عودة الذكرى

[ابراهيم الغنام]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ليه اعتذر لك والعذر فيك مافاد = ليه ارتجي منك العفو تعذريني
ليه اتصبر والصبر صار ماعاد = ينفع ولايرجع بقايا سنيني
راح الزمان اللي لك القلب ينقاد = تشده اشواقه وزايد حنيني
يوم الغلا مابين الاثنين يزداد = شوق وحنين وعشق بينك وبيني
من قبل مايدخل بنا هرج حساد = نبع الغلا كدر مصافيه طيني
دامك بديتي بالهجر والتبعاد = وانتي نويتي عازمه تبعديني
انا بعد مليت من كثر الاوعاد = لانك بوعدك دايمٍ تخلفيني
ماعاد لك في خافق الوجد مقعاد = روحي بمان الله لاترجعيني
اعلنتها كلمه على روس الاشهاد = وانا ليا من قلت قولي رزيني
روحي مع اللي يخدعك بالتوعاد = روحي معه مصيرك بتعرفيني
لابد ماعقب التبعاد تنعاد = ذكرى تعيد الماضي اللي حزيني
في يومها يعرف هوى كل طراد = لك تدركين الفرق بينه وبيني[/poem]