الوليد بن طلال يتبرع لمنتديات سدير

[غويمض]

خبر عاجل... الوليد بن طلال يتبرع لمنتديات سدير
ول ول ما أمداكم شفتو العنواان الا ودخلتوو ؟؟

صدق انكم وجيه فقر

على العموم بعلمكم السالفه من طأ طأ لسلامو عليكم

في يووم من الايام جلست اتخيل المنتدى ومدى شهرته
ويوم شفت اخونا العضو من التويم حاطني مع اغنى الاغنياء مع طقة الوليد وتوفيق الحريري .. وقلت ياولد

ليه مانحاول نزيد الشهره لتكون عالمياُ <==== بدت تخريفاات اخر الليل

وقررت اني اخذ نفسي واشيل قشي واروح عند الامير الوليد

ترررررررررررررررررررن

ومن هنا بدأت القصه

اول ماوصلت البيت حقه <==== بيت في عينك .. قول قصر ..


صح اقصد القصر حصلت حارس القصر الي برى عند البااب وقلتلهم

ممكن اقابل سمو الامير؟؟

وقالولي ومن حضرتك؟؟

قلتلهم... قولوله

الشيخ غويمض

مايمديهم قالو له الشيخ غويمض

الا واسمع صراخه

في التلفوون وهو يقوولهم خلووه يتفضل بسرعه <===== احلام اليقظه


المهم دخلت عليه واول ماشافني قام وقال :- الله حيه ..واقرب منه

.. وبدت الاسأله الروتينيه اللي هي ( كيف الحاال وينك

ياقاطع والله وحشتنا حييل اخبارك واخبار المنتدى والعيال كلهم ... الخ )

بعدين قلتله

والله يابو خالد جايك في موضوع وماودي انك تفشلني قااال افااا ابشررربسعدك ياغويمض....

وجيت قلتله انا زي مانت عارف

اني مسجل في منتديات سدير قال :- ايه ايه وصلتني اخبارك :

وقطع سالفتي وقال على طاري منتديات سدير ايش اخبار


.كل الأعضاء>>>طلع يعرفكم بعد

عساهم طيبين قلتله كلهم طيبين وكانوا بيجو معي بس جاتهم اشغال

( وش هالاشغال اللي تردهم عن زيارت الوليد) .. المهم قلتله انا

ودي لو انك تسوي مشروع مثل عمارة المملكه اللي عندك في الرياض

بس يكون في منتدى شباب سدير. قال بسسسس؟؟ هذاا اللي انت جاي علشانه يا عزيزي غويمض ؟؟؟طيب

كان كلمتيني تلفوون

وقلتلي؟؟ على العموم

انشاء الله بكرره برسل المهندس حقي على شان يشووف الموقع

حقكم .. المهم انا استأذنت منه وقلت له انا لازم ارووح ابشر الاعضاء

كل ابوهم وقال على بالطلاق ماتطلع من هنا الا وانت متغدي معي :

.. انا ادور واحد حلو زيك يفتح نفسي للأكل


.. بعدين تغدينا سوا ثم استقليت سيكلي قصدي سيارتي مودع بمثل ماستقبلت من حفاوة وتكريم

المهم المهندس بيجي بكرا نظفوا المنتدى لا تفشلوني تكفون ما ابي فضايح قدام اخوياي


وانتهى التخيل وقمت وأشبك النت وماأشووف شئ..

شرايكم بالحلم؟؟
بس لا تزعلون يشباب ترى عندي برج غويمض اللى زد وريتكم اياه انا ابتبرع به لكم
اضغط على هالرابط علشان تشوف برج غويمض وخلوا عنكم منة الوليد

http://forums.sdair.com/showthread.php?s=&threadid=8700

[falcon]

وانا فرحت كثير وقلت اكيد الوليد معطيهم غمرة فلوس من واحد مقتدر الا ناس ما يستحقوون بس صراحة العنوان جابني مطفي الانوار وعلى قولتك امعط تحياتي

[غويمض]

falcon
انا ودي اسعلك سعال(بالهجه البدويه)
وش تقربلك مكيفات فالكون
ولا تطفي الانوار ثاني مره ترى التفاتيش في كل مكان (بس لا تخاف انا كتبت موضوع للتصريف القسيمة) ارجع له
امعط تحياتي;)

[عمدة بني خالد]

السلام عليكم ورحمة الله وبركاته ...........

والله انك منسم يا غويمض وجهك ماهوب

وجه الوليد ولا انت بحوله وانا مستغرب

من اول الموضوع وش السالفة

بعذر السالفة كذا

هذي عوايدك يا غويميض:o

بس رهيبة كثر منها ;) لا وصيك

وعلى العموم شاكرين ومقدرين

جهدك المبذول حتى وصلت لها

النقطة الكبيرة والتي اخذت فكرك

ولب عقلك بس الجايات اكثر;)

واحلام اليقظة اغرب

[فهد المنيع]

هع هع هع هع هع هع هع



ما اقول الا عسى الله يعطيك عقل بس منتب صاااااااااااااااااااااااحي ... تمشي على جنب انت ؟؟؟



والله من الهبال في هالراااااااااااااس


احجز لنا فيه بقاله خخخخخخخخخخخخااااااااااااااااي


بعباااااااااااااااااااااااي

[هرمنا]

غويييييييييييييييييييمض

عسى ما علمته اني موجود في الرياض؟؟

اخاف يجي يطلب سلف والا شي تعرف فلوسي كلها راحت سلف للراجحي



القف تحياتي

[غويمض]

الاخ عمدة بني خالد
مشكور على مسيارك بس ليش تعاير وش سويتلك علشان تكتب غويميض

الاخ حالم ليل
مشكور وترى المقصات خربانه وانا خجمه علشان كدا انا بمشى على جنب

السبعين الاخ الغالي
حياك الله من زمان ما سمعنا صوتك وش دعوا ياحافظ ابراهيم (شاعر بني مره على ماعتقد)
طيب ياحبيبي وراك ما تساوم الراجحي علشان يفتح فرع بالروضة والا تسحب دراهمك يالتاجر

[ابو دحيم]

تحيه طيبه



ههههههههههههههههههههههه

الله يرجك يا غويمض .


والله او احسبك طفران اثرك شغل الشياب زنوبه والرصيد ملايين .


مبطين عنك وهذاريك المبدعه والشيقة .


لك مني كل الاحترام والتقدير

[بن جعيثن]

وووين الغيبات...

والسواليف الحلوة...

[عاشقة سديـــر]

وانا اللي مصدقه ...ومحتاره ...

وقاعده افكر ...اخليها شيكات ...ولا كاش

واثاريه حلم << حسافة ياليتك كملت الحلم وماقمت خل نشوف وش بيسوي لنا الوليد <<مأمله

مشكور غويمض على القصه الحلوه

تحياتي

[سـيناريو]

على كذا اللي عنده غويمض وش يبي بالوليد
ابراج وخيرات وسينما وش خليت

[شذى العبير]

تحكي قصت حياتك ؟!

[شمعة سدير]

داخله قلت وش هالكرم الحاتمي اللي وصل للوليد
ما تبرع لسدير وبس لمنتديات سدير

لكن ما على الله شيء بعيد

ثاني مره يا غويمض لا تنام جوعان

والله يكثر ذا الحلوم الظاهر إنك صرت حالم ليل

[الوحش]

حسبي الله عليك ياغويمض

يوم شفت العنوان أنبسطت وقعدت أخطط وشلون أشبك راعي الاوله

وخليه يسفرني هالسنة على حساب المنتدى

طبعاً أنتداب لمدة شهر .