حبيبي على الخلقه ولا يعرف المكياج !!!!!

[شاعر الذكريات]

[align=center]السلام عليكم و رحمة الله و بركاته
أقدم لكم هذه المتواضعه
علها تنال إستحسانكم و ترضي ذائقتكم[/align]




[poem=font="Simplified Arabic,7,indigo,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيبي على الخلقه ولا يعرف المكيـــاج=ولا وصّل رموشـــه ولا يكحل عيونـــــه
عيونه نواعس مثل عين المها و دْعــاج=ولا يشتري ظلّ يحطـّـه علــى جفونــــه
و خـده خطيرٍ تمشخــه قطعــة الديبــاج=وتجهر عيوني لا ضحك صفة سنونـــه
قوامه غصن بان ٍغضيض ٍ و لا يحتاج=سليكــون بالخــدين بـبْره يحقنونــــه
وجرمه كما صفراً تمايل على المهباج=إلى صاح من هيل ٍبجوفـــه يدقونــــه
نسيم البحر ينقض جُعوده كما الأمــواج=ويغدي طريقــه ليْن شعـــره يجدلونـــه
الأرداف مرتفعــــه ولا عرّيت ببـْـلاج=ولا يلبس المــايـوه كابه على متونـــه
والأنهـــاد منبوزه كمـــا نبزة الأبـــراج=ولا نهضن بالّي بعضهـــم يحطونــــه
عتابه نغم من دون نوتـه ولا مونتاج=كمــا نغمــة القيثـار لا جروا إلحونـــه
حبيبــي يداوينـي بلا وصفةٍ و عْــلاج=ليا من تنفس بـالتراقي علــى هونــــه
شريعة محمد ما يبي غيرها منهــــاج=ولا يلحق الموضه ولا دْيور وإفنونـه
ينور دروبي شبه مشكــاة فيهـا سراج=ونَ أخطيت يبدي ما بصدره و مكنونه
حشا ما بدى لي منه كيد النساء وإزعاج=ولا هوب مندوب لـْوكــالـة يقولونـــــه
يلبي مطــاليبي بلا منـــةٍ و إحــــراج=ومن زين طبخه خطْر نأكله و صحونـه
خدوم ٍ ولو مسكنه قصرٍ كساه العــــاج=وإلــى جبت من يخدم قفل بابنـا دونــــه
إلى أقفيت صك الباب بالقفل والمزلاج=ولا يفتحــه فــي غيبتـي لو يكسرونــــه[/poem]

[عبدالله بن سعود]

الشاعر شاعر الذكريات

صح هذا الحضور

الجميل


على هذ الجزلة


وصح لسانكـ

[طويق...]

[align=center]صح لسانك شاعر

ولاهنت اخي[/align]

[سطام الشمري]

[align=right]وربي إني أحترت وش أقتبس من هالقصيد يابعد حييّ ..
لإبين إعجابي بقصيدتك المُميزه ..


والله كل بيت منها عن قصيده ..

وهذه لا غرابه فيه ..

فأنت شاعر مُبدع ورائع وجزل ..

هُنا رأيت قصيده شامخه من شَامخ[/align]

[شاعر الذكريات]

المشاركة الأصلية كتبت بواسطة طويق...   [align=center]صح لسانك شاعر ولاهنت اخي[/align]

[align=center]هلا بك أخي طويق

صح بدنك و سلمت يمينك

أشكرك و أثمن حضورك

تقبل تحياتي و تقديري[/align]

[شاعر الذكريات]

المشاركة الأصلية كتبت بواسطة عبدالله بن سعود   الشاعر شاعر الذكريات صح هذا الحضور الجميل على هذ الجزلة وصح لسانكـ

[align=center]تشرفت بحضورك أخي عبدالله

الله يعطيك العافيه و لا يخلينا منك

أشكرك و تقبل تحياتي و تقديري[/align]

[شاعر الذكريات]

المشاركة الأصلية كتبت بواسطة سطام الشمري   [align=right]وربي إني أحترت وش أقتبس من هالقصيد يابعد حييّ .. لإبين إعجابي بقصيدتك المُميزه .. والله كل بيت منها عن قصيده .. وهذه لا غرابه فيه .. فأنت شاعر مُبدع ورائع وجزل .. هُنا رأيت قصيده شامخه من شَامخ[/align]

[align=center]لا هنت أخي سطام و ما عليك زود
و عندك الخير و البركه يالغالي

الشموخ كله في ذوقك و كرمك و تواضعك
أشكرك على عباراتك الثمينه
و هي محل إهتمامي و تقديري

تقبل خالص تحياتي[/align]

[ناصر العبيد]

صح لسانك ياشاعر الذكريات لكن ا سمح لي في مجاراتك في بيتين :


[poem= font="Simplified Arabic,5,royalblue,bold,italic" bkcolor="sandybrown" bkimage="" border="double,5,red" type=1 line=0 align=center use=ex num="0,black"]
أقول أنته بلا حاجه لكن إحذر من المحتاج=كثير الناس يغسل غترته وينظف صحونه

لاتفتح باب للحساد ويجيك الوبل هداج=ترى راع الحسد يقدر على ظرتك بعيونه[/poem]

[شاعر الذكريات]

المشاركة الأصلية كتبت بواسطة ناصر العبيد   صح لسانك ياشاعر الذكريات لكن ا سمح لي في مجاراتك في بيتين : [poem= font="Simplified Arabic,5,royalblue,bold,italic" bkcolor="sandybrown" bkimage="" border="double,5,red" type=1 line=0 align=center use=ex num="0,black"] أقول أنته بلا حاجه لكن إحذر من المحتاج=كثير الناس يغسل غترته وينظف صحونه لاتفتح باب للحساد ويجيك الوبل هداج=ترى راع الحسد يقدر على ظرتك بعيونه[/poem]

[align=center]صح لسانك أخوي ناصر

أضحك الله سنك و جزاك خيرا
إضافه طريفه و في محلها

و القصيده الهدف منها النصح و الدعوه
الى الخصال الطيبه و إظهار الأمتنان بأي
حال من الأحوال و ليست على ظاهرها

و في هذا الزمان كل عليه من زمانه واكف

أشكرك و تقبل تحياتي و تقديري[/align]

[عبدالله الصالح]

[align=center]الله الله عليك




صح لسانك ياشاعر الذكريات




ماشاء الله هذا وهو على الخلقة اجل لو يتزيّن وش بيصير




تحياتي لك ولحرفك النقي



اخوك[/align]

[ناصر الحنو]

الله الله الله ياشاعر الذكريات


ابداع شعر ورونق حضور
وجمال يرتسم بروعة الوصف

صح لسانك ولاهنت ياغالي

كل الحب والتقدير

اخوك ناصر
ظماالعشق

[عبدالله الشويمان-الرعد]

صح السانك اخوي شاعر الذكريات

قصيده جزله ووصف جميل

لا هنت يا الغالي

[شاعر الذكريات]

المشاركة الأصلية كتبت بواسطة عبدالله الصالح   [align=center]الله الله عليك صح لسانك ياشاعر الذكريات ماشاء الله هذا وهو على الخلقة اجل لو يتزيّن وش بيصير تحياتي لك ولحرفك النقي اخوك[/align]

هههههههههههههههه

صح بدنك و الله يقطع بليسك يا عبدالله

ضحكتني وانا زهقـــــــان !!!!!!

هذي منوة متني ,, والا وين تلقى الي

تحب الشغل , ولا تبي خدامه ؟؟

أشكرك أخي عبدالله على حضورط و طرافتك

و تقبل تحياتي و تقديري

[شاعر الذكريات]

المشاركة الأصلية كتبت بواسطة ناصر الحنو   الله الله الله ياشاعر الذكريات ابداع شعر ورونق حضور وجمال يرتسم بروعة الوصف صح لسانك ولاهنت ياغالي كل الحب والتقدير اخوك ناصر ظماالعشق

يا هلا بمشرفنا الغالي ناصر

صح بدنك و سلمت يمينك

أشكرك على حضورك و تعليقك الراااائع , لا عدمناك

تقبل تحياتي و تقديري

[شاعر الذكريات]

المشاركة الأصلية كتبت بواسطة عبدالله الشويمان-الرعد   صح السانك اخوي شاعر الذكريات قصيده جزله ووصف جميل لا هنت يا الغالي

صح بدنك اخوي عبدالله و بيض الله وجهك

لأطلالتك فرحه و لحضورك بهجه لا عدمناك يالغالي

أشكرك و تقبل تحياتي و تقديري