قصيدة ( الغربة ) اللتي أجازتها لجنة شاعر المليون

[راعي الروضة]

[align=center]هذي هي القصيدة اللتي شاركت بها في المرحلة الأولى من مسابقة شاعر المليون

واللتي أجازتها اللجنة بفضل الله عز وجل .

أتمنى أن ترتقي لأذواقكم .. واعذروني على التأخير في نشرها لكم هنا لظروف سفري .

محبكم / راعي الروضة[/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الـغـُــربــة

أنـت يـا لـلـي وجـوده ما يـشـابـه غـيـابـه=في غـيابـه عـذابي والـسـعـد في وجـوده
العمر في حـضورك دوم يـزهـر شـبـابـه=ويـسـتـقـيـم اعـوجاج الحال ويـرد عوده
يـا ولـيـفٍ سـلـب حـالـي ولا أحـدٍ درابـه=ولـع الـقـلـب والـنـفـس بـغـلاه مـعـقـودة
والـلــه انـك بـعـيـني مـالـك أحـدٍ يـشـابـه=غـير بـدر الـسماء ومـرايـتـك يالعـنـوده
هـاجـسي ياغـنـاة الـقـلـب دنــا .. ركـابـه=وانـتـوى يـمـك الـرحـلـة يـدور سـعـوده
فكر مغـلـيـك شـوقـه لك هو اللي سـرابـه=يـم مـر باعـك الـلي يـذكـر انـك تـر وده
دافـعـه قـلـبـي الـلـي تـسـكـنـه يـا عـذابـه=يا سـعادة زمـاني فالـسـنـيـن الـجـحــودة
عاشـقـك جـاك يحمل وسط قـلـبه زهـابـه=حـب صادق وشـوقٍ .. ما تحـدد حـدوده
جاك يا غاية المطلـوب يـشـكي صـوابـه=وأنت في يديـنـك عـلاجه ويهـنـا رقـوده
كيف لا وأنت شخـصك كل زينٍ حضابـه=زيـن كل الـبـشـر فالكـون عـندك بـنـوده
سحري اللون واصل الزين واصل الحبابه=لـمـحـة مـنـك لـلـقـلـب المـولـع . وقـوده
كان للـزين صاحب فانـتـه اقـرب صحابه=وكان لـلـزين بـسـتـانٍ فـشخصك وروده
وكان لـلـزين كـلمة فانـتـه اجـمل خـطابـه=وكان لـلـزين جـيـشٍ فـانـتـه اللي تـقـوده
وكان لـلـزين عـلـيـا فـانـتـه الـلي رقـابـه=وكان لـلـزين وفـدٍ فـأنـت وحـدك وفـوده
آيــةٍ في الجـمـال .. وآيــةٍ في الـمـهـابــة=نجـدي الأصل ومن الـشام تذكر جـدوده
والـلــه انـه لـقـلـبي هـو غِـذاه وشــرابـه=لا تـذكـرت هـرجـه واحـمـرارة خـدوده
جـسـمه الغـض كم حيٍ حـسـد به ثـيـابـه=وانـشـد الكم ذاك اللي تـشـرّب عـضوده
وطـول عـنـقٍ يـداعـبه الحـريـر ويهـابـه=وانفس الكنز وأسرار الهوى وسط سوده
من كثر ما هـويـتـه اعـشـق اللي وطابـه=كـل ارضٍ وطـاهـا مـن غـلاه مـعــدودة
وهـنـي الـتـراب الـلـي يـسـمـى تــرابــه=اشـهـد انـه عـن الألـماس يـفـرق بـزوده
والـلــه أنـى بـدونـه حـي زاد اغــتـرابـه=دونه الخـوف يكـبر والأمـن في وجـوده[/poem]

[FATA--JALAJEL]

صح لسانك أخوووي راعي الروضة


وقصيدة جميلة ما شااااء الله تبارك الله



والحمد لله على السلامة




وفالك المليون يارب




ننتظر جديدك




تقبل مروووووووووووووووووري






محبكم /






FATA--JALAJEL

[اسيرالعيون]

صح لسانك يا راعي الروضه على هالقصيده الرائعه ولازم يجيزونها لأن ما فيك حيله
وفالك المليون وانت خير من يمثل شعب سدير الغالي
ودمت سالم

[محمد المحارب]

[align=center]صح لسانك يابو مازن
وقصيدة فرضت نفسها على الساحة
ان شاء الله نرى قدومك لشاعر المليون
وتاخذ العلم وترفع الراية
موفق يابو مازن[/align]

[رحاب]

صح لسنك على القصيدة الجدا رئعه .بارك الله بك , شكراً أخي الكريم.

[حمد سهيان الصعب]

صح لسانك اخوي راعي الروضه ولاهنت طال عمرك

واتمنا لك التوفيق في برنامج شاعر المليون

[سعود الخليل]

هلا بك اخوي ابو مازن ...

والحمد لله على السلامة ....

قصيدة ما فيها كلام ... وش عقب الدكتور غسان وأجازها ؟!

بيض الله وجهك وفالك المليون يالغالي ..

[نــــــوفــــا]

رااااااااعي الروضة


الله

الله

الله

وصـــــــح نبضكــ ع هذه الدره ..

راقت لي هذه القصيدة كثيرا ..

تستحق التأمّل والوقوف كثيراً ..

دمتَ صاعداً باتجاه الشمس

تقديررررري

[القيصـــر]

السلام عليكم



دمت للشموخ عنواناً
دمت للشعري عملاقاً
دمت للحرف ِ معلماً
دمت للجمال والكمال


أي حرفٍ شاهدته .. فهو بمثابة ( وضع النقاطِ على الحروف )
لابد أن يُجيزوا هذه الباذخة .. فأنا أعلم يقيناً أنهم ( إنبهروا ) و عاشوا وقتاً ماتعاً تمنيتُ أن أكون بصحبتهم وأنت أمامهم شامخاً عالياً تنثر الحرف الجميل بالصوت الجميل .


صح نبضك وقلبك ... ودمت للحرف أستاذاً
لك أكاليل من الورد وقت الربيع
القيصــر

[البايلوت]

[align=center]قصيدة رائعة أخوي راعي الروضة

مع تمنياتي لك بالتوفيق في شاعر المليون


وتقبل مروري الــــبـــــــايــــــــلــــوت[/align]

[وارث الطيب]

ابو مازن ... يا هلا وغلا

وأنا أجيزك ... وفالك المليون .. وأنت تملك الكثير من العطاء المميز

بس باسر لاتنسانا خلنا لو أخويا

وموفق يا الغلا

[ناصر الحنو]

الله الله الله يابو مازن

حضور ابداع وجمال شعر

تنبض وفاء وتغرد صدق
وتعزف النقاء على وتر الغرام

صح لسانك ولاهنت ياغالي

وموفق يارب ونشوفك في المراحل النهائه بإذن المولى

كل الحب والتقدير


اخوك ناصر
ظماالعشق

[راعي الروضة]

[align=center]عزيزي : فتى جلاجل


أولاً : صح بدنك يالغالي .. والله يسلمك .

ثانياً : الجمال الحقيقي هو مرورك وتواجدك بمتصفحي

شكراً لصادق مشاعرك نحو أخيك .. وجديدي لن أجد غيركم أقدمه له كأول من يصافحه .

تشرفت بمرورك العذب .

دمت بود أخيك .

وتقبل صادق محبتي

أخــــــوك[/align]

[راعي الروضة]

[align=center]عزيزي : أسير العيون

أسرتني بلطيف عباراتك الجميلة

وسرني تواجدك الرائع على متصفحي

وشعراء سدير كَثر وأنا قطرةً في بحر أبداعاتهم

دمت بود .. وتقبل صادق ودي

أخــــــــــوك[/align]

[راعي الروضة]

[align=center]أخي : محمد المحارب

صح بدنك يالغالي

شكراً لجميل مرورك على متصفحي وشكراً على صادق شعورك

وفقنا الله جميعاً لما يحب ويرضى

دمت بود أخيك

أخــــــــــوك[/align]