بيت القصيد للتعمير

[بنت الاصول]

انا فعلت الطيب في راعي الطيب=والطيب في راعيه مهو خسارة
الطيب في بعض المخاليق مايثيب=وتلقاه في بعض الاوادم تجارة
والادمي يخطي بدنياه ويصيب=كلن حسب عرفة وحسب اقتدارة
يشرب من الدنيا بكل المشاريب=نوب قراح ونوب يطعم مرارة
وانا بشر والله ماعلم عن الغيب=ولاعرف باكر وش يخبي نهاره
لاشك رجلي ماتجي نية العيب=رجلي عن المنقود دايم تدارة
مابغى الردي يلقي علينا مقاضيب=الي على الغرة يسوق البشارة
الي يدور بالرفاقة عذاريب=وهرج القفى مابين الاجواد كارة
هذاك لو يرفع لي الصوت ماجيب=جزاة مني زلهتة واحتقارة
يلقى معازيبة واناالقى معازيب=وكلن على جنسة يدورادوارة
مجنب النمام والنذل تجنيب=واتعب على الطيب وادور ديارة
اخاوي الي ماكره ماكر الذيب=الي عن الانذال في راس قارة
رجلى وراء البيضا بروس المراقيب=يوم الحصاني ماتفوت الجحارة
ولالي على ذرية ادم مطاليب=كلن على كيفة يصدر قرارة

[مذهل]

أبفلق الجره تطيح الخطايا
ويثور سايس يذعر الصوت خيله
مليت أشوف الناس تطعن ورايا
والصدر تنهش به رماح القبيله

[فقيدة امها]

الصبح ودع والمساء يحضن الشمس
والارض تنزل والسمـاء ترتفع فوق

عيني على بكره وقلبــي مــع الامس
فيـني تـنــاقــض ما لقـيـته بمخـلــوق

[بنت الاصول]

إجرح وأنا بَبْكي على قلبي إجرح
مادام لي قلبٍ يسامَحْك في الحال




قلبٍ يسامح وانت تجرح ويَدْمح
أبكيه؟ولاّ أبكيك؟ ولاّ ابكي الحال؟

قلبٍ على ذكراك يمْسِي ويصْبَح
صَبرَه طويلٍ لكن مْعاندِك طال

قلب ٍ تركتك فيه تسرَح وتمرَح
مِحتاج..حكّمْ داخل القلب.. محتال!

لو تدري المجروح وشلون يفرح
وقَفْت له مِن دَهشتِك وقفة إجْلال

يفرَح فرَح مترقّب الموت إذا أصْبَح
وهو بظنّه .. تالي الليل رحّال

ولاّ فرح خاسر تجاره بمرْبَح
فرحة غريقٍ ساقه الموج للجال

لاشاف وجهك باسمٍ وانت تجرح
أو شافك بجرحه مع الناس تختال

ودّك تشوف الذلّ في صورته صحّ ؟
شف دمعة الفرقا..على خدّ رجّال

ولاّتشوف الذلّ في صوره أوضح ؟
شف بسمة المقتول في وجه قتّال

[مذهل]

مهما الزمن يخفيك يا راعي الطيب
يبقى شذى طيبك على النفس طايب
و في كل يوم تشرق الشمس و تغيب
تبقى رفيق العمر وان كنت غايب

[فقيدة امها]

الليلة البرد ناوي ينزع أوراقي
والدمع كنه مع الأجواء متجانس
أبكي على اللي ضحك ما همّه فراقي
والغيم يبكي لأجل الارض تستأنس

[فقيدة امها]

خيَم بك الصمت وقلبي يحتري بوحـك
واشوف كنك تصد وتخفي الضيقـه

ليتك تسولف وتشرح لي عن جروحك
ماطيق حزنك وصمتك صدق ماطيقه

مع جمعت الناس اشوفك جالس بروحك
حسبي على ضيقتك جابت لي الضيقـه

[فقيدة امها]

لا ضاقت الدنيا عليك أنت بالـذات
جب ضيقتك ودموع عينك وهمّـك
خـذ قلبـي وعيـنـي لـيـا دمعـتـك جــات
وإمسح بها دمع الحزن مثل كمّك

[فقيدة امها]

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه

[بنت الاصول]

أنا ليا ضـاق صـدري واشتعـل جاشـي
داويـت نفـسـي مــن هـمـومٍ تناهشـهـا
وضربت لي طرقةٍ تصعب على اللاّشي
وسرّيت رجلي ومسرى الليـل ينعشهـا
ونحـرت جـوٍّ خلـيٍّ يـوحـش أوحـاشـي
صحاصـح البيـد طــبّ الـلـي يعايشـهـا
خــالٍ جنـابـه مــن العـالـم والأدبـاشـي
قفـرٍ مـربّ الوحـوش ومأمـن أوحشهـا
عشبه سـوات الحمـى ماهـوب ينّاشـي
لا راعـي البـل ولا الـشـاوي بنايشـهـا
مايقطـعـن فرجـتـه حــرار الأبـواشــي
الضمّـر اللـي وصـوف الريـم تركشهـا
مايسهجـه غيـر جيـبٍ يطـرب الماشـي
مـع واعـر الأرض وألاّ مـع مفارشـهـا
جـيـبٍ يبـعّـد عــن مْعـشّـاي مغـبـاشـي
الـلـي يـقـصّ الــدروب لـيـا تناوشـهـا
ماتسمـع مـن المكينـه غيـر وشواشـي
مـاكـنّـه ألاّ الحـيـايـا فـــي توشـوشـهـا
لا فرّ من دوس رجلـي صابـه خراشـي
فـــرّة قـطــاةٍ دويّ الـمـلـح خـارشـهــا
يطيـش مـن طيـش سوّاقـه ليـا طاشـي
نـوبٍ يخـم الخـطـوط ونــوب يقرشـهـا
أبـيـه لابــان نـجــم ونـجــم مـتـلاشـي
وشفت السويبـع مـع أخوانـه مداقشهـا
فــي ليـلـةٍ وبـلـهـا هـتّــان ورشـاشــي
وقـلايـد الـوسـم مـرخـيـتٍ مراهـشـهـا
ليـا أضمـرنّ الفحـول وجاهـن طياشـي
والأرض فـي بطنـهـا قــرّت هوايشـهـا
وراع الولع عقـب موتـه لـه تنعواشـي
طيـره علـى الـكـفّ والدنـيـا مطنّشـهـا
ماعـاد يطـري لـه ألاّ بـرق الأريـاشـي
الـلـي عـلـى شانـهـا البـيـداء يفتشـهـا
وأنـا معـي عــاريٍ مـاهـوب بخيـاشـي
لاتــلّ سـيـره عـلـى المقـفـي تفرّشـهـا
عديم وأسمه عديـمٍ مـا أسمـه شلاشـي
زرق الشـوش لالحقهـا علّـق شوشهـا
ومن لا عرف لـذّة المقنـاص ماعاشـي
ولـعـه بلـيّـا طـمـاعـه مـيــر عايـشـهـا
يسلى بها الخاطر ليـا ضـاق وانداشـي
وترتـاح بالنـوم عينـي يـوم أغلمشـهـا
ماتسمع اذني صـدى لجـلاج وهواشـي
ألاّ الـسـواري مــع الظلـمـا تخترشـهـا
يـالايـمـي خـلّـنـي بــصــدّ وانـحـاشــي
عن شوف ناسٍ ماغير تلوّي خششهـا
والله إن يبطي مع المقنـاص مطراشـي
لـيـن المنـيّـه نقـابـل وجـــه طـارشـهـا
هذا الدواء اللي يداوي حـدبٍ هشاشـي
مــن هـاجـسٍ لاتـحـرّك قــام يجرشـهـا

[بنت الاصول]

ياللي تزعل وانا ماني بغلطان
خلك على راحتك واللي تبي سوة

لا ترفع الخشم يوم انك تعداني
والله لتبطي وانا ما قلت لك قوة

في غيبتك جاء مكانك واحد ثاني
والحب ما ينوخذ ياهيه بالقوة

ان كان قصدك عبث ودك تحداني
فابشر بقلب على الصدات يا قوة

نسيت يومك تلذذ بتعذيبي وحرماني
وان جيت تلقا حبيبك منقلب جوة

ان قلت وينك حياتي قلت لي كاني
يا نار هالقلب من كاني ويا ضوة

ان كان جت زلة وحده من لساني
الواجب انك تطوفها من الخوه

لكن على راحتك واليوم صحاني
اسلوبك اللي تغير للاسف توه

تكفى على هالزعل خلك على شاني
عشان تبطي وانا ما قلت لك قوة

[مذهل]

التحيـة سـلام تلحـق الطيـب عـود
بيـن جـوده عطـاه قدرتـه تشملـك
وأنت يالإنسان فكِّر وفي قرارك تسـود
لوتصَبْحـك هـمّ يسهـر الليـل لـك

[فقيدة امها]

جيتـك تسابـق نـظـرتـي رجـفة خـطـاي
مـا غيـرك احـد ٍ في حيـاتي هــويتـه
قـلبـك علـى شـط الهـوى صـار مـرساي
ونبـض المــحبـه من عـروقـي رويــتـه
لـوّك رمـيـت هـمـوم الايـام بــحشـاي
مـا والله اســأل عـن هـمـوم ٍ رمـيـته
ولـوّك تـعـزف لآخـر ضـلـوعـي النـاي
بـرقـص فـرح لـو مهـجـة القـلب ميته
ولـوّك تـعرف اشـصـاربي حـزة اقـفـاي
يـمـكن تـعـذر القـلب ممـا شـكيتـه
ولـو ابـعـدتنـي عـن مـواصلـك دنيـاي
تـبـقـى عـديل الرّوح مهـمـا جفيتـه
لا لا تــقـول انـّـي عـن الـود نـسـّاي
ينـسـاني الله كـان حـبـك نسـيــتـه
انـت الحبيـب وشـوفـتك اصـدق مـنـاي
وانـت القـريب اللـّي بـروحـي فـديتـه
اعـلمـك يـا صـاحـبي ليـه انـا جـاي
حسيــت قـلبـك يحــتريـنـي وجيته

[بنت الاصول]

عزي لمن مثلي جفا النوم عينه
. . . . . يسهر و همـّـه بين الأضلاع يجتال

قلبي من الفرقــاء تبيّـح كنيــنه
. . . . . فرقا الخليل الي خياله على البال

وجدي على شوفه وضحكت جبينه
. ... ثم آنشده عقب البطى كيف الآحوال

وين الزمان الي جمعنا و سنينه
. . . . . روّح و عيني دمعها سال همّـال

قال المحبة بالضماير دفينه
. . . . . والله هو الشاهد على كل ما قال

ياصاحبي قلبي غدا لك رهينه
. . . .. آذرعت بي عَّلي شرآإ آلبعد بوصآإل

أصبحت أنا للهم لعبة بيدينه
. . . . . حظّـي بعد فرقاك يا مسندي مال

يالله يا والي نفوس حــزينه
. . . . . يا عالم ما يجهلك خافي الحال

ترف بقلبي يا كريم وتعينه
. . . . . وتعيذنا وصويحبي شر الأنذال


الشاعر عبد العزيز العبده

[مذهل]

قصــــرٍ يـــــذلك لاتقـــابل مبــــانيه
خــــله عســـــى شامــخ طويله هدامي
وحـــيٍ يوريـــك المـــذله وتغلـــــيه
انشــــــهد انك مـــــيت القــــلب عامي