ديوان قديم القصيد .. يرجى المشاركة

[ناوي اعقل]

والله مادري اشوف بعض الابيات تناقض القصص اللي يولفها البعض على مزاجه

اتمنى مايكون هالشي مقصود ....

[نور الأصايل]

المشاركة الأصلية كتبت بواسطة ناوي اعقل   والله مادري اشوف بعض الابيات تناقض القصص اللي يولفها البعض على مزاجه اتمنى مايكون هالشي مقصود ....

اشكر مرورك اخي العزيز
ممكن توضح أكثر ؟؟؟؟

[نور الأصايل]

سامرية
حمام ياللي بالبساتين

حمـام ياللـي بـا لبساتيـن ...يلعب طرب والهم ما جـاه

هو معجبك طلع الرمامين... أو معجـبـك عــلال حـنـاه

أو معجبك حضر مقيميـن ...هـل القصـور اللـي مبنـاه

أو معجـبـه بــدو مقـفـيـن ...يـرعـون بــراق نـثـر مــاه

ذبحتنـي يـا بــو عكاكـيـن ...يـــا خـالــط ورده بـحـنــاه

ذبحتني واهلـي مقيميـن ...واهلك ضعنهم ما لحقنـاه

عساك يالروضـة تسيليـن ...والسيل يملي لي ركايـاه

حيثك مقر دو يعـج العيـن ...محبوب انا ما شفت حلياه

يالعيـن هـودي لا تلجـيـن ...صيري صبوره يا المشقاه

ياحسايف
يا حسايف على العود الخضـر... انكسر في يميـن اللـي حنـاه

انكسر جعـل مـن جـاب الخبـر... يقـطع الله مــن الدنـيـا رجــاه

صاحبـي كنـه الظـبـي العـفـر... وعسى الله يرعـى مـن رعـاه

لا تـبــيــن بــخـــده لـلـقــمــر... غاب نور القمـر واظلـم سمـاه

وان تبين على الشمس وظهر... غابت الشمس غاطيهـا سنـاه

أحب الخضر
أحـب الخضرمـن حيـث لـي صاحـب خضـر... وابـاهـي بزيـنـة جمـلـة البـيـض وامــاري

نطحنـي نهـار العيـد واحـدث معـي الكدر... ومن شوفتـه ياحمـود انـا ضاعـت ابصـاري

نطحـنـي ضـحـي العـيـد بمشـجـر خـضـر... يـتــل الـراديــف تـلــة الـحـصـن لـلـقــاري

ابـولــبــة عـــفـــرا كـــمـــا دارة الــقــمــر... الى شعشعت يسري على نورها الساري

ابــو غــرة تـوضـي وطــوق عـلـى النـحـر... وفــي نظمـهـا اللـولـو عـلــى دار مـــا دار

سقـى الله محـبـوب سقـانـي مــن الثـغـر... قراطـيـع مــن ريـقـه ولا احـــد بـهــا داري

يمشـي علـى الاقــدام مــن زايــد الـدجـر ...ويـفـرح الــى دقــوا هــل الـفـن سـمـاري

ومحمـل غـرامـي دش فــي لـجـة البـحـر... يقـفـي ويقـبـل بـيــن الامـــواج سـمــاري

عـلامـه الــى مــن شافـنـي مقـبـل نـفــر... الىقـلـت قــول قــال مـــا ابـيــع يـاشــاري

عـلـيـه المـشـجـر زاهـــي كـنــه الـزهــر... ويمشي على هونه ولا هـوب فـي كـاري

الا واشـقــا قـلـبـي مـــن الـولــف لاذكـــر ...عشـيـر يــروف بـحـالـي الـيــوم ويـــداري

انــا انــلام لا طـريـت ثـوبـي مـــن الـقـهـر... و يـا حسرتـي مشيـت بيـن العـرب عـاري

انـا كيـف ابانسـى حبتـي لــه مــع النـحـر... وبـالـلـيـل انــــا وايــــاه بــــوزار نـيــبــاري

قـلـت المـواصـل قــال مانـيـب بــذا البـحـر... تبدلـت عــن خـبـرك ولا احــب ذا الـطـاري

انا افـرح الـى دشـوا هـل الغـوص للسفـر... وانـا افـرح الـى شالـوا هـل الفـن خمـاري

[يمامة الوادي]

بعض قصائد الشاعر حجاب بن نحيت( ابو ناصر )

لي قصةٍ عنها اكثر الناس يدرون = مع عالمٍ لا قابلوني تكهربت
ناسٍ اليا مروا مع السوق يمشون = اضيع ما اعرف الثلاثاء من السبت
اللي نسيتوا مالكم حق تنسون= يعني نسيتوني لأني تغيبت
اغيب وكل الناس مثلي يغيبون= كم بالقرى ناسٍ لهم ناس بالخبت
صديت واهل الحب عاده يصدون = لو الغلا بقلوبهم نابتٍ نبت
يخشون ناسٍ يرقصون ويدقون = هذا جرى يمكن وهذا جرى ثبت
وانا ولو صديت ما زلت مرهون = وش عاد لو في بعض الاوقات جنبت
أعيش في جوٍ (ن) من البعد محزون=من يوم عن ديرة حبيبي تغرّبْت
اللي تلوموني كفى لا تلومون= ولا تضيق خطركم لو اني تعذبت
يمكن بهالتعذيب راضي وممنون= والا على طول الزمن قد تدربت
وانا ادري ان الناس مثلي يحبون = لكن ما تعبوا مثل ما تتعبت
اظن ما محدٍ حب مثلي بهالكون= ولو قص واحد قصتي كان كذبت
شيٍ يخلي كامل العقل مجنون= ما كنت اصدق بالهوى لين جربت
هذا الخبر والحال من دون في دون= وانا خلاص من النهايه تقربت

////

• اما حصل شوفك على القرب باسلوب = ما تنفع الوقفه ورا زلفه الباب
جرحتني جرحٍ مقدر ومكتوب= ستين يوم الجرح ينزف ولا طاب
والله لو اني على الامر مغلوب = لأاقعد بداري من مساجين الاحباب
واصبحت انا مابين طالب ومطلوب = الحق عندك وانت له صرت طلاب
نقيتكم من بين عشرين محبوب= يا خوفتي ان كان ظني بكم خاب
اخاف قلبي ينصهر صهر ويذوب = ويصير شي ما حسبنا له حساب
ان ما حصل حبٍ على صفه قلوب = ما يتفق بالحب صادق وكذاب
وانا ترى مجبور اسميك حبوب= واهل الهوى بقولوا الحب غلاب
غلاب يغلب من تنى والمنى كوب= وشلون انا اللي شاربٍ عشره اكواب
وانا لو اقوى اتوب والله لاتوب = لكن ما واحد وقع بالهوى وتاب

مدري أخي نور تعتبر من الشعر القديم والا لا

كني بحجاب معاصر جيلين!!

أذا ينفع والا سوي ديليت

عند الله سعة على قولتهم

[إحتيآج]

يا عـين وين احبابك اللي تودين ~~~~~ الي اليا جوا منزلٍ ربعوا به

اهل البيوت الي على الجو طرفين ~~~~~ عـد خـلا ماكـنهـم وقـفوا به





منزالهـم تذرى عـليه المعاطـين ~~~~~ تذرى عليه من الذراري هبوبه

عهدي بهم باقي مـن السبع ثنتين ~~~~~ قبل الشتىوالقيض زل أمحسوبه

فـلت جهامتهم مـن الجـو قـسمين ~~~~~ الزمل حـدر والظعن حدروا به

يبغـون مصـفارٍ مـن النيَّـر يمين ~~~~~ الله لايجزي أطـروشٍ حـكوا به

قالوا من الوسمي نباتةالىالحين ~~~~~ ومن تالي الكنّةتملت أدعوابه

شيّالة الكايد على العسر واللين ~~~~~ والي وطاهم موجـبٍ رحـبوا به

زاد الضيف معـهـم بليا مواعـين ~~~~~ وإن شافوالضيف المطرِّق عدوبه

والى تريّض يذبـحـون الخـرافـين ~~~~~ ومن زاربيت الله تفرش عصوبه

والى عـطوا يعطون روس البعارين ~~~~~ وإن فات منهم شي ماحسبوا به

ماهـم بربعٍ بالمحاضـر قـصـيـين ~~~~~ ولو حـصل حـمارٍ تخاشـروا به

زبون مـال فاخـتـته الحـواريـن ~~~~~ يشدى تراطين العجم يوم جوبه

والى تعلوا فـوق مثل الشياطـين ~~~~~ صارواعلىبعض القبايل أعقوبه

لا تلها الراكب غدى الحبل ثنوين ~~~~~ مثل المعشّر راسها عـند ثوبه

عـقب النكايف كنهّـن السـراحـين ~~~~~ ماقيل يسعل قينها ونظروا به

وإن قيل عند إقطيهم ياهل الدين ~~~~~ فالمرمس الي من قديمٍ دعوابه

ردوا عـليهم ردةٍ تعـجـب العـين ~~~~~ كلٍ يبى النوماس قدم أمحبوبه

هـذا طـريـح وذا شـنيع الأكاوين ~~~~~ والي تعدته السهوم ارحلوابه

ولحـدودهـم بمطـرق الحـد حامين ~~~~~ وقـبٍ تبدا فـي براير أكسوبه

يا عـز لو ذيـدان بـدرٍ عـزيزين ~~~~~ لو مالهم سبا وهـم وشعـوابه

ولحقوا بعـيدين المساريح عجلين ~~~~~ وقالوالرعيان الأخيذابشروابه

وتوقـفوا مـثل المظاهـير مرزين ~~~~~ بالماقف الىبايعواواشتروابه




لـ الشاعر الكبير عبدالله بن سبيّل رحمه الله

[نور الأصايل]

مريت بيت للمحبين مقفول



مريت بيت للمحبين مقفول
وجابتني القدره على حد بابه



ونشدت جيرانه عسى البيت منزول
قالوا حبيبك راح لا واسفابه



وله مدة بالسوق ماشيف له زول
وبابه عليه من السوافي ترابه



وهلت دموع العين والقلب مشغول
وعند الفراق اللي حصل في غيابه



واقفيت واللي بين الاضلاع مجهول
حب درسته غيب ماهو كتابه



اهلا هلا بك ناعس الطرف مكحول
مادمت انا حي لحبل الرجابه

*******

[نور الأصايل]

سامرية بـــالله لاتنـثـريـن الـدمــع iiيـاعـيـنـي

بـــالله لاتنـثـريـن الـدمــع يـاعـيـنـي
مـن صــد يالعـيـن بــالله لا تنوحيـنـه

إن كان هافي لبيب الوسط جافينـي
حـق عليـك الــذي جافـيـك تجفيـنـه

عامـيـن والـهـم باريـنـي ويسنيـنـي
يالقلـب واكـود كتـم الحـب وسنيـنـه

أضفي عليه الغطـا وأخفيـه ويبينـي
ومن عقب ما زاد نوحي بان له عينه

بالهـون أجـر الونيـن أخـاف يوحيـنـي
ويبين ما أخفيت من بيني ومن بينـه

صبري على صاحبي ترفع موازينـي
ياكود يرضى ويضحك من طرف عينه

واحـر وجـدي عليهـا واشـقـا عيـنـي
ياقـلـب يـلـي بحـبـل الـحـب لاونـــه

ماهوب توى بحب الشوق من حيني
ياطول مـا اشرفـت مرقـاب امعدينـه

[نور الأصايل]

سرى ليل وجا ليل

احمد الناصر الشايع



سرى ليل وجا ليل ونحٌـت نجومه
وعيني جــــزت عن لذيذ النعاسي

ويا لايـــم ٍ بالهــــوى الله يلــــومه
على عذب الآجناس واقصر باسي

سطـــا بــي وقفا بحــــــالي يدومه
قضــــاني علـــــى كل ليّن وقاسي

وهي عــــــادة ٍ للعــــــذارى قديمه
يودّعــــن قلب المشقـــــــى مداسي

سرى الطــبل يلعي يقول ارجفوني
على ملعـــب البيض زين اللبــاسي

منقوول

[نور الأصايل]

الا ياونتاه
للشاعر / احمد الناصر الشايع


الا ياونتاه اللي من الفرقا برت حالي
كما برى الدبى الغصن الوريق اللي على حله

على اللي من ثلاث سنين هو همي وغربالي
ولكن ماحصل لي منه ساعة تبرى العله

إلى مني بغيته في محله ما تهيا لي
ولا منه بغى ياصل محلي صار به ذله

أنا وياه مثل اللي ورد مطوية الجالي
طوى حاله ظماه ويوصف الماء له ولا دله

إلى منه نطحني قال يا ستار الأحوالي
عجب لله كيف الخل مايشفق على خله؟

وأنا أركض طول ليلي مع نهاري في الخلا الخالي
أصايد رغبته واتبع طريقه واتبين له

إلين أصبحت أنا المطلوب بالأول وبالتالي
أنا المطلوب والطلاب راع القذله الهله

إلى مني بغيت أنساه وادله عن هوى بالي
بلاي النفس ماهي من صخيف الروح منحله

كذوب اللي يقول أقوى فراق الصاحب الغالي
متى ماغاب عنك اللي توده بانت الخله

إلى مني قطعت حبال وصله قام يبرالي
لحظني بالعيون اللي بها سيف الهوى سله

يطيح اللي بكفي وأذهل الدنيا وهو سالي
واعود في عماي الاول اللي مايسكن له

متى ماغاب عني ماتبي حالي ولا فالي
والا شفته بعيني كن حكم الروس لي كله

ولاني قاعد ارجي متى يرمي به الفالي
وانا ما ودي العدوان تدري به وتفطن له

[عبدالعزيز العمران]

هالقصيدة للشاعر عبدالرحمن البواردي الله يرحمه ويسكنه الجنة

في حبيبه الأسمر :





***


شكراً مشرفنا المتميز أبو ابراهيم .. متصفح ولا أحلى منه .