~[ الاعضاء يوم كانوا بزران مقابله خاصه ]~

[عبدالعزيز]

المشاركة الأصلية كتبت بواسطة   بس الله يجزاك بالجنه مااخترت من الي بعدك

جنيتي على نفسك يالله ادلي بدلوك لاهنتي

[شيخة البنات]

^
منهي انا

ان شاءالله لي عوده ابروح استرجع الطفوله يالبي قلبها

مراقبنا الله يعطيك العافيه ويجزاك بالجنه على هالتوهيقه

[عبدالعزيز]

بإنتظارك

[شيخة البنات]

بـــاك

بسم الله :


1/ هل كنت مشآآآآكس أوكنت على نياتك وهادئ؟؟

والله على حسب يعني اذا اجتمعت مع بزارين خلق الله مشاكسه اما اذا لحالي هاديه

2/ كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟

كنت غاليه ويسموني شيخة البنات >> يعني النك نيم ماجاء من فراغ

3/موقف حصلّك وأنت صغير وللحين مأثر فيك؟؟

مافيه الحمدلله ..

4/ أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

والله مااذكر ..

5/ من أقرب طفلـ/ـة من الجماعة كانت أقربلك؟؟ يعني مايضربك آو تضربك ولا تهاآوشك ولآ يهآوشك؟؟

بنت عمتي وبنات عمي ثنتين وبنت خالي وخالتي >> وش كثرهم ماشاءالله

6/ كم فلقة في رآسك؟؟

الحمدلله مافيه

7/ وش كانت عياآآرتك؟؟

مافيه عيارات وش هالحتسي

8/ وش اكثر حلاااوهـ كوونت تحبهاا في طفوولتك الرائعه ؟؟

نسيت اسمه بس هو حلاو على اشكال فواكه في كرتون اورنج مستطيل


9/ ماهو مستوى الرجه اللي كنت فيها " مرتفع / متوسط / سموول " ؟

سمول

10/ ايش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟

انا الثانيه
لا الحمدلله

11/ ايش اكثر مكان كنت تحب تروح له ؟؟ " ملاهي . حديقه ... الخ

مافيه مكان محدد اهم شي انا اول من يركب السياره


12/ ايش اكثر لعبه كنت تحب تلعب فيهاا ؟؟

كانت من ابيي الله يخليه لنا عروسه الي اذا حطيتها سكرت عينها واذا شلتها فتحت


13/ هل كنت تضرب والا تنضرب والا لاتهش ولاتنش ؟؟
لا الحمدلله انا مااضرب بس انجلد احيانا

14/ هل كنت تبكي كثير ؟؟

لا مب كثير بس صكات على حسب

15/ ايش اكثر فلم كرتوون كنت تحب تشووفه ؟؟

هايدي وماركو ولا يهون كابتن ماجد ورابح

16/ من اكثر واحد من اخواانك كان قريب منك ؟؟ يعني اللي تحب تلعب معاه ؟؟

ثنتين من اخواتي ..

17/ موقف صار لك ولحد الحين اذا ذكرته يضحكك ؟؟

مااذكر

18/ كنت تحب الحليب والا تشربه بالغصب ؟؟

لا كنت اشربه عادي بس لازم يكون فيه زنجبيل وهيل

19/كنت شاطر بالمدرسة ولا ؟؟

ابتدائي ممتاز اما الباقي جيد جدآ

20/ كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟

لا الحمدلله صمت وانا في رابع وكان صيام تام

21/استايلك وانت صغير.. كيف كآن؟ يعني رسمي ولا انسان متلحط متعفش >>متعفش يعني ما تهتم بالملابس

مرتبه الله يخليلي الغاليه اميمتي ويطول بعمرها

22/كلمه دآآيم على لسآنك!!

مافيه ..

23/هل هناك شخص كنت دايم تتبلى عليه يعني تسوي المصيبة وهو ينضرب ؟؟

لا الحمدلله

24/جريمة او مصيبة لـ هذا اليوم تذكرها و مستحيل تنساهاا ؟؟

مافيه ..

25/ما هو اقوى عقاب في حياتك ؟؟

كان ضرب يحبه قلبك بس الحمدلله كان اخر الضرب

26/نشيد كنت تحبه أيام الطفوله ؟؟

كان فيه نشيد احبه وغاثه اهلي فيه بس عجزت اتذكره

27/ماهي الموآقف اللي عرضت فيها اهلك للاحراج؟؟

مافيه ..

* بحكم طفوله ان الواحد يكون برئ وحبيت اسال عن


28/اكثر موقف صدمك يوم انت صغير واثر عليك يوم كبرت ؟!..

الحمدلله مافيه ..

29/كيف كان اول يوم مدرسه لك بكيت ولا لا ..؟

صحت وبس الا قومت الدنيا بصياحي وصراخي ابي اطلع مع امي

30/ ضعت في مكان؟ .. سوق او حديقه او كورنيش .. اذا اي قولنا السالفه ..؟...

كنا في ابها وجالسين في السوده فجأه جاء ضباااب غطى المكان معد اشوف اهلي ولا شي وجلست اصيح واصارخ انادي عليهم لين لقوني وعلى طول ركبت السياره ونمت من الروعه

31/وشهي اجمل هديهـ خذتها في طفولتك...ومانسيتها ابد...؟!

مااتذكر

32/بصراحهـ من كنت تحب بطفولتك اكثر امك ولا ابوكـ....؟!

كلهم الله يطول بعمرهم ويخليهم لنا يارب ..

33/في انسان معين تحس انك كرهتهـ في طفولتك وذا اي ليهـ...؟!
لا مافيه الحمدلله

34/متى هي المرة من المرات اللي حقدت فيها على اهلك وانت صغير\يعني سوولك حركه قدام احد وانقهرت بقوة ؟؟

مافيه

35/لحقت تتابع/ين سبيستون ؟؟ ولا القناه الاولي بالصبح والعصريه ؟؟

ماكان عندنا الا الاولى والثانيه وكنت اشوفها صبح وليل

36/هـل كنت تغلط في نطق الحروف ..؟

لا الحمدلله

37/موقف سويته ..والى الحين مااحد يدري عنه ؟

مافيه

38/مين اعز صديق طفولة و الى الان متواصل معه>><؟

فيه كم وحده الحمدلله

الحمدلله تمت على خير

ومره ثانيه اشكر مراقبنا الفاضل : عبدالعزيز

واختار : الغاليه حبل الوريد ..

[عبدالعزيز]

المشاركة الأصلية كتبت بواسطة   8/ وش اكثر حلاااوهـ كوونت تحبهاا في طفوولتك الرائعه ؟؟ نسيت اسمه بس هو حلاو على اشكال فواكه في كرتون اورنج مستطيل

الله يالدنيا ذكرتيني بهالحلاو له سالفة

كان شايب الله يرحمه توفى يروح يصلي ونطلع عند باب الشارع لانه يمر من عندنا عشان يروح للمسجد ويعطينا حبه حبيتين

مره حقدنا عليه ماعطانا الظاهر خلص << طرارين ويتشرطون

شاكر لك اختي شيخة البنات

بانتظار الاخت حبل الوريد

[حنين الذكرى]

المشاركة الأصلية كتبت بواسطة عبدالعزيز   20/ كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ اصوم لين الساعه 12 كل سنه ازود شوي عاد ابشركم لعام صرت اصوم لين المغرب

**
ماشاء الله تبارك الله
ألف مبروك لإتمام صيامك العام الماضي
تقبل الله منا ومنك صالح الأعمال
ويعيده علينا وعليكم أعوام عديدة وأزمنة مديدة .

يعطيك ألف عافية أخي الفاضل :عبدالعزيز
ذكريات رائعـــة وممتعــة
حفظك الله ورعاك
**

[عبدالعزيز]

المشاركة الأصلية كتبت بواسطة   ألف مبروك لإتمام صيامك العام الماضي

كنك صدقتي مار

[مشآعر طفلة]

هههههههههههههههههههههه


يعطيكم العافية

اومآ طفولتكم رهيبة وخاصه مراقبنا

مبروك على إتمام صيامك للمغرب العام

بأنتظآر اختنا الغالية : حبولة

[حنين الذكرى]

المشاركة الأصلية كتبت بواسطة شيخة البنات   8/ وش اكثر حلاااوهـ كوونت تحبهاا في طفوولتك الرائعه ؟؟ نسيت اسمه بس هو حلاو على اشكال فواكه في كرتون اورنج مستطيل

**
يؤيؤ ياقدمك
لي معه ســالفة هالحلاو

يعطيك ألف عافــــية شيخة البنات
ذكريات رائعـــة وممتعـة
الله يحفظـك يارب

"
"
في اتنظـــار الغاليـــة | حبل الوريــد|
**

[رنا ()]

[align=center].
.
.
.
.
.
.
.
.
السلام عليكم ورحمة الله وبركاته
..
..



جيت جيت جيت
>> أف أف أف شوي شوي كسرتي اللوحة

[[شيخة البنات]] تسلمين يالغاليه على الإختيار

بس معليش اعذرووووني تكفون .. بقدّم طلب إعفاء من الرد والإجابة
وبحوّل المكرفون للغاليه: حنين الذكرى لتُثرينا بما عندها
بتاريخ طفولتها >> اووووخص يا أنتي ما أقدر على الفصحى

المهم بس وش اسمه ذا
>> لايكثر


أخاف أرد الحين وأمسك خط بالحتسي وما أخلص
>> حبيل إذا تكلمت ماعاد تسكت

لأن عندي إمتحان باتسر وقاعده أذاكر وأخاف أتأخر عليكم ويتعطّل
الموضوع
>> مب بس أنتي كل الناس تذاكر


وجاني العلم إنه وقع الإختيار علي
وجيت ركض عشان أعتذر منكم يالغوالي ..

وإن شــاء الله أنا بعد حنين الذكرى
أجي وأردّ على أسئلتكم ..

حنــــونه المايك عندتس يابعدهم ..[/align]

[align=center]يـــــــــــــــــلا ننتظر حنونه وتعليقاتكم المصونه ..
>> حللللللللللللوه على نفس الوزن . >> الحمدلله والشكر

في الإنتظار [/align]

[مشآعر طفلة]

بإنتظار المتورطة حنونه

[مشآعر طفلة]

الله يوفقك حبوولة

[رنا ()]

.
.
.
.
.
.
.
.
.
هــــــــاااااااه حنينوه وينتس ؟؟



لا تتهرّبين مااافيه مفـــرّ







































ياجماعه اللي يبي فيس أبو ضرس لا يتعّب نفسه ويروح
مستودع الفيسات .. تراني خلّصته


في إنتظــــــــار من وقعت في شبااااكنا
>> روووحي كمّلي مذاكرهـ الله يستر عليتس


بالتووووووووووفيق ..

[مشآعر طفلة]

ههههههههههههههههههههههه

وأنا اقوول ورى الفيس مايطلع معي


بإنتظار حنووووووووونه

[عبدالعزيز]

بانتظار الاخت حنين ونشوف متى صامت