واعيبااااه..أختها الصغيرة تزوجت قبلها!

[بنت عشيرة]

غاليتي الدبلوماسية
أشكر لك مشاركتك بوجهة نظرك

[نوته بنوته]

انا من وجهه نظري اقول مافيه شي اذا تزوجت الصغيرة قبل الكبيرة

وهذا نصيبها والكبيرة راح يجي نصيبها

[بنت عشيرة]

.
.
تسلمييين عزيزتي على إبداء وجهة نظرك

[فهد المنيع]

يعطيكم العافية على سلسلة المواضيع المميزة اللي تطرح في قسم الأسرة ..


بالنسبة لموضوع زواج الأخت الصغيرة قبل الكبيرة ..

إذا البنتين في سن الزواج وجاء خطيب للصغيرة أنا مع تزويجها وعدم ربط مصيرها بزواج أختها لكن يجب على الأبوين يكلمون الأخت الكبيرة ويبلغونها إن فيه خطيب لأختها وان النصيب اذا جاء للبنت ما نقدر نرده وان نصيبك ان شاء الله جاي في الطريق ... ويمهدون لها الخبر بحيث تتقبله .. حتى لو تضايقتك وهذا شي طبيعي بس وقوف والديها معها وتطييب خاطرها ممكن يخفف حدة الموقف ..


والله يوفق الجميع ..

[بسمة سدير]

ما أزيد على كلام الأفاضل شيء ،


لكن ومن باب التّأكيد على مسْألة تزْويج البنْت الصّغيرة قبْل الكبيـــرة في حالة وحْدة [ إنّ الصّغيرة وصلت سنّ الزّواج فعْلاً ] ،


وكان يُخْشى عليها تخطّي عمر الزّواج أو تقدّمه ،


..


وفعْلاً بعْض الأخوات الكبار ، تمْسك معْها ما تبي تتزوّج ! ،


فمب معْقولة يوقّف النّصيب عن أخواتها بسبب قرارها ،


..


ولا معْقول جاء خاطب للصّغيرة وهي توّها ، وتسبّق !


..


وخيْـــر الأمور أوْسطها .. ،


.


بنت عشيرة =) ، موضوع نقاش مهمّ


بارك الله فيك ،

[بنت عشيرة]

المشاركة الأصلية كتبت بواسطة فهد المنيع   إذا البنتين في سن الزواج وجاء خطيب للصغيرة أنا مع تزويجها وعدم ربط مصيرها بزواج أختها لكن يجب على الأبوين يكلمون الأخت الكبيرة ويبلغونها إن فيه خطيب لأختها وان النصيب اذا جاء للبنت ما نقدر نرده وان نصيبك ان شاء الله جاي في الطريق ... ويمهدون لها الخبر بحيث تتقبله .. حتى لو تضايقتك وهذا شي طبيعي بس وقوف والديها معها وتطييب خاطرها ممكن يخفف حدة الموقف .. .

كلامك عين العقل أخوي فهد
في الحالة هذي لازم يكلمون الأخت الكبرى عشان تتقبل الموضوع ومن رايي بعد يآخذون رآيها من باب مراعاة المشاعر..وهي بالتأكيد ماراح ترفض وبتضغط على نفسها لسعادة أختها

يعطيك العافية أخوي فهد المنيع
مرورك أسعدني

[بنت عشيرة]

المشاركة الأصلية كتبت بواسطة بسمة سدير   لكن ومن باب التّأكيد على مسْألة تزْويج البنْت الصّغيرة قبْل الكبيـــرة في حالة وحْدة [ إنّ الصّغيرة وصلت سنّ الزّواج فعْلاً ] ، وكان يُخْشى عليها تخطّي عمر الزّواج أو تقدّمه ،

كلام سليم
عزيزتي بسمة سدير شاكرة لك مرورك الرائع

[همسة العاشق]

فمارايك في زواج الاخت الصغري قبل الكبرى بشكل عام ؟!؟
عادي مافيها شي ضروري ان الكبيره تتزوج قبل ؟
اشوفه لا خاصه لما يكونون في اعمار متقاربه
بغض النظر عن الظروف الي ممكن تكون محيطه بالبنت الكبيره
الا انه شي نفسي احيانا ماتكون مستعده داخلها تتحمل مسؤولية بيت وزوج وممكن عيال وغيره
بس الصغيره تشوف نفسها كفو : )
ولو كنت والد أو أخ هاتين البنتين كيف ستتصرف ؟!؟
الحمدالله اني بنوته >_< / بس لو ولد عادي وش دخلني هم الي يبون يتزوجون وماتبين اختك تتزوج قبلك اقبلي بالمعاريس الي يجونك اشوف 0_0
ثانيا : ماهو موقف الاخت الكبرى من زواج اختها الصغرى قبلها و كلاهما في سن الزواج ؟!؟
انا والحمدالله اصغر وحده في البيت يعني آخر العنقود بس اختي تقول عادي تتزوجين قبلي : /
ومانظرة المجتمع للأخت الكبرى؟؟؟

اكيد كل مجتمع يختلف عن الثاني

بس ممكن تطلع شوي ثرثره خاصه المتخلفين منهم .. : )

واكيد التطفل بيشتغل والكل حاب يعرف سبب زواج الصغيره وومكن يطلع سب في الكبيره بس عادي الشكوى لله .. مافينا نهتم لرضى الناس في كل امور حياتنا .. كذا ماراح نقدر نسيطر على شي وبنعيش مثل ماغيرنا يبي : )

[بنت عشيرة]

المشاركة الأصلية كتبت بواسطة   وماتبين اختك تتزوج قبلك اقبلي بالمعاريس الي يجونك اشوف 0_0

نفرض إن ماجاها خطاب؟

عزيزتي همسة العاشق شاكرة لك مرورك وتعليقك

[أموَآج الحَنِين]

ماشاءاالله
موضوع رائع

غاليتي بنت عشيرة

مميزة بحق..



بالنسبه للموضوع

اذا عمارهم متقاربه سنتين بالكثير بينهم

ممكن تصير وما اتوقع فيه تخلف يعيب الكبيره ما عمري سمعت انا صراحه

بان يعيبون عالاكبر وكذا عادي عندنا يعني .. والله اعلم



اذا بينهم 4 وفوق سنين وفوق تنطق الصغيره لين تعرس اختها بلا مشاعر الكبيره بلا مواساتها بلا اي شي ارفض انها تتزوج قبل وبشده

الا اذا عدت اختها ال 26

هنا ما توقف البنت مصيرها بمصير اختها..


والله يوفق كل البنات ويجيب لهم عرسان بالترتيب وحده ورا الثانيه


دمتوا بخير

امواج

[بنت عشيرة]

المشاركة الأصلية كتبت بواسطة أموَآج الحَنِين   اذا عمارهم متقاربه سنتين بالكثير بينهم ممكن تصير وما اتوقع فيه تخلف يعيب الكبيره ما عمري سمعت انا صراحه بان يعيبون عالاكبر وكذا عادي عندنا يعني .. والله اعلم اذا بينهم 4 وفوق سنين وفوق تنطق الصغيره لين تعرس اختها بلا مشاعر الكبيره بلا مواساتها بلا اي شي ارفض انها تتزوج قبل وبشده الا اذا عدت اختها ال 26 هنا ما توقف البنت مصيرها بمصير اختها..

هلا حبيبتي أمووجة
والله حتى لو كان الفرق سنتين يظل الموضوع حساس بالنسبة للكبيرة بس أهون لو كان الفرق كبير
خخخ بس حلوة "تنطق" أحسها معبرة..مالاحظتي ان هالبزران انهبلوا يبون يعرسون بأي طريقة بناتن مايستحن
مادروا ان العرس مسؤولية ومايخلوا من الغثا

المشاركة الأصلية كتبت بواسطة   والله يوفق كل البنات ويجيب لهم عرسان بالترتيب وحده ورا الثانيه

آمين يارب ويرزق كل بنت الرجل الصالح

غاليتي أمووجة أسعدني مشاركتك وإبداء رأيك

[همسة العاشق]

المشاركة الأصلية كتبت بواسطة بنت عشيرة   نفرض إن ماجاها خطاب؟ عزيزتي همسة العاشق شاكرة لك مرورك وتعليقك

نفس الحاله دام ان الاخت الكبيره راضيه شالمشكله

مافينا نعلق مصير وحده عشان الثانيه !

طيب تخيلي عنسو كل الثنتين عشان الكبيره مانخطبت ..

وبعدين هذا نصيب .. ماحد يقدر يمنعه

[مشــاعر]

انا احس مايمنع ابدا لان بعض الاحيان كلهم جميلات بس المواصفات تختلف ..وعلى حسب الخاطب يعني وطلباته ,,

بس تعرفين اعرف وحده كللللل اللي حولها تزوجو ومخطوبات الا هي تقريبا اللي حولها 11 من بنات خالاتها واختها اللي اصغر منها ,, بقى بس الصغار مره ,, وتشوفي نفسيتها جداااا مو كويسه ونحس احنا فيها ,, مع انها ماشاء الله قمممه في الاخلاق !! بس نصيب ..

ولو بنمشي على كلام الناس كان محد مشى بحياته ياشيخه

[بنت عشيرة]

.
.
عزيزتي مشاعر شاكرة لك إبداء وجهة نظرك
تسلمين يالغلا

[سِرْب]

لاوالله عادي مافيها شي يعني هو كله قصمه ونصيب واذا ابوقف نصيب الصغيره

علشان البيره هذا بعد غلــــــــــــط وانا اعرف ناااس كثير من هنوعيه

البنت الصغيره يجيها نصيبها ويرفضون وهكذا والله من الي استفاد ولا وحده

المفرووض ان الاخت تفرح لختها ولا تضايق هذا الله الي كاتبه ...

وهذي وجهت نظري

تقبلي مروري

(عوافي)