لغرفة نوم انيييقه..

[دروب الامل]

السلام عليكم حبيباتي..اسعد الله اوقاتكم جميعا^_^
اكـيد فهمتوا المضمون...راح اتكلم عن اسلوب ترتيب غرفة النـوم بما انها ملاذنا الأول للراحة والاسترخـــــــــــــــــــــاء..
بـطريقة أنيقة وناعمة,,راح نبتعد فيها عن تكديس التحف والمقتنيات..وماتجلبه من فوضى وارهاق للبصر!
وبنفس الوقت تكون غرفة ملفته وســاحرة وتحسسك بالصفاء النفسي والنقاااااااء ....
وراح أبدأ معاكم خطـــوة ..خطوة STEP BY STEP
...أول وأهم شي...
((النــظافة))
قبل ماتفكرين بعمل اي ديكور او تجديد لابد من التأكد من نظافة الغرفةبشكل دقيق ورمي الأغراض الزايدة اللي مامنها فايدة عشـان صحتنا وراحتنا..
اوراق قديمة
علب ..كراتين...خردوات اكل عليها الزمن وشرب
طبعا اكيد كل وحدة عندها مقتنيات واشياء محتفظة فيهم للذكرى<<لازم يتخصص لها مكان او دولاب معين وماتكون مبعثرة في الغرفة عشوائيا بشكل يسد النفس!
...
1-اذا كان في الغرفة ستارة قابلة للغسل فكيها وغسليها لأنها مصدر لتجميع الأتربة...


وضروري غسلها من وقت لآخر خاصة للي يعانون من الحساسية والربو..وتكوى وتعاد الى مكانها.

2-نقطة مهمة..في التنظيف لابد من التسلسل والبدء دائما من الأعلى نحو الأسفل..يعني ننظف الستاير بعدين نمسح الأسطح والارفف وقطع الأثاث...الين نوصل للارضية آخر شي واللي عندها شغالة لابد تفهمها .. ان شاء الله تكون واضحة النقطة.

4-سواء كانت الأرضية موكيت او سيراميك او باركيه ...الخ اهتمي بكنسها ومسحها بشكل شبه يومي..وراعي الوصول للأماكن الضيقة(تحت السرير، خلف الكومودينات،خلف التسريحة، اسفل النوافذ، الزوايا بشكل عام وماخلف قطع الأثاث المتحركة)لأنها اماكن مثالية لتجميع الغبار والحشرات.

5-نجي للسرير ..النقطة المركزية لغرف النوم واكثر مكان ممكن يايطلع الغرفة السما او يخسف بها سابع ارض<<اقصد من ناحية الترتيب والشكل طبعا

عشان كذار راح اتكلم بتفصيل اكثر عن السرير وطريقة اختيار المفرش الملائم له وترتيبه عليه
اولا ...المفرش كثير منا تحتار اذا راحت السوق ..اما من ناحية عدم التأكد من مقاس المرتبة او الشك في عدم تلاؤمه مع الوان الغرفة
والحل بسيط جدا:
لازم تعرفين مقاس المرتبة بالسنتيمتر..عشان تشترين المفرش على اساسها وماتتفاجئين اذا رجعتي البيت ولقيتيه أصغر..


وعادة اللحف والمفارش يكتبون عليها مقاساتها من برا وتقدرين تتأكدين
شوفوا هذا الجدول


وهذه الترجمة:
لحاف طفل صغير ......... 36×60 انش .......... او......... 100×150 سم تقريبا
Twin لحاف ولد كبير ........... 63×87 انش........... او........ 160×220 سم تقريبا
Double لحاف مزدوج ........ 78×87 انش........... او........ 200×220 سم تقريبا
Queen لحاف ملكة............ 84×92 انش............ او........ 215×230 سم تقريبا
King لحاف ملكي .............. 100×92 انش.......... او........ 255×230 سم تقريبا

او..
قيسي لحاف موجود اصلا عندك.. واتخذيه كمقياس عند الشراء!
وبوضح لكم بعض المسميات اللي تكون مكتوبة على غلاف الطقم وتوضح لك اسماء محتوياتها بالصور:
FLAT SHEET=شرشف عادي بدون مطاط.
FITTED SHEET=شرشف مزود بمطاط لتغطية المرتبة.

PILLOW COVER او PILLOW CASE=اغطية المخدات.

DOUVET= لحاف ثقيل.

DOUVET COVER=تلبيسة اللحاف اللي تنفك وتتغسل.
BED SKIRT=الغطا اللي باطراف مكشكشة يشبه التنورة وينفرد تحت المرتبة عشان يعطي منظر حلو وبنفس الوقت يغطي الفراغ اللي تحت السرير ويحافظ على المكان من الغبار.



وبالنسبة للألوان...


حاولي تنوعين لا تركزين على لون واحد..احيانا بدون ماتشعرين تلاقين نفسك طايحة بلون مفارش او رسمة معينه وكل مرة تاخذينه نفسه او لون مقارب له....لاحاولي تغيرين ولاما كأنك جددتي ولا سويتي شي!!!بالذات المتزوجات احرصي على التجديد والتنويع في الرسمات والألوان
وابدعي قد ماتقدرين ..مو لازم طقم اللحاف ينحط كل مرة ع السرير مثل ماهو..


..يتبع

[دروب الامل]

نكمل الأفكار..
ادخلي عليه خداديات فيها شغل وحركات...وتكون الوانها ماشية معاه ومع ستايل الغرفة العام


شوفوا هنا كيف طالع السرير حلو وفنكي


او ارمي على طرفه شال بلون بارز وحلو ...يعطي منظر حميم للغرفة



او مثلا ستارة تل متدلية من اعلى الجدر على تاج الســرير...وترا موجودة بسيتي بلازا



الورد ايضا ...من اجمل اللمسات اللي ممكن تزينين فيها عشك الدافئ

وكذلك اللوحات والمناظر الطبيعية الغير متكلفة..

وابتعدوا قدر الامكان عن التحف الكبيرة الدفشة ..والزحمة اللي على غير سنع
خلو ا هالأشياء لأماكن الاستقبال ومجالس الضيوف..لأن مهما طلع شكل الغرفة حلوووو وفخم بيظل مزعج للنظر وموتر للأعصاب ..وهي مكان جعل بالأساس للسكن وراحة البال.
عشان كذا اكتفوا بالتحف والاكسسوارات الناعمة والهادية..وصدقوني كل ماكانت الغرفة بسيطة كل مابرز جمالها وارتحتي فيها..وخلوكم من شغل المسلسلات الخليجية!!!!خربت ذوق العالم.
واذا غرفتك اساسا تصميمها فخم بزيادة وفيها تفاصيل كثير ...قللي من الاكسسوارات واكتفي بالكوشنز الناعمة والشموع والوان المفارش الهادية عشان تكسر حدة منظرها..

وحركة وضع التلفزيون في الغرفة ...أبداااا ما اشجعها<<رأيي الشخصي.

اما اذا كان عدك مساحة بالغرفة ممكن تستغلينها بوضع اريكة زي كذا ..وترمين عليها شال وخداديات ناعمة

صورة عشان اقرب لكم الفكرة


وطبعا ماننسى دور الروايح الحلوة واثرها على النفس
اما بالمعطرات البخاخ او الفواحاااااات والبخور...واكتفي بهذا القدر،،

أتمنى يكون الموضوع ذو فائدة لكم
مع تمنياتي لكم بأجواء سعيدة و غرف نوم حالمة دوما.
منقول

[$همس$]

::

جميل ماطرحت اخيتي الكريمه

يسعدك ربي

[دروب الامل]

المشاركة الأصلية كتبت بواسطة $همس$   :: جميل ماطرحت اخيتي الكريمه يسعدك ربي

الجميل مرورك ...

[مشآعر طفلة]

يعطيك العافية

شـكــ وبارك الله فيك ـــرا لك ... لك مني أجمل تحية .

[أميره بكلـمتي]

يعطيك العاافيه

[جمانة]

تــــــســـــــــلم يمناك دروبـــــــه
الله يعطيك العافيه
في حفظ الرحمن

[معشي الذيب]

رااااااااااائعه وجميله

الله يعطيك العافيه


تقبلي مروري على متصفحك.


تحياتي

[دروب الامل]

مشكورين لمروركم ..عسى الله ان يرفع منزلتكم في الجنه..

[حنين الذكرى]

::
وعليكم السلام ورحمة الله وبركاته
طـــرح رائـــع
أُهنِئُكِ على ذوقــكِ الـراقي
أشكركِ على جهــودكِ الرائعــة
لاحرمنــا الله من جديـدكِ المميــز
كعـادتك متميـزة بمواضيعكِ
دمتِ بحفــظ الرحمــن
::

[ام القمر]

روووووووووووعه كاروعتك ياعسل

[دروب الامل]

[بنت ابووي]

شـكــ وبارك الله فيك ـــرا لك ... لك مني أجمل تحية .
يعطيكـ العـــــــافيه

[دروب الامل]