شاورما سمسومه للعجازين (بالصور)

سمسومه · 12-02-2005, 02:16 AM

أهلاااااااين وسهلااااااين

ومرحبتين وميتين ألفين شورمتين يالله تكفيكم
<<خخخخخ وش ذا الحتسي!!

<<<إيه هذا اللي مايفهم لبناني خخخخخخخخخخخخ!!

<<<ذي يبي لها حالم وبردقانه خخخخخ

شيبان شابات
<<<بتنجلد!

عندي لكم صبخه كتير سهله وعلى الأقل لو ماجاك منها إلا إنها مهيب صبيب!!
<<<استنكر العبد رجليه خخخخخخخخخ

هاي المآدير وطريأة شاورما:
<<<لحد يسألني عن معناتهم!

خبز مفرود

صدور جاج <<<وبالسعودي دجاج خخخ

شوية جبنه

بطاطا مأليه

شوية عصير ليمون

بهارات

مليحه<<<أما ذي سديراوي قح خخخخ

وحسب الرغبه:

(مايونيز=كتشب=بأدونس=خس)

والطريأة:<<<بالسعودي طبعاً!

يهذى الدجاج ويحمس في أميهه وليمون ويفرقع معه الجبن والبهارات والمليحه إلين تحسون إنه استوى<<<الأميهه عشان تدخلون مع الباب!

ثم تلطه في خبزة مفرود مفكوكه نصين كما سيظهر لكم شكلها في الصورة

وتحط عودين بطاطس وإن حصل كتشب ومايونيز وعود خيار فمهيب شينه!

وأهم شي إنها ماتاخذ ولا عشر دقايق!

وبالهنا ء والعافيه......

وها الصوره عشان ماتقولون وشلون نفلش المفروده!!!

ورجاءً ماكأنكم تدرون إني أحب عصير الربيع!!

ولا كأنكم تدرون إني أقل شي على الوجبه حبتين عصير!!

ورجاءً لا أحد يدري إن العشاء مهوب ذا وبس فيه صحين مكرونه وسلطه على جنب

مابعد هيتيتبهم بس عشان ماتقولون إني دبيبا والعياذ بالله أو أحب الأكل لاقدر الله!!

وهاكم الصويره

وتقبلو أصدق تحياتي وأطيبها وترقبو الأسهل والأبسط من طبخاتي
<<<ياهي تقدر الطبخات السهله خخخخخخخ

أنتظر آراءكم!

السنبلة · 12-02-2005, 02:31 AM

[frame="2 80"]خربتيها يا شيفة سمسومة..

بديتي لبناني.. ثم حولتيها حلبة مضاربة..

شكل الدجاجة ناقرة وليدتس..

((((يهذى الدجاج ويحمس في أميهه وليمون ويفرقع معه الجبن والبهارات والمليحه إلين تحسون إنه استوى<<<الأميهه عشان تدخلون مع الباب!

ثم تلطه في خبزة مفرود مفكوكه نصين كما سيظهر لكم شكلها في الصورة)))

وعن الصور..

وراه سبع لفايف شاورما..

أكيد ثنتين لرجلتس..

وخمس لتس.. وبتلحقين على اللي يبقى منه..

أما السفن أب لتس بدون منازع..

وراه ما تقاطعون المنتجات الأمريكية؟!!!

ونصّوري (وليدتس) مسيكين ورا ماله نصيب؟!

وتراه مضر..

ختاماً .. مع السلامة..

* السنبلة *[/frame]

سمسومه · 12-02-2005, 02:45 AM

هلا سنبوله

يامرحبا ..............

وراه سبع لفايف شاورما..هي ثمان الله يصلحتس (وحده فيها مايونيز ومفتوحه في صحن بلحالها)
ولي سبع وله وحده!!
<<<أخاف يسمن!
والمكرونه من بياكلها!!!!
أكيد هو!!
<<<مسيكين هو اللي مشتهي الشاورما خخخخخخخخ!!

أما السفن أب لتس بدون منازعماأتواطن أنا وياه هالسفن جعله المقاطعه اللي ماتعود به!!!
أنا لي عصير الربيع ياأخيتي أراتس ماقريتي الموضوع زين!!

وراه ما تقاطعون المنتجات الأمريكية؟!!!هو اللي مايقاطعها ماتشوفيني أحب الربيع!!

ونصّوري (وليدتس) مسيكين ورا ماله نصيب؟!فيني الخير والبركه أجل وشو له آكل!!خخخخخخخخخ
لا أقصد إنه نايم وبكره يفطر على باقي المكرونه خخخخخخخخخ
<<<أنواع الإقتصاد هههههههههه

ومشكوووووووووره على الرد ياقليبي لاهنتي<<بتقهر خبيرههههه

تحياتي

فهد المنيع · 13-02-2005, 02:26 PM

يم يم توني ما بعد تغديت ومتسفطن بطني هع هع هع

الشكل ما شاء الله شي وحركتات زينه وخاصتن الليمونه شكلتس متوصيه فيها .

بس منهو ذا اللي يشرب سف اب ولا بغى عصير الربيع بالردقان هع هع هع هع

عسى باطنه مثل ظاهره على قولة ابن جعيثن ؟؟ يعني عساه حانط ؟؟

والاحمر ذا اللي فوق الخيار وشو ؟؟

من يد ما نعدمها وجعله العافيه ومطرح ما يجري يمري تحدرونه بالعافيه

وعقبال الصبيب !!

سمسومه · 13-02-2005, 02:51 PM

هلا وادي

حياك الله وبياك

أقول إيه بس وشلونك؟أما نشتغل خخخخخخخخ
كثر من ذي!!
هذي اسمها شاورما أم عشر دقايق!!
آخر شي تحطه في بالك غني أسوي شي صعب خخخخخخخخخ
<<<تراها زوله !!

وبصراحه وادي لاتنتظر طبخاتي لأن الشعب في قمة تفاعله معي خخخخخ وأخاف عليهم من شدة الحماس الله يصلحهم لو يخففون حماسهم شوي احسن!!
<<<يعني العكس!!

<<<تحس إن حالم بيجلدها خخخخخخخخ

شكرااااات وادي على المرور

تحيااااااتي

سمسومه · 13-02-2005, 03:08 PM

هلا وغلا جالم

يم يم توني ما بعد تغديت ومتسفطن بطني هع هع هع
<<<وش تحتري رح تغد جعله يصلح قلبك!!

الشكل ما شاء الله شي وحركتات زينه وخاصتن الليمونه شكلتس متوصيه فيها
<<<إيه بقووه خخخخخخخ
ودي والله إنك تعرف تسويها عشان تدري غنها ولاشي خخخخخ

بس منهو ذا اللي يشرب سف اب ولا بغى عصير الربيع بالردقان هع هع هع هع
<<<ذا الخبل (سلحوف)<<<زوجها خخخخ تدلعه (سلحفاة)
هو مايحب عصير البردقان ذا الغبي صز إنه مهوب سديراوي!!
وأنا ماأطيق عصير المويه<<يعني سفن أب ههههههههههه
أحس بصراحه السفن دواء!!

عسى باطنه مثل ظاهره على قولة ابن جعيثن ؟؟ يعني عساه حانط ؟؟
<<<هذا اللي محليها ومخليني أرزها لكم!!
جربها ياحالم وصدقني بيعطونك درجة الدكتوراه في الشيافه<<يعني الطبخ!
<<<تسمع بالمرتبات خخخخخخخ

والاحمر ذا اللي فوق الخيار وشو ؟؟
<<<طماط الله يصلحك!!
<<<تراي منشبه الخيار والطماط بعود أسنان خخخخخ لاتقول بعد وشلون سحرتيه!!

من يد ما نعدمها <<<ولا نعدم يدياتك

وجعله العافيه <<<يعافيك ربي

ومطرح ما يجري يمري تحدرونه بالعافيه<<<وت إز ذس!!

وعقبال الصبيب !!
<<<إصبر إلين نشتري حديده (مقرصه) مدرس صاجه مدري والله وش تسمونها!!!

1/أقول هو يصلح أصبب على مقلى!!

2/وش تكشنون الصبيب به؟
(عسل-دهن-بصل وطماط-جبن.....)

<<<بتشوف وش تكشنه به ؟خخخخخ

ألف شكر شيف حالم على مرورك وماناصل ربع مقلقلك....

تحياااااااااتي

miss sudeer · 13-02-2005, 04:19 PM

وااااااااااااااااااااااااو

سمسومه تسلم يدينك بصراحه شهيتيـــــــــــــــني

ننتظر المزيد من الطبخات السريعه والفيده

تشكرات سماسيمو

سمسومه · 13-02-2005, 09:04 PM

مس سدير

ياحي الله الغاليه

إيه كذا المشرفة الي تشجع خخخخخخ

وأبشري غن شاء الله بالأفكار والأكلات يالحبيبه

ومشكووووره على الرد

تحيااااااتي