معنـآة بنآت حوطة سدير .. ومآذا ينقصهم ومآذا يحتاجون

[طفشنا من الكلام]

السلام عليكم ورحمة الله وبركاته
آسعد الله آوقآتكم بكل خير
آعضآء منتدى سدير ...
أتمنى ان يكون الجميع بصحه وعاافيه

سأطرح بين ايديكم .. وضع بنات حوطة سدير وكم يعانين
نحن احدى بنات هذي المدينه
نحمل شهادة ثانويه فقط
لم يكن لنآ نصيب في الاكمـآل بالكليه لظروف عديده .. سواء رسوب او ظلم او عدم تكيفها بالتخصص
حيث انهـآ كانت في وقتنا السابق 4 اقسام لغة عربية .. دراسات اسلامية .. كيمياء .. رياضيات فقط

الا يحق لنا ان يكون معنا خبرات .. الا يحق لنا ان يكون معنا دورات .. شهادات
نحن واصحاب الشهادات الجامعيه ايضا .. من اين لنا .. ونحن نفــتقر للمعاهد والمراكز والدورات بحوطة سدير
تلك المنطقة التي الآن اصبحـت [ مديـنـة صنآعيه ] [mark=#6b2594]!![/mark]

مدينتي حوطة سدير
.. مدينة صناعيه .. مدينة كبرى بالنسبة لما جاورها

لماذا لايكون دورات معتمدها بحوطة سدير معاهد ..
بتقولون الروضه فيها المجمعه فيها ومادري ايش
الحوطة شينقصها ؟؟؟ << من الحماس قلب الكلام عامي
وبعدين الى متى بنروح للروضه والمجمعه عشان ناخذ دورات او دبلوم .. المجمعه فيها معهدين فقط
والروضه التنـميه .. يعني يكفي عليــهم بنآتهم
دورة الحـاسب بالروضة الان اصبحت على 3 فتــرات لكثرة البنات والمقدمين على هذه الدورة

بنات كثير محتاجتها .. بنات كثير بالبيوت يبونها بس منعهم المواصلات
(( ممكن اسر ع قد حالها بتدبر حق الدوره او المعهد بتزيد عليه حق النقل بعد ؟؟ ))

ممكن يجيني احد يقولي كثير معهم شهادات ولا توظفو بس ع الاقل معهم .. لو اتصلنـا على التوجيه او المدارس
او اي جهه تخص التعليم لازم بيسالون معكم شهادة خبره .. كيف اجيب خبره ومـحـد وظفني ؟؟
ويسألون معك شهادة حاااسب ؟ او معـآرف .. كيف ادرسهـآ وانا بحوطة سدير ماعندي الا الكليه يا اكمل فيها يا بحط يدي على خدي
ياجممماعه الدول الثانيه صارت تلغي تخصصات بالجامعات لأنهم اكتفو منها واحنا مازلنا بكل جامعه او كليه نحط تخصص لغة عربية ودراسات ورياضيات وكيمياء
واحنا كل يوم نتطور ونحتاج لتخصصات جديدة تفيد الدولــة وتفيدنـا ..
نبي معااااهد بحوطة سدير للحاسب والانجليزي وادارة الاعمال ودورات جديدة تفيدنا بالبنوك والمدراس وكل مكان
اللي يعرف احد يكتب بالجــريـدة يكتب ويوصلها للكل .. اللي يعرف شخص مسؤول يقدر يسوي شيء يخبره بالمشكله
كل واحد يحط اخته وامه وزوجتـه مكانا .. عشان يتحرك ويتكلم

[mark=#e7dfed]ملينااااا .. طفشنا ااااا[/mark]
كل من يشوفنا يقول مادرستي ؟؟ ماكملتي ؟؟ ماتوظفتي ؟؟ ماقدمتي ؟؟
وماعرستي ؟؟<<!؟

بنااااااااااااااااااات حوطة سدير ابي اشوف ردودكم ورااايكم .. ويا رجال ابي اشوف فزعتكم لبنات ديرتكم وش بتقدرون تسوون

وانتو اكثر ناس عارفين الاوضـــاع والمعيشه ويد وحـــده ماتصفق وربي

..

بقلم :

مليت من البيت
طفشنا من الكلام

[مليت من البيت]

يَ طفشنـآ من الكلامـ اي والله طفش ـنـآ .. لـكـن آملي بربي ثم اعضاء المنتدى كبير .. !
ان شاءالله بنحص ـل آحـد بيكتب معاناتنا بالجريدة او لأي مسؤول ..
واكيييد بنات حوطــة سدير بيتفاااعلـون لأنـ الجرح واحــــد ..


وانا وحده من اللي عانـو كثير بالكلـــية بسبب بعض الدكاترة وكل سنه احمل موادهم انا وبنات كثير وبنسبه كبيييره وكل ما نشكي لاحياة لمن تنادي محد راضي يسوي شي والان بنات كثير جاهم
[ طي قيــد ]
وباقيات للإعـادة
[ وتجميد سنه ] > مصطلحات جامعيه ومازلنا نعاني
وانا تركت الكليه بسبب هالشيء
ونطالب بمعـآآآآهــــد ودورات حاااااسب لأن الثانووووي ماتكفـــــــــي

ياااارب تفرجها على الجميييييييييييييييييييييييييييييييييييع

[بنت عشيرة]

الله يعينكم والله
جلسة البيت تجيب الهمّ
حاليا مالك إلا تدرسين في المجمعة أو الروضة الين مايفرجها ربك

أدري ماجبت لك حلّ..بس المسألة مو بهالسهولة
ممكن تعرضون الفكرة ع أحد التجار في الحوطة بحيث يآخذ تصريح من وزارة التربية والتعليم بإنشاء معهد

[Dam'3ze]

الله يكون بعوونكم ..
اخواتي ...
ويسر اموركم ..
اتمنى ان احد يسمع لكم ويخدمكم ...
موفقين ..

[مليت من البيت]

بنت عشيره .. نورتي الموضوع وحلولك مثل ماشفتي كاتبينها بأول الموضوع
وموضوعنـــا هذا هو طلب للي قلتي عليــه وان شاءالله احـد التجار او المسؤولين يحاول يساعدنا في توصيل هالشيء
.. لأن جلسة البيت تعب نفسي
وكلام الناس تعب نفسي اكبر
واحنا منطقه متطورة عكس بعض القرى الثانيه المفروض يكون فيها هالأشياء

يعطيك العافيه

[بدر ولد ابراهيم]

وعليكم السلام ورحمه الله وبركاته

اختي كلامك من جد يعور القلب

وانا اايد كلام اختي بنت عشيره

مشاء الله عندك تجار في الحوطه مشاء الله عليهم الله يغنيهم

مفروض هم ياخذون تصريح من وزاره التعليم ويفتحون معاهد
وش ينقصكم عن الروضه والمجمعه ؟؟ ما ينقصكم شي

لو نعرف وشلون طريقة اخذ التصريح للمعاهد كان كلمنا التجار خارج المنطقه

بس اختي انتي ادرسي في الروضه ولا عليك صبر جميل والله المستعان



تقبلي مروري

[طفشنا من الكلام]

Dam'3ze
أمين وياك .. منورة

[فهد المنيع]

كلامك يا أختي واقعي وصحيح ..

الحوطة ماشاء الله منطقة تجارية ومدينة متطورة بشكل سريع وفيها كثافة سكانية كبيرة ومع ذلك تفتقر للمراكز والمعاهد والدورات بشكل عام ..

الكرة في ملعب أهالي الحوطة .. يجب التكاتف مع رئيس المركز لتلبية هذه المطالب .


الله يوفقكم

[نقــآء]

طفششنـآ من الكلآم
مليت من البيــت
المشششكله المعـآنـآة موبس بنات حوطه سدير
حتى اناا اللي برآ الحوطـــه عـآيششه نفسس المعااناة
مع اني في كليه الحووطه
بصصراحه سديـــر تحطيييم أمــــآل وامنيـآت وكل شي
مدري متى تتطور مثل العــآلم
الله يسسسمع منك يحطوون ادارة اعمـآل كان اول من يدخلها انا
والله ان الظلم لحد الاااااان مااااااااشي مع الدكاتره
حسبي الله عليهم

الـــرررررررررررررررســـــووووووووب بالهبــــل عندهم
شــآطررره ولا كسلآآآنه نفس المستوى راااسبه راسبه
والتقــآديــــر مـآيعطوونك حقك مثلآ ضمنتي انك بتاخذين في المواد ممتاز
واذا شفتي نتيجتك يطلع ياجيد يااامقبوووول
والبنت اذا درست اوول سنه لاززم تصير بااقيه للاعاده
وماينجح الا اقل من 7 بنــآت
لهدرجه ماافيه امـــآنه ولا ضمــييـــر
والمششكله هذي اوول سنه لي بالكليه شفت العذااااااب
المفرروض سعودين اللي يدرسوونا اجل كليه كاامله ماافيه الا سعودي وااحد معقوله ماا اخذ الدكتوراه من السعوديه الا وااحد
والبـــآقي جمهووريه مصصصر كلها
ولا المشرفه المصصريه نشتغل في كليه ابووها
مااتطلعين الا بأذن خروج سواء عندك محااضره ولا محااضرتين من 7ونص الي 9
وش يجلسسسني لين 2 وش اسوووي اطالع في اللي رايح واللي جااي
كل شي عندهممم ممنــوووووع
اي شي تبينــــه مـآتأخذينه الا بذل وإهـــآنه وعسـآهـآ تتكرررم وتعطيك اللي تبين
وربــــي عيـــــب احنـــآ في السعووديـــــــه واللي ينفذون اوآمرهم علينا مصرياات بالله مووو قهـــــر >>وربي بغيت اصصيح

واذا درسناا في المجمعه من يوديناا ابووي راايح جاااي
ورااهم دووام حتى اوولياء امورنااا
والمجمعه بعيييده بصراحه
واخوووي في الرياااض
وماافيه نقل يووديك ويجيبك
وش الحــل ؟؟

[ميسم العطاء]

السلام عليكم ورحمة الله وبركاته
أخواتي بنات الحوطة......مع التحيه..
صحيح الكل يشكي من معاملة دكاترة كليتكم
وتشتكون من عدم وجود دورات مثل الروضة والمجمعة
لكن......
حتى بنات الروضة يشتكون من عدم وجود كلية ؟؟؟
ونفس الكلام وش ينقصهم عن غيرهم ؟؟؟؟
يعني لازم نقل ومواصلات!!!!
يعني الحال من بعضه زي مايقولون!!!
لكن الشكوى لغير الله مذله,,,
والله يعين ويوفق الجميع...
ودمتم بود,,,,

[مجنونةالهلال]

الله يصبرررنا بس ع هالكليه حسبي الله ونعم الووكيل
انا بثــآلث والله انهم يظلمووني بالتقــآدير مايعطون البنت حقها
وتتكلمين لكن لا حياة لمن تنادي وهالمشررفه المصريه اللي حاطه دوبها دوبنا
ماغير متحكمه في كل شي واذ بغيتي تدخلين عليها لازم يكلمونها قبل
مصصدقه روحها هالمصريه
لانها مالقت اللي يووقفها عند حدها
استبشرنا خير بالعميد الججديد للكن ماعندك احد

تخيلوو نوقع ع خطابات واورااق نبي انظمه
لكن نتفاجاأ من العمييد يقول ماوصلني شي !!
اسألكم بالله ووين تروح ؟

غير القهوه ممنووعه + اذن خروج ممنوع الا اذا ذليتي نفسسك لهم
+ اسعار البووفيييه نــآآآآر كل يوم يزيدون + كأننا ندرس بمدرسسه من نجي واحنا كررف لحد الساعه وحده بدوون راحه بين المحاضرات

لكن مانقوول الا حسبي الله ونعم الوكيل

[مطربقه]

الله يعينكم لو يجدون حلول مؤقته
على الاقلا يقدمون دورات داخل الكلية !!
يعني قسم الحاسب او الانجليزي يوفر مدرسات تعطي كل يوم ساعه..
ومن المفترض يقفلون الاقسام الي فيها اكتفاء ويفتحون المطلوب في سوق العمل وخصوصا في منطقة سدير
موفقين عزيزتي وعساهم يسمعون صوتكم

[إشراقة فجر]

حياكم الله أخواتي ..

الله يفرج لكم ..

اقترح عليكم يا غاليات ليه ماتدخلوون دار التحفيظ ؟
تشغلون وقت فراغكم فيما ينفعكم دين ودنيا
ولا تنسون الأجر العظيم
حديث الرسول صلى الله عليه وسلم: « ما اجتمع قوم في بيت من بيوت الله يتلون كتاب الله- يدرسونه-ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة، وذكرهم الله فيمن عنده، ومن بطأ به عمله لم يسرع به نسبه"

وربي يوفقكم

[للصمت حكمه]

بالتوفيق ان شاءاللـّه
واللـّه يرزقكم الوظيفه عاجلا غير آجل..

[عيون عسليه]

الله يعينكم يارب وتعبرو بأم شوشه الى تجيكم المنقوشه
والله صدق الله يوفقكم.........
زي ماقالو اللي قبلي تعبروا الان بالي عندكم وباذن الله ربي بيفرجها لكم ......