الحريم خرااااب بيوت الرجال

[ابو عبد العزيز]

- الحرمه مدري ليه وانا اقول الحرمه يتخيل لي شكل علااق الخرفان في المقصب ودي مرات اعلقها شهر لين يطلع اللي في راسها ولا يطيح العلاااق (( الحريم مثل الكتابه الانجليزيه لازم تبتدي معها اول ماتاخذها من الشمال )) لن الحريم يحسبون الزواج بيت وبزران وحديده كبر حديدة الفيصليه تحط الزواج عليها كل ماضاق صدرها من برامج التلفزيون ولا اعمم طبعا لكن اتكلم عن الفئه اللي اقصدها واللي مايهنا لهم يشوفون الزوج مرتاح ماديا وبعضهم من السخافه اللي فيهم تقول ابغيه يصرف اول باول عشان مايبقا معه شي ولا يفكر يتزوج (( ولا انتي تضنين انه ثور بيكرر التجربه مع عله غيرك؟ ياشيخه انتي تصلحين دوا سد النفس )) وطبعا الفكره ذي غلط لن الزوج لو بغا يعرس ماهوب راده شي اجل وش هوله يوزعون الكروت الشباب بينهم هالايام؟ غير عشان لاجات حزتها وجاته اشوية مرجله دبر عمره.

المهم ان الحريم واقصد ناااااقصات العقل يحسبون ان الزوج اذا غرق بالديون عشان ينفذ لهم متطلباتهم انهم بيغنمون فيه مايدرون انه يبتسم ومن داخله يقول الله يلعن ابو فكره جتني للعرس وانا صايم وبعضهم مساكين من كثر ما يطفح في حلق الحرمه تضن انه بيسمنها عشان يعبيها بكياس .

فيه راعي محل جاته حرمه ولا شرت وقالها لك زمان ماشريتي منا يا الشيخه قالت له ابشررررر بس خل زوجي يستلم الراتب (( بتجاملينه من حلال ابوووك يا درام )) وتشوف هالمسكين اللي يحسب ان الحرمه جالسه تفكر فيه مايدري انها تفكر وش تشتري لاراحت السوق تلقاه المسكين يمسح في وجهه بلاط الشغل من الكرف اللي يجيه عشان بالاخير تجي بنت ابوها ودلوعة امها وتفصخ وجهه الباقي على عتب اسواق الفيصليه (( انا اعتبر الرجال صنفين صنف تحس انه رجال معهاوصنف تحس انه مع الاسف )) وربي ثم وربي اني ماقول هالحكي ابغا الرجال اتحامل على حريمهم ((ايه صفقني)) لكن انا اقصد انه لازم يدرك حقيقة ان الحرمه عطيتها الف ريال ومية الف ريال وربي انه سيان عندها في غلاك وفي طريقة صرفها مثل الحوت اللي لاطعمته السمكه الصغيره نفخ بالمويه للسما ولا اطعمته سمكه كبيره نفخ نفس النفخه يروح السمك ويجي والبطن واحد

مجلة فواصل

[Sub_Zero]

ولا انتي تضنين انه ثور بيكرر التجربه مع عله غيرك؟ ياشيخه انتي تصلحين دوا سد النفس


شكلك متحامل مرره على الحريم مع انك صادز فيه بعض الحريم ماتتحمل تجلس معهم 5 دقايق هذا وانا بنت شلون انتم يالرجال خصوصا من هالحريم اللي انت كاتب عنهم

ومثل منت قايل الرجال لو بيتزوج على حرمته مو راده شئ


تشكرااااااااات على الموضوع الراااااااااااائع

[عاشقة سديـــر]

مشكور أخوي على الموضوع الحلو ...


الحرمه مدري ليه وانا اقول الحرمه يتخيل لي شكل علااق الخرفان في المقصب ودي مرات اعلقها شهر لين يطلع اللي في راسها ولا يطيح العلاااق (( الحريم مثل الكتابه الانجليزيه لازم تبتدي معها اول ماتاخذها من الشمال ))

من جد مثل ما قالت sub_zero انت متحامل على الحريم وبقوه ...

وعلى قولتك مو كل الحريم كذا ...

لكن عندي سؤال محيرني بالمره ...

س/انتو ليش يالرجال دايم كذا ...!!

لما تكون عزابي تراودك فكرة الزواج وتحس انك لازم تجد شريكة حياتك اللي تستقر معها ...

وما ترتاح الا لمن تتزوج حالك حال غيرك من المتزوجين ...

وبعدين وفجأه ومن دون مقدمات ...تقفون على أطلال العزوبيه وتبدأون ترثون حالكم

وتقولون كلمتكم المشهوره (العزوبيه تاج على رؤوس غير المتزوجين لا يراها الا المتزوجين )

ليش !!!

[ســحــاب]

عاشقه ياكثر فلسفتك

[أم الخلاقين]

إيه صح لساانك مو كل الحريم

تحيااتي

[ابو عبد العزيز]

(العزوبيه تاج على رؤوس غير المتزوجين لا يراها الا المتزوجين )
تبين الصراحه الشاب ما يحس بقيمته الين ما يتجوز يحس ان وراه مسؤليه وفيه ناس تسال عنه ويصير يحس ان الترتيب في كل شئ ضروري يعني مش زي الكوره ينشات في كل جهه يوم ينام في المجلس ,يوم في االبر, ويوم في غرفته ولا ترتيب ولا هم يحزنون اما اللذي يتزوج ويحن على العزوبيه فهو صراحه ما عنده سالفه والا وش جاب الجاب والله نسال ان لا يحرمنا من حريمنا (قمة الجبن هههههه) وكل منا مكمل لثاني بالحب والاحترام واشكر جميع من تفاعل مع الموضوع

[المعنّى]

اقول انا ان الحريم من رجالها اذا كان الرجال كوكه لحرمته و تمشيه حسب رايها فهذا يستاهل النكد اما اذا كان الرجل محافض على بيته ومسيطر على الوضع فاضن ان حرمته راح تكون محترمه غير نكديه والرجال الي تمشيهم حريمهم في لعنتهم انشااااء الله عليهم من الديون قومة وقعده ما احد قاله يمسكها زمااام الامور ثم يقعد يتشكى فهذا اصلا مو رجال ( لانه معروف الرجال قوامون على النسااااء )
وليس العكس سيطر على وضعك تنعم بحياتك .


ارجو ان تتقبلو مداخلتي واعذروني اذا كان فيه اي لخبطه .