له بسمة لو وزعوها على الكون

[عبدالله بن سعود]

[poem=font="Simplified Arabic,4,black,normal,normal" bkcolor="transparent" bkimage="" border="ridge,6,gray" type=0 line=0 align=center use=ex num="0,black"]
له بسمة لو وزعوها على الكـون= صارت نجوم بالسمـاء سرمديـه

إذا تبسـم اختلـف كـل قـانـون = قانـون انشتايـن مـع الجاذبيـه

وإذا تبسم يسكـت الـي يهرجـون = وتاقف جموع الناس قـدر وتحيـه

ومن بسمته تبـدل الألـف للنـون = وتغيـر الترتـيـب للابجـديـه

ما كنهـا إلا لـون يعانقـه لـون = ويذوب في كبد السماء مع خويـه

لون وصل من رحلة التيه مطعون = وانساح في صحراء غلا ً جرهديه

ولون هرب من جملة الطيف مفتون = كنـه ينـادي للصبـاح الحـذيـه

الثلج إلى من طغي كيف وشلون ؟ = يذوب ثلج النـور ضحكـة بريـه

تخالط الوردي مع الفـل بجنـون = لون البرد يفضح حـلا النرجسيـه

يلبس لحاف الغيم والـدر مكنـون = ويرش عطر البذخ مع كـل سيـه

والشمس يعطيها مواويل ولحـون =صارت مدارات الكواكـب قضيـه

مجنون يا برق سطع سحب ومزون = تحالفـت كـل الأوامـر علـيـه

بالهون يا موطن غلا الروح بالهون = يا كيف تذبح دون ذنـب وخطيـه

اجمع شتات المشكله قـد وعيـون = وازرع على صدر الزمن راعبيـه

أنا فديـت الجيـد والخـد وفنـون = وأنـا فديـت الفتنـة العالمـيـه

وأنا فديت الليل لانـزاح بسكـون = وعطـر مسافـات الليـال النديـه

وإن كان حد السالفه ربـح مليـون = أنا ربحتك مـن جزيـل العطيـه

البسمة اللي حدها سيـف مسنـون = صارت نجوم بالسمـاء سرمديـه [/poem]

[سعود الخليل]

الله يا ابو عبدالرحمن ...



البسمة اللي حدها سيـف مسنـون == صارت نجوم بالسمـاء سرمديـه



سلمت وسلمت يمناك على هالأبيات الرائعة ..

لوك الود يالغالي ...

[لهفة الخاطر]

[align=center]
ماشاء الله تبارك الرحمن

رائعه وبوح فتاااااان ورائع يحاكي مشاعر مكنونه بالداخل ...

أعجبتني الأبيات والقصيده رائعه ..

عافاك الله أخي وصح بوحك

سلمت رعاك الله [/align]

[شاعر الذكريات]

وإن كان حد السالفه ربـح مليـون **أنا ربحتـك مـن جزيـل العطيـه

صح لسانك يا عبد الله
ما شاء الله خيال واسع كاتساع الفضاء
تشكر على هذه العصماء

و ترا المليون قليله في حقه , يسوى مليارات و لا تكفي

تقبل مروري و تحياتي

[( عابرة سبيل )]

/
\
/
\


[poem= font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تخالط الوردي مع الفـل بجنـون=لون البرد يفضح حـلا النرجسيـه[/poem]

ياااسلااااام ^_^
.
.


( عبدالله بن سعود ) .. ارررحب ياشاعرنا ..
ياصاحب القلم المعطاء بـ لون فجر جديد ..

لله درك .. تسكب الحروف ..
لـ تصنع لنا بحراً .. !
فـ نبحر به نحو البعيـــد !!
لافض فاك .. وسلمت يمناك ..

كل الشكر لـك...


.
.


دمت ياشاعرنا بـ خيرات .....

[اسيرالعيون]

عبدالله بن سعود

[frame="1 80"]صح لسانك على عالروعه اوهي تحفه اوهي خياليه اوهي من نوادر الجمال

ماادري وش اقول بصراحه بس هي شي تعدا حدود الخيال وفاقت الوان الجمال

تقبل مروري واعجابي وعساك على القوه[/frame]

[سطام الشمري]

[align=right]صح لسانك يالطيب
قصيده جزله من شاعر جزل


لاعدمناك[/align]

[عظيم الشوق]

/
/
"/:
:/
"
؟
.
.

الله الله يا ابو عبدالرحمن

ابدااع


نشكرك على الابداع المتواصل

[وارث الطيب]

عبدالله بن سعود .. مساءك ورد

ونص جميل ومرهف .. وقصيده تجسد بها الوصف الشاعري

صح كلك ولاهنت

[عبدالله الشويمان-الرعد]

الأخ عبدالله بن سعود

يا مرحبا فيك وقصيدك يا الجزل

ما شاء الله عليك قصيده راقيه ذات مستوى عالي

وهذا من قو شاعريتك يا الغالي

صح السانك يا ابوعبدالرحمن علا شأنك

دمت بخير وصحه وسلامه

[ناصر الحنو]

الله الله الله عليك ياعبدالله

تحضر لتبدع شعر
وتحلق لترسم خيال

ابداعك فتنه
ووصفك سحر
وخيالك محلق يعانق الذوق امتاع بأناقة الشعر


صح لسانك ولاهنت ياغالي


كل الحب والتقدير

اخوك ناصر
ظماالعشق

[سلطان العضيدان]

عبدالله بن سعود

قصيدة جميلة ورائعة جدا

اسمتعت حقاً بقرائتها ..

صح بدنك

ولك خالص التحايا

[ابن عــمــار]

[align=center]عبدالله بن سعود ::

صح الله لسانك على هذه الرائعة الشعرية..

أشعرت فأبدعت وأمتعت...

سجل اعجابي وتقبل مروري وتحياتي..

مودتي لك..[/align]

[راعي الروضة]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بالهون يا موطن غلا الروح بالهون=يا كيف تذبح دون ذنـب وخطيـه
اجمع شتات المشكله قـد وعيـون=وازرع على صدر الزمن راعبيـه
أنا فديـت الجيـد والخـد وفنـون=وأنـا فديـت الفتنـة العالمـيـه
وأنا فديت الليل لانـزاح بسكـون=وعطـر مسافـات الليـال النديـه [/poem]


[align=center]عبد الله بن سعود


لايكتب إلا الأبداع

كيف لا .. وحبره من ذهب .. ومفرداته من لؤلؤ .. ومعانية تجعل الروح ترقص طرباً .

أبو عبدالرحمن كنت ولازلت أستاذاً نتعلم منه .

ولكن ( بالهون ) فقد لا نحتمل كل هذا !!

صح لسانك يالغالي .. ولاتبخل علينا بجديدك

وتقبل مودتي الصادقة

أخــــــــوك[/align]

[عبدالله الصالح]

[align=center]ما كنهـا إلا لـون يعانقـه لـون ===== ويذوبفي كبد السماء مع خويـه



الله الله الله عليك



عبدالله بن سعود



بووووح راقي جدا



صح لسانك ولاهنت



تحياتي


اخوك[/align]