شعر في اهالي سدير ...

[$مجمعاوي$]

--------------------------------------------------------------------------------

ألف أولف في هل الجود والخير=مثايل كالبر ما حلط بشعير
ألفيهِِ نظمتها في هـــل ســديـر=أهل السماحه والسخاء والسعاده
البا بديت ابعد هاك القرايا =بادٍ من الزلفي وذيك النحايا
واجنبت يم أمليح فوق المطايا =وقطعت يم الغاط جال الحماده
والتاء تراني صوب حرمه توجهت=وفي المجمعه وهي المدينه تريحت
والصبح للعمار والخيس سندت=ثمٍ حصل لي في الرويضه هواده
والثاء ثبت شوفي وحق الفروثى=عقب مرور اجوى فوق الحثوثي
جمس جديد للصياهد بحوثي=يقبل من البنزين كل الزياده
والجيم جيت اوشي واشربت من ماه=وحدرت لاجلاجل ودوجت في احماه
ويومي ركبت الخط وأخذت ملواه=والى القرايا تلةٍ في امتداده
الحاء حلالي وقفه في التويمى=مقدار ثمٍ جيت للعدو مومي
عقبه لفيت الداخله عصر يومي =ثمٍ لحقت الشمس مشيي سناده
الخاء ختمت اليوم وسط المعشبه=في راس وادي سدير ديره واحسبه
ومع طلعه الشمس وتصافق مهبه=حدرت مع وادي الفقي با الهياده
الدال دربي صار سمح وتوفقت=وقبل الطهر في روضه اسدير دوجت
وبا الحصون ورحت مع ما تقاصرت=ما بينهن الا القرى وارتداده
الذال ذيك المباني على الخط=حوطه سدير ومقبله به توسط
وعنها الجنوبيه جنوب تقلط=وشرقيه العطار بأرض شداده
والراء رفعت الطرف من موقف لي=والى الجنيفى عن يسار ظهر لي
ثم ركبت الخط للعوده اللي=في اسفل شعيب سدير مثل السداده
الزاء زمت خزه وعنها تياسرت=خليتها خلفي او بالدرب قبلت
ولا حت عشيره فوق ضلع تعلت=وما بينها وبين الخطامه رهاده
والسين سرت من الخطامه شمالي =لتمير وامبايض او بوضه إلحالى
ما بي خوي ولا دليل أسالي=كل بخيص في مسالك إبلاده
الشين شارات الوفاء بالاجاويد=اللي منازلهم مضيف القواصيدد
وان طالهم معروف فهم المحاميد=وما يدفنون الطيبه بالجحاده
الصاد صار اسدير للطيب منبع=من قبل عمرو للكرم فيه مرتع
قبل النبوة به للأمجاد مربع=مرابع السادات وأهل السياده
الضاد ضم اسدير نخبه رجاجيل=والطيب موروث إلجيل بعد جيل
يا ما برز منهم رجال حلاحيل=فيهم إلعضلات المشاكل حداده
والطاء طريف الناس واللي دويني=واللي عن المعروف يغضي ابعيني
ما تاجده بسدير قول ٍ رسيني=ما تاجد الا محسنين الوفاده
الظاء ظمأ كبد المعادي هل سدير=ذا شئ ما يبغى دليل وتفسير
تاريخهم له في الصحايف أساطير=يشع نور بين الأسطر مداده
العين عادات الجمايل والاحسان=موجودةٍ في اسديرفي كل الأزمان
عرفوا بها في نجد من بد الأوطان=طبع تحلو به ولاهوب عاده
الغين غملول من أدناه لاقصاه=جنه نعيم حطها الله في حماه
مثل الحسا تمره وماه وتهياه=وفي الجود ماله من يلادي جواده
الفا فلالحيه محاميد عشره=الناس معهم في المحاصيل خشره
القاف قول الناس أجره هل سدير =رمز التعاون والتأخي مع الغير
الى اشتغل يعطي جزاك الله خير=واللي يفوز إبها من الله سعاده
الكاف كاس الود من بينهم دار=حلو ٍ لذيذ صافي ما به اكدار
هذا يسوقه يم هذا بمقدار=عن الطيب نفس ما اختلط بالنكاده
اللام لو في الطيب ناس تبارى=فازو وصارو من خيار الخيار
نقوة حرار من مواكر حرارا =والحر يعجب صاحبه في هداده
الميم محد ٍ بالمقاضا نفلهم=في الطيب بس وغير ذا ما شملهم
وطيش الحمق للجهل ما قد حملهم =حتى ولو زاد الحمق في عناده
النون نعم ٍ بالفعل كاسبينه=أجدادهم لا بوانهم مرثينه
واليوم عرفو به وهم زارعينه=إلجيل جديد يهتني في حصاده
والواو وادي سدير واسدير كله=ميدان حكمه والشعر مدهال له
والعلم فيه ومنه رفرف إبظله =وأهل النصف يدلون له بالشهاده
لام ألف لا ما خذ ولامعطي فيه =اسدير وحده ما ابغيره أساويه
عندي وكل مسكنه حق يغليه =ويثني عليه ويفتخر في وداده
والها هوى بالي بيض الايادي=يستاهلونه ألف وألف ٍ زياده
الياء يقول اللي صدق في مقاله =في الطيب راعي اسدير خله إلحاله
راعي الفواله والكرم والجزاله=- وترحيبة بالضيف تحيي فواده
تمت وصلى الله على خير هادي=اللي بعث يهدي إلدرب الرشادي
وينذر هل الاشراك واهل الفسادي=من ما قف ٍ كل يحصل حصاده

[$مجمعاوي$]

ردود

[الوعد]

سلمت أخي ..,’


رائعة جداً ..


لكـ أحترامي ..,’,

[سعود أبوحيمد]

الف شكر أخي الغالي على مجهودك

[سنيوريتا]

[align=center]من جد روعة ...
ألف شكرررررر لك .. مع أنك سببت لي الحول ..
ههههه .. أمزح معاااك .. تستاهل أنت كل الخير ..
أنا قلت تحداني .. بس قصايد لها حس مرهف ..
يسلموووووو[/align]

[النبع]

مشكور اخي الكريم صح لسانك ولسان شاعرها وفقك الله وفالك الخير ،،،

[صمت الجروح]

[align=center]شعرررر مرررررره رووووعه..


يعطيك العافيه..[/align]

[راعي الجميلة]

لا هنت يااخوي

[( عابرة سبيل )]

/
\


متميزه / مرهفه / ابداعيه ..
وتكفي انها في اهالي ( سدير )

:
:


( مجمعاوي )

ابدعت في العطاء
بارك الله فيك

:
:



تحيتي

[محمد المحارب]

[align=center]بسم الله الرحمن الرحيم
السلام عليكم ورحمة الله وبركاته
تسلم وصح لسان قايلها................ ولاتحرمنا من جديدك ............تقبل سلامي[/align]

[طالبة المعالي]

يستاهلون أهل سدير .. يعطيك العافيه ..

[يـــزيـــد]

تسلم ولا يسلم ردي العزائم

اسجل اعجابي وبالتوفيق لاهالي سدير جميعاُ

[..مـلاكـ..]

///

يستاهلون أكثر أهل الطيب والجود ..

المشاركة الأصلية كتبت بواسطة   وفي المجمعه وهي المدينه تريحت

تسلم مجمعاوي : )

///

[سد(بنت)ير]

[align=center]صح لسانك اخوي فالك المليوووون
يستاهلون اكثر من كذا والله
تقبل مروري
سد(بنت)ير[/align]

[سد(بنت)ير]

[align=center]صح لسانك اخوي فالك المليوووون
يستاهلون اكثر من كذا والله
تقبل مروري
سد(بنت)ير[/align]