الراعي محمد الشاوي .. شخصيته .. ومعاناته .. !

[مذهل]

السلام عليكم ورحمة الله وبركاته

[اسير الأسطر]

وعليكم السلام يااخي مذهل وعلى الجميع
ذكريات جميله جداً يااخي عبد العزيز العمران
ماشاء الله تبارك الله يذكركم بالشهاده (الشاوي)
اسم منسي ولاعاد له ذكر ويمكن فيه لكن قليل وللي مايعرفه هو راعي الغنم
الغنم منول ونيسات حتى مالهم ازعاج مثل غنم الحين تجيبلك الصمرقع تحلف ان تذبحها وتا كلها بعظمها
وتصدقون ان غنم منول بقالها شوي ويتكلمن منول كل بيت فيه غنم ولاجاء الصبح فتحو القوع يعني الحوش
اللي عنده 2 واللي عند3 وتصدقون يروحن إلى المسرح اللي موجود فيه الشاوي تقولون يتكلمن تشوفهم يتلافن مع بعض كنهن رايحات للمدرسه ههههه مجتمعين
ثمن يسرح الشاوي ووتمشي وراه واذا جاء حول المغرب ولاه جاي وغبار الغنم وراه ياسلام وسبحان الله كل غنم ناس تروح لحالهن وشلون يدلن سبحان الله واذا وصلن بيت اهلهن اما يلقت الباب مفتوح ويدخلن ولاجلسن عند الباب يثاغن يعني يأهل البيت افتحولنا الباب
ودمتم بخير وصحه يا الغالين في المنتدى

[حتما ً سأكون]

السلام عليكم ورحمة الله وبركاته ..

رحمة الله وغفر له وتجاوز عنا وعنه ..

ماشاء الله عليك .. اسلوبك في الكتابه عيشنا الصوره .. وإضافة الاخوه والاخوات

زادت الموضوع جمالاً ..

لاول مره أعرف أن هناك راعي واحد للجميع ..

وايضا ً لفت نظري أن الحوش كان يسمى قوع .. لما اندثرت الكلمة وتبدلت ؟


شكرا ً تملأ الكون لهذا الموضوع الرائع

ويستحق اعلى تقييم