ღ (( .. مختـــاراتــــ شعـــريـــــــه .. )) ღ ..

[ليتني سدراويه]

مسائكم رضا ومسره بإذن الله ............

اتمنى ان تتقبلوني وان احضى بسعة صدوركـــــم ...!!


صاحبي .. بمووت من كثر الحنين

خلني أختار لحظة مقتلي !

[≈eнsαs oитнα]]

[align=center]
في غيبتك يالهفتي ليلي معاناآة وصراع
وحدي أمني وحدتي بأحلام وصلك والرجوع
ابحر وطيفك والامل والذكرى شراع
وارسي على مرسى الوله مابين قبلك والضلوع[/align]

[≈eнsαs oитнα]]

[align=center]أخترت قلبك ماتخيرت غيرك
أبيك تشغلني وأبشغلك فيني
أبيك تعطيني من أقصى ضميرك
حب يعوض مابقى من سنيني
قليل عطفك كافي عن كثيرك
وشوفتك لو هي نظره تحتويني
أخترتك لقلبي وخليت غيرك
أبيك تحييني عشق وتموت فيني[/align]

[≈eнsαs oитнα]]

[align=center]
لا تغرك ضحكتي ولا اسلوبي
اعرف اعزاز النفوس من الرديه

كم وفولي ناس وكم ناس اغدروبي
وكم كسبت بطيب نيه سوء نيه

ناس من كثر المخادع ما تتوبي
وناس بياض وصداقتها نديه

ناس اغلتني وناس اغلت جيوبي
وناس اطالع ولكنها عميه

كل هذا والجروح اتزيد صوبي
والمجامل والتملق والخطيه

ما يغير ضحكت الوجه الرحوبي
مد يمنى دوم ماهي موسمية

ودي اني اعطي المحتاج ثوبي
واعطي ولا انتظر رد العطيه

مجمع العالم ولا اقول اسمعوبي
نفسي من اطرا خلق الله غنيه

في بعض الاشياء اتقدم وانوبي
على بني أدم جميع وعن بنيه

سجدت(ن) تغفر بها كل الذنوبي
خير من عيش الحياة القاحليه

يا مسوالف بي على الطرق الكذوبي
عقاب الله من ظلم نفس(ن) بريه

يا صحيب الخير يامثبت ظنوبي
النصيحه روح لي ما للقويه

الصحيح من العيوب اللي تشوبي
قولها فالوجه والنيه مطيه

بارك الله في من اهداني عيوبي
واشكره جدا على هذي الهديه[/align]

[أموَآج الحَنِين]

عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح
ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي أهدابي

غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي

تلفت للأمل دام الرجا في عمري الملواح
أناديلك ولو شرهة وصولك تقطع أعصابي

أبيك الجاي من عمري أنا مابيك شي وراح
مدامك أجمل وأخر مدامك أول أحبابي

أبي أرتاح ياعمري أنا أدري هم تبي ترتاح
تعال وقبل ما أفرح ترى تفرح بك ثيابي

أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي

[≈eнsαs oитнα]]

[align=center]
احفظ جمالك عن عيوني وكفه
القلب ماهو في يد الغير لعبه
جمر الهوى في داخلي لاتهفه
دامه خمد لا تستثيره وتشبـه [/align]

[≈eнsαs oитнα]]

[align=center]اقلط حبيب الروح بين المحاني
لك في ذرا جوفي مع الدار بستان

اقلط تفضل في جميل المباني
حطيت لك في داخل القلب بستان

اقطف من زهور الوفاء بالمكاني
واشرب تقهو من الغلا كم فنجان

تغذ من نبض الخفوق وحناني
يامن على روحي تربعت سلطان

مدد علي ظل الحشا لك ثواني
النفس ما قبلك تسيد به إنسان

وخذ غفوة فيها وتوسد جناني
عقلي وهبته لك ولانيب ندمان[/align]

[طير السعد]

انا اليا شاهدت وجهه وحسناه

والله ماحسد الي مصيفه ابيروت



فيها الجمال الي قليلن حلاياه

كنه عليها نازلن بالبراشوت


ون مت بسبابه يجازيه مولاه

بس اتركوني عند بيته بتابوت

[≈eнsαs oитнα]]

[align=center]والله أحبك واتمناك وأبيك
وتدري إنك نقطة الضعف فيني
ابيع لأجلك باقي الناس واشريك
وتصير وحدك بين رمشي وعيني
من وين مالقيت عيني ألاقيك
حتى وأنا في عز نومي تجيني
مالك شبيه في عيوني يواليك
انت الوحيد اللي سكن في حنيني
من يوم حبيتك وأنا بس اناجيك
وأنا ادري إنك ياحبيبي تبيني
ياما سهرت الليل مابين اياديك
واشوف رمشك بالسهر محتريني
عذروبي إني لاتناسيتك اطريك
وعذروبك إنك مابين نفسي وبيني
والقلب ياكل الغلا ميت فيك
مدام حبك نقطة الضعف فيني[/align]

[( عابرة سبيل )]

[align=center]
:
:
:


همسة عوده لـ هذا الصرح ...

ها أنا قد عدُت
و خرائط في يدي قد رُسمت
قلبٌ بـِ حُمرِ الشفاهـ قد رُسما
و سهمٌ عابثٌ مرا

تحملني الذكرى على جناحيّها .. نحوك
و أنتَ قابعٌ في كبد السماء
ناحية الضوء المُشعُ من وجنتيك..
ناحية الحب المولود على أول سحابة زُرناها معاً

في هذه المرهـ المنظرُ مُختلف تماماً
لا سماء
لا ضوء
لا حُب
فقط دُنيا من البياض كما الثلج الالهي
و أنا ..

لا تغضب ..!
أعلم أن الظروف أصعب .. أكبر .. أغبى ..!
المهم أنها أقوى منك .. و مني
:
:

دمعة ألم كانت هنا

[/align]

[هاوي شعر]

اتذكرلقاه لين شفت البقايا
اتوجّدعليه واكتمه في خفاي
اذرف دموع عيني لاذكرت الهدايا
ولين شمّيت عطره زادفيني عماي
قدّه ورمش عينه هي طعون الضمايا
هو غناتي وروحي..اصبح هو مناي
اتذكرشفاه وكل ذيك الحكايا
ماملك قلب روحه بالوسيعه سواي

[≈eнsαs oитнα]]

[align=center]مشتاق لك ما تدري شكثر مشتاق = مشتاق لك أكثر من الشوق فيني

كثر المحبه والغلا كثر الأشواق = كثر الغرام اللي فضحني بعيني

أدري مقدّر أننا نصير عشّاق = وأدري كثر ما أبيك قلبك يبيني

مثل الحبر ما هو مقدّر للأوراق = ما تشوفني سلّمت نفسي وسنيني

وأدري عيونك تنتظر لحظة عناق = مع عيوني بالوصل لو تجيني

يا رب لا تكتب على عاشق فراق = يا رب وأنت اللي تعلم بحنيني[/align]

[иσᴚч ♥~]

من امس قلبي خفقته ماهي بخير..
من يوم غابت عن سمايه بروقك..
يومين وهمومي بقلبي طوابير..
وانت الوله عيا يبلل عروقك..
كانه بخل؟؟؟؟
حول علي الفواتير... !!!
وكانه ثقل .. يلين الله خفوقك..

[иσᴚч ♥~]

منت على خبري تغيرت بالحيل ماهو كلام الناس شوفة عيوني

[≈eнsαs oитнα]]

[align=center]حبنا يانور عيني لايضيع
إحفظه حتى يلم بنا إجتماع
أشتري حبك ولكن ماتبيع ..[/align]