*** غبيب أهل سدير ***

أم فيصل · 13-08-2007, 12:53 AM

*** غبيب أهل سدير ***

أول شي قبل المقادير والطريقه .. تعرفون وش الغبيب ؟! أكيد تعرفون وشو .. اللي هو الأكل

البايت اذا انتوا مافهمتوا معناها ..

الله يسلمكم هذا رز عقب عزيمه كانت عندنا .. صلحته وطلع كأنه طبخ جديد مابان ابد عليه انه

غبيب .. دايم اذا صار باقي اكل مانكبه حفاظا على النعمه ( الله يديمها من نعمه ) ..

تعالوا نشوف وش سوينا في الرز ..

نحمس زيت مع صلصه طماطم وبهارات وكزبره ناشفه وصفار الزعفران وفلفل اخضر حار

ودارسين ولومي وجزر مبشور ( طبعا مانحط ملح ابد لأن الرز مملوح قبل ) ومقدار كاسين

مويه ..

نجيب الرز ونحطه على القدر وهو على النار ونخليه على نار هاديه..

نسوي كشنة الرز ( الحشو ) ..

نحط الكشنه على الرز ..

نتبل دجاج بعد مانقطعه ارباع ونشويه على الصاجه الكهربائيه ..

سوينا دجاج لأن مافيه لحم باقي عقب العزيمه ولو كان فيه باقي نقدر نستخدمه ابكتب طريقة

اللحم تحت ..

طريقة الدجاج :

يقطع الدجاج ارباع ..

يتبل بملح وبهارات وصوص الصويا وخل ..

يشوى على الصاجه الكهربائيه ..

ننكب الرز في الصحن ونضع عليه الدجاج والكشنه ويقدم و

بالعافيه ..

اذا كان فيه لحم باقي :

نقطعه قطع صغيره ونتبله بليمون وبهارات وصلصه ونقطع معه فلفل رومي وطماط

وبصل ونحطه بصينه فرن ويغطى يقصدير ويوضع في الفرن ..

يـــزيـــد · 13-08-2007, 12:56 AM

السلام عليكم

لاحول ولاقوة إلا بالله

الله يعطيك العافية اختي ام فيصل

وبارك الله فيك ،،، وقايل لهم ما يشبع غير الكبسة ... ! >> يقالي دب الحين

شادن · 13-08-2007, 01:22 AM

ينطيــــــك ألف عافيــــه(((ام فيصل)))

وبصرااحه أول مررره أسمع بــــــه زين00

عرفتينــــــا عليـــــــه00

تقبليـ مروريـ00

والسلاااام خير ختاااام00

سي يو00
(((شــــادنـــ)))

سلطان العضيدان · 13-08-2007, 01:50 AM

ام فيصل

طبخة تفتح النفس,,

ما ناقص الا كاس لبن الخرج

<< كلن على همه سرى خخخخ

والف شكرا لك يا ام فيصل على الطرح الجميل والصور الرائعه

تفاح أحمر · 13-08-2007, 03:27 AM

والف شكرا لك يا ام فيصل على الطرح الجميل والصور الرائعه
__________________

مشــاعر · 13-08-2007, 04:42 AM

[align=center]
.
.

ماشاء الله تبارك الله ,,

انا لو بقى نعطيه الجمعيه ,, لان عندي اخواني مستحيل ياكلونه وهو عقب امس,,

مشكوره ياام فيصل ماتقصرين ,,

.
.
.

[/align]

تميمية سدير · 13-08-2007, 07:35 AM

بصراحه شكله جووونان ’’’

يعطيك العافيه خيتووو ’’’

:

:

:

أم فيصل · 13-08-2007, 02:48 PM

حياكم الله جميعا ..

ومشكورين على المرور ..

أم فيصل · 13-08-2007, 02:52 PM

مشاعر ..

هذا هم العيال دايم كذا ..

ولو فبركتي فيه مادروا انه بايت ..

وكم مره صارت لعيالنا ( مانبي بايت .. ترى ماناكل البايت ) واذا غيرنا فيه مادروا ..

لهفة الخاطر · 13-08-2007, 04:03 PM

[align=center]وااااو يالرائعه

بصراحه جونان يالغاليه

طبعاً بالنسبه لنا نحطه بالفرن ويطلع مره خطير ياقلبي

تسلمين وتسلم هالديات يالغاليه [/align]

أم فيصل · 13-08-2007, 04:14 PM

هلا والله بلهفة الخاطر ..

حتى بالفرن يطلع حلو اهم شي ان الواحد يفكر ويبدع ..

مشكوره على المرور ..

شعيب سدير · 13-08-2007, 04:55 PM

ما شاء الله .. طريقة ... شهية ..

اختي ام فيضل .. فيه طريقة .. ثااانية ..

تظيفين على الرز الباقي من امس .. فلفل بارد .. الي يسمونه فلفل البنات .. هع .. طبعا تقطعينه قطع صغار

وتظيفين ايضاً زيت .. طبعا قبل ما تحطين الرز في القدر .. تحمسين الفلفل البارد في نفس القدر ..

اذا حمستيه .. اضيفي عليه الرز واخلطيه مع الرز يعني قلبيه .. واذا شفتي الرز صار جاهز للاكل ..

حطيه في صحن .. وبالعافية ...

تحياااتي لك اختي ..,,

أم فيصل · 13-08-2007, 11:16 PM

المشاركة الأصلية كتبت بواسطة شعيب سدير

ما شاء الله .. طريقة ... شهية ..

اختي ام فيضل .. فيه طريقة .. ثااانية ..

تظيفين على الرز الباقي من امس .. فلفل بارد .. الي يسمونه فلفل البنات .. هع .. طبعا تقطعينه قطع صغار

وتظيفين ايضاً زيت .. طبعا قبل ما تحطين الرز في القدر .. تحمسين الفلفل البارد في نفس القدر ..

اذا حمستيه .. اضيفي عليه الرز واخلطيه مع الرز يعني قلبيه .. واذا شفتي الرز صار جاهز للاكل ..

حطيه في صحن .. وبالعافية ...

تحياااتي لك اختي ..,,

ممكن نبدع ونفكر .. بس بالنهايه نحافظ على النعمه ..

فيه بعد طريقه ثانيه وهي اضافة الخضار في الخلطه قبل اضافة الرز يعطي نكهه مميزه بعد ..

شاكره لكم مروركم ..

بسمة فرح · 14-08-2007, 04:10 AM

جميل

يعطيك العافيه

أم فيصل · 14-08-2007, 06:35 PM

البنت الدلوعه ..

حياك الله ..