رحلتي المصورة الى النمسا وألمانيا 2007م ...

[ابو عبدالإله]

[align=center]





واحد ماصدق على الله لقى إختصارات ..

المهم اتشرف ان تكون هذا اول مشاركة لي في منتدى السفر والسياحة .. واقدم لكم رحلتي لهذا الصيف 2007م وكانت في في دولتي النمسا وألمانيا ..

وسوف انشره في القريب العاجل ...

وأرجوا ان ينال هذا التقرير على إستحسانكم .. وأتشرف بقراءة ردودكم وآرائكم ..


وانا مستعد لأي استفسار وتحت أمركم ..

أخوكم .. ابو عبدالإله [/align]

[ابو عبدالإله]

[align=center]ابشر يالغالي ... هذا اللي فكرت فيه .. ولو اقولك اني الحين احاول ان انقله هنا ... .. وراح انقله ان شاءالله لكن يبيلي اعدل فيه شوي ..[/align]

[ابو عبدالإله]

[align=center]
السلام عليكم





بدايةً كانت الرحلة يوم السبت بتاريخ 23/06/2007 الاقلاع الساعة 10.50 صباحا...


على طائرة الخطوط السعودية بوينج 777 ،


انا وزوجتي الغالية ام عبدالاله

الوجهات : فيينا - زيلامسي - ميونخ



أبدأ بهذي المفاجأة يوم رحت اقص البوردنق وادخل الشنقط قالي الموظف: رح لآخر كاونتر وخذ الشهادة ؟؟؟


قلت: شهادة !!!..... شهادة ايش؟؟ ،،،، قال رح وتشوف ....


يوم رحت الا موظف ثاني قالي طالع على فيينا .. قلت: ان شاء الله ... قال عطني البوردنق . قلت: سم...



بعد شوي عطاني هذي الشهادة






طبعا جاني شعور غريب اكيد انكم حسيتو فيه

المهم دخلنا ورحنا للبوابة رقم ...






وكالعادة لازم تأخير ساعة واقلعنا الساعة 12.00...

بس يازين طياراتنا اقل حاجة يكفيك دعاء السفر .... استغرقت الرحلة 4 ساعات و45دقيقة على ما اعتقد..

ويوم وصلنا مطار فيينا كانت المفاجأة استقبلونا بالورود والشوكولاتة عشانها اول رحلة بين البلدين...

ونفس الشعور جاني انا وام عبدالاله ...

بس القهر مع الخبصة ما صورت مطار فيينا ... الغريبة انهم مافتشو الشناط ولا فتشونا حنا بعد

علطول ختمنا الجوزات واخذنا الشناط وسيده على صالة الاستقبال ومن هناك اخذنا تاكسي الى

فندق المريديان ب 32.5 يورو من مكتب التكاسي ... على فكرة في مكتبين اعتقد واحد احمر والثاني اخضر

بس مافي فرق الا اللون ...



فيينا


من المطار الى فيينا تقريبا 20 دقيقة ... ويوم وصلنا الى فندق الميريديان الرائع لقينا واحد مصري اسمه

سامح وهو اللي يشيل الشنط شوفوه في الصورة






ودخلنا الفندق وكان اللوبي بهذا الشكل






طبعا سوينا التشيك ان وطلعنا الى الغرفة رقم

(((((((ملاحظة))))))))
( الوقت اللي في الصور على الرياض نسيت اعدلة يعني في فيينا 6:28)







وكانت الغرفة حلوووووووة مرة .. على فكرة الغرفة كانت ديلوكس وهذي صور لها










وهذة صور للميني بار ودورة المياه ( اعزكم الله )








احلى شي في غرف الديلوكس انو النت مجانا والميني بار برضو مجانا ويعبونه لك في اي وقت ....


المهم بعد ما ارحتنا شوي نزلنا نتمشى ورحنا للكارتنر وهذي صورة لمدخل الكارتنر من جهة الاوبرا للي ساكن في المريديان وساخير وبريستول وجراند






وهذي صورة للمقاهي وسط الكارتنر






وهذي صورة لساحة ستيفنز






وصورة للكنيسة ( أسأل الله الثبات على الدين ) وعربات الخيول






ولما تكمل مشي من ورا الكنيسة وتجي الخيول على يمينك في شارع للسيارات رايح بس .. مو رايح جاي

هذا الشارع ينتهي الى شارع رئيسي على نهر الدانوب فيه بعض المطاعم والمحلات وفيه مطعم للبيتزا

اكلنا فيه حلو وجلساته حلوة وقطعة البيتزا مثلثة بس اكبر بشوي من اللي عندنا وسعرها 2.5 يورو والكولا عادة سهرها 2 يورو اكبر بشوى من الكولا ام ريال حقتنا وهذي صورت المطعم






وبعدين جلسنا في احد المقاهي وأخذنا لاتيه الواحد 3.5 يورو ... وبعهدها رحنا لحديقة ستاد بارك اللي مقابل الماريوت

وهذي صور منها ...








وهذي صورة من داخل الحديقة لفندق الأنتر







وبعد الحديقة قالت لي ام عبدالاله وش رايك نرجع الفندق انا مدروخة من بعد السفر ...

وبكذا انتهى اليوم الاول من فيينا ...


انا متأكد اني نسيت بعض المعلومات بسبب الحوسه اللي انا فيها لكن ان شاء الله اذا ذكرت شي بقوله..


والمرة الجاية راح أسرد باقي رحلة فيينا في رد واحد ... لاني ودي اعطي ( حبيبتي زيلامسي ) حقها ...

لان زيلامسي هي رحلتي الحقيقية وصورها كثيييييييييييرة والحكي عنها راح يطووووول ...


ان شاء الله قدرت ارضيكم بتقريري المتواضع وسامحوني عالتقصير

اوعدكم ان شاء الله اني اكمل بأسرع وقت ....


وانا جاهز للأسئلة


تحياتي لكم

ابو عبدالاله[/align]

[ابو عبدالإله]

[align=center]اخوي حمد ...

والله لي الشرف ان تكون اول من يقرأ تقريري هذا .. ويسعدني مرورك يالغالي ..

اخوي المعذرة يوجد بالصور رابط موقع العرب المسافرون .. فهل هذا مسموح ؟ لاني حملت الصور على الموقع في ذاك الوقت ..

أرجوا إرشادي لاني حريص على إرضائكم.. وعدم التعدي على شروط هذا المنتدى الغالي ..

تحياتي لك ..[/align]

[سعود الخليل]

حياك الله اخوي ابو عبد الإله ..

والحمد لله على السلامه ...

تقرير جميل وبصراحه من زمان وانا ودي اشوف تقرير عن النمسا ..

بارك الله فيك وننتظر الجزء الثاني ..

[فهد المنيع]

ياملا البركة يا ابو عبد الإله

النمسا كانت في المخطط هالصيفية لكن ما تهيأت الظروف ..


تقريرك ماشاء الله رائع والصور والمعلومات قمة ماشاء الله ..


ياليت تذكر لنا قيمة تذاكر السفر واسعار الفنادق بشكل عام وطرق التنقل بين المدن ووش افضل الوسائل واوفرها ..


سمعت في بعض التقارير ان المانيا ما تستاهل من يجيها هل هذا صحيح ؟



الله يعطيك العافيه وننتظر الباقي ..

[نـــــــــدى]

ماشاء الله لا قوة الا بالله ..
تقرير رائع وصور اروع ياليت تزيدنا صور ومعلومات ..

دمتم بحفظ الله ..
نـــــــــــــــدووو

[ابو عبدالإله]

[align=center]

المشاركة الأصلية كتبت بواسطة راعي الأوله   حياك الله اخوي ابو عبد الإله .. والحمد لله على السلامه ... تقرير جميل وبصراحه من زمان وانا ودي اشوف تقرير عن النمسا .. بارك الله فيك وننتظر الجزء الثاني ..

ياهلابك يامشرفنا ..

والله يسلمك يالغالي .. ولي الشرف والله انك أحد متابعي تقريري ..

وأتمنى ان ينال التقرير على رضاك ... وأبشر بما يسرّك .. وإنتظر البقيه ..

تحياتي لك .. [/align]

[ابو عبدالإله]

[align=center]

المشاركة الأصلية كتبت بواسطة حمد   ما عندك مشكله ابو عبدالإله .. مقدرين الوضع لك الشكر بعد اذنك بروح الرد اللي فوق بشوف التقرير زين مشكلتك نزلته في آخر الصيف ما يمدينا نفرك ( تم التثبيت يا بطل )

مرحبا بك يالعزيز ..

والله ماتدري وش قد استانست بالتثبيت .. والله عطاني دفعه معنوية قوووووية .. وان شاءالله اكون عند حسن الظن ..

وبخصوص الصور .. أشكركم على حسن التعاون وتقدير الظروف فهذا ماسمعناه عنكم .. وصحيح ان التقرير جا متأخر .. ولكن ليلتني كنت اعرف عن منتداكم من زمان كان نشرته هنا وأكتفيت بذلك ..

تحياتي لك ..[/align]

[ابو عبدالإله]

[align=center]

المشاركة الأصلية كتبت بواسطة حالم ليل   ياملا البركة يا ابو عبد الإله النمسا كانت في المخطط هالصيفية لكن ما تهيأت الظروف .. تقريرك ماشاء الله رائع والصور والمعلومات قمة ماشاء الله .. ياليت تذكر لنا قيمة تذاكر السفر واسعار الفنادق بشكل عام وطرق التنقل بين المدن ووش افضل الوسائل واوفرها .. سمعت في بعض التقارير ان المانيا ما تستاهل من يجيها هل هذا صحيح ؟ الله يعطيك العافيه وننتظر الباقي ..

ياهلابك اخوي ..

الله يبارك فيك .. وان شاءالله تتيسر لك الصيف القادم .. وبخصوص التكاليف وطرق التنقل راح اذكرها في الجزء الثاني ان شاءالله ..

وألمانيا ..( وأقصد ميونخ بالذات ) من جد ماتستاهل الزيارة البتّه ... وراح اذكر الاسباب في تقريري عنها ..

وعافاك الله .. وتشرفت بمرورك يالغالي ..[/align]

[ابو عبدالإله]

[align=center]

المشاركة الأصلية كتبت بواسطة حمد   ابو عبدالإله يا ليت تقول لنا مده الرحله كم يوم وكيف قسمتها ؟ كذلك حجوزات الفنادق من النت او من المطار اخذتها ؟ وكلي شوق لـ متابعه تقريرك عن اســتمتعت بقراءه التقرير بارك الله فيك يابو عبدالإله

أبشر بسعدك .. غالي والطلب رخيص .. كم عندي من حمد بس

وان شاءالله راح اذكرها في الجزء الثاني ..

تحياتي لك ..[/align]

[ابو عبدالإله]

[align=center]

المشاركة الأصلية كتبت بواسطة نـــــــــدى   ماشاء الله لا قوة الا بالله .. تقرير رائع وصور اروع ياليت تزيدنا صور ومعلومات .. دمتم بحفظ الله .. نـــــــــــــــدووو

ياهلابك اختي ..

تشرفت بمرورك .. وشكرا على إطرائك .. والقادم أجمل بإذن الله ..

حفظك الله [/align]

[ياسمين]

ماشاء الله تبارك الله

صور رائعه وتقرير ممتع

ننتظر الأجزاء القادمه بكل شووق

ولك كل الشكر

[ابو عبدالإله]

[align=center]هلابك اختي ..

أشكرك لمرورك .. وتشرفني متابعتك لتقريري ...

تحياتي لك ..[/align]

[سعد القاسم]

مشاء الله شغل نظيف يابو عبدالاله بارك الله فيك يالغالي وتقرير مميز ياعزيزي ولاهنت والله
حمدالله على السلامه