النبره النجديّه

[الـنـايـف]

السلام عليكم ،



رعشة هدب وأمكالمـه دوليّـه
ألو .. هلا يـا مرحبـا بالغالـي
،

سلّم وصـبّ هروجـه الوديّـه
ودوّرت حالي .. وين ابلقا حالي
،
وطيرّ هجوسي .. لين طارت فيّه
ووثقّ حبالي فوق رجمن عالـي
،
وعطّر سموعي همس وجاذبيّـه
وألحقت عطره غترتي وعقالـي
،
ودّه يولعنـي .. ونـاري حيّـه
ما طاب فاله لين طيّـب فالـي ؟
،
رحنا ما بين ارحب ويا الله حيّه
اردّها له شوق ... وردّهـا لـي
،
أنا .. بـلاي النبـره النجديّـه
تجمع عليّ .. الأولـيّ والتالـي
،
ياهل ( دبيّ ) أحلامنـا ورديّـه
ياحلو رمس اللي رمس في بالي
،
عنده دعـاوي عاجلـه سريّـه
وش قال والله ما اذكره وش قالي
،
يمكـن علـوم اقلوبنـا مقفيّـه
قد قلتهـا مـا للمحبّـه والـي
،
هاذي بنيّه .. غيـر كـل بنيّـه
صحيح من قال البنات أشكالـي
،
أضحك لـجوّالي ويضحـك ليّـه
ماهو مصدقّ صوتها جوّالـي ؟



وسلمتوا ،،


لـ / سدآح العتيبي