بدون اسم !!!!!

[أم فيصل]

هذي طبخه مالها اسم بس حلوه واللي يلقى لها اسم يسمها .....


المطلوب :

عجينة بف باستري الجاهزه ( السنبله ) موب السنبله اللي في المنتدى لا السنبله اللي في ثلاجة السوبر ماركت

بيض وبقسماط


كرنب مقطع شرائح رفيعه وجزر مبشور

حبة ماجي

ملعقة زيت

ملعقتين صوص الصويا

علبة جبنة تشدر المراعي مبشوره






كيفية العمل :

اولا ضعي الزيت في مقلاه ضعي عليه حبة الماجي والكرنب والجزر وصوص الصويا قلبيه على النار الى ان يذبل ثم ضعي الجبنه المبشوره وطفي النار يكفيها تذوب مع الحراره


وبعدين خذي شرائح العجينه افرديها شوي بش شوي وانصفيها بشكل مثلث واحشيها وسكريها بشكل مثلث وغطيها بالبيض ثم بقسماط ثم اقليها في زيت غزير


وبالهناء والعافيه

اخبركم تحبون الموضوع بالصور ودي احط لكم بس متعيجزه

عندي فكره : سووها وصوروها وحطوها في الموضوع



الحقوق محفوظه لأم فيصل وسلامتكم

[سعد القاسم]

ام فيصل يزي صرق نك رجلتس خخخخخخ
لكن والله ياليت تحطين لنا الصور لان انتي خابرهخ العزوبيه ماحولتس احد زينا الحلا حق ربى الجنان وصاار حواق وتفشلنا عند الربع على العموم تسلمين يااوخيتي الكريمه ...

[عطر]

[align=center]حركتات والله ..

احلى شي البف باستري صراحـه خاصة اذا كانت ( بالاشطه ) يعني ( قشطه ) بس باللغة السوريه ..

صراحة كل شي تمام
بس اخر شي وشو زيت غزير
نوع جديد هذا .. احسن من العافية والا وشو هههههههههههههههه

يعطيك العافيـة ...[/align]

[السنبلة]

[frame="2 80"]تسلم يديك يا أم فيصل..

أزين شي إنها عجينة السنبلة... ههههه[/frame]

[miss sudeer]

لا لا لا من جد ام فيصل ناويه تخربها علينا ....... !

كل شئ دسم و قلي







بس

بصراحه

شكلها

لزييييييييييييييييزه اوي اوي






تسلميييييييييييييين ام فيصل

ووش رايك يصير اسمها :

مثلثات البف باستري المحشيه بالكرنب والجبن <---------- مشوااااار

[أم فيصل]

اشكر الجميع على مرورهم

والمره الجايه ابفكر احط صوره ولا لا على حسب الفضوه


ويامشرفتنا وش تبيني احط طبخات سوتيه ولا مسلوق ؟؟؟


توبه خلاص معد حاطه طبخات ابد

واذا تبيني ارجع واكتب طبخاتي حطي لي قائمه بالأطباق اللي ممكن ماتكون دسمه

ولاشكلي بحول واكتب فوائد غذائيه ونصائح وكل مايتعلق بالتغذيه السليمه و و و و

مافيه عندي وسط ياأكتب اطباق دسمه ولا أحول على الموجه الثانيه أختاري

[أم فيصل]

مثلثات البف باستري المحشيه بالكرنب والجبن <---------- مشوااار


ايه والله مشوار اللي بيقرى هالاسم بيرتاع ولاهوب فاتح الموضوع



انا اقترح ان السنبله تسميها ولها السماوه ( حشى مولود على غفله )

[السنبلة]

[frame="2 80"]خخخخخخخخ أسميها أسميها؟؟ أسميهااا <=== قاعدة تفكّر..

إيييه أسميها..

مثلثات البف باستري المقلية المحشية بالكرنب والجبن بطريقة أم فيصل..


هاه وش رايكم؟؟ [/frame]

[أم فيصل]

والله مشوار وش ذا الاسم ؟؟؟؟؟؟

[miss sudeer]

ههههههههههههههههههههه

أم فيصل ياحبي لتس

أمزح تكفيـــــن عاد وين الطعم يالسوتيه والمسلوق
الله لايحدنا عليه .. قولي آمين..


خذي راحتتس حوبي

وأتحفينا بطبخاتك اللزيزه دوما

[الأم الحنون]

[align=center]الأخت الفاضله ام فيصل
سلم الله يدينك ان شاء الله ..
ماقصرت عسى ماتعبناتس ...الله يجزاك خير ..

شكرا الطبخه زينه
وفقك الله [/align]

[أم فيصل]

حياك الله بنت الروضه

وبالهناء والعافيه

ام فيصل

[القرم]

تسلمين ام فيصل ويعطيك العافيه

[سمسومه]

الله شكلها تجنن أحب البف باستري أنا وأي شي يدخل فيه لازم يطلع حلو <=== بلاه متروس زبده والله خخخخ

تحياتي وإعجابي بطبخاتك ...

[أم فيصل]

اشكر كل من كلف نفسه وقرأ طبخاتي المتواضعه متمنيه ان تنال اعجاب الجميع

سمسومه اذا جربتيها بتدمنين عليها اذا كنتي تحبين البف باستري



وبالهناء والعافيه