يالى تشقرررر على الموضوع من برا ادخل ولاتسوى نفسك ذهين
7
7
7
7
7
7
7
7
7
7
7
7
7
7
7
7
وقسسسسسسسسسم معاناااااااااه وش اسوى بجدتى
من جد خلاااااااااص انهبلت
اجل تتصل على واصك مشوار على كيف كيفكم ويوم جيت عندها قالت وش تبى
اقول فى نفسى الله المستعان جدتى بدت ترقل وأشتغلت تخريف مادريت الا العكاز ناشب بجبهتى وتقول مابعد وصلت للتخريف يالسربوت قلت لها ما اقصد وبعدين تذكرت انى ماتكلمت بس اهوجس بنفسى ... قلت لها وش عرفك قالت ادرى انا استهبل عليك يوم اتصلت ودريت انك جالس تفكر هالتفكير ايها الوغد ( تتابع الزير دايم )
قلت وقسم مايصير ياجدتى ياحبيبتى يا احسن وحده لابسه فى خشمهاا خاتم ( اقصد الفص اللألماس الى لابسته بخشمها )
قلت سمى آمرى وش بغيتى يابعد تسبدى اليسار ( عندى تسبدين وحده يسار والثانيه فوق ) قالت اعلم ايها الداشر اننى قد زهقتو من حياه الرياض واريد ان اذهب الى الطائف فهيا قرب مربط النعامه ودعنا ندعس انا وانت وخادمتى رحمه الى الطائف ... لحظه صمت .... لحطه بالعكاز ...... احححححح ياجده ....... قلت ابشرى اوديك
قالت متى ايها الوغد ( علقت على الوغد ذى ) قلت حسناً ياجدتى سوف احجز اربع مقاعد فى الطائره ونذهب انا وانتى وخادمتك ... لحطه بالعكاز ... اى ... ليه ياجده وشفيك تلحطينى بالعكاز .. قالت ليه اربع مقاعد ورا ماتحجز الطياره كلها يالوليد ( تذب هى والخاتم الى بخشمها ) قلت الله يسلمك هذا المقعد الرابع علشان اختى شخصه مهمه جداً قالت ايه الله يخليها لى هى السنعه والا انت مامنك خير .. لحطه بالعكاز ... احححححححححح .. ليه ياجد وش سويت هالحين .. قالت ابد ذى علشانك ماعلمتنى ان اختك بتروح معنا من البدايه
رحت للحجز وبغيت احجز تذكرتين ذهاب فقط الى قوانتناموو اخليها تلحط معسكر امريكا بالعكاز بس عرفت انها بتكع السالفه وبتقوم تسوى نفسها فتيته وراعيه جريات ومدرى الا هم ساحبين عائلتنا كلهم لقوانتنامو
حجزت اربع تذاكر ثنتين ذهاب وعوده وثنتين ذهاب فقط علشان ارجع انا وأختى شخصه
يوم السفر قبل موعد الرحله بعشرطعش ساعه الا اسمع ... خبروه انى على وصله حييت .. وان تفارقنا ترا موتى دناا <== نغمه الجوال اغنيه حاطتها خصيصاً فى جوالى وتقول والله لو غيرت النغمه لآدوس ببطن ابوك علشان يدوس ببطنك ( هى عارفه ان ابوى مزحه اقشر ويدوس من جد وآخر مره مزح معى جلست اسبوعين فى مستشفى الشميسى قسم العظام ولافيه الا عيونى سليمه صاير كأنى مومياء )
على طول رديت هلا وغلا بمض مض ( تدليع موضى ) <= كب عشاه وعلمكم بأسم جدته
قالت الخلا بس وراك متأخر للحين فى البيت ايها الوغد .. قلت ياسيدتى الجميله للحين باقى على الرحله وقت كثير قالت ماعلى من خرابيطك اخلص وتعال بسرعه العفش والزهاب الى معى واجد قلت خلااااااااص مسافه السكه وجايك ياجمييييييييييي ييل قالت مهم قلت هلا قالت عمرك سمعت صوت القطار قلت ايه من زمان قالت طيب اسمعه طووووووط طوووووط طووووووط <== سكرت الجوال بوجهى
رحت ولبست وسحبت اختى شخصه مع كشتهااا الى صار لها ساعتين رابطه فيها حديد وكراسى وقدور تبى الكشه تهبط وتنعم بس مالك امل
وصلنا لبيت جدتى ودخلنا وكانت فى استقبالنا واول ماشافت اختى ابتسمت ذيك الأبتسامه الى تحس فيها بالحنان وانها فعلا جده وسلمت على اختى وأجيك انا مدرعم ابى جدتى تحبنى مثل اختى تحولت الأبتسامه الى ثلاث سنون طالعه واحد تحت يمين وواحد فوق يسار وواحد بالنص وعضينى ذيك العضه بأذنى وانا اقوم اتلوى بالأرض وهى مازالت تعض الى قهرنى ان اختى جالسه تقول استسلم يامهم وجالسه تعد على 1 2 3 وتقوم جدتى وتناقز على الحبال مبسوطه انها ثبتت اكتافى
لحطه بالعكاز ....... اححححححححححح وشفيك ياجدتى وش سويت خلاص فزتى واخذتى حزام البطوله بالغش
شلنا العفش والزهاب الى من ضمنهاا اسطوانه غاز قلت ياجده ممنوع تروح الأشياء ذى بالطياره قالت وش اطبخ غداى وعشاى عليه وقهوتى قلت انا اشترى لك اسطوانه غاز بس خليها قالت حسناً عطنى فلوس الأسطوانه وانا اشتريها من هناك قلت ابشرى ........
وصلنا للمطار بعد رحله شاقه كل شوى وقف رجلينى توجعنى ابمشى اطلق رجولى انت وهالسياره الى كأنها قوطى صلصه
يوم وصلنا وأوقف ويجون العمال يشيلون اغراضها وتمسك اول هندى وبالعكاز وفى جبهته يالحرامى يالتسلب
انا بنت ابوى بنته تسرق اغراضى ... الهندى ايسسسسسسس فيه ماما ... لحطه بالعكاز ايسسسسسسس فيه ماما لحطه ثالثه ...... وأتدخل انا قلت وشفيك قالت هالخبل يقول لى ماما ... لحطه بالعكاز ذى لى ....... قلت وش فيها قالت منيب ام لهالهندى ... قلت طيب العامل بس بيوصل اغراضك وهم شغلتهم هالشىء .. قالت والله لو ينقص منها شىء وتجلس تأشر بالعكاز للهندى
وصلنا صاله الرحلات الداخليه المغادره ... دخلنا على التفتيش وهنا كانت النكبه ... مرت جدتى من عند جهاز التفتيش وقام يصايح الجهاز ... وتلحطه جدتى بالعكاز .. وقامت تقول كلمتها المشهوره اهببببببببببببب بببببب
جاء العسكرى وقال لو سمحتى ياخاله روحى للغرفه التفتيش وتلحطه بالعكاز ...... اححححححححح ليه يخاله يقوله العسكرى ..... وتلحطه بالعكاز ......... وأتدخل انا قلت وشفيك قالت منيب خالة للعسكرى ليه يقول ياخالتى تخلخلت ضروسه ....... دخلت الغرفه ومعها اختى شخصه وصرت اسمع لحطات بالعكاز للى تفتشها جوااا
وصلنا للبوابه رقم 37 باقى على الرحله اربع ساعات ... ( سوف اتجاز شرح هذه الأربع ساعات لأن كلها تلحيط فينى وفى اى واحد مار من الصاله )
ركبنا الطياره درجه أولى ... بعد شوى واحنا جالسين والطياره تمشى فى المدرج .. جت المضيفه تقول لجدتى اربطى الحزام قالت جدتى منيب ........ قالت المضيفه ازا بتريدى اربطى الحزام لو سمحتى قالت جدتى منيب ....
قالت النظام لازم تربطين الحزام والا ... قاطعتها جدتى قائله والا ماذا بتصكينى بمخالفه عدم ربط الحزام ..... هع هع ها هاع <== ضحكه جدتى اذا ذبت ذبه قويه على احد
تدخلت انا قلت ياجده اربطى الحزام والا نزلونا من الطياره قالت فينى تكه وكتمه بصدرى ما ادانى اربط الحزام
قلت الحزام على البطن وبلانصب ... وتلحطنى بالعكاز علشانى قفطتهاا ...
اخذنا شوى والطياره بالمدرج يوم اقلعت قالت جدتى وصلنا ... قلت لا تونا مقلعين .. بعد شوى جتنا القهوه وتذوقها جدتى قالت عمى وجع قهوتكم صايده مثلكم .. وبعد شوى يمرون علينا بالعربيه الى فيها العطورات وتوقفهم جدتى قالت هات هذا وهذا ... ويحطها بكيس ويعطيها جدتى قال الحساب 400 ميه ... قالت جدتى ماهم هدايا ... قال لا ياخالتى وانتظر جدتى تلحطه بالعكاز الا مالحطته وتدفع الأربع ميه وتقول للمضيف تسلم وانا خالتك ....... قلت جده وشفيك ورا مالحطتيه بالعكاز قالت ابك هالمزيون مايستاهل ينلحط قلت من زينه قالت ابد تسنه ولد الحريرى
بعدها بشوى هبطت الطائره بسلام مادريت الا يوم قامت جدتى تصفق بأيدينهاا وتصفررر خيييييير وش السالفه قالت سواقته زينه ماهيب قشراا راعى الطياره <<<=== ياقدمها
نزلنا من الطياره ويوم وصلنا لبيتها ودخلنا قالت مهم قلت هلا قالت تذاكر العوده معك قلت ايه خير وش تبين فيها قالت انا مليت وزهقت ولا ابى الطايف وبرجع انا وشغالتى وانت وأختك اخذو لكم باص كفوكم
هنا وهنا فقط بعد سماعى لذلك الخبر جانى انهيار عصبى وتم نقلى لمستشفى الصحه النفسيه "شهار"
طبعاً محدثكم مهب القص واحدن ثاني لأن القص أستعارها من منتدى ثاني يقول انها قرقعه وتنسيم
وحبيت أخواني الأسديراويين يقرقعون معها>> تراها قرقعه من نوع ثاني لا يجي في بالكم قرقعان رمضان
خخخخخخخ والله أن شكلكم مافهمتوا شئ بس ماعليه أهم شئ أن القص طلع مره ثانيه بعد ماكان بعيد عن هالقسم.
11-09-2006, 03:27 PM
العرض العادي
