ســــــلام الله على سدير ( رديه ) القريب يقلط

وارث الطيب · 16-07-2006, 03:44 AM

شعراء واعضاء منتديات سدير المكرمين

انا لست من هواة الرديات كثيراً ولكني احب أن نشعل منتديات سدير الشامخه برديّه تنومس الربع ويتبارز فيها شعراء المنتدى وتكون فاتحة خير على الجميع وابتديت بهذا الطرق المعروف وهو طرق معروف وميزته الشطر الاخير من البيت الثاني ينتهي بأي كلمه تنتهي بحرف الياء والهاء مثل مابين القوسين ومن ثم الكلمه المعروفه لعبنا وسر ياساري

واحب ابداكم ولست بأفضلكم وانتظر مساهمة وردود بقية الشعراء الكرام من منتديات سدير

أنتظر ردود شعراء المنتدى كلاً باسمه وبدون تحديد والمجال مفتوح لهم جميعاً

[POEM="font="Simplified Arabic,5,firebrick,bold,normal" bkcolor="white" bkimage="" border="double,4,blue" type=2 line=0 align=center use=ex num="0,black""]ســـــــــــلام الله على سدير الأصاله والوفا والعز = ســــــــــــــلامي ياديار الطيب والامجاد والشيمه

ابي لي شاعر وافي يجيد القاف مايهتز = نبيها اليوم ( رديّه ) لعبنا واسر ياساري[/POEM]

خلوهااااااااااا وين الصفوف اشعلوها

أمير سدير · 16-07-2006, 05:29 PM

وارث الطيب

ماشاء الله تبارك الله

هذا الموضوع ولا بلاش

اتمنى مشاركة شعراء المنتدى

شاكر لكم

ناصر العبيد · 16-07-2006, 05:57 PM

ياهلا وغلا فيك ياشاعرنا وارث الطيب وأبشر بالمحاورات معي حتى يلحق باقي الشعراء

ديار اهل الكرم وأهل الشجاعه رجلهم يعتز

منزحت الحريب اللي تهين الاخصم وتظيمه

وقفـلك شاعر ٍ يفـــتل وينقظ لا وقف وإرتز

نبـيها شعـلت ٍ ((حـيـه)) مابين الجار والجاري

عبدالعزيز · 16-07-2006, 06:01 PM

وارث الطيب

ماشاء الله تبارك الله

اتمنى مشاركة شعراء المنتدى

شاكر لكم

أنــ(تويمي)ــا · 16-07-2006, 06:48 PM

السلام عليكم

أولا ما نيب شاعر بس هيضووني الشعار ما قصروا

وهيضتني سدير .. وأقول.

[POEM="font="Simplified Arabic,4,black,normal,normal" bkcolor="transparent" bkimage="" border="inset,2,royalblue" type=2 line=0 align=center use=ex num="0,black""]أنا تويمي جيتكم وأترزز لكم رز=مانيب شاعر بس بشارك الطيب بتنظيمه
ابمدحك ياسدير بأبياتي وأعتزي وأعتز=وأكمّل لعبة الـ(رديّه) لعبنا وأسر ياساري[/POEM]

والسلام عليكم

وارث الطيب · 16-07-2006, 07:32 PM

المشاركة الأصلية كتبت بواسطة ناصر العبيد

ياهلا وغلا فيك ياشاعرنا وارث الطيب وأبشر
بالمحاورات معي حتى يلحق باقي الشعراء

ديار اهل الكرم وأهل الشجاعه رجلهم يعتز
منزحت الحريب اللي تهين الخصم وتظيمه
وقفـلك شاعر ٍ يفـــتل وينقظ لا وقف وإرتز
نبـيها شعـلت ٍ ((حـيـه)) مابين الجار والجاري

كفووووووووو يا ناصر العبيد وتشرفنا بحضورك
وتسلم يا الغلا

إإإييييه الحي يحييك

غثني السوق ها العصريه الله يعوضنا بخير دجينا

واستلم

[POEM="font="Simplified Arabic,5,red,bold,normal" bkcolor="white" bkimage="" border="double,4,blue" type=2 line=0 align=center use=ex num="0,black""]مساء الخير يابن عبيد وأنا للمعركه ببرز = لك الله يا عشير الطيب نبي للملعبه قيمه

بسولف لك عن اللي صار هوامير الغثا تبتز = ضربها عشر (بالميّه) لعبنا واسر ياساري[/POEM]

وارث الطيب · 16-07-2006, 07:50 PM

انا تويمي

الله محيييييك بس يا الغالي الوزن من منت حوله

لكن بنحسب ردك مادامك تويمي يمشي

تعال وش صار على سد الجزر الدعوى حاميه بين جلاجل والتويم

ههههههههههههه الله يجمع قلوبهم على اللي فيه خير مايخلون القشاره من قديم ؟

[POEM="font="Simplified Arabic,5,red,bold,normal" bkcolor="white" bkimage="" border="double,4,blue" type=2 line=0 align=center use=ex num="0,black""]
مساء الشوق ياتويم المعالي والغلا والكنز = سقاها الله من ديره هطول الوسم والديمه

عوى ذيب(ن) على ام عنيق إلى منه نوى يجتزّ = على سد الجزر (نيّه) لعبنا واسر ياساري[/POEM]

عبدالله الشويمان-الرعد · 16-07-2006, 10:17 PM

يا مال العافيه يا وارث الطيب

وجميع الاخوه المشاركين واللي ما بعد شاركوا وأنا منهم

وانشاء الله مشاركتي بأجلها شوي بصير اخر واحد هذا اذا كان بي صبر

عبدالله الشويمان-الرعد · 16-07-2006, 11:06 PM

بصراحه عجزت أن اصبر

ولكن مالي الا اجيب اللي عندي وخير البر عاجله

خذوا ردِّي ولو اني لست ممن يتقن المحاوره

[POEM="font="Simplified Arabic,4,limegreen,bold,italic" bkcolor="transparent" bkimage="./images/backgrounds/.gif" border="none,4,gray" type=1 line=0 align=center use=ex num="0,black""]سلامي لوارث الطيب وسلامي للجميع آكز=وسلامٍ وافيٍ لسدير من القصمان ترنيمه
اعرف سدير وتعجبني طبيعتها طبيعه عز=سرى في دم اهلها الجود قلنا واسر يا ساري[/POEM]

ناصر العبيد · 17-07-2006, 12:24 AM

هلا بشاعرنا الغالي ولا عليك زود

هلابك يالضويحي من ظمير الشاعر اللي فز

نـر يد الشعــر معـنى مانبــي براد تلقيمه

أعرف البـورصه فيها زلآزيل ٍ تــــــهزك هز

لكن إثبت سواة طويق لا تترك رسن ريمه

أمير سدير · 17-07-2006, 12:49 AM

ماشاء الله

نعم نتمنى من باقي الشعراء

المشاركه

وارث الطيب · 17-07-2006, 01:02 AM

ارررررحب يا ابن شويمان وتسلم

واهلا بعودتك يا ناصر حي الله شعار منتديات سدير

والله محيييييييكم

[POEM="font="Simplified Arabic,5,red,bold,normal" bkcolor="white" bkimage="" border="double,4,royalblue" type=2 line=0 align=center use=ex num="0,black""]اشوف المعركه ثارت كما البركان لا نز نز = سلام الله على بيروت نوى شارون تحطيمه

على حدود العرب جيش اليهودي جاهز معزز = صواريخه نواويّه بكينا واسر ياساري[/POEM]

**سعود الخليل** · 17-07-2006, 01:16 AM

متابع فقط ...

وارث الطيب · 17-07-2006, 01:24 AM

امير سدير

شيخ شمر

تسلمووووون يا الغالين والله محييكم حركوا الصفوف وشيشوا الشعار

راع الاوله
_ هلابك وغلا مانبي تتابع وبس نبيك تطب معنا ولا تمسك
الصف الله لايهينك هههههه

زهرة · 17-07-2006, 01:36 AM

خلووووووووووووووها

سلامي لك ياوارث الطيب
جيتنا بالطيب ياعلك ماتغيب

بالرديه ماني إبداعيه
بس شوية وعساها ماتخيب