عطونا رايكم ...

[ابو هاجر]

السلام عليكم

كيف حال الأخوة الاعزاء

بعد الفطور ثارت القريحة الشعرية عندي

وبعد جهد وجهيد طلعن هالابيات

عموماً مالي بالقصيد بس خطمت قلت نعرضها على الربع


ياقلب ياقلب العنا والأنيني ................... حلمك ياقلبي ترى فية تفتيش

تفتيش للي زاد بة الحنيني ......................لمن نزل البيكا على الكتف بشويش

أطلق على الكبتر وتسمع ونيني.............من طلقتة رادارها جاهـ تشويش


وسلامتك

قلنا مالنا بالقصيد بس خطمت

[( عابرة سبيل )]

//

ياااااسلامـ .. يا ( حيدرهـ )
بداااايه موفقه .. ورائعهـ
استمر بـ القرأه والكتابه
طاااب لي حرفكـ
ودام تواجدكـ
وصح لـ سانكـ

//

هنا اختكـ ( دمعة ألم ) ..

[لهفة الخاطر]

[align=center]ماشاء الله عليك ياحيدره

اجل اطربتنا والله بهالبيتين وش اللي طلعها يعني وش جابها بخاطرك ؟؟

سؤال محرج؟؟

طيب وش اللي طرى التفتيش خابرتك يعني .......... الله يكون بعونك ياخوي

امزح تراي

بصراحه رائعه كبدايه وإنشاء الله نشوف لك الكثير [/align]

[مثل النخيل خلقت]

ذابحنك التفاتيش اخوي حيدره ..

بس ماشالله عليك ..

ابيات رائعه ..

وبانتظار ثائرة اخرى لقريحتك الشعريه اخي الغالي ..

[أنــ(تويمي)ــا]

السلام عليكم

عساها دووم تثور

وبها المناسبه أقولك ثورة مباركه لقريحتك

أبيات جميلة بقافيه صعبه على الشعراء نفسهم

نتطلع للجديد من قريحتكم وتقبل مروري

والسلام عليكم

[راعي الجميلة]

السلام عليكم


الله يعطيك العافيه .................الابيات جميله

[ابو هاجر]

دمعة الم

آهلاً بك أختي الكريمة وأشكرك على الاشادهـ

[ابو هاجر]

قلبي المتيم

شكراً أختي الكريمة والظاهر انها اول وآخر بيتين

[ابو هاجر]

المشاركة الأصلية كتبت بواسطة مثل النخيل خلقت   ذابحنك التفاتيش اخوي حيدره .. بس ماشالله عليك .. ابيات رائعه .. وبانتظار ثائرة اخرى لقريحتك الشعريه اخي الغالي ..

هلا بمثل النخيل

الله يسلمك

واتوقع والعلم عند الله ان القريحة بتثور بعد 6 شهور والله أعلم

[ابو هاجر]

انا تويمي

الله يسلمك

أجل ترقب الثورة القادمة من قريحتي المباركة

[ابو هاجر]

الله يجمل ايامك يا راعي الجميلة

شاكر مرورك طال عمرك

[حمد]

ما شاء الله تبارك الله


صح لسانك يا شاعرنا


ابيات جميله

ومعبره






يا حيدره ان كان ودك تجيني ............. وتترك علوم الصيد والبر والطيش
فأبشر وانا خوك اللي تبيني ............ عشاك همبورجر وبنترك العيش

[ابو هاجر]

المشاركة الأصلية كتبت بواسطة الصيدلي   ما شاء الله تبارك الله صح لسانك يا شاعرنا ابيات جميله ومعبره يا حيدره ان كان ودك تجيني ............. وتترك علوم الصيد والبر والطيش فأبشر وانا خوك اللي تبيني ............ عشاك همبورجر وبنترك العيش

هلا ومرحبا بالصيدلي

همبرجر

الحقيقة العرض مغري وش رايك نخليها في العيد ان الله احيانا

[القيصـــر]

السلام عليكم



أبيات جدآ جميلة ... شاكر لك أخي الغالي هالأحاسيس الفيّاضه
دمت بخير وعافيه .

[شريك المشاكس]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحيدره خذ علم واحد طاعن بالسنيني = أترك شغل الصيدلي من خبز وسندويش
وتعال أن كان وحدك تعيني = نحكر لنا رز بالسمان منسدح عليه الشيش [/poem]


الشيش = الشيش طاووق بس المقام ما يسمح
قصيده حلوه حيدره افندي وان بغيت نثور ببعض >> بالقصيد مهب شي ثاني


فابشر بسعدك


والله فله خلنا نقصد وننضف القريحه المصديه


سلامووو