وش علومه الوردي

[عبدالله الشويمان-الرعد]

السلام عليكم ورحمة الله وبركاته..

هذه القصيده موجهه للشاعر القدير حمد المغامس..
لعلها تصل وتصل.

وش علومه الوردي

[POEM="font="Simplified Arabic,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حمد بن مغامس لك سلامٍ يجيك بساع=يخاوي مزونٍ سقيها يروي خطامه
بصوت الرعد ياصل عقب بارقٍ لماع=الى الشاعر الوردي عسى تسعد أيامه
زميلي مع المهنه سطالي وسطاله باع=على علبة الالوان وكراس ومرسامه
تذكرت ذاك الوقت يومه لنـا جماع=ولا بارك الله وقت تنسى به اقـوامه
أيا الشاعر الفنان في حلقة المذياع=سمعتك وشفتك شوف بالشاشة الجـامه
سمعت القصيد اللي تطرب به الاسماع=وصحـالله السـانك تجـي دوم قوامـه
سمعتك تقول الحلم وطيحتك من المضجاع=وطيارتـك مـن جو بالارض لطامه
وقلت الرجل عايش ونا عايشٍ هالساع=ونفسي تمنى شـوفته وجـزل كـرامه
وش علومه الوردي عسى باحسن الاوضاع=وهل إن قرا أبياتي لقاني برزنامه؟؟
أو انه مـع الايـام ينسـى وفكره ضاع=ولو صار وجه بوجه يذكرني بيامه!!
حمد بن مغامس لك سلامٍ يجيك بساع=واذا منك رد فمنتدى سدير لي هامه
[/POEM]

عبدالله الشويمان-الرعد

مع تحياتي للجميع

[حمد]

صح لسانك


وابشر سأحاول ايصالها له

[عبدالله الشويمان-الرعد]

المشاركة الأصلية كتبت بواسطة الصيدلي   صح لسانك وابشر سأحاول ايصالها له

تسلم اخوي الصيدلي..

ما تقصر يا الغالي.

وصح بدنك

[وارث الطيب]

ومنا للوردي وننتظر رده

على فكره من كم سنه تعرف الوردي شكلها سنين طويله ايام التلفزيون اسود وابيض
هههههههههههههههههههههه

[فتى حرمه]

صح لسانك..

[عبدالله الشويمان-الرعد]

المشاركة الأصلية كتبت بواسطة فتى حرمه   صح لسانك..

صح بدنك اخوي فتى حرمه

شكراً على الاطلاع

[عبدالله الشويمان-الرعد]

تسلم يا الصيدلي..وصح بدنك

-----------------------------

لا يا وارث الطيب الله يهديك..من عشرين سنه بس هههههههههههه ..

الله يعطيكم العافيه جميع.

[هرمنا]

رائعة

والله رائعة

الله لا يحرمكم من بعض..وادام عليكم هذه الصداقة

وانا في شوق لقراءة رده

تحيتي لك وللوردي

[عبدالله الشويمان-الرعد]

المشاركة الأصلية كتبت بواسطة السبعين   رائعة والله رائعة الله لا يحرمكم من بعض..وادام عليكم هذه الصداقة وانا في شوق لقراءة رده تحيتي لك وللوردي

شكرا السبعين على المرور

بارك الله فيك وجزاك الله خير

[سعود الخليل]

صح لسانك يابو بدر على هالأبيات الجزلة ....

والوردي يستاهل كل خير ....

[عبدالله الشويمان-الرعد]

المشاركة الأصلية كتبت بواسطة راعي الأوله   صح لسانك يابو بدر على هالأبيات الجزلة .... والوردي يستاهل كل خير ....

الله يطول عمرك اخوي راعي الاوله

وصح بدنك يا الغالي

دمت بخير

[فارس نجد]

صح لسانك ولاهنت يابن شويمان

[عبدالله الشويمان-الرعد]

المشاركة الأصلية كتبت بواسطة فارس نجد   صح لسانك ولاهنت يابن شويمان

صح بدنك اخوي فارس نجد

بارك الله فيك

[ابو زيد]

حيّاك الله يا بو بدر


وبإنتظار الوردي



يا شيااااااب......



لك وللجمبع عاطر التحيه



فمان الله,,,






.

[عبدالله الشويمان-الرعد]

المشاركة الأصلية كتبت بواسطة ابو زيد   حيّاك الله يا بو بدر وبإنتظار الوردي يا شيااااااب...... لك وللجمبع عاطر التحيه فمان الله,,, .

الاخ ابو زيد

مشكور اخوي على الحظور والتوقيع في هذه الصفحة.

وبخصوص الصوت بودي والله اضع قصائد مسجله صوتياً..

لكن الامكانيات في جهازي ليست مؤهله لذلك.

وانشاء الله سأسعى لذلك.

دمت بخير