وجبتك المفضلة في رمضان ... شاركنا

[مرهف]

السلام عليكم ورحمة الله وبركاته


مســاء الخيــر أحبتي ..

تعرفون أننا على أبواب شهر رمضان المبارك ..

ولا بد من وجود مأكولات شهية نتناولها خصيصاً في رمضان ..

أرجو منكم وضع مائدتكم المفضلة وليس من الضروري أن تدعموا موائدكم بالصور ..

وكمان اللي عندها أكلات حلوةةة تعطينا وصفتها هوني


سأبدأ بنفسي :

طبعا الافطار :

رطب


توت فيمتو وهذه هي ثمرته


لقيمات ( شي ثابت )


سمبوسة



بالنسبة للعشاء

طبعا دجاج مشوي .. مع بطاطس مقلية وكاتشب وحركاااااات


أو

شعيرية

أو

الحركات الرهيبة المطبخية ( كبة + فطاير + محشي + .... الخ )

أو

بــيــتـــزا ( طبقي الرئيسي )






شاركونا وعطونا وجباتكم المفضلة في رمضان الكريم ..


اللهم بارك لنا في شعبان وبلغنا رمضان ..


ميــشــو

[عبدالله الفـارس]

ميشو متميز دائما ً ...

بالنسبة لي ..
الفطور

_فيمتو_قهوة _ رطب _ وبعض الحلى وغيرها لكن هذا الأبرز والأفضل ..

وبعد الصلاة يكون ..
_ الشوربة _ السمبوسة _ الفطاير والمعجنات _ مع الشاهي طبعا ً

السحور أي شيء وأكيد لازم يكون طبخ ...

سلامتكم ...

[مشــاعر]

السلام عليكم..

والله اني ناويه اانزل هالموضوع بس سبقتني ,,

خيرها بغيرها ,, وراح اثبته ان شاء الله ,,

اشكرك على تميزك في اختيار الموضوع ,,


تحيتي لك

[مرهف]

عاشق ديرتي

انت الأميز حبيبي ..

صح >>> نسيت أقول الشوربة وطنشت السحور !!

مشكور يا غالي ...


ميشو

[مرهف]

المشاركة الأصلية كتبت بواسطة   السلام عليكم.. والله اني ناويه اانزل هالموضوع بس سبقتني ,, خيرها بغيرها ,, وراح اثبته ان شاء الله ,, اشكرك على تميزك في اختيار الموضوع ,, تحيتي لك

معليش خيرها بغيرها ...

ومواضيعنا في المنتدى لنا كلنا مو لشخص دون شخص ..

أشكرك على ثقتك وعلى تثبيتك للموضوع ...

تحياتي الحارة !!

ميشو

[حمد]

اهم شئ الفطور

المهم جدا عندي


السمبوسه بس بشرط يكون الحشو شئ مو اي كلام

يعني اذا لحم يكون طازج لأن سبحان الله فرق كبير بين الطازج والمجمد .


باقي الوجبات ما تفرق معي ابدا

[سديراوية]

والله اهم شي برمضان الفيمتوا

وخصوصا اذا شربته وطلع شنب احمر خخخخخخخخخ


والشوربه هي اهم شي على الفطور بعد التمر والقهوة طبعا ,,

واللى اموت فيه السنبوسه

والا تدرون انا اموت بكل الأكل الرمضاني >> هذي الحقيقه

[مرهف]

الصيدلي

والله شهويتنا يا مراقبنا العام ..

شكرا لك على الطلة الجميلة ..


ميشو

[مرهف]

سديراوية

ههههههههههههههه الله يقطع بليسك والله فطست من الضحك على ( شنب أحمر ) هههههههههههههههه

شوربة + سمبوسة + توت = شي منو طبيعي بنوووووب !!


شكرا أختي ..


ميشو

[القاصف]

أولاً .. جزيل الشكر يا :

[GLOW="FF0033"][ ميـشو ][/GLOW]

على الموضـوع اللي ( يفتَح النفس )

أما بالنِسبة لي :

الفطـور : التمر والماي أكيد ( ما فيه روح وتعال ) ، وشوربه ( لزوم المقبّلات ) .

بالإضافة إلى عِشقي بمطبّق السمَك والهريسه ( خصوصاً إذا كان الدارسين مغرّز فيها ) ،

وتشريبة اللحَم ، مع اللقيمات والقطايف .

المرقوق ( ويا زينه إذا كان السمْن يسبَح عليه ) .. والباشميل أو المعكرونه العاديّه روعه !


ونحن نادراً ما نسوّي عشا إلاّ إذا جانا ضيف ، وإلاّ فـ ( الغبقـه ) تكون عِبارة عن : نخّي ، باجِلاّ ،

جريس ، هريس ، شوربات ، موالح ، سمبوسك ..


أما السحور : فـرُز ودجاج ..


( هذا البرنامج متغـيّر بالطبع .. فالتنويع جيّد )



أكرّر شكري

[أمل الكويت]

بارك الله فيك ..

اما انا وجبتي المفضله .. برياني

[مشــاعر]

السلام عليكم..
رجعت للرد على الموضوع


والله احنا فطورنا مره وحده ,, ومانتعشى بعده ,, الي يجوع يحمي له اي شي بالميكرويف وياكله ,, والا ينتظر الين السحور,,

والفطور عباره عن:

شوربه وهي الطبق الرئيسي,,
السمبوسه والسبرنج رول,,
اللقيمات أو اي حلى ثاني,,
القهوه والتمر بأنواعه,,
الفطاير بأشكالها,, وعلى حسب مره نسويها في البيت ,, ومره نجيبها من الدبلوماسي جاهزه,,
والعصير الطازج أو الفيمتو والقمر دين ,,

وبس ,,

وان شاء الله الصور للفطور في رمضان راح انزلها في هالموضوع عشان يزيد نشاطه,,


اشكرك مره ثانيه اخوي ميشو ,,


تحيتي لك

[عبدالله الفـارس]

المشاركة الأصلية كتبت بواسطة   على الموضـوع اللي ( يفتَح النفس ) أما بالنِسبة لي : الفطـور : التمر والماي أكيد ( ما فيه روح وتعال ) ، وشوربه ( لزوم المقبّلات ) . بالإضافة إلى عِشقي بمطبّق السمَك والهريسه ( خصوصاً إذا كان الدارسين مغرّز فيها ) ، وتشريبة اللحَم ، مع اللقيمات والقطايف . المرقوق ( ويا زينه إذا كان السمْن يسبَح عليه ) .. والباشميل أو المعكرونه العاديّه روعه ! ونحن نادراً ما نسوّي عشا إلاّ إذا جانا ضيف ، وإلاّ فـ ( الغبقـه ) تكون عِبارة عن : نخّي ، باجِلاّ ، جريس ، هريس ، شوربات ، موالح ، سمبوسك .. أما السحور : فـرُز ودجاج .. ( هذا البرنامج متغـيّر بالطبع .. فالتنويع جيّد )

[مرهف]

القاصف

هلا وغلا فيك يا مشرفنا العزيز ..

والله ما شاء الله راعي ( صنف ) ...

شكرا لتفاعلك عزيزي ..


ميشو

[مرهف]

أمل الكويت ..

برياني >> وجبة حلوةةة بس أحس انها نا تصلح إلا للسحور ..

تشكراتي أختي ..


ميشو