاااه !!

شكشوكه بـ الخلاط ؟؟؟؟؟؟

~> متأكد انها شكشوكه

[نــــــورهـ]

ام القمر من ابدااااع لابداااااع
والاخوات ماقصروا
دمتي بحب

[ام القمر]

إحتيآج
مشكوره على الايجابات الروووعه
وعلى الطبق الشهي والرائع
وماشاء الله شغلك مرتب و يفتح النفس
الله يحرم ايدينك عن النااار
وان شاء الله يتم تطبيقه
الله يسعدك على ايجابة الدعوه

[ام القمر]

المشاركة الأصلية كتبت بواسطة غلآ الروح   هاااه !! شكشوكه بـ الخلاط ؟؟؟؟؟؟ ~> متأكد انها شكشوكه

ههههههههههههههههه
يمكن عصير شكشوكه
بس اتذكرها حلوه ومشهيه
اسعدني حضورك يالغلا

[ام القمر]

المشاركة الأصلية كتبت بواسطة نــــــورهـ   ام القمر من ابدااااع لابداااااع والاخوات ماقصروا دمتي بحب

الله يسعدك يالغلا
اسعدني حضورك الطيب

[ام القمر]

بنتظاااار حبل الوريد

[رنا ()]

-

السلام عليكم ورحمة الله وبركاته


يالله حيّهم جميع

لبى قلبتس أم القمر على توريطي ماقصّرتي كثّري منها


جايبه لكم طبق خفيف سريع
( صينية شاورما + سلطة البطاطس والباذنجان )



مقادير صينية الشاورما:

دجاج مسلوق ( الكمية على حسب طبعاً )
بطاطس ( يُقطّع مربعات )
بصل ( يُقطع شرائح أو جنحان على ما قال )
بهارات
الصوص: جبن سايل + قشطة



نفتت الدجاج


و نشوّحه عالنار مع البصل اللي قطّعناه شرائح


ونضيف الملح والبهارات ..

نقلي البطاطس اللي قطعناه بهالطريقة



بعد كذا نحط الدجاج بعد مايخلص تشويح في صينية بايركس



ونضيف البطاطس فوقه


بعدها صوص القشطة والجبن



ندخّل الصينية في الفرن من تحت ربع ساعة بس وبعدين من فوق لما تتحمّر ..



سلطة البطاطس والباذنجان

بطاطس
باذنجان
طحينة سايله
زبادي






نقطّع البطاطس والباذنجان مربعات صغيره ونقليهم في الزيت >> احلفي



بعد كذا نحضّر الصوص اللي هو عبارة عن طحينة + زبادي


نخلط الباذنجان مع البطاطس >> اخص يالشرح
بعد كذا نصب الصوص فوقها , وإذا حبيتي تحطين خبز مقلي معها ..

أتمنّى إنّي وُفّـقت في الشرح >> كثّري منها
و صحة و عافية على قلوبكم

[رنا ()]

-


س1.. عرفينا عن نفسك وخاصه في الطبخ ؟وعلاقتك بالمطبخ؟
إنسانة أحب الطبخ بـ جميع أنواعه , أطباق رئيسية - سلطات - حلويات
لكن مب ماهره كثير في الطبخ يعني نص و نص ..


س2.. طبقك المفضل على المائدة/وجبتك المفضله/؟
كثير مافيه شي محدد
مكرونة بالجبن - فوتشيني - يعني المكرونة بأنواعها و كذا ..

س3..هل انت ذواقه ؟ ولا تاكلين وخلاااص؟
لا ذوّاقه جداً ..

س4..هل تلتزم بأوقات معينه بوضع الفطور والغداء والعشاء؟
لا أبداً ..

س5..ماهي اول طبخة جربتيها في حياتك؟
مكرونة عادية
عاد معروف عند أغلبية البنات إنها أول طبخه نتقنها ونتعلّمها

س6.. صنف تحبين تطبخيه وتتقنينه ؟
مافيه صنف محدد ..

س7..شــــيء تعلمتيه وعمرك ماراح تنسيه ابدا في المطبخ؟
ما أدري ..


س8..اذا كنتِ تعرفي تطبخي.. متى تعلمتِ الطبخ؟
تعلّمت الطبخ قبل سنتين أو تزيد بكم شهر ..

س9..مـــوقف طريف حدث معــاك في المطبخ؟
مافيه مواقف طريفه نهائياً , فيه مواقف بشعه جداً ..

س10.. يُعتمد عليك في الطبخ او لا !؟
جداً الحمدلله ..

س 11.. ماهو الجهاز اللي ماتقدرِ تستغني عنه بالمطبخ؟
الفرن ..

س 12.. ماهو الجهاز اللي تتمني يكون عندك بالمطبخ؟
مافي راسي جهاز ..

س13.. تحب احد يساعدك بالطبخه ؟
لا أبداً أبداً ما أحب أحد يحوم حولي وأنا اطبخ ياويله يا سواد ليله اللي يقرب و أنا اطبخ ..

س14... وماهي الاطباق الشعبيه المشهوره في بلدك؟
كلشن تعرفونه مرقوق - جريش - كبسة - هريس - مطازيز اللي نسميها (قبابيط)
عصيده - حنيني - فريك وه ياحنطهم بس ..

س15.. ما رأيك بــ فـكرة ورطــه المطبخ؟
جميلة
يعطيك العافية أم القمر على الموضوع


استودعتكم الرحمن ..