الــــــرصيــــــــف

[عبدالله بن سعود]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على ذاك الرصيف اللي بشارع ماجد آل سعود = لقيته يسرع الخطوة وخطوات ٍ يخففهــــــــا

تلاقت عيني بعينه وسلهم بالرمــــوش الســود = وتمتم في كلام من ورى الغطوه شفايفهــــا

اظنــــه قال لي( القـــوه) حشى ما قال يا لمقرود= عرفت القاف من نطقه وحرف القاف عارفها

تناجينا بهمسات ٍ عرفت القصــــد والمقـصود= وأنا ودي اكلمهـــــا وأنا ودي ألاطفهــــــــا

تبادلنا تحية خوف وأنا لعيونهـــــــا مشــــــدود= أترجـــم نظرة ترسل على قلبــــي قذايفهــــا

أخذنا كلنا دورة ودرنا والزمـــــــن محــــــدود= وكم مرة أجي معها ومـــــرات أخالفهـــــا

نحاول نبعد الريبه ترى راعي الهوى محســـود= يجي من بيننا حاسد يجي حاقـد معارفهــا

وقالت ابتعد عني أخاف الناس والمنقــــــــود= ترى من حولنا واجد ملاقيـف العرب شفهـا

وأنا ادري ما جذبني غير حظ ٍ لي قليل الفود= حذفني في طريقك وش لي بحب وعواطفهـا

وش اللي سلطك تمشي وقدك يا الغضي ملهود= وأنا دروب الهوى قلبي كسر آخـر مجادفهـا

تمايل قدك الطاغي تمــايل مع هبوب النــــود= وإذا نسماتها تجرح جمـــالك يا غلا خفهــــا

عسى ليل جمعنا هناك على هاك الرصيف يعود= أكحل عيني بشوفه ولو شوفه يكلفهـــــــــا[/poem]

[( عابرة سبيل )]

:
:

شاعرنا الراااااقي ( عبدالله بن سعود ) ..
مراااااااحب بــك اخي من جديد / ونثر عبيركـ
مشاعر صادقه // احسسنا بهـا
صــح لـ سانــك / ونبضـــك ...
:
:

سعيدين بـ تواصـلكـ
هنا / اختـكـ / دمعة ألـم

:

[سعود الخليل]

صح لسانك يا ابو عبد الرحمن على هذه الأبيات الجميلة ..

بس يبدو انك قريب ما تبعد مع انك تقول :

وأنا دروب الهوى قلبي كسّر آخـر مجادفهـا

إلا انك رجعت تتمنى :


عسى ليل جمعنا هناك على هاك الرصيف يعود
أكحـل عينـي بشوفـه ولـو شوفـه يكلفهـا

[راعي الروضة]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تناجينا بهمسات ٍ عرفـت القصـد والمقصـود=وأنـا ودي اكلمـهـا وأنــا ودي ألاطفـهـا
تبادلنا تحيـة خـوف وأنـا لعيونهـا مشـدود=أترجم نظـرة ترسـل علـى قلبـي قذايفهـا
أخذنـا كلنـا دورة ودرنـا والزمـن محـدود=وكـم مـرة أجـي معهـا ومـرات أخالفهـا [/poem]

[align=center]عبد الله بن سعود

الجمااااال يقطر من قلمك

والروعة تسكنه

نص غني بالصور الجميلة

وعلى فكرة يابوعبدالرحمن لا تقول انها من نسج الخيال !

شكل القصة وااااااقعية !

( وتراااااني بعلم عليك واعتقد أنك فهمتني )

دمت ودام جميل بوحك

أخــــــــوك[/align]

[القيصـــر]

السلام عليكم


( عبدالله بن سعود ) أسطوره رائعة
حملت في طياتها الابداع . وأي ابداع هو
بين كل حرف أنبعث عطر فوّاح
من زهورٍ يانعه
بين كل حرف إرتسم الجمال
بألوانَ ناصعة


دمت بتألق تام

[وارث الطيب]

وش اللي سلطك تمشي وقدك يا الغضي ملهود
وأنا دروب الهوى قلبي كسر آخـر مجادفهـا
تمايل قدك الطاغي تمايل مـع هبـوب النـود
وإذا نسماتها تجرح جمالـك يـا غـلا خفهـا
عسى ليل جمعنا هناك على هاك الرصيف يعود
أكحـل عينـي بشوفـه ولـو شوفـه يكلفهـا


العزيز ,,,,,,,, عبدالله سعود

قصيدة كتبت بحس الشاعر المرهف
وابيات متألقه وحروف تجبرنا ان نتفاعل معها
صحححح نبضك يا عبدالله ودمت بخير



تثبت مع التحيه لشاعرها

[ناصر الحنو]

الله الله الله عليك

يالروعة الحضور
ويالجمال الشعر
ويالرونق البهاء والسحر هنا

حادثة وحكايه
ووصف يرتسم بهاء وفتنه

مبدع متمكن ياعبدالله ومتميز

صح لسانك ولاهنت ياغالي

كل الحب والتقدير

اخوك ناصر
ظماالعشق

[أبو ريان]

هـلا بالـشاعر المرهـف هلا بك غايـب وموجود &&& هـلا واعـــداد مـا مــزن تـحـدر مـن سحـايبـها

ابرسـل لك من اشكال القـصيـدة في ثمان ردود &&& ولـو مـضـمـونـها شـعـر يـزيـن بـنـهـج كاتـبها

وانا مـن شفــت طـرق كاتبـه عبـدالله ابن سعود &&& كــتـبت الـرد فـي سـاعـه وانا بالـقول اعاتبها

عـلامـك ياهــنـوف يـوم صادفـك الرفـيـق تحود &&& وتــتـمـايـل بخــطـواتـك وقـلوب الناس تسلبها

ترا للشاعر أحـساس وهـو لا من كـتب محدود &&& يـهـيـض خـاطـرة بالـشـعـر بمـواويــل يرددها

وانا ابرسم على ذاك الرصيف اللي ذكرت حدود &&& وابـرجع فـي خيالي سارح بالـشعر واسردها

حكاية عاشق مغـرم عـساه مـن الشقا مـصدود &&& عسـى يـبقى عـلى عـشقـه ومن شعره يداعبها

وعسى ذيك الهنوف اللي ذكرها بالخيال تعود &&& ويرجـع يذكـر القـصـه ويـبـحـر فـي مـراكـبـها

[عبدالله بن سعود]

مشرفتنــــا ............دمعة الم

سعيد بها الحضور

الذي شرفني

وتعليقك الجميل


شكرا لك

[عبدالله بن سعود]

الغالـــــــــي ...........راعي الاوله

لاعدمتــــــــــك

على كل حرف تخطه

من أجلي

شكرا لك ولحضورك

.................................................. ......

اما التمني فمن أجل

أكحـل عينـي بشوفـه ولـو شوفـه يكلفهـا (( فقط ))