محاوره بين 3 اشخاص...... - الصفحة 5

شقيران · 05-07-2002, 10:15 PM

وشي صلصه الصويا ذي؟؟؟

والله يا عندكم يا الحريم اشياء غريبه وعجيبه مدري وشلون تعرفون هالاشياء؟؟؟

يا الله عاد انا طالع بروح اذاكر وبرد عقب 3 ساعات والله ما ذاكرت شي

مرخان الدافور تلاقيه شطب على الكتاب خمس مرات

مرخان · 05-07-2002, 10:53 PM

هلا باخوي شقران

انا والله المسيكين

لكن الغريبه شقران ما شاء الله عليه

شكله مذاكر من زمان علشان كذا هو فاضي

ما عنده لا شغل ولا مشغله وقاعد يتكلم علي بعد

تلقونه من اول ما بدا الصيف وهو يذاكر

يقولك يا شقران اذا عرف السبب بطل العجب

ايه عرفنالك وانا اخوك

اما انا المسيكين مطنش الدراسه

ما بديت اذاكر الا قبل الاختبارات

اجل انا مثلك يا شقران

والوعد الدرجات وانا اخوك.....

شقيران · 05-07-2002, 10:58 PM

ايه صفقني مخلص ومذاكر قبل الصيف !!!

المهم انا عندي لك سؤال في section 9-4 هل المطلوب مني اني احسب

mean and stanrd deveation لان الشغلات هذي اخذناها في 201 وابي منك الله يعافيك انك تساعدني في section 9-5 لاني مو فاهم فيه ولا شي

وبالنسبه للدرجات فراح نشوف ومن حصل شي يستاهله;) ;)

بس انشاء الله راح اخذ انا وياك A+

مرخان · 05-07-2002, 11:02 PM

انت راعيها

اما انا معصي

انا حدي c+

يا دافور الجامعه....

شقيران · 05-07-2002, 11:48 PM

ابد هذا انتم يا الدوافير دايما حدي c , و اخرتها A الله يوفقك

شقيران · 06-07-2002, 01:33 AM

الحمد لله على السلامه يا السلمان

متى وصلت>>> مسوي انه يعرف السلمان زين

يا الله شارك معنا

والله يا الاعضاء قاعد اطركم طراره عشان تدخلون؟؟؟؟!!!!

أبو ريان · 06-07-2002, 01:48 AM

وش السالفه اشوف التشات مشعلل والسواليف كاثرة 0

شقيران · 06-07-2002, 01:50 AM

وين مشعلل معه ما فيه الا انا وطرخان بس.

بس والله زين خلك معنا ولا تطلع زي خالدي سدير وسيرينا

تعب قلـــبي · 06-07-2002, 03:30 AM

ماشاء الله عليكم ياعبال الشرقية
اشوفكم قالبينه تشات

لكن حلو خلو المشرفين ينتبهون ويفتحون لكم تشات تسولفون فيه بيديكم ورجليكم
اما تجووون هنا وتشغلونا بالمنتدى مااشوف انه حلو

وسلااااااااامتكم

أبو ماهر · 06-07-2002, 04:06 AM

.

السلاااااااااااااااااااااااااااااااااااااااااااااا ام عليكم000

شيئ حلو ورأع وتعجبوني إيه كذا التشات ولا بلاش بس المشكلة بطيئ جدا وأستمرو ياشباب عشان يحطون
شات وانا انضم إليكم بس عندي مشكلة اني ماسك مركز صيفي ومرتبط مع الاهل إلين خشمي ولا أقدر اخش الا
بالطقاق عشان كذا اعذروني بس ياشقران وش اختباراتك الي تختبرها ماخذ صيفي ولا وش القصة مرخان
من زمان ماجيتا المنتدى وش جاك هبيت فيه شكلك مخطط انت ومرخان على رقم المشاركات والكتابات افلقني إذا مافيه اتصالات بينكم بالجوال000

على العموم لعبة حلوة وارجو لكم التقدم والرقي وبالله التوفيق000

السلمان · 06-07-2002, 07:12 AM

الاخوان الكرام
السلام عليكم ورحمة الله وبركاته

وش ذا اشوفكم قالبينها ساحة محاورة وصايرين انشط من شعراء القلطة

ولا مستفدين بعد تذاكر سفر ودرجة اولى {فوقها****** من مشرفتا الغالي ابن ماضي

وش تعشتوا وصفات طبخ ومناقشات علمية وشلون يركبن على بعض ما ادري بس هذي ما تصير الا عندنا هنا

انا فعلا غبت يومين وكنت في جلاجل الحبيبة وماشاء الله عبيتوها ردود

وانا ماكنت من المؤيدين لفكرة الشات في المنتدى لكن اشوف ان فيه اعضاء متحمسين للفكرة وبنعطيها فرصة كون منتدى شباب سدير يحمل في احد جوانبه فكرة الدردشة الى حد ما لكن....

منتدى شباب سدير للطرائف والالغاز والقصص والحوارات والتهاني والتبريكات { يعني لسعة الصدر ****** لكن بحدود ولا نبغى جانب يطغى على جانب واذا لاحظت انه تم اهمال باقي الجوانب بشكل يؤثر على مستوى الطرح في منتدى شباب سدير او انحدر مستوى الحوار و استخدمت فيه بعض الالفاظ فبالغي الموضوع وبدون تردد

والحقيقة اراها فرصة للمؤيدين لوجود الشات ليثبتوا انه جيد ولن يسبب مشاكل او مشاحنات بين الاعضاء وانه يمكن الاستفادة منه حقا وهذا راجع لكم

وفي الختام تقبلوا تحياتي جميعا

مرخان · 06-07-2002, 09:20 AM

حياكم الله جميعا ياشباب في شاتكم المتواضع

اشوفكم دخلتوا مره وحده كلكم ما شاء الله عليكم

من اول ما فيه الا انا وشقران نسولف ونبي احد يدخل معنا لكن ما احد عطانا وجه

ولها السبب انتهت سواليفنا وصرنا نذاكر عن طريق هالمنتدى

بس تبون الصراحه المذاكره عن طريق المنتدى شي جميل

جربوها منتوا خسرانين شي وبتدعون لي

تعب قلبي: عطني رايك في الحركه واقلط معنا ترى فيه قهوة يحبها قلبك مهيب مثل قهوتك

امير العشاق : المهم مته ما دخلت توجه على طول لهذا الموضوع اوكي

السلمان : ان شا الله ما نطلع عن الخطوط الحمراء والشات يعتبر من سعة الصدر وان كان بغيت اي وصفه اكل ابد ما عليك الا انك تقوله في هالشات ومالك الا طيبة الخاطر

ابو ريان : يالله انا منتظرينك و سواليفك

شقيران · 06-07-2002, 09:54 AM

يا هووووووووووه ما بغيتوا تدخلون

عليهم يا عيال سدير ورا ورا

تعب قلبي احنا عيال الرياض مو الشرقيه

وبعدين نقلب المنتدى لشات وغيره وش عليك يا التفخ ;)

اما انت يا امير العشاق فانا ماخذ ترم صيفي وعندي اليوم اختبار الساعه 4:30 مساء

وبالنسبه لمرخان هذا هو قاعد جنبي بالمعمل>>> والله يا هو حقنه ولا لا يا تعب قلبي

وبعدين تعال صورتي ما طلعت؟؟؟

السلمان يق يق يق

مرخان · 06-07-2002, 09:57 AM

هذا قذف يا شقران

اجل تتهمني اني حقنه

لكن انا ابخلي تعب قلبي شاهد علشان ارفع عليك قضيه في المحكمه بتهمه القذف;) ;)

لكن ما اقدر اقول الا

ميو ميو ميو

والا لا يا تعب قلبي;) ;)

شقيران · 06-07-2002, 10:30 AM

لو ما احبك ولا اعزك ما قلت لك كذا

صدقني يا طرخان معزتك عندي ما توصف>>> ايه هين

وبعدبن امون عليك دايما نتغدا ونتعشى سوا يعني ما بينا شي حبايب والله يديمها من محبه بس مع كذا تضل حقنه هههههههههههههههههههههههههاي ;)

اخوك.................شقران