بيت القصيد للتعمير

[عبدالرحمن الفهد]

يامسافر عن حدودي ويل قلبي من الوداع **زادت همومي همومن يوم اطريت السفر

في وداعك ياحبيبي صد قلبي مااستطاع ******ماقوى فرقى خليله عالبعد ماله صبر

يامسافر قبل ترحل ودي منك الاستماع ******في خفوقي كلمتينن تحرقه مثل الجمر

شوق قلبي والمشاعر مامملوا منك جياع ****الهوى منك لفاني وعشقك بقلبي انفجر

المشاعر في غيابك خاضت بحرب ونزاع ****بين عشق وبين صدن تايه ومالي مفر

يامسافر عن عيوني قلبي جالك باندفاع ********يوم ناديته بغفله جاك ماصدق خبر

يامسافر لاتطول عمري من دونك ضياع ******عود لعينن سهيره مدمنه عشق ونظر

يامسافر قبل ترحل اعطني منك شعاع *********اسهر بليلي عليها لين يلفيني الفجر

[عبدالرحمن الفهد]

أرجع يكفي غياب وجروح
ياروح روحي لاتزود جنوني

أظلم على الدار ياأغلى من الروح
يانور لارديت تسمع شجوني

تسمع إلى ونيت من قلب مجروح
العاطفه دمي وقلبي حنوني

مجروح أنا بالحيل والحب مفضوح
حتى ولو خفيت ترفض عيوني

دمعي تراه يبان لو كان ممسوح
وعيني ترى جرح بكاها جفوني

تظلم ترى دنياي لاقلت باروح
إرجع دخيلك لاتخيب ظنوني

دمك خفيف وصرت بالحيل مملوح
ليتك تكون أول بشر يقبروني

يومي قبل يومك إلا مت مسموح
وأنا السبب قلها لمن يدفنوني

[عبدالرحمن الفهد]

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي

ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي

الخوف -يا من نبشت القلب وادميته-
لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي

صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي

ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!

[عبدالرحمن الفهد]

وش عاد همك لو يقولون زعلان
لــو فيــك ذره من غلا ما جفيتيي

ياللي تقولين ان الخطا زلة لسان
فى زحمة اﻻ‌يام ليه اختفيتي

خطاي وان جا مدرى الذنب وش كان
ليه انتهى ذاك الغلا وانتهيتي

وقفت فى وجهه الزمن قدر اﻻ‌مكان
وانتي جـَـنـَح فيك الخيال وغفيتي

غلطان انا في كل اﻻ‌حوال غلطان
أسرجت لك خيل القصيد وسريتي

جيتي وقلت الجرح يوم اقبلت هان
وانتي على الجرح القديم ارتكيتي

قلتيلي ان الحب ﻻ‌بد ينصان
واليوم ما كنك دقايق هويتي

شافوك حساد الهوى شوف اﻻ‌عيان
يومك على رجم القصايد رقيتي

ما بان شي وﻻ‌ بقى شي مابان
بس انتي اللي غافله ما دريتي

العام لك طاري بقلبي ولك شان
واليوم احس .. بغلطتي ﻻ‌ طريتي

وأن قدر المولى وعشتي بحرمان
من حر لوعات التجافي بكيتي

تذكري قلب ٍ له سنين شفقـــــان
شوفي بحقه ياكثر ما خطيتي

كل القصيد اللي أقوله على شان
تهزك الذكرى ...عقب ما نسيتي

[صافي الود]

تبسم واترك جروحك على جنب الزمن وارتاح
حرام تطيح من عينك على شان الزمن دمعه
انا برجوك لاتزعل ولاتزيد الجراح جراح
تبسم واترك جروحك على شاني بلارجعه
انا ادري صعب لو تنسى ولكن الامل ماراح
ولو راح الامل يبقى في تالي من الالم متعه

[فقيدة امها]

ياخـسـاره كـنـت اظــن اسـمــي مـدون بـالـوريـد
ماحسـبـت احـسـاس قـلبك يسـكـنـه هـذا الـعــدد

ليـه تخدعـنـي بحـبـك وانت لي كـنـت الوحـيـد
كـنــت اسـافــر فـــي عـيـونـك مايرافـقـنـي احــد

كـــان يعجـبـنـي عـنــادك كـنــت اسـمـيـك العـنـيـد
كـنـت احـــب اروع صـفـاتـك يـــوم تعلـنـهـا ابـد

كـنـت تـاخـذ مــن فــؤادي كـنـت اجيـلـك بالـمـزيـد

كـنــت تسبـقـنـي لقـلـبـي يـــوم تـصــرخ يـاوعــد

كـنـت اصــارع فـيـك حـبـي وانــت حـبـك مايحـيـد
كنـت اشـوف الـكـون كـلـه فــي عيـونـك لــي بـلـد

كـنـت تـاخـذ مــن شـعـوري كــل ماتبـغـى وتـريــد
كـنـت مــدري تحتويـنـي كـنـت اظـنـك لــي سـنــد

كنـت غيـر النـاس عنـدي كنـت لـي شـيـخ وسـيـد
اذكـر انـي كنـت اسولـف فــي غيـابـك حــق سـعـد

واشتكـي مـن طــول بـعـدك وانــت فيـنـي موبعـيـد
ليـتـنـي مـاقـلـت احــبــك لــيــت قـلـبــي مـانـولــد

ياكـثـر ماكـنـت احـبـك شوفـتـك لـــي يـــوم عـيــد
يـاكـثـر مـاصــرت اكـــره نـبــض قـلـبــي لــلابــد

[فقيدة امها]

ورود الشعر فى يدينى تموت ولا عرفت أسباب
ذبل عــــرق الوصل فيها وتاهت فى متاهاتى

أدور عن حرف وافىإدور عن حبيبٍ غاب
(نسى )فى غيبته إنــــى لقيته ساكنٍ ذاتى

أعيش بـــداخله بسمهويعيش بداخلى جذاب
ســرق كل العيون اللى تناظرنى ونظراتى

تخدر وقتى إبظله ونامت فى عيونى أهداب
ركد حس الانين اللــــى يصاحبنى بغفواتى

سرق لى حلمى الواقعوعطانى حلمه الكذاب
رحل وفى دمعته يدرى معانى الحب واهاااتى

عرف إن البرود اللـى بقلبه مــــن حنينى ذاب
وعرف إنى بصدق الـــــــود ناديته برغباتى

وعرف إن الوجع دايم بقلبى لـــــو ذكرته طاب
أهيم وحــــــولى أحــــروفى احلم به بكلماتى

رهن عمرى على عمره ورهنـته للخيال وشاب
خيـــــالى فى عيونى يوم ينسانى ولا يحاتى

حزينه والله الدنيا بــــدونك مـــاتسوى تراب
أشوفك دايم ( بعينى) تعال إقراء عبارتى

تعال وشوف إحروفى غرامى فيك صار كتاب
عنــوانه (بدايه حب)والمعنى نهاياتى

[فقيدة امها]

تعال بإحساسك تراني بغيتك
وخذني أنا كلي على كيف ماجاك

وقف معا فكرك وفكر فديتك
لاحظ قدرنا نجتمع أنا وياك

هويت روحك بالغرام وهويتك
مافيه روح ٍ بالمخاليق تسواك

إن كان ودك في عذابي عطيتك
يفداك عمري قبله العين تفداك

وأقطع حشاي وعّلقه وسط بيتك
كل شي يهون وخاطري حيل يهواك

عذب على كيفك تراني شريتك
روحي وعمري فدوت ٍ لك ولخطاك

بديت في حبك تقول أنتهيتك
كيف أنتهي وأنا أتشفق لملقاك


ياليتني كل مابغيتك لقيتك
وياليتني أقدر أناظر مُحياك

بهديك روحي والعمر مانسيتك
أنسى فؤادي ياحياتي ولا أنساك

ألامس أحلام الوفاء لا طريتك
وأسهر ألملم خافقي وأتّحراك

نام الحكي بأطراف جفني وجيتك
عجزت أعبر عن شعوري بليّاك

إمن البحر نسمه مشاعر هديتك
وشلون مايهديك قلب ٍ تمناك

ليتك تحس الشوق فيني ياليتك
ليتك تلامس مبسمي يالغلا إن جاك

هذي الحقيقه قلتها لك فديتك
غير العمر وش هو بقا بس يفداك

[فقيدة امها]

الحب وشو دون صوتك وطاريك
ياغايب عن شوف عيني فقدتك

قلبي يسولف لك وعيني تناديك
وفي غيبتك مايوم خنت وخذلتك

قلبي /حياتي /منوتي /كيف اخليك
وانت معي حب(ن) بروحي نقشتك
اعشق وجودك ياحياتي واداريك
خايف تغيب لو ثواني تركتك

ماظنتي بـ ألقى بديلٍ يساويك
وماظنتي انساك دآمي عشقتك

اهواك كلمه بالهوى ماتوفيك
تبطي معاني الحب تكتب وصفتك

تعال شفني في غيابك آحاتيك
مشغول بال وفرحتي لا وجدتك

وانا بدونك حالتي حيل ترجيك
في كل يوم وكل لحظه ذكرتك

كنت الفرح والحلم دايم يطرّيك
وعلى كتاب اشواقنا كم كتبتك

هذا انا للحين / قلبي يناديك
ليتك تحس بحالتي لا فقدتك

[عبدالرحمن الفهد]

ترى مالي احد غيرك اذا انت بتخاصمني ..

.. تطيح الدمعه من عيني ويجري غصب مدمعها ..

.. طلبتك لملم اشواقي كفا البارح تبعثرني ..

.. قسم بالله بس تزعل احس الروح اودعها ..

.. حرام العمر يسرقنا حبيبي ارجوك تفهمني ..

.. تعب صوتي اناديلك ابي روحي ترجعها ..

.. دخيل اعيونك الحلوه تبسم لا تجنني ..

.. ترى روحي من البارح وهي تنقل مواجعها ..

.. زعلت وجيت ابشكيلك بعد عمري تصدقني ..

.. كرهت الارض فغيابك من اولها لسابعها ..

.. بعد هالعمر والعشره حبيبي ليه تسألني ..

.. احبك ؟ ايه احبك .. وخل الناس تسمعها ..

[وفاء قلم]

ما هو بيدي أكتم الدمعة و أنوح ... هذا أنا اذا كتمت الهم عيوني تبوح
الا ياعين لاتبكين عيشي نعمة النسيان .. خسارة دمعتك تنزل على من لا يراعيها

[وفاء قلم]

منِهُو غيرَ الله ..| يعِينْ !
......... وْ منِهُو غيَر الله ..| لِنآ !

[فقيدة امها]

جرح توسط في حنايا فؤادي
وليت الجروح ضيوف يومين وتروح

بعثر جروحي هالزمن الرمادي
واصعب شي على الانسان هي غربة الروح

[عبدالرحمن الفهد]

لملمت احساسك ..

شعورك.. وقلبك..

خلااص بتســافر!!

زين .. التفت لحظه!

عطني جروحك بس..

خلــها ..تسليني

بغيابك الكافر..

وأخذ النـظر منـي ..

وخبـه مع أشيأك..

مابــي اشوف النــاس !

وشلون اشوف الناس ؟!!

وشوفي معـك سـافر !!

[خفوق إنسانة]

يعطيكم العآفيه ع الإنتقاءات الرآئعه كتوآجدكم بيننآ ..