’,’,’, تعالوا كل واحد يدور اسمه فيذا !! ’,’,’,

[تميمية سدير]

السلام عليكم ’’’

كيف حالكم يالله كل واحد يدور أسمه ’’’

ويقول رايه ’’’



العيــــــــــال ........... !!

فهد :
ولد يطلع زين وش حليله بس انه برباره يعني حتسيه واجد وغثيث

عبدالله :
هذا عله باطنيه مثل ما يقولون , اذا استلمك بالنصايح والحتسي تروح فيها وتصدع , وغالبا عنده عقده , وشعره عراده

عبدالعزيز:
هذا ما فيه عنده نص , اما شين والا زين

محمد :
تسذوب بخفة دم بس لو تشكه شوكه راح لامريكا يعالج من التهويل اللي فيه

خالد :
مؤدب , ويسمع كلام اهله وما يتاخر عن البيت وزين

سعد :
يمتاز سعد بالرشاقه وخفة الدم اللي مثل العسل

ناصر :
تسذوووووووووب , ويمدح نفسه واجد وفيه شوي حقد

راشد :
نفسه شينه بقوه ودايم يتلطم , مدري ليه ؟!!!!!

صالح :
اسم مهبول , تلقاه معاكس اسمه واحيانا عليه قل صح

احمد :
يلبس نظارات دايم ويذاكر واجد وغالبا زين شكله

سامي:
فيه شوي نجاسه ويستخف دمه دايم مع ان عليه طلعات مهيب شينه

عبدالرحمن :
جلف وعربجي

عادل :
على باله انه فاهم ويسوي حركات ماهو قدها ويتورط

سليمان :
كبير حتى لو انه بزر , مكبر نفسه ابو الشباب

حمد :
شين بس دمه خفيف راعي طلعات قويه

نواف:
نفسه بخشمه وشايف نفسه على انه زين وهو مقشع

منصور :
مسوي نفسه مثقف وهو ولا شي

يزيد :
يصير اسمر دايم ويبي يزين عمره بالقوه , ما يتعدى الحلاقين

جمال :
مطيع ومؤدب ويسمع كلام امه

نايف:
دايم يميل العقال على جنب , وما عنده ما عند جدتي




البنـــــــــــــــــات ......... !!

نوره :
عاقله وثقيله وتحل محل امها وهي اللي تصلح القهوه لابوها بس انها شينه

منيره :
سكتم بكتم , مالها حس اكثر وحده مظلومه في خواتها

حصه :
قشراء الله يكفينا الشر , لو تناظر فيها طبت ببطنك وعموما شينه هي

فاطمه :
زينه بس معقدها اسمها شوي وتحاول تتجمل قدام البنات اللي ما
يعرفونها بتغيير الاسم

هيا :
شيطانيه ومليقيفه , متوسطة الجمال

لطيفه :
محبوبه من اللي حولها لخفة دمها , غالبا تصير دبدوبه شوي

امل :
غثيثه من جد وفيها لقافه زايده

هيفاء :
وش كبرها بس عقلها عقل بزر

اماني :
مملوحه تسنها من ممثلات الهند

تهاني :
دابه سليمه مثل ما يقولون , مالها رائي

فوزيه:
دمها عسل وعصلا ومملوحه

هيله:
عاقله ولا تحسي الا للضروره , هاديه بطبعها

نوف:
حلووه , وفكرها عالي , بس شايفه نفسها

رنا :
هادييييييييييه ودلاختها قويه يعني ما تتكلم بس اذا تكلمت جابت العيد

منال :
ثقيله ومثقفه وفكرها راقي

العنود :
طويله وما تجلس بمكان واحد اكثر من خمس دقايق , ما غير تدور من زود اللقافه

مضاوي:
هذي مدلعه عمرها بقووه . فيها لمحه من جمال بس البنت آخر شياكه

سهام :
عاقله ومخها نظيف ( ماشاء الله ) بس عليها طلعات تكارنه احيانا بس اشوى ان هالطلعات نادره

وفاء :
غالبا تكون حلووووه , وبنت حلال يعني حبيبه

ملاك :
دلوعه وهاديه بس تجيها ام العبيد احيانا ويطلع لسانها الطويل

سعاد :
من اسمها باين انها قشراء وشيطانيه بس حلوه ولا هي مهتمه بنفسها

دلال :
اما شرانيه واما طيبه ما فيه نص

بدريه :
تطلع حلوه وحبوبه بس فاهيه شوي

لولوه او اللولو :
دبى ومحبوبه من الجميع لطيبة قلبها

افنان :
شعرها عراده ولاعبه فيه بالاستشوار شوي ويحترق , تحب تتجمل قدام الناس

دانه :
حلوه بس ما تعرف تكشخ مثل البنات , يعني انواع الالوان في الفستان الواحد وقصات شعرها دايم تفشل

جميله :
اسم على مسمى لكن ان ما طلعت زينه مره تطلع مقشع مره

مرام :
سمراء ومملوحه وهاديه

نجود :
دبدوبه وتحب تغني دايم . دايم تكتب مذكراتها مع العلم ان ماهنا شي يستاهل التعب , من المدرسه للبيت ومن البيت للمدرسه .. !!


اتمنى ان ينال اعجابكم هالموضوع المختار ’’’


:

:

:

آرٌٍقٌٍ آلتُِِّْـِِّـِِّ حٍّ ـِِّـِِّـِِّـِِّـِِّيَهٍَ ’’’

[المتأني]

كل من شافني قال أنت جلف و عربجي وش هالحظ .

ههه

لقيت اسمي وياليتني مالقيته .

بنت تميم تسلمين

دمتي بود

[لهفة الخاطر]

[align=center]

مالقيت أسمي

عادي حلو وعاجبني ...!!

_______[/align]

[تميمية سدير]

المشاركة الأصلية كتبت بواسطة المتأني   كل من شافني قال أنت جلف و عربجي وش هالحظ . ههه لقيت اسمي وياليتني مالقيته . بنت تميم تسلمين دمتي بود

يسلمك خيووو المتأني ’’’


أجل طلعت عربجي ......!!! ’’’


:

:

:

[تميمية سدير]

المشاركة الأصلية كتبت بواسطة لهفة الخاطر   [align=center] مالقيت أسمي عادي حلو وعاجبني ...!! _______[/align]

ليش زعلانه طيب من صالحك لا تتحطمين ’’’


منوووره لهوفه ’’’


:

:

:

[اااالرااااكد]

كلم نواعم

[مجنـ سدير ـونة]

للاسف مالقيت اسمي

[الوعد]

المشاركة الأصلية كتبت بواسطة   سعد : يمتاز سعد بالرشاقه وخفة الدم اللي مثل العسل

في هذي صدقتوا

[مشــاعر]

[align=center]
.
.
مالقيتــه ,, عاد اسمي متداول يعني ,,

مشكوره بنت تميم ,,



.
.
.

[/align]

[( عابرة سبيل )]

/
\


^_^

مالقيت اسمي
بس اسم امي موجود بس وصدقوا
ياحبي لأمي

:: شكرا بنوته ::

[بنوته جلاجل]

يووة حسافه مالقيت اسمي

يسلمووو خيتووو

دمتي بود

[عظيم الشوق]

اسمي :::::: احمد:::::::

صفاتي زينه الحمدلله

شكلرااا

[FATA--JALAJEL]

يزيد :
يصير اسمر دايم ويبي يزين عمره بالقوه , ما يتعدى الحلاقين



هههههههههههههههههههههههههه



اما وده يزين نفسه راحت عليك أخوووي يزيد هع هع




بالنسبة لي ما لقيت إسمي





مشكووووووووووورة بنت تميم على الموووضووووع الفله





تقبلي مروووووووووري






محبكم /






FATA--JALAJEL

[محمد المحارب]

[align=center]بسم الله الرحمن الرحيم
السلام عليكم ورحمة الله وبركاته
هههههههههههههههههههههه مقبوله منك يابنت تميم......واتمنى ان اسمى لا يكون مبني على دراسات واستبيانات وابحاث<<<<<<<<< خايف...........كان انواع ؟؟؟؟؟؟؟؟؟؟؟؟؟؟؟
اجل محمد :
تسذوب بخفة دم بس لو تشكه شوكه راح لامريكا يعالج من التهويل اللي فيه
ما اقول الا الله يساااااااااامحك. موضوع جميل .....ويونس.....
تقبلي مروري[/align]

[الورديه]

إسمي موجود..هع

وكلوا كلام صحيح..


تحياتي..